|
Re: شيء يفرس - أكثر من الاخطاء الأملائية - عند المثقفين السودانيين (Re: زياد جعفر عبدالله)
|
Quote: ومن الليلة دي حأقدم استقالتي من مملكة الثديات، إنشا الله انضم لفصيلة التماسيح،
|
التعبيري الذهني يا زياد.. المقتبس من عبارة كتبها صديقنا حامد بدوي بشير في بوست بريمة بتاع (للوطنيين فقط).. ده ما خطأ طباعي..ولا انفعال..و انما غياب للوعي التعبيري..و التعمد في ارتكاب خطأ ذهني بالباب العديل.. ليه حامد تحديدا؟.. لأنو كاتب رواية و فاز بجائزة ( و تب مافي بغر ولا حسادة)..فتأمل..!
زياد ، حبابك يا صديقي...
كبر
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: Kabar)
|
Quote: التعبيري الذهني يا زياد.. المقتبس من عبارة كتبها صديقنا حامد بدوي بشير في بوست بريمة بتاع (للوطنيين فقط).. ده ما خطأ طباعي..ولا انفعال..و انما غياب للوعي التعبيري..و التعمد في ارتكاب خطأ ذهني بالباب العديل.. ليه حامد تحديدا؟.. لأنو كاتب رواية و فاز بجائزة ( و تب مافي بغر ولا حسادة)..فتأمل..!
زياد ، حبابك يا صديقي...
كبر |
الأخ الحبيب كبر كيفنك يا صديقي والله يا كبر دا خطأ غايتو - في رأيي- ممكن زي ما قلتا ليك ممكن يؤخذ و يرد فيه لأعتبارات العجلة و خلافه... لكن يا كبر يجيك زول (بغر) بتاعتك دي ينطقها وللا يكتبها ليك (بقر) زي دا تقول ليهو شنو؟؟
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: زياد جعفر عبدالله)
|
الغين و القاف ممكن تلقى ليها عذر بحكاية النطق مثلا يا زياد أو قرب المفاتيح لكن العذر في قلب الزين ذال شنو؟ ما في زول بنطق مزيد أو زيادة كدا "مذيد" و "ذيادة" حتى لو كان ألجن و الكارثة لما يقول ليك "أذكي" فلان أو فلان عايز "تذكية" دي بتغير المعنى تماما بالإضافة لأنو حرف الذال قاعد في آخر الدنيا في الكيبورد ما جمبو اي حروف تانية عشان اللخبطة, بالتالي البستخدمو محل الزين عايز يتفلسف ساي
________________________
طبعا مافي داعي نجيب سيرة الياء و الألف المقصورة, الكلام عنها بفتح مواجع مافي داعي ليها :)
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: محمد البشرى الخضر)
|
Quote: الغين و القاف ممكن تلقى ليها عذر بحكاية النطق مثلا يا زياد أو قرب المفاتيح لكن العذر في قلب الزين ذال شنو؟ ما في زول بنطق مزيد أو زيادة كدا "مذيد" و "ذيادة" حتى لو كان ألجن و الكارثة لما يقول ليك "أذكي" فلان أو فلان عايز "تذكية" دي بتغير المعنى تماما بالإضافة لأنو حرف الذال قاعد في آخر الدنيا في الكيبورد ما جمبو اي حروف تانية عشان اللخبطة, بالتالي البستخدمو محل الزين عايز يتفلسف ساي
________________________
طبعا مافي داعي نجيب سيرة الياء و الألف المقصورة, الكلام عنها بفتح مواجع مافي داعي ليها :) |
والله يا محمد مافي ليها أي عذر... زيها و زي أختها الذال و يمكن أسوأ!! وحكاية قرب المفاتيح دي في الكتابة...أها النطق دا يقولوا عليهو شنو ياخي أغاني...يقول ليك أقاني....معقولة ياخ؟؟؟ أقاني؟؟؟؟؟
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: زياد جعفر عبدالله)
|
زى نطق القاف غين ... وابدال بعض الحروف
ما اظنها اخطاء فى اللغه .. دى لهجات شاركت فى صنعها حاجات كتيره ... وما دمنا بنكتب باللهجة الدارجية عادى - وحسب رأيي - ممكن نكتبها مع النطق ..
