|
Re: ياسر عرمان والخيانة العظمى (Re: Khalid Kodi)
|
Quote: حث وفد الحركة الشعبية الذي يزور الولايات المتحدة حالياً، إدارة الرئيس أوباما بعدم رفع العقوبات الإقتصادية على السودان حتى تفي الحكومة بإلتزاماتها تجاه الديمقراطية وحقوق الإنسان. وقال ياسر عرمان نائب رئيس قطاع الشمال في حلقة نقاش بمعهد ودرو ويلسون بواشنطن، إن على إدارة أوباما عدم مكافأة الحكومة برفع الحظر عنها مقابل موافقتها على إنفصال جنوب السودان.
|
هل من يصدق ان هذا الياسر كان مرشح لرئاسة جمهورية السودان؟
| |
|
|
|
|
|
|
Re: ياسر عرمان والخيانة العظمى (Re: الشفيع وراق عبد الرحمن)
|
عرمان وبقية الخونة والمأجورين يخططون في اتجاهين : الاول تعشيم الناس بي انو السودان ح يتوحد مرة تانية والتاني تعشيم الناس بي انو الحكومة ممكن تسقط قبل 7/9
هم يعلمون تماماً أن الجنوب والشمال لن يتوحدا مرة أخرى ويعلمون ايضاً أن حكومة الانقاذ غير قابلة للسقوط،، على الأقل في الوقت الحالي
موضوع اعادة الوحدة والكونفدرالية عبارة عن فرقعات بيطلقها عملاء الحركة، والقصد فيها عدم التشدد في مفاوضات الوضع النهائي، يعني طالما ح تكون في وحدة بعدين مافي مشكلة لو ابيي مشت الجنوب، وخلوكم مرنين معانا في الحدود لانها مؤقتة، وأدوا الجنوبيين جنسية مزدوجة لانه في النهاية ح تكون في وحدة و...... ا لقضايا دي لازم تحسم
اثارة الفوضى والبلبلة والمظاهرات واضراب الاطباء القصد منها هو هز الحكومة القصد منها هو تسهيل موضوع تفاوض الوضع النهائي مع اسيادهم الجنوبيين كلنا نذكر زماان لامن الحركة تتزنق، تقوم تسلط ناس عرمان ويطلعوا مظاهرات مستغلين احزابنا الشمالية المتعفنة الم نرى كيف تم تمرير قانون الاستفتاء ؟ وكيف تمت مقايضدته بقانون الامن الوطني
الشغلة وااااضحة اعصرهم هناك عشان يرخو ليك هنا وعشان ما نتظلم لازم نفاوض واحنا متوحدين والمكاسب التي سيحصل عليها السودان دائمة وللابد المؤتمر والانقاذ والبشير، كلها اشياء مؤقتة والوضع النهائي هو ما سيدوم لذا نقول: اعزلوا الخونة والمأجورين اعزلوا من يخدم مصالح الاعداء اعزلوا من يطالب باستمرار العقوبات الامريكية
ح تتجلد والشمس ضحى يا عرمان يا رمز الخيانة ولا نامت اعين الجبناء
| |
|
|
|
|
|
|
Re: ياسر عرمان والخيانة العظمى (Re: الشفيع وراق عبد الرحمن)
|
عندما يكون الطرح غير موضوعى ويتخبط الطارح يميناً ويساراً ويغلب الحقد على موضوع النقاش .. فى مثل هذه الحالات يبقى من المفيد تجاوز هذا النوع من الحاقدين وعدم مناقشتهم وتركهم فى حقدهم يمعهون ويجلدون ذاتهم بذاتهم .. فما أقصى جلد النفس لانه بالبلدى كدة (ما عنده موضوع)
