شخصي جدا !!

Quote: شايف قصة الهامش و المركز طغت على الموضوع الأصلي : طيب يا محمد سليمان و دينق .... و ربما تبارك : أولا : أنا ما دعيت أي زول لمقاطعة أي زول ... أنا اتكلمت عن نفسي و جيت أعلنت موقفي ... ثانيا : (الدماء التي سالت) دي أغلبها دماء ناس من الهامش و إن سكنو في المركز بحسب تصنيفاتكم . ثالثا : أنا ما ملزم أجيب ليكم ولا أوضح ليكم موقفي مما يحدث في دارفور ولا جبال النوبة و لا في أي مكان ! رابعا : فلنفترض إني ما حسيت إلا لمن راس السوط وصلني ... المشكلة شنو ؟!! ما ياهو إنت يا محمد سليمان من يوم ما إتولدنا ما عندك موضوع غير موضوع أهلك في دارفور ... و إنت يا دينق من شدة ما زعلان على أهلك في الجنوب ... بقى عندكم دولة و لحدي الليلة بتناضل ضد حكومة دولة أجنبية ... المشكلة شنو اني ازعل و أقرر مقاطعة أي كوز حزنا على أهلي ؟ ولا أنا ما عندي أهل ؟!! خامسا : أنا كجهد المقل ... قررت أقاطع أي مؤيد للكيزان لانهم كتلو أهلي بزعمك يا دينق ... انت ما قاطعتوهم ليه لمن كتلو اهلك ؟!. في الوقت الكانت حكومة ود الباوقة بتضبح في أهلك من الأضان للاضان ....إنت كنت بتنادي ود الباوقة بعبارتك الهزلية ( ود الباوقة اختشي ) حتى سارت بذكرها الركبان !! سادسا : التفسير العنصري للاشياء ده الخطاب المتبنياه حكومة القتلة و قدرت تقنع بيه نسبة عالية من الناس و بقى سبب أساسي لعدم خروج الناس لاسقاط النظام . سابعا: انت تتهم الناس بالعنصرية يا محمد الفاتح لانك عنصري و ما عندك أي تفسير لاي شئ سوي التفسير العنصري... حتى تعاطفك مع هذه الحكومة في أيامها الأولى كان لاسباب عنصرية و اختلافك معها الان لاسباب عنصرية ... زول بال mentality دي النقاش معاه بكون صعب الم يكن مستحيل !! ثامنا : س. أونلاين ده أعجب مكان في التاريخ : العنصريون هم من يتهم الناس بالعنصرية ... و الأجانب هم من يعطي صكوك الوطنية !! تاسعا : مافي تاسعا . عاشرا : برضو مافي عاشرا !!

(عدل بواسطة Deng on 10-01-2013, 03:36 AM)