كل الدول الناطقة بالعربية عندها لهجات محلية .. بتدمج فيها حروف .. وتغير نطقها كمان
واعتقد معظم لغات العالم فيها لهجات مختلفة للغه الواحده بتتغير فيها الحروف والنطق من منطقة جغرافية لأخرى
حاليا بننطق (تسعه) - ( تزعه) (والقاف) (غين ) (والثاء) .. (سبن)
وبعضنا بنطق (الحاء) (هاء) وووووو الخ
فاللهجات ليس أخطاء
طبعا ده عن حته النطق
اما عنوان الموضوع فطبعا يشير الى الاخطاء الاملائية وأعتقد دى ما مقصوده بيها اللهجات .. قدر ما مقصود بيها .. كتابة اللغه وحسب رأيي برضو البكتب باللهجة الدارجية .. ممكن يستخدم مفردات اللهجة بكل تبديلاتها وتغييراتها .. لانها حا تكمل المعنى وحا تكون مفهومه ومنطقية أكتر
اما البكتب باللغه الفصحى .. فملزم بى انو يتبع القواعد الاملائية والنحوية والبلاغية قدر المستطاع
تحياتي
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: وضاح عبدالرحمن جابر)
|
Quote: زى نطق القاف غين ... وابدال بعض الحروف
ما اظنها اخطاء فى اللغه .. دى لهجات شاركت فى صنعها حاجات كتيره ... وما دمنا بنكتب باللهجة الدارجية عادى - وحسب رأيي - ممكن نكتبها مع النطق ..
كل الدول الناطقة بالعربية عندها لهجات محلية .. بتدمج فيها حروف .. وتغير نطقها كمان
واعتقد معظم لغات العالم فيها لهجات مختلفة للغه الواحده بتتغير فيها الحروف والنطق من منطقة جغرافية لأخرى
حاليا بننطق (تسعه) - ( تزعه) (والقاف) (غين ) (والثاء) .. (سبن)
وبعضنا بنطق (الحاء) (هاء) وووووو الخ
فاللهجات ليس أخطاء
طبعا ده عن حته النطق
اما عنوان الموضوع فطبعا يشير الى الاخطاء الاملائية وأعتقد دى ما مقصوده بيها اللهجات .. قدر ما مقصود بيها .. كتابة اللغه وحسب رأيي برضو البكتب باللهجة الدارجية .. ممكن يستخدم مفردات اللهجة بكل تبديلاتها وتغييراتها .. لانها حا تكمل المعنى وحا تكون مفهومه ومنطقية أكتر
اما البكتب باللغه الفصحى .. فملزم بى انو يتبع القواعد الاملائية والنحوية والبلاغية قدر المستطاع
تحياتي |
وضاح تحياتي ما المشكلة مشكلة دارجي وللا لغة فصحى الأخطاء الأملائية أنا ما عندي معاها مشكلة في منبر حوار اسفيري زي دا ... (طبعاً عندي لو مقال في صحيفة بواسطة صحفي محترف..أو في البيانات الرسمية) المشكلة مشكلة خلط شنيع بين حروف لعدم المعرفة أو للفلسفة في النطق مما يؤدي الى تغيير (و ليس تقيير!!) المعنى..أضافة الى إيذاء أذن المستمع!!! ماممكن يا وضاح مذيع في التلفزيون مثلاً يجي يقول لينا: (في قياب الأمن..لي في غياب الأمن)!!!