| |
|
|
|
|
|
|
Re: ياسر عرمان والخيانة العظمى (Re: الشفيع وراق عبد الرحمن)
|
Quote: هل افهم من كلامك يا علاء انك تؤيد عدم رفع الحظر عن السودان وتطالب بضرب الحكومة؟ |
وزيادة الحظر والقبض على كل اللصوص المنتشرين في أصقاع السودان ،،
اليوم قرب وأحسن تحافظوا على عملكم في الخليج لحد ما تحصل تابعية أحسن ليكم من متابعة أحفاد حاج نور
| |
|
|
|
|
|
|
Re: ياسر عرمان والخيانة العظمى (Re: Mutafa Gasim)
|
Quote: السودان لن يتوحد مرة تانية |
طيب.. دة طبعاً إعتراف خطير.. كأنك تقول اتممنا دورنا في تمزيق السودان على أكمل وجه .. إذاً آن لسيدتنا أمريكا أن تجزينا المكافاءة.. و لا أرى عظمة للخيانة أكبر من ذلك. الخيانة العظمي لمن سرق السلطة بليل .. لمن قتل و سلب و نهب و شرد الملايين.. الخيانة العظمي لمن مزق وحدة البلاد خدمة لاجندة ما ...درى او لم يدري.. الخيانة العظمي لمن زور الدستور و اختطف ارادة الجماهير.. الخيانة العظمي لافتة كبيرة بوجه من قتلوا الطلاب العزل لمن قتلوا المواطنين البسطاء الشرفاء في بورتسودان و في كجبار لمن فرطوا في تراب الوطن فاصبحت نهشاً لدول لم تسطع يوما ان ترفع نظهرها تجاه السودان من شدة الأدب و التأدب..
الشفيع أخوي.. لغة الاستهبال السياسي لم تعد تجدي ، هذا عصر التوثيق فلن يضيع حق سلب و لا شرف انتهك و ساعة الحساب آتية لا ريب فيها قريبا او بعد حين.. و سنراكم مهطعين مقنعي رؤوسكم لا يرتد اليكم طرفكم و أفئدتكم هواء
| |
|
|
|
|
|
|
Re: ياسر عرمان والخيانة العظمى (Re: أمير فتحي)
|
Quote: نفهم من كدا إنو عرمان كان عايز الحكومة ترفض الإنفصال وتعلن الحرب ضد خيار الجنوبيين |
لا يا استاذ امير فتحي الذي كنت تبحث عن الشهادة في الجنوب عرمان كان عايز تحقيق الهدف الذي قاتل من اجله واختار طريق الموت سبيلا عرمان كان عايز ناسك ناس الوطني ينفذوا الاتفاقية بالصورة التي تجعل من الوحدة الخيار الاول - عرمان عايز سودان المواطنة سودان خالي من فساد الكيزان - سودان المؤسسات لا سودان الجهويات والشلليات معليش يا امير ممكن سؤال لماذ كنت تقاتل اهل الجنوب في الجنوب وهل تحقق الذي كنت تقاتل من اجله
| |
|
|
|
|
|
|
Re: ياسر عرمان والخيانة العظمى (Re: علاء الدين صلاح محمد)
|
نعم يالأستاذ علاء الدين صلاح الذي كان ولا زال يبحث عن الريال في دهاليز الأقمشه وباب شريف
عرمانك هذا طالما رافض الموضوع بتاع الانفصال ماكان يقاتل بذات الشراسه ضد الانفصاليين في الحركة والذين هزمو مشروع سودانه الجديد وقذفو به الى سلة المهملات ...ولا بس حقيرتي في بقيرتي لاقي المؤتمر الوطني المسكين دا يشيل ويلبع فيهو.....
