نعى اليم ...... سودانيز اون لاين دوت كم تحتسب الزميل جعفر بشير فى رحمه الله
نعى اليم ...... سودانيز اون لاين دوت كم تحتسب الزميل مامون أحمد إبراهيم فى رحمه الله
أحزان الجمهورريين: مامون أحمد ابراهيم (عضو المنبر) في رحاب الله
|
|
 ما بين «نفيسي» و«نهال» فتيل «أليل خومرة»
|
-النبي فيك يا حبوبتي مالك مليتي الدنيي بُطان كدي
- وحاتك يا ولدي وكتين أقول كدي وأدي فتيل الخومرة أليلي خجة
وحاتك يا الزين جدك دة يتنحنح وتبقالو صلاة العشي دي بعيييييييدي
ويعضعض في لسناتو علي الكافتو شي
- دحين هو ما كان قاعد يصلي بالناس في الخلوة
- إيي خلوة شنو مع الخُومرة دي... وحاتك دي تخلي الزول يبقى نصراني
- هههههههههه كيفن الكلام دة يا حبوبتي انت باقيلي كفرتي
- كافري الدِلكي دي يا ولدي... وأصلو الخُومرة دي انا من أشمها اضنيني ديل يحمِرَن وانكرش...
نصيبتا كافري يا ولدي ماني عارفي السوتها دي منو بت الهرمة دي
- باقيلي دايري تدعيلا
- كيفن آآآبدعيلا يا ولدي.. البلد دي كلها بعد العشي تخجخج في فتايل خمرتها
والصباح تسمع في: مخروقتي لحقت الصح... ضهري داير ينقصة... كلوي واجعاتني..
هو كله فسو ساكت.. أمة الله ماها نايمي الليل كلو كلو يعلم الله
- ماكي مرة شي انت غايتو ههههههههه
- أي كدي.... انتو بُطان التاباني الزمن دة
- مالنا سوينا شنو
- مو ياهو نسوانكن اليرشرشن في الخرابات التحت أباطاطن ديل... أخووووووووو
- ههههههههههههههههههههههه اسكتي لا تجيبيلنا الكلام باقي انا عارفك مرتا قاهري
- أي كدي أسحف من فوقي هِن ديل نسوان
- هههههههههه مالك مكجِناهِن كدي.. ما ياديل السمحات ويرارِّن علي المراية
- إييي قدر سماحتن.. ديل البقن يسوِّن الحني لي أوراكن ديل بري منهن...
- هسي إنتي إن بقيتي دايري تسويها في زول حاميكي ما تسكتي تتجلبطي بالحنة
- إيي حنة شنو يا الغبيان... وحات ولادي انا وكتين كنت أقعد في العنقريب
ومتلفحي بالقرمصيص.. أصلي بس علي القمرة دي.. وجدك رحمه الله
من يدخل صاقعلي: لا تكتلي اللمبة «الفانوس» آآآنفيسي
- وين يطيرها هو
- كيفن.. مو داير يشوف «القمرة» ألتو دي
- الرسول يا حبوبتي كنتي قاعدي تريدي
- كيفن آآبريدو ود الطيب
- باقيلي كنتوا خاربين الدنيي..
- ههههههه.. أييي بس يدخل من صلاة العشي وأعشيهو وندخل علي القرمصيص
- نان يا خرابة قرمصيص الجن دة تدخليلو بي صوماحك من «الدونكة»
- عاد فراغك.. أخج فتيل الخُومرة وزين أتريح وأدعك أباطاطاتي وتحت إضني
وريحتي تملأ الدنيا.. وحات نضري جدك لامن يجوعر رسمي..
- هههههههه وبقيتو ترموا في البُطان علي «الدِفيق»
- ههههههه.. مو يييدا حلاتن أعمامك ديل.. صادُن شي
- نان مالك مكجنة نسوان الزمن دة
- هِن ديل نسوان
- مالِن
- آآآبعرفن شي.. مو ياهو الخرابات العلي «الزمزميات» (جمع زمزمية)
الخاتاتنهن في الخشبة الجنب المرايا..
