بناطلين النضال ضاقت ... تاملات في ما آل اليه الحال

Quote: ولأساسي أقول اسحب هذا الكلام وإلاسوف ارد بما لاترضي وبالأمس انا تحدث معك عن مداخلتي ومن حقك ترد عليها ولكن لا اري مبرران تكتب عن ما كتبه رفاعي عن لساني وعن الاجتماعيات الاجتماعيات الحقيقية هي التي لا تظهر في المنابر كشي يعف عنه المرء وشغل المشطات ده لا يليق بالرجال وشكرا أساسي هذا التغول علي حقي مرفوض جملةً وتفصيلاً ولاداعي لمداخلتك هذا عن لساني وانا من اقرر ما اقول ولا شخص يحق له القول عن لساني وهذا تسويق رخيص للنيل من زميل احترمه واقدره وهو معاوية عبيد الصائم ،،،،أبوقصي،،،،

وايم الله لم اضحك خلال الشهر المنصرم بقدر ما ضحكت هذا النهار العظيم علي هذا الكلام العجيب , علي الدين ابهجت يومي يا مجدي وساهمت في تشكيل نهاري السعيد هذا باكثر مما فعل " حسن زلابية " قدس الله كيبورده وابهجه كما ظل يبهجنا دائما .
قدر ما قريت كلامك دا وعدت امكن ستة مرات كل مرة اقول بسم الله واقراهو من جديد وحاولت اقراهو من تحت لي فوق وتاني قررت اني اقراهو بالجنبات تصدق لولا الحياء والخجل كنت قلبت شاشة الكمبيوتر بي ضهرها وحاولت اخترقها بنظري واقرا كلامك دا مرة اخري الا انه خشيت الضحك علي من بقية الزملاء وخفت ابهج يومهم كما فعلت انت سلفا وابهجت علي هذه اللحظات الندية .
زي ما قلت ليك كلامك دا جيتو من اي اتجاه وقريتو علي اساس انه رد علي مداخلتي اعلاه غلبني استوعب هل الكلام دا كله وهذه الثورة العارمة وهذا التشنج العجيب ردا علي مداخلة الرفاعي التي ذكر فيها ما حدث في اتصال تلفوني بينكم والتي ابتدرتها للعجب بهذا المدخل الاستدراكي "الاخ الرفاعي ان كان ما ذكرته علي لسان مجدي صحيحا " قلت في سري بعد تجاوز كل محاولات قرائتي لمداخلتك وردك هذا معقول مجدي دا قاصد مداخلتي دي وبطلبني بحذفها كمان , قرأ فيها شنو غير ما ذكره الرفاعي وخلاه يثور هذه الثورة الهادرة , تصدق رجعت قريت كلامي تاني قلت امكن كتبت حاجة اغفلت اني استوعب معناها انا زاتي ورجعت قريتها تاني واسع قبل ما اواصل في المداخلة دي حامشي اعيد قرائتها تاني امكن القي ما استنبطته انت وعجزت انا عن ادراكه في مداخلتي , تصدق قسما بالله مشيت قريتها تاني بعد الشولة دي وجيت تاني زي ما مشيت والغريبة لقيت اني بطالب باعادة معاوية الي المنبر ما دام هو داير يعتذر عشان يعتذر قدام الناس ودا طلب مفروض انت البتدافع عن معاوية يفرحك ما يخليك تثور هذه الثورة الممكن بارتياح تملاء بيها ميدان تحرير براك وتنحي ما تشاء .
تصدق يا مجدي كلامك الفوق دا علي مداخلتي الرديت بيها علي الرفاعي اكبر من طاقة مداخلتي علي التحمل ما حاقول ليك حملت مداخلتي فوق ما تحتمل ولكن بقول ليك الكلام الكتبته دا ما عندي ليهو تفسير " طبيعي " الا انه نابع من عدة اشياء , اما انك انت عندك مشاكل في استيعاب اللغة العربية الطبيعية . ودي حاجة انا ما برجحها الا في حالة احسنت الظن بيك وبي كلامك , ااو كمان انت محتقن سلفا ومحتاج فرصة لتفجير احتقانك دا وشفت انه المداخلة دي مناسبة لانك تفجر هذا الاحقان , ولا كمان انت قاعد تهاظر ساكت ومداخلتك دي من باب المزاح لانه ما ممكن كل الكلام دا يكون رد علي مداخلتي الاقتبستها ردا علي الرفاعي دي .
لكن المحير فعلا كلام التهديد الوارد شذرا في منتصف كلامك والواضح انك بتعنيه بل اسهبت وجابت ليها " مشاطات وفلايات " والنصيحة دي الحتة الضحكتني جدا وابهجت يومي , ما كلمة مشاطات ولكن تهديدك لي موش تهديد وبس وكمان اوامر بحذف المداخلة بتعاتي والا حتوريني الويل وسهر الليل هههههههههههههههههههههههههههه علي الدين بضحك الان لمن الزول المعاي في المكتب قال لي ان شاء الله دائما ضاحك ومبتهج , طبعا حاقول ليك ما بحذف المداخلة وما حاقول ليك اعلي ما في خيلك اركبه لكن ممكن اساعدك ,
وكمان ما زاد من نوبة ضحكي هو الخارم بارم بتاعك بتاع انا اقرر وما اقرر يود لا بسحروك , يعني مداخلتي الفوق دي حارقاك وعاجباك لدرجة انك تقتبسها وترجعها لي هاهاهاهااها طيب ما دام زعلان قدر كدا خليك كريتف ومبتكر وخلاع ومبدع وما تكرر كلام اتقال ليك في ذات البوست , ولا هو كلام والسلام !
تصدق وتامن بالله علي ذكر المشاطات وكلامن قرررربت اديك كلام المشاطات الجد , لكن قلت يا اساسي خليك حصيف وما تقطع شعرة " معاوية " وبوست وبيعدي والنفوس بتهدأ
عليك دينك يا مجدي جادي في تهديدك دا

ملاحظة : النصيحة لله عجبتني التغول دي واسع كتبتها في ورقة ومعلقها في صدر الشاشة