بنصحك وعرمان تخلو البكاء علي اللبن المسكوب وتعاينو للمستقبل بعيون قدر الفنجان
| |
|
|
|
|
|
|
Re: ياسر عرمان والخيانة العظمى (Re: أمير فتحي)
|
الاستاذ امير انا لم اقصد شخصنة القضية بقدر ما كان هدفي من المداخلة ان اوصل لك ان مشروعكم الحضاري لم نجني منه غير الذي تراه اليوم انفصال وفقر وفساد ومعسكرات ولجؤ ومناوشات بل واقتتال وربنا وحده يعلم ما سيحدث غدا انتو المحتاجين تفتحو عينونكم زي الريال عشان الجنوب يرجع وعشان دارفور ما يلحق الجنوب وكردفان يلحق دارفور والشرق يحلق كردفان وعشان معركة العكاكيز في بنا بين دناقلة المؤتمر وشوايقة المؤتمر ما تتحول الى معركة بالكلاش وبعد ذلك تتدخل جامعة العرب وتطلب من الكفار التدخل
اخوي امير انت زعلت ولا شنو بالمناسبة انا عشان الريال واللقمة الحلال الان في مدينة صغيرة في حدود فيتنام مع كمبوبديا وشبه مستقر في هذة البئة الصعبة يعنى حدي مش باب شريف وانت وسط اهلك تنعم بهواء وتراب الوطن في ظل حكومتك التي وفرت لك ما لم توفرها لغيرك من المهجرين والمهاجرين على العموم لك تحياتي
| |
|
|
|
|
|
|
Re: ياسر عرمان والخيانة العظمى (Re: علاء الدين صلاح محمد)
|
علاء الدين صلاح ...أفووو...معقوله أزعل منك وأنا أكتر زول بعرف نقاء سريرتك وصدقك في هذا المنبر وأنت صاحب أفضال علي مابنساها ونحن أولاد مجال واحد جمعتنا الصداقه والعمل ...أزعل منك كيف ؟
يازول أنحنا البينا مابهزو ريح ولا يمكن للإختلاف السياسي النيل منه...لكين شايفك بتكلمني بجفاء كدا ياخي ليه ماعارف ؟ هاهاهاهاهاها
أنا صحبي صحبي وبعزو حتى لو كان في أقصى اليسار ...موش حزب أمه راقي وود أنصار زيك
المهم ...أنحنا هرمنا ونجضنا في هذه المواضيع (السياسيه والذي منو ) وبقينا روحنا رياضيه جدا...ماتخاف
بالمناسبه أنا رجعتي السودان كانت مجرده من أي مساعده من طرف الحكومه إياها ...يعني سوق الله أكبر ماداير ليهو واسطه ولا كيف ؟
Quote: وعشان معركة العكاكيز في بنا بين دناقلة المؤتمر وشوايقة المؤتمر ما تتحول الى معركة بالكلاش وبعد ذلك تتدخل جامعة العرب وتطلب من الكفار التدخل
|
الوصف غير دقيق تماما لا توجد معركه ولا يحزنون ...إختلاف في وجهات النظر في بعض الأمور ولا تأخذ هذا البعد القبلي بتاتاً ...أسمع النجيضه من أخوك
Quote: مشروعكم الحضاري لم نجني منه غير الذي تراه اليوم انفصال وفقر وفساد ومعسكرات ولجؤ ومناوشات بل واقتتال وربنا وحده يعلم ما سيحدث غدا |
إنفصال دا إنجاز وأسأل منو ناس الحركه الشعبيه وخساره لحكومة الشمال وتضحيه ...الفساد ترا أعلنو عليه الحرب لو أنتا مامصدقم المصدقنهم كتار والعبره بالخواتيم
مودتي
| |
|
|
|
|
|
|
