|
|
|
 Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: ترهاقا)
|
Quote:
والله عفارم على هذا البطل ، والله خلانا نرفع راسنا وخصوصا في مسابقة عالمية
والمنافسة فيها شديدة جدا والواحد لمن يشوف كلمة سودان في صدر أي بطل وكمان يطلع البرنجي
|
الشامخ ترهاقا .. لك التحية و الاحترام ...
فعلا كاكي رفع راسنا .. تعرف يا ترهاقا ؟! امس كان في شباب بتناقشوا وزعلانيين انه ليه قناة الجزيرة الرياضية ما عملت لقاء مع كاكي بعد فوزه بالجولة .. وليه عملت لقاء مع السعودي اللي احرز المركز الثالث وكان متنافس مع كاكي .. سيست ليهم الموضوع وقولت ليهم انتو زاتكم الجزيرة ما معتبراكم عرب , وانتو في نظر القناة مدعيين للعروبة وبعدين الجزيرة متجاهلاكم ومحازة لجانب البشير وما بتنقل اخباركم !! ...... بعد ما قلت ليهم كده سكتوا طوالي .
| |
  
|
|
|
|
|
|
|
|
Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: عادل نجيلة)
|
Quote:
جانب من تدريبات كاكي للحصول على ذهبية 800 متر!
عفوآ الصورة كما ظهرت في الفيسبوك اليوم عقب تأهله والتعليق من عندي
التعديل لإضافة مصدر الصورة |
عادل نجيلة .. كيف حالك .. وصديق صاحبنا كيف .. الزول ده ما ظاهر في رمضان!
تسلم يا عادل والصورة معبرة جدا وكان فتحت بوست بصددها في المنبر , واضح يا عادل الاهمال الحكومي لابطالنا لذلك شاهدنا العديد من النتائج العكسية في البطولات السابقة.. لكن رغم ذلك يستمر كاكي وينافس ليهدي الشعب المقهور الفرحة.
| |
|
|
|
|
|
|
|
|
|
Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: الحاج حمد الحاج)
|
| Quote: مليار مبروك للسودان..مليار مبروك للبطل كاكي الذي ظل دائما رافعا لعلم السودان في المحافل الرياضية. |
أخونا الرياضي .. الحاج حمد الحاج .. شكرا لك انت لوقوف مع البطل .. منذ فترة ووضعك لصورة البطل لتزين بها بروفايلك
ان شاء الله لو ربنا سهل سيرفع علم السودان عاليا يوم الخميس القادم في النهائي
وباذن الله يتأهل كاكي من نصف النهائي اليوم ....
| |
|
|
|
|
|
|
|
|
 Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: تبارك شيخ الدين جبريل)
|
اعجبني تعليقك يا تبارك .
Quote: والإدانة للمجازر التي يتعرض لها اهل "ككي" الذين يعيشون في الكهوف عيشة العصر الحجري خوفًا من انتينوف البشير ...
"ككي" هو "الدهب المجمر" في ذاته ... نعطيه الحريق فيعطينا الجمال والفخار ... سواء نال ميدالية الذهبية أم لم ينل ... فقد نال من خذلاننا ...
|
تسلم يا تبارك يا ود شيخ الدين .
انت دائما حكيم وردودك في قمة الحكمة .. نعم يا تبارك كاكي كالدهب يحرق بالنار فيتوهج و يعطينا الجمال و الفخار.
| |
|
|
|
|
|
|
|
|
|
Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: Mannan)
|
Quote: كاكى بطل من ابطال الهامش السودانى رفع رأسنا عاليا...
فى زمن قاس لا يرحم استطاع ان يشق طريقه الى القمة... المجد له..
نورالدين منان |
تسلم/ ياسفير المهمشين نور الدين منان
كاكي موعود بالدهب .. كان مميز للغاية كما شاهدتم , وقد استطاع ان يحرز المركز الأول في السباق التأهيلي وهو قادر على التتويج بالذهب نتمني ان يحقق كاكي الميدالية الذهبية كأول ميدالية اولمبية ذهبية في تاريخ السودان وهو قادر علي فعل ذالك .. نتمني التوفيق لبطلنا الأولمبي كاكي اليوم .
*تصفيات نصف النهائي اليوم الثلاثاء 21:40 GMT
*النهائي يوم الخميس إن شاء الله
| |
|
|
|
|
|
|
|
|
|
Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: محمد زكريا)
|
Quote: للبطل ابوبكر كاكى فخر السودان
وفخر فقط ان تتصور بجانبه او معه هههههه
استغليت الفرصه عندما جاء الى اوسلو وفاز بالفضيه
اتمنى ان يذهب السودانيين فى لندن للمشاهده والتشجيع والافتخار بالذهبية غداً |
يا بختك يا ابو الزيك صورة تذكارية مع النجم
إن شاء الله يذهب السودانيين اليوم الى الملعب للاحتفاء والوقوف مع النجم .. منذ الامس قاعد اقدم ليهم خدمة عبر البوست واوافيهم بالمواعيد اليوم الساعة 21:50 بتوقيت لندن .. اتمنى انه كل السودانيين يذهبوا الى هناك , وامس لم نلاحظ اعلام السودان وكاكي ما حمل العلم كالعادة بعد الفوز!
| |
|
|
|
|
|
|
|
|
 Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: ناصر فراج)
|
Quote: تسلم يا احمد ورمضان كريم
مع الامنيات للبطل كاى بالذهبية باذن الله |
حبيبنا ناصر.. الله اكرم .. وتصوم وتفطر على خير و إن شاء الله من عتقاء الشهر .. الذهبية قادمة لو ربنا كتب التوفيق .. الحمد لله كاكي تصدر الترتيب في الجولة الاولى وفات حتى روديشا في الزمن القياسي .. دعواتكم وتضامنكم له ليكون حافزا لهم لتقديم افضل ما لديه ليرفع راية صقرالجديان عاليا فى سماء لندن يوم الخميس القادم .
| |
|
|
|
|
|
|
|
|
 Re: (فـيديو) شاهد/ أبوبكر كاكي , يحرز المركز الأول - ألف مبروووووك (Re: Kostawi)
|
ياسلام عليك يا كوستاوي
ما قصرتا و الله بالصور الـHD و المقاطع المهمه .. خليك جاهز الليلة يا كوستاوي (اوعك تسرح مع كورة البرازيل وكوريا المتزامنة مع المنافسة) وسجل المنافسة لو لقيت طريقة لانه نحنا ممكن نتاخر في صلاة التروايح و انت عارف السودانيين ونقتم بعد صلاة التراويح , لكن اخوك الليلة حا يعمل ليهم كشه من المسجد .. بالتوفيق لكاكي واسماعيل حتى الوصول لمنصة التتويج. :)
| |
|
|
|
|
|
|
| |
احمد محمد بشير
اسماء الجنيد
خالد العبيد
خضر الطيب
سيف الدولة كامل
ترهاقا
محمد زكريا
Amani Al Ajab
Mannan
Kabar
احمد العربي
تبارك شيخ الدين جبريل
الحاج حمد الحاج
هيثم التوم
ناصر فراج
Kostawi
عبدالكريم عبدالله
فيس بوك
تويتر
انستقرام
يوتيوب
بنتيريست