|
أكتب لكم هذا البوسط من داخل الناموسية , لا اله الا الله - صور
|
الشكية لغير الله مذلة... ما تنجلي مصيبة في سودان السجم إلا وتأتينا مصيبة أخرى بعدها بسرعة البرق وأسوأ منها... فبعد أن جفت مياه الأنهار من شوارع وحواري الخرطوم تدريجياً، تجتاح هذه الأيام العاصمة السودانية "الخرطوم" وخاصة منذ بداية شهر سبتمبر 2012م حشرات مزعجة وغير مرحب بها على شاكلة:
الذباب والباعوض والقراص ونمل أبو ريش وغيرهم من الحشرات الضارة
نهار الخرطوم ذباب وليل الخرطوم حدث ولا حرج "أبقى راجل أو مرة وأرقد في الحوش بدون ناموسية أو كريم طارد للناموس"، فيلم الرعب دا يا حبيبي بيبدأ من الساعة 7 مساءاً لغاية الساعة 7 صباحاً والجزء الأول من الفيلم بطولة الباعوض والقراص، والجزء الثاني من الفيلم يبدأ الساعة 7 صباحاً لغاية 7 مساءاً وهو من بطولة الذباب... فيلمان يعرضان علينا قسراً وفرضاً وحمرة عين في قناة الخرطوم اليومية... ولكن لا حياة لمن تنادي... ما في مسئول واحد عندو حرارة قلب قام بعملية رش للبعوض... ولا في زول من ناس المحلية قال لينا تلت التلاتة كم؟!!
بس قاعدين في مكاتبهم ومادين كروشهم الكبيرة وضاربين المكيف ولا يهمك يا مواطن.
الضرائب البدفعوها الناس شهرياً قاعدة تمش وين؟ العوائد قاعدة تمش وين؟ ناس اللجان الشعبية شغلهم شنو؟ المعتمد قاعد يعمل في شنو؟
يا ناس والله حرام عليكم بالجد، كرهتونا السودان والدول المجاورة، والله الإختشوا ماتوا وشبعوا موت كمان، المواطن بقى ما فاهم أي حاجة في البلد الغريبة دي يعني "يشتغل عشان يعيش ولا عشان يحارب الباعوض والحشرات ولا يقري الأولاد ولا يدفع حق الإيجار ولا يدفع حق المواصلات ولا يدفع حق الموية ولا يدفع حق الكهرباء ولا يدفع حق النفايات ولا ولا ولا ...إلخ؟!!.
|
|
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: الامين موسى البشاري)
|
الامين يا ابن العم الحكاية صعبة خالص , الناس دمها نشف بالباعوض الناس قاعدة تموت موت بطيء الاكل غالي , والشوارع معفنة بالبرك و الضفادع ما تديك الدرب
Quote: هههههههههه مش يمكن الجماعة مربيين الحشرات دي يا احمد ياخ! المستشفيات تشتغل كيف؟ وفنيين الفحص والصيدليات |
خلي بالك ديل كلهم شبكة ومبرمجين الحكاية و البزنس مع الحكومة .
يا حكومة شوفو لينا حل وروشو الباعوض ده .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: امين علي الشيخ)
|
والله قلت الناموسية دي حقت شنو (يمكن عايزين يعرسوه والله (خلف مولود )واللا شنو الحكاية طلعت ناموسية للحشرات ياخ انت في مرحلة جد تحسد عليها انت في نعمة تعرف تلات ارباع السودان في العراء يلتحف السماء لا ماوى ولا سرير ولا لحاف ولانوم حشرات على غيرو ...
وبعدين يا ناس الكلاكلة انتو شكلكم ما جيتو على الخرطوم وام درمان والله ###### تخوض فيهو ما تقدر ###### وريحه كريهة وخبوب يعلم الله بس ...ولكن الايمان بقدر الله شرط في الايمان وكمان بس نقول لله في خلقه شئون والهم انا نسألك اللطف فيهو ...
يا زول ما تطلع من ناموسيتك دي بس ما تكون حمراء .. مني محبتي
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: نعمات حمود)
|
يا نعمات/ كيف حالك؟..... كلوا زي بعضه كان في امدرمان ولة الخرطوم جنوب نفس المناظر و القرف .... الان نحنا مع فيلم الضُبان , وبعد ساعة سننتقل الى فيلم الباعوض و القراص كنت بسمع قبيل في تلفزيون السودان "بالغلط" وسمعت معتمد سنار ووزير الصحة اعترفو بوجود كارثة في سنار وقالو ان نسبة الملاريات بلغت 28% من سكان الولاية يعني تلت المواطنيين في ولاية سنار مصابين بالملاريا ... شفاهم الله .