Re: ياسر عرمان والخيانة العظمى (Re: Nazar Yousif)
|
يا اخوانا ياسر سجمان بتاع الساعه كم..... منو هو الراجل ده عاملين ليهو شنه و رنه.... عميل و ماجور ما في شك.... غير وطني و عمل جادا لتفكيك البلد.... و الله انا ما عارفو شمالي ولا جنوبي.... لو شمالي ما أظن نجد له غير لفظ خااااااااين.... لو جنوبي داير شنو بي دوله الشمال.... الحركه الشعبيه بتقفل في مكاتبها بالشمال.... سجمان لايص ما عارف يسوي شنو...... قال أجي امريكا وأوطد سياسه التمكين في الشمال عشان الحكومه ما تطردني..... احسن حاجه اعملها اقول ما ترفعوا الحظر..... الشماليين حا يخافوا و يقولو خلوهو في الخرطوم عشان ما يعمل لينا مشاكل.... السجمان ما عارف انو لو الخرطوم قالت ليهو خلاص اقعد الشعب لا يريده..... الراجل حيران..... ما عارف يسوي شنو.... الشمال خلاص زهج منو ومن حركاتو..... التحت تحت والمستورده..... الحركه الشعبيه عاوزه تختو في الرف.... خلاص اكلو لحم واجدعو عضم..... قالت سجمان وآخرون يخلقون المشاكل للشمال والجنوب.... قالو ما عاوزينو خلاص....سجمان يذهل ويجن جنونه.... خليني اعمل حاجه سريعه جدا... أعيد قليل من الأضواء.... امريكا وما إدراك ما امريكا.... اي واحد ضائع هويه لاماه.... اي واحد يخدم ال سي اي ايه حاضناه... اي واحد ضد بلدو اوياه.... الفاتوره شنو.... اخدم مصالحنا... مصالح ولاد اسرائيل ..... هدم الاسلام.... تفكيك المسلمين.... ياخدو الدايرنو منك.... بعد داك يجدعوك... ويحاربوك... ويقولو عليك ارهابي... مع انك من اولاد لينين... والعياذ بالله.... زي ما عملوا لي ناس طالبان... وصدام.... و ولد لادن... و عييييييييييك ..... كلام ربك ماتنساهو.... لن ترضي عنك اليهو... والنصا..... ما قلت ليك ما مكمل الاسلام...... خلاص ملت منو ومن بقبان من دوله جنوب السودان..... ما خلاص بقي اجنبي لي.... ما عندي معاهو شغله.... بس هو ما يتدخل في شئون دوله الشمال.. المهم سجمان الرفيق....لا يهمه شعب....يدمر شعوب عشان يلقي مراده..... الفرق بينو وبين القذافي شنو... الثاني يقتل شعبه بالسلاح.... والاول يخون اهله الشماليين مع امريكا.... وبن الله قال والرسول قال.... ما تعتقد أني مكمل الاسلام... لكن وطني وطني وطني... احب اهلي..احب عزه.... ومن لا يحب عزه ليس له والد او والده او اهل.... لا يمكن ان اتحالف او أحرض علي فعل ضد عزه.... افهم يا سجمان..... في الصمت حكمه... و قريب حا تعرفو.... الهم عجل بيوم ١٥ يوليو.... عشان نرتاح من السجمان... الهم لا توفقه في اي عمل ضد عزه.... الهم لا تسدد خطاه حتي يتم رفع الحظر المفروض علي عزه..... من اجل رفعه عزه.... مجد عزه.... عزه عزه.... أميين يا رب العالمين.....
