سلام يا صبري .... المركز الاول اظنه بكون من نصيب داؤود محمد امين او كبسون اسماعيل ...
باللمناسبة الحكم الاسمه وليد ظلم كبسون في الحلقة الاخير بتعليقاته السلبية و انتقاداته الهدامة .... لو لاحظت مافي زول من الحكام انتقد المتنافسين انتقاد قاسي الا وليد في انتقاده لي كبسون ... و الاسوء كان الازدراء في البداية عندما قال "الظاهر عند جمهور لكن في ملاحيظ كتيرة" ... و عجني الاستاذ محمد سليمان في انصافه لكبسون بعد تلك الانتقادت اللاذعة
12-02-2012, 11:24 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
أماني فعلا تملك موهبة كبيرة وصوت جميل وهي مؤدية ممتازة بدون خبرة وكما ذكر لها الصافي بانها سمعت الاغنية من احد الشباب وقلدته بشكل جميل
لو البرنامج فيه تدريب لهؤلاء المشاركين على قواعد الأداء فاكيد كان سيكون لاماني شان في قادم الايام.
الاخ فاروق.
ملاحظتك عن كبسور. صوته جميل ، حضوره جميل ، أدائه الصوتي خطأ. وهذا ينطبق عليه ما كتبته أعلاه. اذا ما وجد الشباب العناية والتدريب السليم ومتابعة البروفات وابدأ الرأي في اختياراتهم. وملاحظة وليد سليمة وشابها شئ من الحياء في عدم قول ان الأداء غير سليم.
ساكون في بروفات النصف الاول من يناير معهم وسوف أتحدث مع استاذ بابكر صديق في ملاحظاتي التي قلتها له في الدفعة 17 كما سالتقي أستاذي درديري والاخوان الصافي ووليد واطلب منهم ان يكونوا اكثر جراءة ولكن بعد متابعة البروفات وإبداء توجيهاتهم للشباب ودعمهم بخبرتهم الفنية. ولابد من وجود آلة بيانو وخبير صوت متواجد طوال الاسبوع ويجدول للمشاركين حصص تدريب صوت في قاعة البروفات ليتعلموا قواعد استخراج الصوت والنفس وتقوية عضلات البطن والحفاظ على فتحة الحنجرة والتحكم في الحبال الصوتية.
اعتقد بان ولد الدويم لا اذكر اسمه الان سيذهب الى مراحل متقدمة.
كامل مودتي
12-02-2012, 02:04 PM
مها عبد الله
مها عبد الله
تاريخ التسجيل: 07-13-2008
مجموع المشاركات: 2271
صبري وضيوفه سلام بالجد زعلت منكم يا جماعة لما لقيت ما في زول فيكم جاب سيرة رضا بشرى عجبنا.. الزولة دي عندها صوت قوي بصورة ما عادية.. مع شوية تدريب الزولة دي بتفوز بمراحل متقدمة وانا متوقعة ليها المرتبة الاولى.. ايدكم معاي: http://youtu.be/fU73CgnG9UE
12-02-2012, 04:20 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: صبري وضيوفه سلام بالجد زعلت منكم يا جماعة لما لقيت ما في زول فيكم جاب سيرة رضا بشرى عجبنا.. الزولة دي عندها صوت قوي بصورة ما عادية.. مع شوية تدريب الزولة دي بتفوز بمراحل متقدمة وانا متوقعة ليها المرتبة الاولى.. ايدكم معاي:
حليمة وحات سيد الضريح انت اشطر زول فى الغناء هنا صبرى مع احترامى لى وجهة نظرك لكن خلينى من المنايصه .. وشوف قوة صوت رضا وعاين لى لغة الجسد البتجسد فيها البنية رضا دى؟ لو لا القائلة لو لاختلاف الاراء لبارت السلع لقلت لكم شن خبركم بالغناء انتو؟ رضا وبس،،،
للجميع عُذراً لتقديم ردّي على العم أو الجد صديق الموج .. والأخيرة أقرب إلى قلبي حين أتذكّر رحمة الله عليه جدّي ...
