|
Re: و اذكر فى كتاب المودة ............ (Re: أبوذر بابكر)
|
قول واحد
جورج بنيوتى
إنه كان من احبابنا السمحين لا يأتيه القبح من أمامه ولا من خلفه
كان نضم تنفرج اسارير اللحظة وينتشى المكان زى التكنو عريس مجرتق بى عطور الإلفة ومحاوط بى ملائكة الغبطة
واذا ادار قلمه على حزن دكالو
وما اظنو زلال يروينا غير زلالو
أو كما قال شيخنا صالح
| |
|
|
|
|
|
|
Re: و اذكر فى كتاب المودة ............ (Re: أبوذر بابكر)
|
قول اتنين
جبران
الساكن اعالى سموات البهاء والماسك سبحة الإخضرار الإنسانى الفريد حبة حبة يتمتم بى اسماء الألق الحسنى كلها
ونحن وراهو نشيل
وساعة يجيك تقول القمر الليله جانا بالنهار
وساعة يفوت
نقول الشمس خنّقت والعتمة تعمت الفجة
ونقعد ندق فى صفايح الشوق
وننده ربنا وجملة الصالحين
والزول السمح الفات كل شى
وكان شافو أى زول
يسعد وعمرو يطول
| |
|
|
|
|
|
|
Re: و اذكر فى كتاب المودة ............ (Re: أبوذر بابكر)
|
عزيزنا أبوذر ساعلين منك يامك . علك عافية ؟ وسلامات .. وينك ؟ وين حي ديك الكتابات ناطحات السحاب وناطحات الكلسترول والوجع ؟ ياخ حرام عليك . ياخ جرجر حروفك وجرجر حروف جماعتك الفوق ديل . المتمرد أسامة الخواض المتمرد شتات . المتمرد عادل عبدالرحمن . والمجموعة . سلامات
| |
|
|
|
|
|
|
|