| |
|
|
|
|
|
|
Re: ياسر عرمان والخيانة العظمى (Re: Adil Bashier)
|
Quote: وصف الاستاذ كمال عمر عبد السلام الامين السياسي للمؤتمر الشعبي الطيب مصطفى بـ (الخائن الاعظم) لانه كان أحد أسباب تمزيق البلاد بالانفصال ، ولا يزال يواصل دوره في تمزيق النسيج الاجتماعي والذي تشكل في عملية تمازج امتدت لمئات السنين ، حتى قبل ان يصل أهله للسودان . وأضاف انه لو كانت هناك سلطة وطنية وأجهزة عدلية مستقلة لعلقته على حبل المشنقة ، ولكنه يمارس خيانته للبلاد تحت مظلة السلطة . وزاد كمال عمر انه كان يتعامل مع الطيب مصطفى كشخص ######## لا يستحق الرد ، ولكن مادام يريد استخدام الأجهزة العدلية لقيادة حملة تخوينية بدأت بالاستاذ ياسر عرمان ، فانه سيفتح بلاغات في مواجهة الطيب مصطفى ، وسيدعو المحامين والوطنيين للتوقيع على عريضة الاتهام . ومن ناحية أخرى علق كمال عمر على حديث على عثمان محمد طه عن نيتهم مكافحة الفساد والمحسوبية قائلاً بان معقل الفساد هو السلطة نفسها ، حيث تحول الفساد حالياً الى امبراطورية ، تشمل منسوبي السلطة ، وتمتد الى القضاء الذي صارت لديه طلمبات بنزين ومزارع أبقار ! وكذلك الى اخوان الرئيس وأسرته . وأضاف بان محاربة الفساد الحقيقية تتم برحيل السلطة الحالية ، لانها هي التي تعوق مطلوبات مكافحة الفساد ، كالحريات والمساءلة والقضاء المستقل . وقال بانه مقارنة بالانظمة التي سقطت كالنظام المصري ، فان نظام المؤتمر الوطني هو الاسوأ ، لانه حول أجهزة الدولة كلها الى أجهزة حزبية . وأضاف بان القادم أسوأ ، بعد انفصال الجنوب ستفقد المحكمة الدستورية صفتها الدستورية وسيتعزز طابعهاالحزبي . وسيتحول المجلس الوطني الى هيئة شورى تابعة للمؤتمر الوطني . وكذلك مجلس شئون الاحزاب . وأردف انه بالتالي لن توجد اي مؤسسة مرجعية تحظي بالاحترام . وستزيد وتائر التنكيل والقمع . وعن استفتاء دارفور المزمع ، قال انه لا يوجد سند دستوري أو قانوني له ، وحتى صاحب اتفاقية أبوجا ( في اشارة للقائد مناوي) تركها ويقاتل الآن في الميدان . وتساءل كيف يمكن تنظيم عملية استفتاء ولا تزال دارفور في حالة حرب؟! وأضاف بانهم مع اسقاط النظام ، ولن يتراجعوا عن هذا الهدف ، وان البلاد الآن تغلي كالمرجل ، وتجمعت فيها نذر الثورة ، فاذا لم تتحمل القوى السياسية مسؤولياتها فان قوى التغيير ستتجاوزها ، ولكنه أردف بان غالبية قواعد القوى السياسية مع التغيير . |
للاستاذ امير فتحى الذي قال بصدد الفساد دقت ساعة العمل : ومن ناحية أخرى علق كمال عمر على حديث على عثمان محمد طه عن نيتهم مكافحة الفساد والمحسوبية قائلاً بان معقل الفساد هو السلطة نفسها ، حيث تحول الفساد حالياً الى امبراطورية ، تشمل منسوبي السلطة ، وتمتد الى القضاء الذي صارت لديه طلمبات بنزين ومزارع أبقار ! وكذلك الى اخوان الرئيس وأسرته . وأضاف بان محاربة الفساد الحقيقية تتم برحيل السلطة الحالية ، لانها هي التي تعوق مطلوبات مكافحة الفساد ، كالحريات والمساءلة والقضاء المستقل .