Quote: والله قلت الناموسية دي حقت شنو (يمكن عايزين يعرسوه والله (خلف مولود )واللا شنو الحكاية طلعت ناموسية للحشرات ياخ انت في مرحلة جد تحسد عليها انت في نعمة تعرف تلات ارباع السودان في العراء يلتحف السماء لا ماوى ولا سرير ولا لحاف ولانوم حشرات على غيرو ...
وبعدين يا ناس الكلاكلة انتو شكلكم ما جيتو على الخرطوم وام درمان والله ###### تخوض فيهو ما تقدر ###### وريحه كريهة وخبوب يعلم الله بس ...ولكن الايمان بقدر الله شرط في الايمان وكمان بس نقول لله في خلقه شئون والهم انا نسألك اللطف فيهو ...
يا زول ما تطلع من ناموسيتك دي بس ما تكون حمراء .. مني محبتي |
عرس شنو مع الفلس ده يا نعمات؟! , قولي حاجة تانية.. ربنا بس يبنجينا من كارثة الحشرات هذا العام عارف وشايف يا نعمات انه في ناس ما لاقين حق سعر الناموسية , مع انه اسعارها ليست بالباهظة ومن المفترض انه الدولةتوفر ناموسيات لكل اسرة فقيرة , عشان على الاقل نعمل على الحد من الامراض . إنت عارفة يا نعمات! ربنا لو ما اكرم السودانيين بصفة التكافل بين الفقراء و الاغنياء زمآآآآآن كنتي حتسمعي بانقراض الشعب السوداني حاجة جميل في البلد دي ,, بتلقي الغني بيمد يده للفقير , وانتشر البيع -للسلع- بطريقة قدر ظروفك .
طبعا الكيزان المعنفين ديل جشعين ويوم كدهما شوفناهم قاعدين يساعدوا فقير
لعنة الله عليهم .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: امين علي الشيخ)
|
يا امين ...... الحمد لله على كل حال .
Quote: والله يا احمد أنتو في نعمة أولادي رجعو امبارح من السودان بحكو لي الباعوضة في العمارات يترفع الناموسية وتدخل معاها اخواتا ويقعدو معاك جوه للصباح ويسلموك بعدها للضبان!!! احمد الله ياخ |
نعم يا خي .. بعض الناموس يتسلل داخل الناموسيات ... لكن كيف انا ما عارف
في حشرات كدا تقول جايبنها من برة أول مرة أشوفها وما بتعرفها عقرب ولا عنكبوت ولا ضبانة ولا نمل أب ريش ولا ثعبان حاجات عجيبة كدا وبتعمل فيك عمايل النجار ما بيعملها في الدولاب.
بعدين أنا داير أعرف حاجة واحدة يعني المسئولين ديل ساكنين برة السودان وبجوا في مكاتبهم يومياً بطائرات خاصة وبرجعوا برة السودان تاني ولا شنو؟!!
الواحد تلقاهوا ساكن جارك وبيعاني زينا ويمكن أكتر وفي إيدوا يصلح الوضع المائل شوية شوية.
لكن لأنهم ناس جعانين ومستجدين نعمة همهم الأول والأخير تكديس الأموال وناسين إنوا في رب كريم
يلا هم حيروحوا من ربنا فين؟!!.
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: احمد محمد بشير)
|
يا اخوى انت تمشى السودان وما تدينا خبر ؟؟؟ حمد لله على السلامة واجازة سعيدة يا زول مع البعوض والملاريات لكن انا ما عارف الجديد شنو فى الموضوع يا احمد اخوى ؟؟ ما هى كل سنة نفس الحال دا واسوء الا مرات مرات ورحمة بنا ربنا بيعفى الخرطوم من الامطار .. يا اخى كل سنة الحكومة بتعلن الاستعداد لفصل الخريف انا ما عارف ديل قصدهم شنو بالخريف او قصدهم شنو بالاستعداد والسنة تمر والمشكلة قائمة وما شفنا يوم مسؤول اتحاسب دى حكومة معفنة يا اخوى
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: عاطف رميتي)
|
Quote: خلي بالك ديل كلهم شبكة ومبرمجين الحكاية و البزنس مع الحكومة .