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: Ammar Makki)
|
تحياتي لكاتب الموضوع والمتداخلين
هذه المشكلة ليست لدى السودانيين وحدهم غالبية الدول العربية لا ينطقون بعض الحروف بالنطق الصحيح. لقد عشت في احدى الدول العربية وسمعتهم حتى في نشرات الاخبار ينطقون وبالفم المليان كلمة ثورة (تورة) حرف الثاء يحولونه الى تا. اما في مجالسهم الخاصة فينطقون حرف الجيم (ز) مثلاء الجزائر تنطق عند العامة هكذا الززائر وكلمة متزوج تنطق متزوز
وفي دولة عربية اخرى ينطقون حرف الظاء ض مثلا ظالم تنطق ضالم
وامامكم مصر ام الدنيا (على قولهم) ينطقون حرف الجيم قاف مثلا كلمة جمال ينطقونها قمال مع تخفيف القاف ولايشعرون بالحرج حتى عند قراءتهم لنشرة الاخبار وكذلك حرف القاف ينطقونه الف مثلا قلم ينطقونها ألم
الخلاصة وحسب وجهة نظري بما انو نحن السودانيين انطبع على لساننا نطق حرف القاف غين والعكس فاعتقد حتى قيام الساعة سننطقها هكذا وبما اننا لسنا وحدنا الذين نقلب الحروف وتشترك معنا دول اخرى فاعتقد الموت مع الجماعة عرس ولا رايكم شنو
هشام حامد العبيد
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: هشام حامد العبيد)
|
Quote: عارف نفسي بنفخ في قربة مقدودة... |
Quote: الخلاصة وحسب وجهة نظري بما انو نحن السودانيين انطبع على لساننا نطق حرف القاف غين والعكس فاعتقد حتى قيام الساعة سننطقها هكذا |
لا أحبذ الركون إلى أننا "ننفخ في قربة مقدودة" أو العجز التسليم بأننا قومٌ كُتب علينا، وإلى الأبد، أن ننطق القاف غيناً والغين قافاً. الموضوع برأيي يجب أن يبدأ من أولى سنوات التعليم الأساسي (أو رياض الأطفال)، لأن التلميز الذي يحدثه معلّمه عن الأغلام.. والأرغام .. والغُرآن والحديس... و"الغارعة ما الغارعة" .. و "غال سُمّ من"؟، سينشأ وهو يرددها بذات الكيفية. وتظل المشكلة ـ كما قال الأخ ود البشرى ـ هي الكتابة وليس النطق. أكثر ما يحيرني هو ما ساد أخيراً من قلب الزاي إلى ذال.. وهو أمرٌ نراه في اذدياد
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: محجوب البيلي)
|
Quote: لخلاصة مشكلتنا كتابة ونطق وليس كتابة |
يا جماعة الخير ما تعصروا علينا شديد (رقم ان الفعل السغافي يغتضي جلد الزات احيانا،) لكن هناك مخرج يتمثل في كون ان الموت مع الجماعة عرس فلا تجلدوا ذواتكم صحيح ان حلاقيمنا تجد صوبة في اخراج حرف القاف من مكمنه ولساننا يأبي ان يكون فريسة للأسنان من اجل عيون حرفي الثاء والذال، لكننا لسنا وحنا في الساحة ففي مصر الشقيقة تجد مشكلة الثاء والذال وهناك ايضا مشكلة القاف التي تتحول إلى (الف) فما ابشع ان الصديق (صدئ) وان يحل ال (ألم) محل (القلم) وان يكون مجمع اللغة العربية (مقمع اللغة العربية) وفي الخليج يعاني القوم من الخلط بين حرفي الضاد والظاء، فالضيف يكون ظيفا ومن الظروري الإشارة إلى أن هناك كلمة يتيمة (ربما) في لساننا ننطقها مثلهم وهي كلمة ظابط وايضا يعاني حرف القاف الاضهاد ايضا في بعض مناطق الخليج حيث يحولونه إلى جيم فالفريق تنطق الفريج، الفريج اركان حرب
والحل هو و حسب قول الاغنية في نشأتنا الأولى زمن الطفولة وتفعيل دور المدارس في تصحيح الخلل وتحسين النطق للأجيال القادمة.
