|
|
 عودة زائري الليل "الحراميه" في الخرطوم ...وتزايد نشاطهم بصوره ملحوظه..
|
لعلها الظاهره الاكثر إقلاقآ ...تغط في نوم عميق لتستيقظ وتجد احدهم يقف على رأسك ممسكآ بسكين او ساطور...والاخر منشغل في البحث عما خف وزنه وغلا ثمنه...تتملكك الحيره والانزعاج وتستغرق وقتآ حتى تستدرك الامر وتفكر للحظات عن كيفية التصرف وانت في وضع لا تحسد عليه...فإن تأخرت في التصرف ضاعت ممتلكاتك وإن لم تحسب خطواتك بسرعه وحذر تلقيت إصابه يمكنها ان تكون مميته.
ولعل هذا مشابه لما حدث مساء الأمس لأخي الأصغر وهو يغط في نوم عميق في منزله...ليستيقظ ويجد احدهم يحاول ان يفتح مدخل الغرفه... وعند نهوضه للامساك به تلقى ضربه بسكين يحمله زائر الليل ..نحمد الله تعالى انها اصابت يده فقط ولم تتوغل في جسده...ليفر بعدها زائر الليل الجرئ.
الشاهد في الأمر أن الظاهره اصبحت منتشره ...وليس هناك أمل في القضاء عليها...والغريب في الأمر هو تشدق وزير الداخليه ووالي الخرطوم بإستتباب الأمن والتفاخر بسيارات الشرطه الجديده...ولكن واقع الحال لايسر ..فلا أدري ما تقوم به سيارات الشرطه وافرادها وزائري الليل يقضون مضاجع الناس ويسرحون دونما رقيب.
نحمد الله تعالى ان إصابة اخي لم تكن خطيره ونسأل الله تعالى ان يجنب اهلنا في السودان هذه المخاطر ومآلاتها.
|
|
 
|
|
|
|
|
|
|
|
Re: عودة زائري الليل "الحراميه" في الخرطوم ...وتزايد نشاطهم (Re: محمد المسلمي)
|
الله يسلمك اخونا العزيز محمد المسلمي
Quote: حمد لله علي سلامته والمسألة دائرة معالجة وإعادة حسابات الداخلية من جديد
-------
وفي حالة فشل الدولة الناس ترجع الي اسلوب الدوريات الليلية علي شباب الحي |
يبدو ان الجهد المبذول من قبل الدوله عجز في القضاء على الظاهره...ويبدو ان عودة الدوريات الليليه في الحي هو الحل الامثل بالرغم من برودة الطقس.
ربنا يجنب السودان واهله الفتن والمصائب.
مشكور محمد
ودي وتقديري
| |
|
|
|
|
|
|
|
|
|
Re: عودة زائري الليل "الحراميه" في الخرطوم ...وتزايد نشاطهم (Re: الشيخ سيد أحمد)
|
الأخ اسامه البيتي
تحياتي
Quote: هى دولة الهنا دى لسة ما فشلت؟!!!
آآى، شباب الحى يساهرو، عشان ما عندهم شغل فى الصباح!!!
الجامعات تخرج، و شغل مافى!!
|
في النهايه المتضرر هو الموطن المسكين...وعليه ان يبحث عن وسيله لحماية عرضه وماله دون النظر الى دور الدوله وفشلها في القضاء على هذه الظاهره المزعجه.
ربنا يجنب الناس الفتن والمصائب.
ودي وتقيري.
| |
|
|
|
|
|
|
|
|
|
Re: عودة زائري الليل "الحراميه" في الخرطوم ...وتزايد نشاطهم (Re: الشيخ سيد أحمد)
|
زائري الليلة معروف ان حركتهم بتنشط في الشتاء
ومابيجو الا وكت النومة السمحة ديك
بعدين في اقوال انهم عندهم مادة مخدرة بيرشوها علي الزول النايم يوتحوهو ليك مرة واحدة ويعملو الدايرنو
السنة الفاتت قصة طريفة
نمت ومعاي اولاد عمي اتنين عندي موبايلين N71 و N61 واحد في الشاحن والتاني تحت المخدة وود عمي التاني برضو تلفونو سمح والتالت تلفونو جيعان من النواكي القديمة ديل هههههههه اها الحرامي جاء ناطي شال تلفوناتي الاتنين وتلفون ود عمي السمح والتلفون التالت رفعو كدا وخت ليهو معاهو 5 جنيه ههههههههه وشال مفتاح العربية فتحا قلبا قلب مالقي حاجة وطلع برة طلع الشرايح ومعاهن مفتاح العربية ختاهن جنب الباب
عليكم الله الحرامي دا مو شفت؟
ومشي للجيران ود الجيران حلف قال لي اخر حاجة كنت بتذكر قبل ما انوم كان سماعة التلفون في اضاني بسمع في قران وبعديها نمت لما صحيت لقيت السماعة معلقة في الفاضي
بلدياتنا رباطابي قلنا ليهو خلاص تاني الواحد يخت تلفونو في الشاحن ويدسو تحت اي حاجة قال لكين يا الغبيانيين مابيعرف الجدول دا كابي وين؟ هههههههههههههههه
اكان راجيين ناس الشرطة يعملو حاجة صباحكم اصبح غايتو
هم ديل فايقين من الفنكحة بالعربات الجديدة؟ فالحين يشحطو بيها الصباح بس لزوم شوفوني وكدا وبالليل مابعرفهم بيطيرو وين
| |
|
|
|
|
|
|
|
|
|
Re: عودة زائري الليل "الحراميه" في الخرطوم ...وتزايد نشاطهم (Re: بكري الخير)
|
| Quote: هى دولة الهنا دى لسة ما فشلت؟!!! |
طبعا لسه مافشلت يا اسامه فى نظر محمدالمسلمى
نهاية الانقاذ فى راى محمد المسلمى ان تشرق الشمس من المغيب
مشكلتنا يا الشيخ زوار النهار وليس زوار الليل
زوار الليل مقدور عليهم
زوار النهار البدافع عنهم ودالباوقة ومحمد المسلمى يحلنا منهم رب العالمين
سلامة شقيقك من الحادث
| |
|
|
|
|
|
|
|
|
|
Re: عودة زائري الليل "الحراميه" في الخرطوم ...وتزايد نشاطهم (Re: أنور عبد الرحمن الشيخ)
|
حبيبنا "عصام"
سلمك الله تعالى من كل أذى.
| Quote: مشكلتنا يا الشيخ زوار النهار وليس زوار الليل |
أعتقد ان الإثنين مرتبطين ببعضهم البعض...أداء المهام وجودتها ينعكس على الوضع بصوره عامه...فما تفعله في نهار اليوم ينعكس في مسائه خصوصآ فيما يتعلق بالنواحي الأمنيه....لذلك أعتقد ان هناك تقصير في الأداء الشئ الذي يؤثر بصوره سالبه.
على الأجهزه الأمنيه ان تتعامل مع الظاهره بإهتمام أكبر قبل ان يتحول السودان الى "صومال" آخر.
ودي وتقديري.
| |
|
|
|
|
|
|
| |
الشيخ سيد أحمد
محمد المسلمي
بكري الخير
عصام علي أحمد
أنور عبد الرحمن الشيخ
مهيرة
فيس بوك
تويتر
انستقرام
يوتيوب
بنتيريست