يا حكومة شوفو لينا حل وروشو الباعوض ده . |
الملاريا اتمادت وفاتت المعقول يا وزارة الصحة شوفوا لينا حلول
دا مقطع من أغنية ولا نشيد ما عارف كنا ننشده ونحن في الابتدائي كلامك دا ذكرني ليهو هسي ويبدو أن الباعوض قد تمادى كما تمادت الملاريا عارف يا احمد هنا لوقلت عندي ملاريا طوالي بحجزوك في الكرنتينة ....... والله صحي
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: احمد محمد بشير)
|
فعلا يا اخ احمد والله الايام دي ظاهره عجيبه جدا جدا للذباب والناموس ، ياخ تشغل المروحه للطيش الذباب كلو يتكوم خشم الباب والله لما يجيك ضيف اخجل زاتو مع الجيران غايتو اتفقنا انو نهائي ما نخلي بواقي اكل فاتحه ولا وساخه ، وطبعا عربات الوساخه الايام دي ما شغاله فبقينا برانا نشيل الاوساخ بعيد وحرقناه بس بعد دا لسه في ذباب وردمنا المويه بس برضو في باعوض لسه من المغرب تشد الناموسيات والا فالويل لك الله المستعان
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: هويدا شرف الدين)
|
Quote: علي العلينا كمان جابت ليها حشرات يا احمد يا ولدي قلت وين المسئولين يا ابني دوول امتهنوا السرقة والكذب والنفاق الله لا كسبهم ولا غز فيهم بركة |
الخال حمزاوي .. فعلا لا حياة لمن تنادي .. المسؤول أثبتو فشلهم إنتو عندكم في اتجاه شرق رحمة شوية كده لكن اتجاه المزارع والمحلات الفيها موية وخيران , الحكاية بطالة خالص . نحنَ دايرين عمر البشير ده الله لا كسبو ومعاهو وداد وفاطمة خالد يجوا يبيتوا معانا يوم واحد بس و الله العواليق ديل لو بيحسوا كان الباعوضة دي زمان انقرضت يا اخي دي حاجة بسيطة وما بتكلفم كتيييير و لكن انا حقيقي ما عارف البشير ده بيعمل كده لي شنو
خافو الله يااااااااااااااااخ , ولا حول ولا قوة الا بالله .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: احمد محمد بشير)
|
Quote: يا اخوى انت تمشى السودان وما تدينا خبر ؟؟؟ حمد لله على السلامة واجازة سعيدة يا زول مع البعوض والملاريات لكن انا ما عارف الجديد شنو فى الموضوع يا احمد اخوى ؟؟ ما هى كل سنة نفس الحال دا واسوء الا مرات مرات ورحمة بنا ربنا بيعفى الخرطوم من الامطار .. يا اخى كل سنة الحكومة بتعلن الاستعداد لفصل الخريف انا ما عارف ديل قصدهم شنو بالخريف او قصدهم شنو بالاستعداد والسنة تمر والمشكلة قائمة وما شفنا يوم مسؤول اتحاسب دى حكومة معفنة يا اخوى
|
الشقيق هشام لك التحية و الاحترام معليش يا اخوي ما كلمتك لانه نحنَ فرع الخرطوم اصلا قاعدين هنا في البلد دي. الجديد في الموضوع يا ااخوي هشام إنه الحال ياهو بقى أكعب واسوأ من ما إنت سافرت السعودية .. سبحان الله حتى في البد كمان ظهر الباعوض. الناس تعبانة وحقيقة بتعاني مع هذا الباعوض .... السادة معتمدي الخرطوم ما بيحسوا نهائيا الناس إتجهت للناموسيات ... و الكثير من الفقراء لا يملكون تمن الناموسية . الاديب مامون اهو ما قصر وكتب عن هذا الموضوع فِرق إنتحارية ، وخطط جهنمية عاجلة ! الموت للقتلة السفاحين !
