|
Re: محاولة تجميع مقالات المناضلة سمية ابراهيم هندوسة (Re: نجلاء سيد أحمد)
|
جانب من شعرسمية هندوسة
ناس حاكمانا بالاعدام تبني فيلل قصور اطيان باسم الدين وباسم عقيدة الإسلام تعذب فينا بالجمله وترفل في النعيم جمله وما مهتمه بالايام ناس تهتم بالمنصب وشكل نظافة المكتب ######انه ضمير وقلب تملأ جيوبا من عرق الفتر وتعب ورافعة شعارها بالتزييف (إنقاذ كل زول غلبان)
وبختك انت ياسودان
أفرح بي لواء الفرسان
الشهرو السلاح بالليل
وباعوا الدين باسم السلطة والصولجان
وجوَّعوا شعبك الغلبان
باسم الدين وبأسم حماية النسوان
عشان الجبهة تتعلَّى
تبيع بي أرخص الأتمان
في سوق للنخاسة جديد
جنود وعبيد وأيضاً ملحقات للبيع
كرامة .. شهامة.. نخوة .. رجولة
عِرض الناس صِبح للبيع
( والحرة تأكل من ثديها)
ومايفضل لبن لي رضيع
عشان النسل يتحدد
ومايطلع شجاع وعنيد
تفضل حواء عقرانة
سياسة قديمة مافي جديد
يتم تمجيدها في الإعلام
أخت نسيبه أم شهيد
وفي الواقع حواء تجوع
تشيل الليل هموم ودموع
ولمن تصبح الواطه
تشيل برادها والكانون
تبيع الشاي في سوق الله أكبر
وتُحارب بالنظام العام
باسم السلطة والقانون
وتترحل في عربة كبيره لي قسم النظام العام
وفي المقرن من البوليس تشوف إذلال
ومن جنيات في سن أحفادها تضرب بالحزام والبوت
حواء بكت بي كل مراره
تندب حظها العاثر
وتنعى حكومة السودان
سنيت وعقود
هَي حليلك انت ياعبود
زمانك شفنا فيهو رخاء
عيشة هنية لقمة طرية
واتبطرنا بالنعمة
جاتنا حكومة كالمعبود ومافي بِغم
نَهِب أموالنا.. جوع أطفالنا
موت صبيانا باسم الدين ومافي حدود
هَي حليلك انت ياعبود
وياللابس الحزام والبوت
أذكر دعوة المظلوم
والعن حظك المشؤوم
الجابك عبد للجبهة
تخدم انت في الحكام .. وما محكوم
تدوس بالبوت ضعاف الناس
وناسي الجبهة مابتدوم
وماتحميك يامغفل
وقت الحارة تخدم ناسا
ترفع ساسا .. مافي سياسة تنفع شعبك المظلوم
وافرح بالحزام والبوت
لما تعك ولما تجوط كل شوارع الخرطوم
وتنتفض الحشود تثأر
تاخد التار من (الكارنيه)
وصاحب كل بوت وحزام
وتصبح انت زول ميت (ومامرحوم)
وافرح بالحزام والبوت.
|
|
|
|
|
|
|
العنوان |
الكاتب |
Date |
محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 11:57 AM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:02 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:08 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:11 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:12 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:14 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:16 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:42 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 12:47 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:12 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:15 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-07-12, 01:17 PM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-08-12, 08:40 AM |
Re: محاولة تجميع مقالات المناضلة سمية ابراهيم هندوسة | نجلاء سيد أحمد | 11-08-12, 08:47 AM |
|
|
|