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: ود الباوقة)
|
صاحب البوست وضيوفه الكرام تحيه وسلامات وامتنان علي التنبيه
ان كانت المشكلة في النطق فقط فهذا اهون وقد نجد العذر علي ان اللسان جرى علي ذلك ومع هذا لا يعفينا من الخطأ .. ولكن ان يتبعه الخطأ في الكتابه فهذا أمر غير مقبول تماما
اكثر ما يؤلمني ان يكتب احدهم (ان شاء الله ) هكذا ( انشاء الله ) وتعالى الله عن ذلك علواً كبيرا
ومن الاخطاء الشائعة في الكتابه كلمة ( لكن ) فهي لها نصيب الاسد من الخرمة ( لاكن - لكين - لاكين )
لن تصدقوا ان قلت ان احدهم يكتب اسم الجلالة بالتاء المربوطه هكذا ( اللة ) لي صديق تقابلنا في احدى المنتديات ومن المفترض انه كاتب في احدي الصحف الخليجية ومصنف علي انه اديب وحوله من الهالة الاعلامية ما حوله - يكتب اسم الجلالة ( اللة )
ارسلت له رسالة يسبقها اعتذار ان هذا لا يجوز من كاتب كبير مثله ولكنه لم يتقبل ذلك مني ..
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: أبوبكر محمد عثمان)
|
Quote: ان كانت المشكلة في النطق فقط فهذا اهون وقد نجد العذر علي ان اللسان جرى علي ذلك ومع هذا لا يعفينا من الخطأ .. ولكن ان يتبعه الخطأ في الكتابه فهذا أمر غير مقبول تماما
اكثر ما يؤلمني ان يكتب احدهم (ان شاء الله ) هكذا ( انشاء الله ) وتعالى الله عن ذلك علواً كبيرا
ومن الاخطاء الشائعة في الكتابه كلمة ( لكن ) فهي لها نصيب الاسد من الخرمة ( لاكن - لكين - لاكين )
|
أبوبكر كلامك صحيح في مجمله لكن زي ما أنا قلت...الأخطاء الأملائية أنا شخصياً بشوفا ما مشكلة كبيرة...بالذات لي منبر أسفيري بتاع نقة زي بتاع بكري دا كلنا بنغلط لمن نكتب المشكلة في الذين يتحذلقون عند النطق و يقلبوا الحروف و يقلبوا كياننا معاها
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: محجوب البيلي)
|
عفوا اخوتى ربما مشاركتى خارج موضوع البحث ولكن لانها وقعت فى مصر وكانها فى السودان . لذلك وددت ان احكيها واذكر كنت ابحث عن مختبر طبى بالقاهره فسالت احد المصريين فدلنى على واحد بجوار مطعم الدوره فبحثت كثيرا عن هذا المطعم ولم اجده ولكن لحسن الحظ وجدت المختبر ولكن المطعم كان اسمه قدوره فهذه المره الاولى التى اسمع فيها القاف تنطق مثل ال الشمسيه فقلت فى نفسى ربى ذدنى علما.
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: ود الباوقة)
|
تحية لك الاخ زياد والمتداخلين
تعال على نفسك شوية واسمع الصحفى النابغة الهندى فى برنامج بعد الطبع فهو متخصص فى قلب حرفي الغين والقاف والذال والزاى بس انصحك تاخد حبة ضغط قبل ما تفتح القناة. اما الفنان ( المعلم)البقول ياروعة لو عز اللغا وفرقنا يا حلوة الغدر دى الروعة غاسم مشترك مابين وجيهك والقمر مع ان الاغنية حلوة.. لكن!!