- الريحة
- إيي قدر ريحتن... المرة إن ما بقت كدي اتمشطت ومسحت «مسايِّرها»
ولفتن تحت أضانها.. وسولتلها «رحض» ومسحت رجلينها بالكركار
وقعدت في نص النقريب علي تاجوج
- نان انتي شِن عرَفِك بيهن.. مو يبقى قاعدات يسون الشي دة
- قالولك آآآبشوف.. ليلن ونهارن يغزغَزَن في كيعانن لي رجالن
ويتكلمن بي حاجباتن وهن معفنات ومصوفنات..
- وإنتي وين شميتيهن
- أخو عليهن.. والواحدي فيهن شايلالا شيتا تبخو تحت أباطاطها
وتدخل علي راجلا... هُن الرجال ذاتن بقوا علي «الرَخم»..
- مالنا كمان سوينا شنو
- وحاتك نحن وكتين جدودك ديل يكونوا قاعدين لااااتحت وكتين نجي قدامهم
نشيل براطيشنا في يدينا لامن نفوتن حتن نلبسن تاني..
كانوا رجال يهزوا ويرزوا..
- نان نحن مالنا
- هاك التراب دي في خشمك... تريدو في نسوان الجن ديل لامن ركبن
فوقكن ودلدلن رجليهن...
أقولك شي أسحف من فوقي أن دايري آآآخدلي غمدي...
- سمح
ــــــــــــــــــــــــــــ
دي نفيسي ما أنا عشان مافي جندر يجي ينط في حلقي
|
|
  
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: osman righeem)
|
| Quote: عاد فراغك.. أخج فتيل الخُومرة وزين |
والله يا طارق خجة الفتيل خشم بيوت ، واحد صاحبنا كان متزوج (نفيسة) سنين وقرر أن يثني بـ (نهال) وبعد مرور سنة وأكثر سألناه (كيف !!!) .
قال : خجة فتيل الخمرة بيذكرني خجة فتيل ( البنسلين) وكأنهن حيقنوني .
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: حبيب نورة)
|
هسه أنا أودي وشي وين ؟؟
يا جماعة حدّ يصحي أب صلعة عشان يخورن لينا الزول ده بي بوستيه الفضيحة ده
****************************
امانة فى ذمتك البوست ده فضيحة ياحاسد
حسى كلام نفيسى حبوبة طارق ده مالو ؟ عيبو لى
ما بس بتوريك الفرق بينها وبين نهال خجة الفتيل ,, لوووووووووووووووووول
| |
|
|
|
|
|
|
|
|
 Re: ما بين «نفيسي» و«نهال» فتيل «أليل خومرة» (Re: منال)
|
Quote: امانة فى ذمتك البوست ده فضيحة ياحاسد
حسى كلام نفيسى حبوبة طارق ده مالو ؟ عيبو لى
ما بس بتوريك الفرق بينها وبين نهال خجة الفتيل ,, لوووووووووووووووووول |
كالعادة الإستثنائية لم تأتي لحوار
وبيني وبينك كلنا البُن رامينا لكن ما لدرجة نقعد ليه في بمبر
أخاف نتشنقل :)
والله بوستات ود جبرين أنا لمن اقراها بتوضاً ست مرات والمرة السابعة بالتراب
نظام تيمّم وكده
أعوذ بالله من غضب الله
ياربي تسامحني
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: ibrahim fadlalla)
|
Quote: كتابة طاعمة وليها وش ملامحو بهية ...
شكرا للحبوبة النضيجة وفصيحة ...وشكرا ليك ، أضحكت وأفدت ...
---------------------------------------------------------------
برة الشبكة ..
|
ابراهيم يا حبيبنا
كيفنك يا جميل
تليشة:
الحاجة البرة الشبكة عرفتها بس منتظر تسمح الظروف ونقدر نصور الفيتوري
عشان نطمئن أحبابه
تسلم يا جميل
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: حبيب نورة)
|
Quote: كالعادة الإستثنائية لم تأتي لحوار
وبيني وبينك كلنا البُن رامينا لكن ما لدرجة نقعد ليه في بمبر
أخاف نتشنقل :)
والله بوستات ود جبرين أنا لمن اقراها بتوضاً ست مرات والمرة السابعة بالتراب
نظام تيمّم وكده
أعوذ بالله من غضب الله
ياربي تسامحني |
خلك من الوضوء
انت التيمم فارزو دحين
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: ولياب)
|
Quote: والله يا طارق خجة الفتيل خشم بيوت ، واحد صاحبنا كان متزوج (نفيسة) سنين وقرر أن يثني بـ (نهال) وبعد مرور سنة وأكثر سألناه (كيف !!!) .