ولك يا هندسة من الكوز المعتق كمال عمر عبد السلام : قال بانه مقارنة بالانظمة التي سقطت كالنظام المصري ، فان نظام المؤتمر الوطني هو الاسوأ ، ولك ان تتخيل الوسيلة التي سيتخدمها الاسلامي كمال عمر عبد السلام للاطاحة باسوء نظام في المنطقة لك ان تحمدالله ان الاستاذ كمال عمر عبدالسلام صوتو ما مسموع في اميركا والا كانت مقاتلات الكفار تمطر عاصمة المشروع الحضاري ما قلنا ليك البعض يرى ان السيد ياسر عرمان رخو ولين حين يكتفى فقط بحض الاميركان عدم رفع الحظر الاقتصادي عن حكومة المؤتمر الوطني
| |
|
|
|
|
|
|
Re: ياسر عرمان والخيانة العظمى (Re: Nazar Yousif)
|
Quote: نقول لرهط الشامتين إن السودانيين الجدد سيبقون،إن انفصل الجنوب، تحت خيمة ما تبقى من السودان، لا يقتلعون منه إلا يوم أن تقتلع الخيمة". تكاثر الزعازع وتناقص الاوتاد . دكتور منصور خالد |
أبو النيز باشا
كلام نظري قديم لا يلبي متطلبات الواقع مامعانا...نحن على أعتاب دوله جديده ...كلامك بتاع السودانيين الجدد والسودان الجديد دا أمش أقلع حقو من سلفا وباقان لأنهم هم المسؤولين الأوائل من تصييع المذكورين في الصور أعلاه...بعدين ياتو خيمه وياتو تقتلع دايرين تعملوا شنو في السودان دا تاني أكتر من العملتو ...الصفوف إتمايزت وكل زول يتلم في دولتو ....
وياسر عرمان أنصحوهو إذا أراد أن يكون سياسياً نافذا في دولة شمال السودان الحديثه وتشرئب له أعناق المهمشين كما يدعي الدفاع عن قضيتهم أن يكف عن معاقبتهم مع حكومة الإنقاذ ...لأن عدم رفع اسم السودان من قائمة الدول والحصار الاقتصادي المتضرر منه الشعب أولاً وأخيرا
| |
|
|
|
|
|
|
Re: ياسر عرمان والخيانة العظمى (Re: Nazar Yousif)
|
نزار يا اخوي عليك الله قول لي صاحبك اتعلم من الايام شوية والمؤمن لا يلدغ من جحر مرتين وقول ليهو يبطل الدهنسة والمحركة مع من في الصورة العمالة الظل يمارسها لاكثر من 25 عام مع ناس الحركة استفاد منها شنو؟ ما اهو في الاخير رموهو متل الشيء الكعب وباقان قال ليهو الحمار لامن يوصل الزول ما بخش معاهو
تحياتي يا صاحب
| |
|
|
|
|
|
|
Re: ياسر عرمان والخيانة العظمى (Re: Nazar Yousif)
|
الأخ الشفيع اذا اعتبرنا المؤتمر الوطنى ( سارق الاسم ) وليد شرعى لما يسمى الحركة الاسلامية السودانية ( الجبهة الاسلامية ) سيكون أقدم من الحركة الشعبية وليس بالضرورة أكثر فهما.
Quote: الوطني: نحن نراعي حداثة الحركة الشعبية السياسية الخرطوم: هدى عبد الله قال فتحي شيلا أمين الإعلام بالمؤتمر الوطني، إن إجتماع المكتب السياسي أمس، أمن على إنفتاح المؤتمر الوطني الكامل للحوار، وقال: نحن الحوار عندنا منهج ولا نتأثر بما تقوله الأحزاب من القبول والرفض، ولا إستعجال بعضها لنتائجه، وأضاف: ان مشاركة الأحزاب في مناقشة الدستور الدائم واجب وطني. وأكد شيلا، أن الوطنى يراعي حداثة الحركة الشعبية في التعامل مع القضايا السياسية، وقال إن الإجتماع إستمع لتقرير من رئيس لجنة المؤتمر الوطني في مفاوضات الشريكين بأديس أبابا، وأكد إلتزام حزبه بحسم القضايا العالقة، وقال: نحن حزب عريق ولدينا من التجارب ما يكفي للتعامل مع الحركة الحديثة في المجال السياسي، وأشار إلى أن الإجتماع إستمع لتقرير من د. غازي صلاح الدين عن سير مباحثات الدوحة