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: Salah Habib)
|
Quote: تعال على نفسك شوية واسمع الصحفى النابغة الهندى فى برنامج بعد الطبع فهو متخصص فى قلب حرفي الغين والقاف والذال والزاى بس انصحك تاخد حبة ضغط قبل ما تفتح القناة. اما الفنان ( المعلم)البقول ياروعة لو عز اللغا وفرقنا يا حلوة الغدر دى الروعة غاسم مشترك مابين وجيهك والقمر مع ان الاغنية حلوة.. لكن!! |
صلاح و على أيه... كويس أنك نبهتني عشان ما أحاول أحضر البرنامج دا من الأساس.. ما ناقصين نحنا طمام بطن يا حبيب
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: محجوب البيلي)
|
Quote: الموضوع برأيي يجب أن يبدأ من أولى سنوات التعليم الأساسي (أو رياض الأطفال)، لأن التلميز الذي يحدثه معلّمه عن الأغلام.. والأرغام .. والغُرآن والحديس... و"الغارعة ما الغارعة" .. و "غال سُمّ من"؟، سينشأ وهو يرددها بذات الكيفية. |
يا سلام عليك يا أستاذ محجوب دا الكلام النجيض تعليم النطق الصحيح الذي يقع على عاتق المنظمات التربوية... المشكلة يا محجوب كان خربانة من كبارا...نسوي شنو؟؟
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: Dawalbait Hamid)
|
Quote: فجأة نسينا كل شئ وبقينا عـــرب لا هم لنا إلا مفردات اللغة العربية ده كلام شنو يعني |
ضو البيت الله يضوي بيتك بنوره إن شاء الله... عليك الله ركز معاي شوية.. الناس البنطقوا غلط لأنو ما بقدروا..أنا والله ما عندي معاهم مشكلة الزول الدينكاوي البجيني بي عربي جوبا دا انا عندي أحسن زول..والله أنا بتكيف شديد من عربي جوبا بالجد والله لكن الزول العامل فيها مثقف و مقددا...و يجي يتفلسف ليك بالذات في تلفزيون وللا إذاعي و يشبكك الهلال قلب المريخ...دا انا البسبب لي تصلب في المريء ذاتو!!!!
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: Wael Jabir)
|
الأحباء المتداخلين مختلفين و متفقين و ساخرين بحييكم فرداً فرداً و برد عليكم فرداً فرداً...الله يدي الوقت... أستميحكم عذراً ارد على وائل جابر لأنو مافاهم الموضوع كويس ... يا وائل جابر ياخ أها...أنا بغلط في الإملاء ولو قريت كلامي الأول و عقلته..لعرفت انو انا شخصياً ما عندي مشكلة مع الأخطاء الاملائية.. الواحد هنا يا عمك ما صحفي بصرف ماهية وللا بكتب ليهو في بيان حكومي أنا بتكلم هنا عن موضوع محدد قلب الحروووووف بالذات القااااف و الغيييييييين مماقد يغير المعنى...ودا مش في الكتابة دا في النطق بالتحديد
Quote: يحضرني هنا مثل سوداني بليغ لكن يعف عن ذكره لساني |
أييي عليك الله..الله يرضى عليك...المنبر ما ناقص بذاءات
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: زياد جعفر عبدالله)
|
Quote: يا وائل جابر ياخ أها...أنا بغلط في الإملاء ولو قريت كلامي الأول و عقلته..لعرفت انو انا شخصياً ما عندي مشكلة مع الأخطاء الاملائية.. الواحد هنا يا عمك ما صحفي بصرف ماهية وللا بكتب ليهو في بيان حكومي أنا بتكلم هنا عن موضوع محدد قلب الحروووووف بالذات القااااف و الغيييييييين |
شكرا، زياد...
أحكي ليك بالمناسبة دي:
مرة بسمع في الإذاعة حوار بين اثنين من كبار السياسيين السودانيين، واحد منهم بكل ثقة افتتح مداخلته قائلا:
أنا (رقم) إعترافي بيك ك(رغم)...
اللحظة ديك طوالي أنا غيرت الموجة
تحياتي...
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: أبوبكر محمد عثمان)
|
تحياتي للأخ زياد وبقية المشاركين
أظنها مشكلة متوارثة بمعنى أن أساس تلقي الطالب في مراحله الأولى من التعليم لنطق الأحرف بصورة صحيحة ومن ثم كتابة الكلمة بالصورة الصحيحة ( الإملاء ) له دور كبير فيما تفضلت به
ولعل حفظة القرآن الكريم أقل من غيرهم في مجتمعنا إصابة فتجد أن حافظ القرآن الكريم يجيد نطق الأحرف بصورة سليمة خالية من أي عثرات.
