|
|
 هدية العيد. جديد ساينفيلد. بس لو ما عندك موضوع.
|
انا بعتبر روحىbig fan of جيرى ساينفيلد. اظن انه ملك الكوميديا فى العالم. و البرنامج بتاعه واحد من ال DVDs القليلة جدا اللى اشتريتها فى حياتى. لو كان عنده عرض على اى مسافة اقل من 150 ميل. بمشي احضر العرض طوالى.
ساينفيلد معروف انه مهووس بالعربات. عنده كمية مهولة.
فى اخر موسم من مسلسله ساينفيلد, جيرى رفض عرض من القناة انه يدوه 5 مليون فى الحلقة الواحدة. قال بانه تعب و عاوز المسلسل ينتهى و هو فى القمة. الان ساينفيلد عنده برنامج جديد. عبارة عن ونسة مع كوميديين اخرين. ونسة حول العربات و حول الاكل و حول الكوميدى.المسلسل على الانترنت فقط. ومجان. it is really funny
البرنامج اسمه:Comedians in Cars Getting Coffee
ده لنك البرنامج: http://comediansincarsgettingcoffee.com/
هدية للجميع. الحلقات ما طويلة... حوالى ربع ساعة. لكن الناس دايما مشغولة عشان كده قلتا انبهكم انه الحلقة الواحدة حوالى ربع ساعة.
Enjoy
|
|
 
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: Zakaria Joseph)
|
سلامات يا زكريا...و الله اكرم.
فعلا اللى عمله رتشارد لويز ما بيغتفر. مع انه لارى ديفيد حاول يصلح القصة فى مسلسله Curb Your Enthusiasm on HBO . لكن ما اظن الى قاله ممكن الناس تنساه فى يوم من الايام. الكويس ان جيرى ما اتدخل فى الموضوع كلو كلو. اظنه انه علق بس بان صحبه ده ما عنصرى و باين انها زلة لسان. لكن كلنا عارفين انه ما فى زلة لسان بتجى ساى كده. لو ما الزول اصلا بيفكر كده.
| |
|
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: Zakaria Joseph)
|
| Quote: صاحبو كريمر و الذى لوقابلته بدخل اصبعى فى عينو. |
سلام زكريا
ههههههههه
ما عارفك زعلان منو ولا بتظهر
كريمر من اجمل الشخصيات الكوميدية الاتفرجت عليها
...........
سلام اسمارت
حضرت تقريبا كل اجزاء المسلسل
بى سبب الكوميديا الامريكيه ... بعدت تماما من اى برامج اخرى وخصوصا العربيه منها
مسلسلات اخبار .. كلو سبتو
الوقت البلقاهو للتلفزيون فقط ... مسلسلات كوميدية امريكية
| |
|
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: وضاح عبدالرحمن جابر)
|
سوري يا الجماعة الكوديان اللي قال الكلام السخيف هو مايكل ريتشارد و ليس ريتشارد لويس. أو الزول اللي كان ممثل كريمر.
سلامات يا وضاح. فعلا الكوميدي الأمريكية بتخرب الطبع. بتخلي الزول يشوف أي كوميدي أخري عبيطة. و طبعا ما كل الكوميدي الأمريكية سمحة لكن ساينفيلد من أجملها علي الإطلاق. و برضو مسلسل لاري ديفيد كيرب يور انثيىزيم.
| |
|
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: smart_ana2001)
|
انا احب فريجر لا لشئ و لكن للغة الانجليزية الرفيعة المستخدمة فيها من قبل كلسى قرامر. احب إبرى بودى لوبز ريموند و الراحل بيرنى ماك و العم بيل كوسبى و ابرى بودى هيتز كريس لاباس ابدا.
احب سلسلة سي اى اس, بوسطون لاو و معى تسجيلات بيرى ميسون و ماتلوك بتاع اندى غريفنز.
ياوضاح كريمر طلع عنصرى قبل سنوات .
| |
|
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: imad hassan)
|
العيد مبارك يا شباب.
تعرف يا زكريا ربنا اصلوا ما هون لي احضر فريشر. ريموناد فعلا ظريف و لما ألقاه شغال في قناة بتمه. أما كريس روك فانا أحسبه تاني افضل كوميديان علي الإطلاق. رغم ان اللغة مرات بتكون صعبة شوية. صعبة يعني ما ممكن تحضرها لو معاك أطفال.
سلامات حسن بشير، ديل يا أخوي الكوميديين يهود نيويورك. يقولوا للروباطاب: إيه العسل البينقط منكم ده!!!! زوجي ما بيحب لاري ديفيد نهائي. و ما بيستحمله و لا حتي دقيقة. لكن بيحب الكوميديا بتاعة ساينفيلد. و ما بيحب كرس روك لكن بيتكيف من لويس بلاك. غايتو. حب الناس مذاهب.
سلامات عماد حسن. جي لينو
Is a great entertainer
و ما أظن يتقلد بالساهل. مع انه باسم يوسف عامل شغل جميل في برنامجه اللي ذي برنامج جون استيوارد.
| |
|
|
|
|
|
|
|
|
|
Re: هدية العيد. جديد ساينفيلد. بس لو ما عندك موضوع. (Re: محمد البشرى الخضر)
|
Wow
شكرًا علي الخبر الجميل، يا ود البشرى. ما كان عندي أي فكرة أن الفلم ح يطلع السنة دي. قبل كم شهر سمعتا انه اشتن كوشتر شغال في الفلم لكن ما سمعتا ح يطلع متين.
ياريت لو أولادي أكبر شوية، كان سقتهم يحضروا الفلم may be they will get inspired
أتخيل الأحداث بتاعة الفلم دي كلها في الحقيقة ( و في التصوير للفلم) حصلت في مكان قريب جداً مننا. لما أكون حايمة في المناطق دي بشم ريحة الشطارة و القروش في الشارع :). كل الناس الحايمة في الشارع مشروع استيف جوب أو بيل قيتس أو الأولاد بتاعين قوقل جيد.
زكريا، كان كده- أكيد- ما بتطيق د. هاوس. :)
معقولة يا أخي!!! ديل أطعم ناس في التلفزيون. مسيخين لما طاعمين.
| |
|
|
|
|
|
|
| |
smart_ana2001
Zakaria Joseph
hassan bashir
imad hassan
محمد البشرى الخضر
فيس بوك
تويتر
انستقرام
يوتيوب
بنتيريست