|
|
 عاجل: تطبيق نظام الدفع المقدم للمياه بالخرطوم قريباً
|
كشف مدير هيئة مياه ولاية الخرطوم المهندس جودة الله عثمان عن اتجاههم لتطبيق نظام الدفع المقدم لفواتير المياه قريبا، وقال إنهم بدأوا فى تطبيقها عمليا فى المؤسسات التجارية والصناعية والحكومية ، ونفى وجود أي اتجاه للهيئة لزيادة تعرفة المياه، فى وقت أكد فيه افتتاحهم لعدد من المحطات النيلية والآبار الجوفية بمحليتي بحري وام درمان خلال الايام القادمة.
وقال عثمان خلال حديثه لبرنامج "مؤتمر اذاعي" الذي بثته الاذاعة السودانية أمس إن عملية ربط شراء الكهرباء بسداد تعرفة المياه تأتي تماشيا مع سياسة الدولة الرامية لتوحيد نوافذ التحصيل ، مطالبا المواطنين بعدم الاستهانة بتعرفة المياه وسدادها فى اوقاتها ومعاملتها كالسلع الاخرى الضرورية، وأقر بصعوبات واجهت التجربة ابرزها عدم الحصر الكامل لكافة المناطق بالولاية، مشيرا الى أن أعداد المشتركين بهيئة مياه الخرطوم بلغت (450) الفاً مقارنة بمليون مشترك بالهيئة القومية للكهرباء، وقال عثمان إن خطتهم تتمثل فى الاستفادة من المحطات النيلية فى تحقيق الاكتفاء الذاتي من المياه وجعل مياه الآبار الجوفية كاحتياطي يتم الاستفادة منه فى أوقات الذروة ، مؤكدا أن استهلاك مواطني الولاية من المياه يبلغ (150) الف لتر مكعب فى اليوم.
.
|
|
  
|
|
|
|
|
|
|
 Re: عاجل: تطبيق نظام الدفع المقدم للمياه بالخرطوم قريباً (Re: نادر)
|
يا نادر
أنا سؤالي فقط عن السبب هل الجمهور ما عاوز يدفع قروش الموية لناس الكهرباء وهي دي مشكلته او هو ما عاوز الربط عشان يلقي طريقة ما يسدد بيها او شنو بالضبط
ما دام انت دافع دافع المشكله شنو تكون مربوطة بالكهرباء دة جوهر سؤالي
وبعدين من ناحية اقتصادية بحته توحيد قنوات التحصيل بخفض التكلفة علي المنتج
وانا في الاول قلت أنا أتيت لحوار عشان افهم الحاصل لان وجودي خارج البلاد قد يمنعني من رويه الصورة كامله
فهمت يا نادر
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: وضاحة)
|
Quote:
دا كلام تمام التمام
غايتوا بكونوا ريحونا راحة تمام
ياخى الناس عذبونا مؤجريين ليهم البيوت فى السودان وما بدفعوا حق الموية ولا عندهم زمة ولا ضمير ولا بلتزموا بشروط العقد
ويطلعوا يسيبوا ليك ملايين
غايتوا لو اتعملت اول زول بكون مبسوط |
عاين زي الكسلانة دي كمان ..... اولا إنتِ ما قاعدة تتابعي مع الناس المأجرين ليهم بيتكم ديل . لو كنتي قاعدة تتابعي كانو حايدفعو أول بأول ..
قولتي لي حاتكوني مبسوط ؟؟
مبسوطـ ولة مبسوطة , بالتاء المربوطة ؟؟
يا جماعة اظن البيكتب بي إسم وضاحة ده ولد 
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: محمد مصطفي مجذوب)
|
Quote: اخي الكريم
بما أن السودان دولة (شريعة قبل القوت) انا المحيرني سمح مطالبة الناس بدفع فاتورة ماء وقطعها عنهم لفاتوره او غيره اليس في ذلك مخالفة لحديث المصطفي صلي الله عليه وسلم والذي يقول ( الناس شركاء في ثلاث الماء والكلأ والنار)
فماهو السند الاخلاقي او الشرعي دعك من القانوني لقطع المياه عن عطشي السودان الذين لا يملكون القوت الضروري ناهيك عن فاتورة المياه والكهرباء والتأمين الصحي ..و.. و.. ,و الي آخر الواوات بحيث يصبح السودانيين
كالعير في البيداء يقتله الظمأ ...والمال علي ظهره محمول |
شكرا يا دكتور على كلامك الموزون ده لكين البيفهم كلامك د منو من الوزراء الحرامية ديل ؟
غلوا لينا اي حاجة وفي النهاية عايزين يحرمونا من موية الله
البلد دي فيها حاجات بتغيظ ...