ولعلنا ركزنا على حرفى ( الغين ) و( القاف ) وتركنا باقي الأحرف مثلاً . . . حرف ( الثاء ) ينطق ( سين ) حرف ( الذال ) ينطق ( زاي أو زين )
عموما . . .
المتابع للكثير من المنتديات يلحظ أن الكثير من أعضائها يكتبون . . . ( لكن ) تكتب ( لاكن ) وفي بعض الروايات ( لاكين )
بعض المناطق في السودان . . . يضخمون نطق ( التاء ) المكسورة لتصبح ( دال ) مكسورة مثلا ( تِسْعة ) ينطقها البعض ( دِسْعة )
ولا تخلو دولة من الدول العربية من مثل هذه المشاكل . . .
بعض دول الخليج ينطق أهلها ( الضاد ) ( ظاء ) ( بيض ) تنطق ( بيظ ) (ولا الضالين ) تنطق ( ولا الظالين ) آمييييييين وهذا لعمري كارثة لأن اللغة العربية هى لغة الضاد كل الود
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: فايزودالقاضي)
|
Quote: هههههه يازياد ياخي انت في العنوان كاتب (أكثر الاخطاء الاملائية ) الاملاء الجابها للنطق شنو ؟!! |
هههههههه...والله يا ود القاضي!! أكثر من الأخطاء الإملائية (من) دي ماك شايفا يا ود القاضي؟...ياخوانا ماعندنا وكت نقعد نشرح في عنوان واااااضح زي الشمس... وائل خليهو...الزول كان فاهمني غلط بس... تعال أنت و جيب معاك وليد المبارك و ود الصايم ما بترشوني
| |
|
|
|
|
|
|
Re: شيء يفرس - أكثر من الاخطاء الأملائية - عند المثقفين السودانيين (Re: زياد جعفر عبدالله)
|
يا أخوانا عنوان البوست
Quote: شيء يفرس - أكثر من الاخطاء الأملائية - عند المثقفين السودانيين |
صاحب البوست والإخوة المتداخلين تركوا الموضوع الأساسى عن الأخطاء الإملائية ومسكونا نحنا ناس قريعتى راحت
قد نجد لأنفسنا العذر فى عدم المقدرة على النطق السليم ( لإعتبارات كثيرة) ولكن لاعذر لنا فى الأخطاء الإملائية
يعنى تفتكروا نعمل شنو مع بطل نكتة ود البوش ( الدهشة بت الهمارة) وكل إتجاهات السودان الخمسة تعج بمن يجد صعوبة فى مخارج الحروف
زد على ذلك ضعف المدرسين فى هذه الجزئية ( وفاقد الشئ لايعطيه )
وأخيرا لا يصلح العطار ما أفسده الدهر
وعليكم بحلقات القران للتدرب على مخارج الحروف
| |
|
|
|
|
|
|
غولي يغلغل الغاف غلغلة وغول قيري يقير القين تقييرا (Re: زياد جعفر عبدالله)
|
Quote: يُعد صوت القاف من الأصوات التي عانت كثيرًا من التغييرات التاريخية(1)، في اللغة العربية فإن مقارنة اللغات السامية، تدل على أنه صوت شديد مهموس، ينطق برفع مؤخرة اللسان، وإلصاقها باللهاة، لكي ينحبس الهواء عند نقطة هذا الالتصاق، ثم يزول هذا السد فجأة، مع عدم حدوث اهتزازات في الأوتار الصوتية، ففي العبرية مثلا: قُول Kand#333;l ، وفي الآرامية: قالا kàlà ، وفي الحبشية: قَالْ kand#257;l، بمعنى: "صوت"؛ في الجميع، وهو يقابل في العربية: "قَوْل"، وفي الآشورية: قُولُ kulu بمعنى "صراخ"(2). وقد عدّ قدماء اللغويين العرب " القاف " من الأصوات المجهورة(3) في العربية الفصحى، فإن صدق وصفهم إياها بالجهر، كان ذلك النطق من التغييرات التاريخية في العربية القديمة. وقد بقي هذا النطق المجهور في أغلب البوادي، في اللهجات العربية المعاصرة(4). وإن تقدم مخرجه إلى الأمام قليلاً وأصبح كالكاف الفارسية. غير أن هناك تغييرات أخرى كثيرة، طرأت على هذا الصوت في البلاد العربية، فهو ينطق صوتًا مزجيًّا ( affricate ) كالجيم الفصيحة، في بعض بلدان الخليج العربي كالبحرين، فقد سمعت بعض أهلها يقولون:" الجِبْلة " بدلا من: " القِبْلة ". كما ينطق في مدينة " الرياض " ونواحيها، في الجزيرة العربية، صوتًا مزجيًّا كذلك، غير أنه مكون من الدال والزاي ( dz ) في مثل قولهم : " دْزِبْلة " في " قِبلة " و" دزليب " في " قليب " وغير ذلك مما سمعته بنفسي هناك . وفي السودان، وجنوبي العراق، تحول نطق القاف إلى غين، ففي حديث إذاعي مع أحد السودانيين، وفي إذعة ركن السودان بالقاهرة، في شهر مارس 1978 وردت الكلمات التالية: لغاء، وغناة، ويغدر، والديموغراطية، وعلاغة، واغتصادي، وانتغلت، والاستغلال بدلاً من: لقاء، وقناة، ويقدر، والديموقراطية، وعلاقة، واقتصادي، وانتقلت، والاستقلال ... وفي اللهجة المصرية كلمتان قلبت فيهما القاف غينًا على هذا النحو هما: " يغدر" ومشتقاتها، بدلاً من: " يقدر ". و " زغزغ " بمعنى: حرك يده في خاصرة الصبي ليضحكه. والأصل فيها في العربية الفصحى: " زقزق " (5). كما تطورت القاف إلى " كاف " في نطق الفلسطينيين في المدن(6) فهم يقولون مثلاً: " كان " في " قال " و " برتكان " في: " برتقال " و " كتلته كتل " في: " قتله قتلا "، وغير ذلك. والتعليل الصوتي لكل هذه الانقلابات، سهل ويسير، فتأثير " قانون الأصوات الحنكية "(7) واضح في انقلاب القاف إلى نطق مزجي، في بعض بلدان الخليج ( كالجيم الفصيحة )، وفي الرياض وضواحيها ( دز ) . والدليل على ذلك أن القاف لا تعاني من هذا القلب، إلا إذا وليتها كسرة، تمامًا كما يتطلب هذا القانون(8). كما أن ضياع الانفجار من القاف، وتزحزح مخرجها إلى الأمام قليلاً، هو المسئول عن انقلابها غينًا في نطق أهالي السودان وجنوبي العراق . وكذلك انقلابها كافًا في نطق الفلسطينيين ليس إلاَّ تزحزحًا في مخرجها قليلاً إلى الأمام، مع ترقيقها، واحتفاظها بصفة الشدة في نطقها. هذه هي بعض التغييرات التاريخية لصوت القاف في اللهجات العربية المعاصرة، والتعليل الصوتي لحدوثها، غير أن ما يهمنا هنا هو انقلاب القاف همزة في لهجة القاهرة، وبعض اللهجات الأخرى. ويبدو أن هذا النوع من التطور في القاف قديم في اللغات السامية، فقد نقل ( بروكلمان )(9)عن ( ليتمان )(10) أن القاف تحولت في أعلام " الفينيقية " في بعض الأحيان إلى همزة، ثم سقطت، كما سقطت الهمزات الأصلية في الفينيقية، فمثلاً: العلم الفينيقي: Himalkart " حِمَلْقَرْت " تحول إلى Himalar " حِمَلرْ ". والعلة الصوتية في هذا التطور، تتلخص في أن مخرج القاف، انتقل إلى الخلف " باحثًا عن أقرب الأصوات شبهًا به من الناحية الصوتية، فتعمق القاف في الحلق عند المصريين، لا يصادف من أصوات الحلق ما يشبه القاف، إلا الهمزة، لوجود صفة الشدة في كل منهما "(11). |
____________ الحليلة
| |
|
|
|
|
|
|
|