|
|
 محمد وردي (اتعزز الليمون- عود)
|
..
كلمات : ازهري عبدالرحمن ابشام
الحان : محمد وردي
الاغنية للفنان محمد سلام الذي اشتهر بها بفترة من الزمان
*
*
مهداة الي كل عشاق الموسيقار وردي
|
|
 
|
|
|
|
|
|
|
 Re: محمد وردي (اتعزز الليمون- عود) (Re: محمد عوض السيد)
|
قام اتعزز الليمون عشان بالغنا في ريدو
بشكيهو للقمرة واشوفك من اجاويدو
حارق جوفنا ده الليمون نجض قبال مواعيدو
وهاري حشاي انا الليمون ورحنا نصيدو
عشان ما بنحنا بنريدو وراح صايدنا ده الليمون
قبال نحن ما نصيدو ليه صايدنا ياليمون
قبال نحنا مانصيدك عشان السمرة في خديك
وقلبي الشلتو في ايدك عشان نديان
لاني دوام بجيك فرحان
تشفقنا وتفرحنا وتخالف في مواعيدك
ودخلنا القمرة واسطة لانو القمرة بتريدك
عليك عينيهو ياقمرة حديثي معاك تسويهو
هناك في طابت الخضراء تشيلي الريد توديهو
بتلقي حنين بتلقي برا
بتلقي مستني في ضل نيمة
زي ليلاً بعد مطرة
بتلقي مندي ياقمرة
تقعدي معاهو ياقمرة
دقائق كان تريديهو
كان جيعان تعشيهو
كان زهجان تحجيهو
كان نعسان تلوليهو
وكان بردان ياقمرة
بي توب الحنان غطيهو
قولي ليهو الحكاية شنو ؟
حبيبك ورحت ناسيهو
وكان شتت دميعاتو الحنان
خفي عليهو ضميهو
| |
|
|
|
|
|
|
|
|
|
Re: محمد وردي (اتعزز الليمون- عود) (Re: نافع الكوماوي)
|
Quote: تحية مولانا
مررت بهذا البوست منجذبا للصوت الراقى وردى له الرحمة والمغفرة
عسى كذلك ان يمر به محمد عثمان ومعه (أسعد الأيام ) خاصة قد طال إنتظارنا |
سلامات عوافي
استاذ احمد الامين احمد
وردي جذب كل السميعة منذ بواكير بداياته الفنية ولازال صوته يصدح بكل انحاء السودان
ولا يعطي هذا سوي الانطباع بضخامة امبراطوريته في قلوب كل السودانيين ..
ومحمد عثمان حتماً سوف يمر بهذا التسجيل وهو من المتابعين لبرنامج ساعة بالعود واظنه وجده منذ زمن لكن بخل به علينا 
وفعلا طال انتظارنا لاغنيتي (اسعد الايام + السنبلاية)
لكن كلنا امل في قادم الايام او بهذا الربع ان نسمعهما
مع ودي
واحترامي
| |
|
|
|
|
|
|
|
|
|
Re: محمد وردي (اتعزز الليمون- عود) (Re: محمد عوض السيد)
|
..
قرات قبل فترة باحدي الصحف ان هذه الاغنية (اتعزز الليمون) قد قام بتلحينها الراحل وردي ليتغني بها بنفسه
ولكن لم تتم اجازتها من قبل لجنة النصوص , وبعد ذلك عثر عليها الفنان محمد سلام وتمت اجازتها وتغني بها وقد وجدت رواجا منقطع النظير بفترة السبعينات
وكان ان ادخلها وزير الثقافة والإعلام الراحل عمر الحاج موسى في احدي خطبه المعروفه وذكر ( إن الرئيس جعفر نميري يغني مع أهل السودان (قام إتعزز الليمون عشان بالغنا في ريدو)
..
| |
|
|
|
|
|
|
| |
محمد عوض السيد
احمد الامين احمد
نافع الكوماوي
فيس بوك
تويتر
انستقرام
يوتيوب
بنتيريست