Quote: حليمة وحات سيد الضريح انت اشطر زول فى الغناء هنا صبرى مع احترامى لى وجهة نظرك لكن خلينى من المنايصه .. وشوف قوة صوت رضا وعاين لى لغة الجسد البتجسد فيها البنية رضا دى؟ لو لا القائلة لو لاختلاف الاراء لبارت السلع لقلت لكم شن خبركم بالغناء انتو؟ رضا وبس،،،
يا ود الموج نحن جيل التسعينات وما بعد الألفين شنو جايي تقول لينا شن خبّرنا بالغناء ... كلامك دا كان تقولوا على آرائنا لو نحن من جيل كرومة وسرور وصديق الموج
رضا الشيخ صوتها وأداءها ممتازين .. ولكن أرى أنّها كوبي بست من الفنانة حرم النور (شُفت أنا شن خبّرني بالغناء كيف ؟)
أمنياتي لها بالتوفيق والتقدّم في هذا البرنامج وتحقيق المركز الأول ...
Quote: بالجد زعلت منكم يا جماعة لما لقيت ما في زول فيكم جاب سيرة رضا بشرى عجبنا.. الزولة دي عندها صوت قوي بصورة ما عادية.. مع شوية تدريب الزولة دي بتفوز بمراحل متقدمة وانا متوقعة ليها المرتبة الاولى.. ايدكم معاي
نعم يا حليمة صوتها قوي (وينفع لأغاني الحماسة أكثر) وأتمنى لها التوفيق .. وقد قام أحد الأخوان بإفراد بوست لها ...
Quote: ساكون في بروفات النصف الاول من يناير معهم وسوف أتحدث مع استاذ بابكر صديق في ملاحظاتي التي قلتها له في الدفعة 17 كما سالتقي أستاذي درديري والاخوان الصافي ووليد واطلب منهم ان يكونوا اكثر جراءة ولكن بعد متابعة البروفات وإبداء توجيهاتهم للشباب ودعمهم بخبرتهم الفنية. ولابد من وجود آلة بيانو وخبير صوت متواجد طوال الاسبوع ويجدول للمشاركين حصص تدريب صوت في قاعة البروفات ليتعلموا قواعد استخراج الصوت والنفس وتقوية عضلات البطن والحفاظ على فتحة الحنجرة والتحكم في الحبال الصوتية.
Quote: المركز الاول اظنه بكون من نصيب داؤود محمد امين او كبسون اسماعيل ...
باللمناسبة الحكم الاسمه وليد ظلم كبسون في الحلقة الاخير بتعليقاته السلبية و انتقاداته الهدامة .... لو لاحظت مافي زول من الحكام انتقد المتنافسين انتقاد قاسي الا وليد في انتقاده لي كبسون ... و الاسوء كان الازدراء في البداية عندما قال "الظاهر عند جمهور لكن في ملاحيظ كتيرة" ... و عجني الاستاذ محمد سليمان في انصافه لكبسون بعد تلك الانتقادت اللاذعة
تُشكر على رأيك .. مع أمنياتي بالتوفيق للجميع ...
ــــــــــــ
(عدل بواسطة صبري طه on 12-03-2012, 04:06 PM) (عدل بواسطة صبري طه on 12-03-2012, 04:08 PM) (عدل بواسطة صبري طه on 12-03-2012, 04:09 PM) (عدل بواسطة صبري طه on 12-03-2012, 04:11 PM) (عدل بواسطة صبري طه on 12-03-2012, 04:12 PM)
يا أخوانا ملاحظين معاي .. إنو ظهرت ظاهرة إستايل محمد الجزار كأسلوب جديد لغناء ( الرجال) في السودان ؟ وإنو ظهر - على العكس تماماً - نوع بنات بيغنوا بي (رجالة ) كده ... ؟ زي رضا بشرى مثلا ومن قبلها حرم النور قبل الزواج ... وكمان نوع رجالة ندى القلعة ديك براها ...! تانياً زي أماني دي نوع كمان بيغني وزي (بيرخي ) حنكو كده في محاولة لترقيق الصوت ولا شنو ما عارف ويطلع الصوت عامل كيف كيف كده ...!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة