|
|
 عزام فرح...مرحبا بالنقاش معاك بعيدا عن بوستاتي!
|
عزام
اولا مرحبا بعودتك عضو مهما كان مشاتر ولكن نتحملك تحت اسم الديمقراطيه
وبرضو بشكرك انه لغتك نسبيا تغيرت ربما لقبولك بالديمقراطيه
قديما قيل يا عزام لكل مقام مقالا.....
ورجاء اذا كان هذا رايك في عدد من القضايا التي تود مناقشتها معي كفرد سوداني مرحب بك
وبالمناسبه انت فرد سوداني فقط وانا (تيار عريض) وان رفض امثالك تصديق هذا الامر
مرحبا بمناقشتك لانك حتي لو طفل سوداني فانا ارحب بنقاشك
بس حكاية تلقي اي بوست لا علاقة له بمشاكلك وبقج غبائنك وما استعصي عليك من فهم في شخصية تراجي مصطفي او قيم (تيارها العريض)
فده ما بيديك الحق تجي تدش الدش ده....اها انا حفظته لك هنا لانه في النهايه جهد....وكتابه.....فلن امحيه بس عايزاك انت بنفسك تمسحه من هنالك
ولو عايز تعيد انزاله بطريقتك بتاعت الخط المكبر برضو مرحب بك......بس هنا وليس هنالك....اوكي.
Quote:
تراجي
الكتبْتيهو بِفوق ده كِتابة شعشعانِية.. كِتابة جميلة وحسيت إنها صادِقة.. أكيد صادِقة.. بس يا تراجي لامِن الزول يِحِب ليهو زول/حاجة/قِرد سنوات وسنوات، وما يِكون في مُقابِل ظاهِر لِحُبو ده.. حقو الزول يقعُد مع نفْسو ويسألا: [ليه أنا بحِبو قدُر ده وهو ما بِبادلني الشُعور؟]، يا تراجي إنتِ مجموعة مِن الحاجات كِده مُلخبطه لخبطه شديدة، كميات مِن التناقُض في بدن واحِد، مُسْترجِلة والعمل العام ما بحتاج لمرأة مُسْترجِلة، ياخ تاتشر الكان شُهرتا "المرأة الحديدِية" أكانت الأُنوثة بتنقِط منها نِقيط، كلِماتِك ضِد مِن يُخالفك عنيفة، بذيئة، زي قولِك هِنا ده لِواحدة قالت عن عضو هِنا ده : [فُلان الفُلاني راجِل] إنتِ بِبذائتِك قُلْتي ليها: [إنتي لو ما رقدتي معاهو عرفتي كيف إنو راجل][تلت بنات جامعات السودان عاهرات] وعادي بتقولي لِلرِجال: [يا باطل]. حقو يا تراجي -طالما بتعرفي تكتبي جِنِس الإنْدِياح أعلاه- حقو تراجعي إسلوبِك، وحقو الناس الوهم البِصفِقو عمال على بطال يِبطِلو نِفاق، أنا عارِف ما حتقدرو بس إن شاءالله على سبيل التغيير وكِده، وبعدين يا تراجي ما ضروري علشان تثبتي مُعارضتك للإنقاذ أو غيرا تتلصقي غصبًا عن أبو الخلفو الحركات المُسلحة فيهم، ما في ألف بني آدم مُتعاطِف مع قضايا الغرابا بِدون ما يفرِض روحو على تنظيماتُمْ، لأنو صوتِك وسط الغرابا بِرغم برتاوِية والدتكِ، صوت نشاز.. أشْتر.. مُقحم، إنتِ طوااااالي في صِراعات داخِل الجسم البتناهضي مِن خِلالو الإنقاذ، زمنك ضايِع في الصِراعات الداخِلية أكتر مِن صِراعِك مع الإنقاذ، ده لو إتجاوزنا وسمينا إجتماعات الإسكايب وكِتابات الإسفير نِضال.. ودايمًا وأبدًا بِكون الصِراع ضِدك مؤامرة دُبِرت لكِ بِلَيْل!
الواحِد كتير يا تراجي بِحِس إنو البتسوي فوقو ده -النِضال وكِده- إنو عرض.. فراغ.. ما بنشعُر إنو عِنْدِك قضية حقيقِية.. أنا ما بتكلم عن إنو ماف قضِية، أنا بقصُد إنتِ دي ما عنْدِك قضِية، علشان كِده ما عِنْدِك خُطوط حمراء.. ماف لين بِوقِفِك، وده ما شُكُر، ده بِنفِر مِنك أصحاب القضِية.. أصحاب الوجع الفي الأرض.. شوفو إنتِ ما مقبولة قدُر شنو مِن الأجسام البتتكلمي منها.. منصاتِكِ.. ده يطرُدِك وده يرفِدك وده يهمشِك.. وإنتِ سايقا العبط وتجي تسميهو بأسماء رنانة [مِن أجل القضيِة][تآمر قُوى الرجعِية][الذكورِية] ياخ إنتِ جميلة بو حريد!
تراجي عذبْتينا ياخ
الرقم الذي طلبته مشغول الأن أو خارِج الخدمة: حاولي مره أُخرى (جرس طويييييييييل) |
|
|
  
|
|
|
|
|
|
|
|
Re: عزام فرح...مرحبا بالنقاش معاك بعيدا عن بوستاتي! (Re: Tragie Mustafa)
|
يا عزام فرح
اولا تراجي مصطفي مشكلتها معكم و (معكم) دي تفهمها براك فيها ناس كثار من ذكوري الهامش الذين انتقدهم
سيده تسبق عصرها.....وده ما بنتظر امثالك ولا غيره من حملة الباس ورد يثبتونه لي او ينزعونه عني.