.....
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: aosman)
|
Quote:
وضاحة, إنتي مؤجرة ليهم بيت ولا مزرعة؟
مادام الدفع مقدم مفروض الموية ماتقطع خالص ولو قطعت مفروض وناس الموية هم السبب مفروض يدفعوا تعويض للزبون.
أها متين كمان الدفع المقدم يطبق على الهواء؟ |
نقول شنو يا عثمان !!!
زي امثال وضاحة دي ياهم البيخستكو ويبوظو لينا الحاجات
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: aosman)
|
| Quote: وضاحة, إنتي مؤجرة ليهم بيت ولا مزرعة؟ |
مؤجرين ليهم عمارة فيها 10 شقق
المفروض كل شقة فى الشهر بى 25 جنية لكن للاسف هم ما بدفعوا برغم انوا مكتوب فى العقد عليهم دفع الماء
واكتشفنا الموضوع دا لما سافرنا فى الاجازة وقطعوا منهم الموية واضرينا نرجعها فدفعنا زى 3000 الف
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: abuguta)
|
Quote: خلوهم مع الدفع المقدم
وربنا حبسلط عليهم ذوات الاجنحة
والدفع الرباعى |
يا أبقوتة
إتا وابو الريش جيبتو المفيد
القرار دة ابدا ما ح يمشي علينا , وهنالك حملات إنطلقت لتوعية المواطنيين
زي ما المواطنيين خستكو بي قرار زيادة الكهرباء وقرار سد كجبار
ح نخلي الحكومة الظالم ده يتخلي عن القرار ده .
في كتير من المواطنيين قررو إنه في حالة تنفيذ القرار سيتم سرقة الماء عن طريق خراطيش ارضية ستتجاوز هذه العدادات .
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: محمد أبوالعزائم أبوالريش)
|
Quote:
بغض النظر عن تمكّن الدولة من توفير هذا المرفق الحيوي ....
يجب على كل المواطنين رفض هذا الأمر ... نعم .. عليهم التجمع (كل مواطن في شارع بيتهم) لمنع موظفي الهيئة من تركيب عداد الدفع المقدّم.
إذا أرادوا تركيب هذا العداد بالقوة ..... عليهم الإستعانة بالشرطة |
إنت جبتا المفيد يا أبوريش .. مشكور يا أبو الريش دة الكلام الح يحصل .. سيتم منعهم بأي طريقة . بس لابد من حملة لتوعية المواطنيين.
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: نادر)
|
Quote:
قربنا على الهوا، نفس الله الواحد ده بعد شوية ببقة بي عداد مسبق الدفع،
وكلوا في سبيل تطوير الخدمات للشعب السوداني من أجل واقع أفضل، ومستقب مشرق للأجيال القادمة،
هي لله هي لله يا الزبير |
نرجع ونقول المشاكل كلها عمر البشير , فاشل سياسيا وفصل الجنوب , ما شوفتا الملطشة بتاع القاهرة الاخيرة ,وتهميش مرسي له في المطار ؟
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: الزبير صالح الزبير)
|
Quote: أنا أتيت فعلا لحوار وأريد ان افهم
لماذا يرفض الجمهور ربط الكهرباء بالمياه في التحصيل؟ |
حوار شنو يا الزبير.... مع هذا النهب ؟؟
هي اصلا الموية ال######انة دي قاعد تجي بإنتظام
عشان ندفع ليهم مقدم ؟!!
الشغلة واضح جدا ان فيها نهب مُصلح
العدادات الجديدة دي بي قروش حا تدفعا من جيبك
تكلفة تركيب العدادات دي بي قروش وبرضو حاتدفع
نحن نرفض هذه العدادات وسنعمل على وقفها بأي طريقة
كما اوقفنا قرار زيادة الكهرباء سنوقف هذا القرار.
مافي قروش خلااااص الناس قالت الروب .