الله المستعان .. وربنا يورينا فيهم يوم , هؤلاءالقوم الذين لا يخافون الله .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: هويدا شرف الدين)
|
Quote: فعلا يا اخ احمد والله الايام دي ظاهره عجيبه جدا جدا للذباب والناموس ، ياخ تشغل المروحه للطيش الذباب كلو يتكوم خشم الباب والله لما يجيك ضيف اخجل زاتو مع الجيران غايتو اتفقنا انو نهائي ما نخلي بواقي اكل فاتحه ولا وساخه ، وطبعا عربات الوساخه الايام دي ما شغاله فبقينا برانا نشيل الاوساخ بعيد وحرقناه بس بعد دا لسه في ذباب وردمنا المويه بس برضو في باعوض لسه من المغرب تشد الناموسيات والا فالويل لك الله المستعان |
هويدا كيف حالِك و الله يعينك و يعنيك جميع من معكِ الان ونحن في أحداث فلم الباعوض قلتي لي مروحة يا هويدا؟! ياخي هوي باعوض السجم ده بيجي مع المروحة . واصلا هو في فترة النهار بيكون ساكن داخل المكيفت ومجرد ما تفتح المكيف بيجي طالع مع الهواء زي الشيء الكعب , شوفتي المصائب دي كيف ؟
و الله إنتو يا نساء السودان و الله تعبانيين ونحنا ما بنرضى ابدا بي تعبكم وبهدلكم مع الوساخة و هذه الحشرات ........... لكن نعمل شنو مع حكومة الجرذان و الحرامية دييييل ؟ الله لا كسبم معفين تقول ما عندهم نساء اقاربم ...... و الله مسئول سوداني ود بلد مستحيل يبهدل اهله كده ..... لكن دييييل حثالة ويجب إبادتم .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: الامين موسى البشاري)
|
Quote: الملاريا اتمادت وفاتت المعقول يا وزارة الصحة شوفوا لينا حلول
دا مقطع من أغنية ولا نشيد ما عارف كنا ننشده ونحن في الابتدائي كلامك دا ذكرني ليهو هسي ويبدو أن الباعوض قد تمادى كما تمادت الملاريا عارف يا احمد هنا لوقلت عندي ملاريا طوالي بحجزوك في الكرنتينة ....... والله صحي |
شكرا يا ودعمي الامين تعرف يا الامين الاغنية دي اصلا ما سمعنا بيها الاغاني الزي دي بيحظروها طوالي و الله من نحاية ان البوعوض تمادى دي فا دي حقيقة واي زول في الخرطوم دي عارف وبيعاني
ولايات النيل الازرق وسنار و النيل الابيض تم اعلان انها مناطق كوارث ونسب الملاريا فيها فاقت المعدلات .
غايتو الله يكون في العون بس
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: عاطف رميتي)
|
Quote: سلام من الله عليكم وكان الله في عون السودان والسودانيين ارفعوا ايديكم الى من له مقاليد السموات والارض ربنا يسلمكم من كل بلا .. ويرفع الوباء عن بلادنا |
اللهم آمين .. اللهم آمين. الاخ عاطف شكرا لك ربنا يسلم جميع السودانيين المتواجدين داخل هذا البلد المنكوب ويرينا يوم في هؤلاء الظلمة تجار الدين .
الان في الفترة الصباحية , نحنُ مع فاصل الذباب . سبحان الله الضبان بقى يقوم ويصحى قبل البشر.
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: مامون أحمد إبراهيم)
|
والله يا احمد لما شفت كلمة الناموس ية ولا اله الا الله
قت الود ده اظنوا دخل جوه واحد من الغارات الدخلها السيدح ديك
والموضوع عنده علاقة بالفيلم المسيئ وحا يكون في كرامات وكده
اقوم اجي داخل القاك لابد لي من بعوض؟؟
بعوض يا احمد وانت هازي ولازي المنبر ده بإيدك وكراعك وواقف الف احمر للكيزان؟
نلقاك لابد تحت السرير عشان بعوض؟
يا حبيب والله انا زاتي ما قايلك قاعد في السودان
ولو كنت قايلك كنت قابلتك انا حسي جاي من السودان
انا قايلك الوكت ده كله مجدع في السعودية ومرتاح ومتدلع
يجي يمرقك لينا البعوض بالصورة دي؟؟ يخس على البعوض
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: Mannan)
|
Quote: أخى احمد محمد بشير والله دة بوست الموسم تكتب من داخل الناموسية؟ وكأنك تكتب من ميدان المعركة... اسلوبك جميل ... ضحكت لمان دمعت من بوستيك يا ابوحميد... اسلوبك جميل فى نقل الصورة المأساوية لعنة الله على الضبان والناموس والجابهم ... يعنى الما عندو ناموسية ياكل نيم يا ابوحميد!!! الله ليهم... |
نوري جليلة إر مسكاقمي ووياد أضحكت الله سنك واتمنى إنك دائما تكون مبسوط , ويانوري انسى هذه الدنيا ومشاكلها التي لا تنتهي و إن شاء الله في النهاية سنجد الفرج و الخلاص من حثالة الإنقاذ ومن حيث لا نحستب , حقيقي يا نوري المشكلة ماشه في زيادة وفي الاسوأ في كل يوم جديد والله لومافي ناموسية الله قال بي قولك كتييير من الناس بتعاني أشد المعاناة ..... بلد حاكما الجرذان أكيد لا تستطيع ان تنوم فيها ليلة واحدة وسعيدة في الهواء الطلق وتنظر للسماء كما كنا ننام سابقا وتحدق في النجوم وبدون مشاكل بيئية , زمان الناس كانت مرتاحة , اما الآن الإهمال واضح وما يحدث الآن هو النتائج الطبيعية لفشل الإنقاذ في قيادة هذا البلدد وهذا الشعب العظيم .