|
| |
|
|
|
|
|
|
Re: ياسر عرمان والخيانة العظمى (Re: الشفيع وراق عبد الرحمن)
|
Quote: نزار يا اخوي عليك الله قول لي صاحبك اتعلم من الايام شوية والمؤمن لا يلدغ من جحر مرتين وقول ليهو يبطل الدهنسة والمحركة مع من في الصورة العمالة الظل يمارسها لاكثر من 25 عام مع ناس الحركة استفاد منها شنو؟ ما اهو في الاخير رموهو متل الشيء الكعب وباقان قال ليهو الحمار لامن يوصل الزول ما بخش معاهو تحياتي يا صاحب |
كيف يعني العمالة وانت يالشفيع يبدو ان موقفك من الدولة الدينية منعك موقتاً من وصم ياسر عرمان بالكفر كعبارة اخري درج الاسلاميون الانقاذيون علي الاستعانة بها في مثل هذه الاحوال التي تتطلب تكريس الاحادية الفكرية ، لذا تم استبدالها من قاموس الاقصاء الاسلامي " العمالة" وكانك الوطني الوحيد.......كيف تستطيع ان تثبت عمالة الاستاذ ياسر عرمان؟ يمكنك الاختلاف الساسي معه وبهدلة برنامجه السياسي وتركه علي السهلة ، ولكنك باعتقادي عاجز وكسير تماماً عن القيام بهذا الدور ليس لذكاء يعوذك ، ولكن لطبيعة النظام السياسي الذي ترهق نفسك ليل نهار في موالاته ،فهذا الموقف السياسي لا يؤهلك لمنازلة ياسر عرمان فكرياً لذلك اهكتك حمي المولاة للمؤتمر الوطني فاهلكتك فكرياً وأضاعت عليك فرصة اعمال العقل حيث ان العقل من اول الاعضاء التي تنتاشها سهام الاسلامين ، ولذلك تراهم دائماً يميلون لازدراء الخصوم علي شاكلة ان ذلك تاريخه معروف من المولاة للغرب وذاك خائن وكافر وعميل والي اخر اساليب اغتيال الشخصية حتي يتسني لهم صرف الانظار عما يكتبه. ياسر عرمان انسان عرف السياسة منذ المدرسة المتوسظة(الثانوي العام) حيث كانت مكتبته منارة لمدسيه وزملاءه الطلاب ومارسها منذ ذلك الزمن الي ان دخل جامعة القاهرة فرع الخرطوم الي هذا الوقت .............وعلي كل حال انا لدي ما اختلف به مع ياسر عرمان وكل الحركة الشعبية ولكن لا يمكنني ان اقلل من شأنه بهذه الطريقة العقيمة والمفلسة.......... اما عن الفائدة التي جنها من انضمامه للحركة الشعبية ، فهذا مايعرفه هو،فقط اود ان اعرف مقصدك من هذا السؤال ؟ هل تقصد بان العمل السياسي يحقق فائدة شخصية للانسان؟ اللهم الا يكون هذا راي عضوية المؤتمر الوطني او الاكلاين في كل المؤايد ، هل انت تنظر من المؤتمر الوطني الا يرميك في الشارع؟ والله المؤتمر الوطني يرميك رمية لامن تقول آمين .......وهل انت اكثر مولاة من ابوصالح؟ هل انت اكثر خدمة له من مناوي؟ هل انت اصلح للمؤتمر الوطني من حسن الترابي؟ اللهم الا ان كنت تقصد دنيا تصبها او عربة تتمطي فيها ...... فمهما تزرعت بالولاء لهم فاهم يرمونك حيث لن تقبلك اي جهة اخري..........العمل الساسي لا يرجي منه منفعة شخصية الاهم الا مولاة المؤتمر الوطني فاحرص علي كيكتك..........