قال : خجة فتيل الخمرة بيذكرني خجة فتيل ( البنسلين) وكأنهن حيقنوني .
|
الله لينا عاد من زي دة
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: محمد حيدر المشرف)
|
صاحبنا عندو خالو عايش في المانيا ومتزوج خواجية فمرة الخال ود اختو اتزوج وجا عندو هناك هو و عروسه السودانية بكامل حنتها وخمرتها وكبريتها
والجماعة قاعدين بيتونسو العريس وعروسو والخال والخواجية فالولد بيسال خالو ( عامل كيف يا خال )
الخال ( عامل كيف ؟ اهو مصاقرين ........* ده )
مثل سوداني غير سري (بعد العشاء ما في اختشاء )
شكرا يا ود جبرين
ــــــــــ
*مكان النقط ممكن نديها بالتلفون على الهواء لا لووووول
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: محمد إبراهيم علي)
|
Quote: حسى كلام نفيسى حبوبة طارق ده مالو ؟ عيبو لى
ما بس بتوريك الفرق بينها وبين نهال خجة الفتيل ,, لوووووووووووووووووول |
الناعسات عيونن نور جبينن هلا === ما بين تبري صافي واخدراني اللون
اودجبرين يامشوطن
باقيلك قصتك بنات الزمن ديل بتقع ليهم
الزمن دا اي حاجه ابوسريع ( كل الفطير وطير )
عايز اقول الان اصبحت لمثل هذه الاشياء بدايل اخرى
يعني في عجينة دلكة دخان يعني المره لامحتاج حفره ولا حاجه
بس باقيلك دا ما احتيال على القانون
.
.
ابداع ياود جبرين وكل سنة انت وضيوفك طبين
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: وليد عبد اللطيف)
|
Quote: الناعسات عيونن نور جبينن هلا === ما بين تبري صافي واخدراني اللون
اودجبرين يامشوطن
باقيلك قصتك بنات الزمن ديل بتقع ليهم
الزمن دا اي حاجه ابوسريع ( كل الفطير وطير )
عايز اقول الان اصبحت لمثل هذه الاشياء بدايل اخرى
يعني في عجينة دلكة دخان يعني المره لامحتاج حفره ولا حاجه
بس باقيلك دا ما احتيال على القانون
.
.
ابداع ياود جبرين وكل سنة انت وضيوفك طبين |
ولي يا حبيب كيفنك
قلتلي القصي بقت عجينة بس
علمه واسع ياخ
| |
|
|
|
|
|
|
|
|
|
Re: ما بين «نفيسي» و«نهال» فتيل «أليل خومرة» (Re: محمد إبراهيم علي)
|
Quote: صاحبنا عندو خالو عايش في المانيا ومتزوج خواجية فمرة الخال ود اختو اتزوج وجا عندو هناك هو و عروسه السودانية بكامل حنتها وخمرتها وكبريتها
والجماعة قاعدين بيتونسو العريس وعروسو والخال والخواجية فالولد بيسال خالو ( عامل كيف يا خال )
الخال ( عامل كيف ؟ اهو مصاقرين ........* ده )
مثل سوداني غير سري (بعد العشاء ما في اختشاء )
شكرا يا ود جبرين
ــــــــــ
*مكان النقط ممكن نديها بالتلفون على الهواء لا لووووول |
ود إبراهيم كيفنك
تعرف الطيب صالح الله يرحمه قال لي:
يا طارق يا ولدي اوعك تعرس زينا نحن عرسنا عرس ممصمص لا دلكة لا خُومرة
| |
|
|
|
|
|
|
احدث المقالات بسودانيزاونلاين اليوم
| |
طارق جبريل
أمير عثمان
محمد حيدر المشرف
سيف الدولة كامل
osman righeem
ولياب
حبيب نورة
مجدي عبدالرحيم فضل
محمد عبد الماجد الصايم
abas
Mahmoud Mustafa Mahmoud
الطيب عثمان يوسف
ibrahim fadlalla
عبدالكريم أحمد الامين
حافظ انقابو
ياسر عبدالكريم محمد
محمد إبراهيم علي
وليد عبد اللطيف
فيس بوك
تويتر
انستقرام
يوتيوب
بنتيريست