الله يخلصنا من هؤلاء الظلمة .... يارب خلصنا من هؤلاء الذين لا يخافونك ولا يرحمونا.. يارب عجل بهذاب هؤلاء الإنقاذيين الفاشلين واخسف بهم الارض .... وحسبنا الله ونعم الوكيل .
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: ASHRAF MUSTAFA)
|
Quote: سلام يا بوحميد ما تكون اتحسست من كلامي الفوق ده طبعا حقيقة انا كنت فاكر البوست ذو طابع ديني لكن الباقي ليس الا مداعبة ومشاغلة |
بالعكس يا اشرف اتحسس من شنو ؟ دي حقيقة وانا طرحتها للعامة هنا..حتى نساهم في لفت العامة والاعلام لهذه الظاهرة التي هلكت معظم الناس هذه الايام.
و الله ما تتصور انا فرحت كيف لمن شوفتا توقيعك ومساهمتك في البوست بس و الله آسف على التأخير في الردود .... اخوك فاتح مواضيع كتيرة في هذا الربع وما ماقدر يكفي الاعضاء بالردود نسبة للمشغوليات التي تأتي من حيث لا تحتسب .
فعلا العنوان بيعطي طابع ديني ههههههههههه , ونعمات فوق قالت لي لمن قرت عنوان البوست إفتكرت إنو اخوك بقى عريس وداخل في الناموسية وطبعا هي قاصدة الكوشة ... رديت عليها وقولتا ليها عرس شنو مع الفلس ده :)
| |
|
|
|
|
|
|
Re: أكتب لكم هذا البوسط من داخل الناموسية , لا اله الا الله - صور (Re: ASHRAF MUSTAFA)
|
Quote: والله يا احمد لما شفت كلمة الناموس ية ولا اله الا الله قت الود ده اظنوا دخل جوه واحد من الغارات الدخلها السيدح ديك والموضوع عنده علاقة بالفيلم المسيئ وحا يكون في كرامات وكده اقوم اجي داخل القاك لابد لي من بعوض؟؟ بعوض يا احمد وانت هازي ولازي المنبر ده بإيدك وكراعك وواقف الف احمر للكيزان؟ نلقاك لابد تحت السرير عشان بعوض؟ يا حبيب والله انا زاتي ما قايلك قاعد في السودان ولو كنت قايلك كنت قابلتك انا حسي جاي من السودان انا قايلك الوكت ده كله مجدع في السعودية ومرتاح ومتدلع يجي يمرقك لينا البعوض بالصورة دي؟؟ يخس على البعوض |
وييييين يا صديقي/ أشرف البريطاني و الله فيكم أولا البركة فيكم وعظم الله أجركم ... و الله قرأت وتابعت أحزانكم عبر البورد وتألمت كثيراً ولكن أقول لك أن هذا هو حال الدنيا وما عليكم إلا بالصبر و الإحتساب و إنا لربنا لمنقلوبون .
هههههههه اضحكني تعليقك على الرغم من الآلام المصاحبة لقرصات الباعوض . لازم نلبد يا اشرف وبعدين انا قولتا ليك مافي زول بعض المغرب بيقدر يقعد من غير ناموسية إنت كونت قاعد تنوم وين لمن جيت السودان ؟ وهل كنت قاعد تنوم في الهواء الطلق . يا حبيبي نحنَ دايرين البشير ووداد وكم نفر من ناس الحكومة ديل يجوا يبيتو في هذه المناطق وبعدها عايزين نعرف شعوركم كيف ... ديل عالم حثالة قاعدين جوة قصورم الفارهة وما جايبين خبر بأهلهم المرة الجايييه نشوف يا اشرف ولمن تجي راسلني في الخاص وستجدني في استقبالك
ممنون يا أشرف ........ يا صديق
| |
|
|
|
|
|
|
|