| |
|
|
|
|
|
|
Re: ياسر عرمان والخيانة العظمى (Re: ibrahim alnimma)
|
مراحب ابراهيم قصدي من العمالة اوردته هنا واعيده لمن فاتتته القراءة: عرمان وبقية الخونة والمأجورين يخططون في اتجاهين : الاول تعشيم الناس بي انو السودان ح يتوحد مرة تانية والتاني تعشيم الناس بي انو الحكومة ممكن تسقط قبل 7/9
هم يعلمون تماماً أن الجنوب والشمال لن يتوحدا مرة أخرى ويعلمون ايضاً أن حكومة الانقاذ غير قابلة للسقوط،، على الأقل في الوقت الحالي
موضوع اعادة الوحدة والكونفدرالية عبارة عن فرقعات بيطلقها عملاء الحركة، والقصد فيها عدم التشدد في مفاوضات الوضع النهائي، يعني طالما ح تكون في وحدة بعدين مافي مشكلة لو ابيي مشت الجنوب، وخلوكم مرنين معانا في الحدود لانها مؤقتة، وأدوا الجنوبيين جنسية مزدوجة لانه في النهاية ح تكون في وحدة و...... ا لقضايا دي لازم تحسم
اثارة الفوضى والبلبلة والمظاهرات واضراب الاطباء القصد منها هو هز الحكومة القصد منها هو تسهيل موضوع تفاوض الوضع النهائي مع اسيادهم الجنوبيين كلنا نذكر زماان لامن الحركة تتزنق، تقوم تسلط ناس عرمان ويطلعوا مظاهرات مستغلين احزابنا الشمالية المتعفنة الم نرى كيف تم تمرير قانون الاستفتاء ؟ وكيف تمت مقايضدته بقانون الامن الوطني
الشغلة وااااضحة اعصرهم هناك عشان يرخو ليك هنا وعشان ما نتظلم لازم نفاوض واحنا متوحدين والمكاسب التي سيحصل عليها السودان دائمة وللابد المؤتمر والانقاذ والبشير، كلها اشياء مؤقتة والوضع النهائي هو ما سيدوم لذا نقول: اعزلوا الخونة والمأجورين اعزلوا من يخدم مصالح الاعداء اعزلوا من يطالب باستمرار العقوبات الامريكية
ح تتجلد والشمس ضحى يا عرمان يا رمز الخيانة ولا نامت اعين الجبناء
Quote: كيف تستطيع ان تثبت عمالة الاستاذ ياسر عرمان؟ |
يا ابراهيم {كاد المريب ان يقول خذوني} هو ما داسيها يا ابراهيم عشان اجتهد لاثباتها اقرأ كلامي الفوق داك وضيف ليهو من يطالب بعدم رفع الحظر عن السودان وسؤال ليك يا ابراهيم: هل انت مع ام ضد رفع الحظر عن السودان؟
Quote: فمهما تزرعت بالولاء لهم فاهم يرمونك حيث لن تقبلك اي جهة اخري |
هل افهم من كلامك انك مقتنع انو تم رميه؟
Quote: اما عن الفائدة التي جنها من انضمامه للحركة الشعبية ، فهذا مايعرفه هو،فقط |
يا اخوي نحنا عايزين كمان نعرف، وانت كان عارف، نورنا ماذا حقق عرمان من 25 سنة انضمام للحركة؟ الحركة حققت مرادها وهو الانفصال، عرمان حقق شنو؟؟؟؟
| |
|
|
|
|
|
|
Re: ياسر عرمان والخيانة العظمى (Re: حسن حماد محمد)
|
Quote: اعزلوا الخونة والمأجورين اعزلوا من يخدم مصالح الاعداء اعزلوا من يطالب باستمرار العقوبات الامريكية
ح تتجلد والشمس ضحى يا عرمان يا رمز الخيانة ولا نامت اعين الجبناء |
يا شفيع لك تحياتي
دعه يحترق تماما جتى يلفظه المواطن السوداني تماما
| |
|
|
|
|
|
|
|