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: osama fadlalla)
|
سلام
الموضوع ده اطبق في مناطق كثيرة في الخرطوم منذ تلاتة شهور مثل الرياض و الطائف .....المشكلة الان ان اي عداد من عددات الكهرباء عليهوا 25 جنية شهريا فاتورة مياه (تدفع ال 25 جنية اول حاجة بعدها يمكن لك ان تشترى الكهرباء)و الموية في هذه المناطق لاتوجد الا في الساعات الاولى من الصباح.......و طبعا في بيوت فيهااكثر من عداد كهرباء و ماسورة واحدة للموية ومع ذلك عليك ان تدفع على كل عداد ال 25 جنية ...(في مناطق رسوم الموية 15 جنية)..
| |
|
|
|
|
|
|
|
|
 Re: عاجل: تطبيق نظام الدفع المقدم للمياه بالخرطوم قريباً (Re: مدثر صديق)
|
Quote: سلام
الموضوع ده اطبق في مناطق كثيرة في الخرطوم منذ تلاتة شهور مثل الرياض و الطائف .....المشكلة الان ان اي عداد من عددات الكهرباء عليهوا 25 جنية شهريا فاتورة مياه (تدفع ال 25 جنية اول حاجة بعدها يمكن لك ان تشترى الكهرباء)و الموية في هذه المناطق لاتوجد الا في الساعات الاولى من الصباح.......و طبعا في بيوت فيهااكثر من عداد كهرباء و ماسورة واحدة للموية ومع ذلك عليك ان تدفع على كل عداد ال 25 جنية ...(في مناطق رسوم الموية 15 جنية).. |
مشكور يا مدثر على المتابعة ... فعلا الرسوم الثابتة دي وكذلك محاسبة كل العدادات على حِدة في البيت الواحد هي المشكلة , بس البيقنع لينا الاخ محمد الزبير ده شنو؟
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: osama fadlalla)
|
يا احمد لمن اتعملت عدادات الدفع المقدم للكهرباء الناس العندهم عدادات قديمة ما دفعوهم لا حق تركيب لا قيمة اجهزة
الدفع كان للعدادات والتركيبات الجديدة
أنا سالت وقلت أنا عاوز اعرف منطق الناس شنو في عدم قبول الربط بين الفاتورتين
دي كل الحكاية يا حبيب
وظاهر من الردود انو الناس ما عاوزه الإلزام في السداد مقابل الخدمة
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: احمد محمد بشير)
|
Quote:
ما ممكن ده امر ما مقبول .. اتخيل انت تمشي تشتري لحمة يقولو ليك ادفع مقدما حق البصل
في رسوم ثابته انت بتدفعا مع فاتورة الكهرباء ودي الحتطلع عين الناس . |
يا استاذ احمد انت ما جاوبت عن السبب وقلت ما معقول واحنا بنسأل لية ما معقول او ما مقبول
المثل بتاع البصل دة ما منطقي لأنك ممكن تشتري بصل من شخص تاني غير بتاع اللحم او ما عاوز تعمل اللحم بالبصل عاوز تشويه ساكت كدة بالفحم ولكن في حالة الكهرباء والموية البائع جهه واحده
يعني ما ممكن تشتري كهرباء من الحكومة وتمضي تشتري مويه من شركة تانية غير شركة الحكومة بتاعت الموية وعشان كدة المثل الأنت ضربتك ما ماشي
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: الزبير صالح الزبير)
|
| Quote: يعني ما ممكن تشتري كهرباء من الحكومة وتمضي تشتري مويه من شركة تانية غير شركة الحكومة بتاعت الموية |
شركة الموية براها وشركة الكهرباء لوحدها وكل منهم له ادارة ووزراء وفنيين ومهندسين وووو , ولكن الفاتورة واحدة , ولو عندك تلاثة عدادات كهرباء في البيت حدفع لكل عداد رسوم -ثابتة- فرض عين, الرسوم الثابتة دي الاشكالية .
اما المثل بتاع البصل و اللحم فدا ضربتو ليك لابين لك أنه إنتَ لو ما عندك قروش كافية ما ممكن تشتري سلعتين مع بعض مقدما وبهذه الطريقة دي , حتى لوامكن فذلك يؤدي الى احتقان بين الشاري والبائع لانه بتكون حاجة ما مقبولة, واغلب الناس بتكون عندها قروش وميزانية لحاجات معينة في الشهر الواحدة , وفي الشهر البعده بتكون في ميزانية لحاجات اخرى , يعني الناس ما عندها قروش للحاجات و الالتزامات كلها في الشهر الواحد ................. انا ما سمعتا انه في دولة في العالم بتبيع سلعتين كالكهرباء و الماء بفاتورة واحدة ... دي حاجة غريبة !