مشكلتها انها تتحدث بلغة عصر قادم......لن تفهمونه انتم ولكن سيفهمه اولادكم.
وهذا ليس تكبر ولا فلهمه بالدارجي ولكنه حقيقه شيئت ام ابيت.
| |
|
|
|
|
|
|
|
|
|
Re: عزام فرح...مرحبا بالنقاش معاك بعيدا عن بوستاتي! (Re: عبداللطيف خليل محمد على)
|
يلا يا عبد اللطيف ولا يهمك نقول اثنين في تيار (عزام) لن يلحق تيار تراجي و غيرك كان اشطر.
Quote:
عزام حسن فرح ..
يا ( أدرياتيكي ) ... (!!)
ألقاك وين أنا عشان أبوس على راسك ( المفلق ) دا .. |
بس عارف يا عبد اللطيف مدرستك السياسيه ما واقعه لي تماما احدهم هنا يشبه اسمك هذا كان (بعثيا)
وآخر كان( شيوعيا) عشان افهمك اكثر بحتاج اعرفك من وين و ياريتك تكون شجاع و تكتب لي انت من اي مدرسه سياسيه
سودان جديد ولا قديم
ولا بس فهم جلابه و غرابه و الاوهام ديك....
انا لا احتاجك لا احتج اذن عزام لاحب و طني و الذي كذب عزام حوله وقال انه لا يبادلني حبا.
لان التيار الذي اتحدث عنه كبير ويكفيني التواصل معهم ويوميا و الان بعضهم مجتمع معي بالاسكايب و انا اكتب و تلفوني يرن
ورسائلي تنهمر علي من كل تلفونلتي. و الحمد لله علي المحبه البتحيط بي.
| |
|
|
|
|
|
|
|
|
|
Re: عزام فرح...مرحبا بالنقاش معاك بعيدا عن بوستاتي! (Re: AMNA MUKHTAR)
|
يا سلاااام يا تراجي..والله بت حلال اني لقيت بوست جميل وإندياحي وشفيــف مثل هذا ممكن الزول يسألك فيه..
قبل شوية بقرأ في بوست عن منبر الهامش السوداني واستضافته لدكتور ابو الحسن فرح قريت ليك مداخلة كتبتي فيها :/
Quote: كثيرا ما تحدثت انا شخصيا هنا (اعني في المنبر) بان القبيله هي اصل الوعاء الانساني التي تستقي منه اصل القيم و الخلق الاجتماعي
واننا بذكرها او تناولها لا نعني قبلنة السياسيه السودانيه وانما اثراء تنوعنا و افتخارنا بها ومعرفة نقاط ضعفنا وقوتنا,وقد تناول هذه المفاهيم الاخ عيدروس في بوست له من قبل |
Re: منبر الهامش السوداني يستضيف الدكتور ابوالحسن فرح في ندوة...لوضع السياسي الراهن
فكرت افتح بوست اسألك يا تراجي اذا كنت عاوز ارجعك لوعاءك البتستقي منه قيمك وخلقك اخاطبك بي شنو او اردك لياتو لوعاء..
تاني قلت هذا لا يستحق بوست لأنه احتمال كتير تكوني ذكرتي وعاءك في احد البوستات وانا ما متابع حصيــف..
تاني قلت كدي بلقى مناسبة اسألك منها..
لكن هسع على حس هذا البوست الشفيــف الصريح قلت مناسبة اسألك سؤالي لو ما اعتبرتي فيها ثقالة او بيــاخة ..
مع خالص التقدير
| |
|
|
|
|
|
|
|
|
|
Re: عزام فرح...مرحبا بالنقاش معاك بعيدا عن بوستاتي! (Re: Tragie Mustafa)
|
| Quote: وكنت عايزه ارد لكن لو عايز ومصر تخرب البوست داك فتعلم تماما انني ممكن اخطاب بكري انه يسحب مدخلاتك |
تراجي.. يا زوله إنتِ وهم ولا شنو؟
أنا بكتِب في البكان البشوفو وفي الزمن البعجبني وبِالطريقة البتنفع معاي.. أنا مُصِر على حقي.. كَوْنِك تعتبِري مُداخلتي تخريب، ف ده فهم بِخُصِك إنتِ دي، أنا ما مُلْزم بيهو، وتهديدِك ما بِقسِم معاي.. مه
حقو يا تراجي تِنْشغِلي بِصدقِية كلامي الكتبتو، بدل ما تشتِتي لينا الكورة بِجاي وجاي، وإصلي ما حأرُد عليك هِنا بِحٌصوص إنْدِياحِك لِلبلد، الرد هِناك، هِنا بنسْتخدمو -أي ها العمود- لِشلاقة AMNA MUKHTAR وسربعه Al Sunda.. وكِده
| |
|
|
|
|
|
|
| |
Tragie Mustafa
عبداللطيف خليل محمد على
AMNA MUKHTAR
HAIDER ALZAIN
عزام حسن فرح
A.Razek Althalib
فيس بوك
تويتر
انستقرام
يوتيوب
بنتيريست