هل إنت سمعت بدولة في العالم بتبيع الكهرباء و الماء بفاتورة واحدة ؟؟.......... بعدين اغلب الدول الماء فيها مجان وفي بعضها برسوم رمزية رخيصة جدا.
نسمع ردك .
(عدل بواسطة احمد محمد بشير on 09-16-2012, 09:47 PM)
(عدل بواسطة احمد محمد بشير on 09-17-2012, 08:17 AM)
(عدل بواسطة احمد محمد بشير on 09-17-2012, 08:28 AM)
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: احمد محمد بشير)
|
السؤال المفروض يتسأل...
واضح من أحد الردود بأن الرسوم التي تمت جبايتها في بعض الاحياء
عن المياه...(25) جنيه شهريا....مفروض يدفع مقدما لما تكون
عاوز تشتري كهرباء...
طيب لو قطعت الموية...أو جات عكرانه؟ هل الجمرة الخبيثة المائية فيها نظام او برمجة
تحفظ للزول حقو مثلما هو حاصل مع الجمرة الخبيثة الكهربائية؟؟؟
أم هي 25 جنيه رايحة رايحة...لو الماسورة (بت) نقّط...
وهل في موية منسابة لدرجة تعفينا من تشغيل الطلمبات؟؟
لأنو نحن لينا عشرين سنة ...مويتنا بتشتغل بي طلمبة
كان الواحد عايز يتمضمض ساكت ...لازم تقول...يا جنا
أمش شغل الموتور....(والموتور زاتو شغال بخصم من حساب
الجمرة الخبيثة الكهربائية...(أها دي يحاسبوا فيها منو؟
ناس الموية أم الكهرباء...؟؟؟
عايزين يعملو دفع مقدم دفع مؤجل...يضمنوا قروشهم
يجيبوا موية زي الناس...واللا يجو يفرتكو مواسيرهم
دي ويبيعوا مويتهم في حارة السقايين..
كلام وضاحة بشأن المستأجرين البيطلعوا ويخلوا
لي سيت البيت....حق موية تلاتة سنين ما مدفوع
ما تهملوه...(في تلاعب شديد في الحتة دي)
في بيوت لو تأخرت شهرين بيجوا يقطعوا منهم
الموية...وتانين سادرين في غيهم...وشرابهم وحمامهم ووضوهم
المجاني علي حساب سيد البيت.
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: osama fadlalla)
|
Quote:
ونتساءل ايضا عن مدي قانونية هكذا ربط بين سلعتين مختلفتين تماما |
لا يوجد اي سند قانوني يا اسامة , هل إتا سمعتا ليك دولة في العالم بيبيع الكهرباء و الموية مقدما وبي فاتورة واحدة ؟... الحكومة دي قاعدة تقطع قوانين من راسا ساكت لانه الناس ساكتين , لكن للصبر حدود , الغريبة قراراتم دي كلها لتحصيل الاموال .
| |
|
|
|
|
|
|
|
|
|
Re: عاجل: تطبيق نظام الدفع المقدم للمياه بالخرطوم قريباً (Re: Mohd Ibrahim)
|
الماء هو الحياة .
نحن نستهلك الماء فيجب علينا دفع قيمته وليس من المعقول أن تتهرب الناس من دفع قيمة ما تم إستهلاكه والمصيبة الأكبر في الذين يسرقون المياه وهذا هدر كبير لموارد البلد بصرف النظر عن الحكومة وما أدراكما الحكومة .
وفي المقابل عند تطبيق الدفع المقدم على مياه الخرطوم الالتزام بتوفير المياه وعلى الدوام ما دام أنهم تحصلوا على حقهم مقدماً وبالمثل يجب أن تتوفر الكهرباء دوما . فلا يمكن أن تاخذ قيمة خدمة مقدماً ولا تخدمني .
| |
|
|
|
|
|
|
| |
احمد محمد بشير
الزبير صالح الزبير
محمد مصطفي مجذوب
وضاحة
محمد أبوالعزائم أبوالريش
aosman
abuguta
osama fadlalla
مدثر صديق
nazar hussien
Mohd Ibrahim
ولياب
مزمل خيرى
فيس بوك
تويتر
انستقرام
يوتيوب
بنتيريست