|
ترف إفطار البورداب .... هل نوقفه هذا العام؟
|
رمضان كريم ... وأتمنى للجميع صياماً مقبولاً.
يطل علينا رمضان في هذا العام وشبابنا وأهلنا يجوبون الشوارع ثائرين ومحتجين على ضنك العيش.
يطل علينا وهناك الآلاف من المعتقلين من الإحتجاجات الأخيرة (بعضهم زملاء بالمنبر).
فهل سنواصل ما نقوم به كل عام، ونتنافس (عصيدة فلان شديدة) و(بسبوسة علاّن لا يُعلى عليها)؟؟؟؟
هل حقاً سنفعل ذلك هذا العام؟
ألا يستحق هؤلاء الشرفاء من المعتقلين (أعضاء المنبر وغيرهم) - ضمن تضامننا - أن نلغي هذه الإحتفاليات، ولن تنقص من عبادتنا وصومنا شيئا؟
|
|
|
|
|
|
|
|
ترف البورداب (Re: احمد الأمين على إدريس)
|
اذا كان الافطار يتم من صندوق اشتراكات فانا اتفق معك واما ان كان مساهمات اعضاء فلا اعتقد ان هناك مشكلة ،، وبنفس منطقك اخي محمد هل تضامنت انت يوما ولم تفطر تضامنا مع المعتقلين ؟!
| |
|
|
|
|
|
|
Re: ترف البورداب (Re: العوض المسلمي)
|
Quote: وبنفس منطقك اخي محمد هل تضامنت انت يوما ولم تفطر تضامنا مع المعتقلين ؟! |
أصوم وأفطر، دون أن أقيم احتفالات وأنشر الصور.
Quote: اذا كان الافطار يتم من صندوق اشتراكات فانا اتفق معك |
كأنك تقول: فاطر بي حقي ... والمعتقلين ما عندهم حاجة عندي!!
| |
|
|
|
|
|
|
ترف البورداب (Re: محمد أبوالعزائم أبوالريش)
|
يعني المشكلة في اجتماع الاصدقاء والزملاء واخذ الصور التذكارية ؟؟ وهل اكلنا البلح والبليلة بعني التضامن مع المعتقلين وماذا في رائك الفائدة التي تعود عليهم من هذا التصامن ؟؟ معليش اخي محمد فقد جنحت الي امر لم توفق فيه
| |
|
|
|
|
|
|
Re: ترف البورداب (Re: العوض المسلمي)
|
Quote: ذا كان الافطار يتم من صندوق اشتراكات فانا اتفق معك واما ان كان مساهمات اعضاء فلا اعتقد ان هناك مشكلة ،، وبنفس منطقك اخي محمد هل تضامنت انت يوما ولم تفطر تضامنا مع المعتقلين ؟! |
| |
|
|
|
|
|
|
Re: ترف البورداب (Re: مزمل خيرى)
|
الاخ أبو الريش تحياتي نحن والله دي عادة سنوية حتي في أحلك الظروف نحن بنلتقي مع بعض والدنيا ما معروفة لانو بعد العيد القصة فيها سفر وسلاح وناس في الاقاليم ح يرجعوا بس بالله السنة دي وبعدكدا أنتو أحرار أنشالله ما تشوفوا بعض !!؟؟
| |
|
|
|
|
|
|
Re: ترف البورداب (Re: زهير عثمان حمد)
|
أخونا محمد ، رمضان كريم..
هناك الكثير جداً من طرق الدعم والتضامن مع المعتقلين ولا أظن أن التوقف عن الإفطارات الجماعية أحدها بل أنها - الافطارات الجماعية - يمكن أن تكون إحدى وسائل التضامن .. وبعدين وينوالترف الفي الإفطارات ؟؟ ما كل زول بيجيب فطورو - العادي - ويجي يفطر مع أخوانو!! الغرض الأساسي والمهم من الافطارات هو (اللمة) وتقوية الأواصر والعلاقات الاجتماعية بين الناس..
كل سنة وإنت طيب يا بوحميد..
| |
|
|
|
|
|
|
Re: ترف البورداب (Re: PLAYER)
|
Quote: وبعدين وينوالترف الفي الإفطارات ؟؟ ما كل زول بيجيب فطورو - العادي - ويجي يفطر مع أخوانو!! الغرض الأساسي والمهم من الافطارات هو (اللمة) وتقوية الأواصر والعلاقات الاجتماعية بين الناس.. |
مرحب صلاح ...
مافي ترف في الإفطارات .... وإنت شفتني بجيب قدحي مع الناس ....
لكن مع الحاصل ..... الفكرة نفسها ترف.
بنحتاج نذكركم إنو في زملاء معتقلين؟
| |
|
|
|
|
|
|
Re: ترف البورداب (Re: محمد أبوالعزائم أبوالريش)
|
شكراً لكل المرور ...
د. الصادق عبدالله محمد البشرى الخضر أحمد الأمين علي إدريس العوض المسلمي مزمل خيري زهير عثمان صلاح عبدالله بلاير
عندما افترعت هذا البوست، لم أكن أتوقع أن يتفق الناس معي ... وكنت أعرف أن الإفطارات قائمة لا محالة. لم يكن سؤال مباشر ليرد عليه محمد البشرى (لا) ولم أطرح ما طرحت لينبري لي العوض ويقول لي (جنحت) و(ما كان ينبغي) إلى آخر عبارات تكميم الأفواه.
هو صوتي أردت إيصاله.
| |
|
|
|
|
|
|
Re: ترف البورداب (Re: محمد أبوالعزائم أبوالريش)
|
معليش يا دكتور, حدّسونا قالوا لمّا تلقى "هل" و "؟" فدا نظام سؤال وكدي يعني ما قايلين القصة فيها وجهات نظر تانية
بعدين يا ابوالريش بأمانة كدا حركة تشيل اللنك و تجيبو لبوستات الإفطارات بايخة و لا تخلو من قلة الذوق
| |
|
|
|
|
|
|
Re: ترف البورداب (Re: محمد البشرى الخضر)
|
Quote: بعدين يا ابوالريش بأمانة كدا حركة تشيل اللنك و تجيبو لبوستات الإفطارات بايخة و لا تخلو من قلة الذوق |
أعتذر عن الحركة البايخة ...... وأمتعض وأتأذى من عبارة (قلة الذوق)
| |
|
|
|
|
|
|
Re: ترف البورداب (Re: محمد عبد الماجد الصايم)
|
ود البشرى : بس تاني ما تكررها ----------------------------- ههههههههههههههههه ، عجبني ليك عشان تاني لمن اناديك ما تعمل لي نايم المقصود بوست الفنان عمر دفع الله عن صورة الرباطي العذبه وآخرين في بيوت الأشباح
عذبو يا ود البشرى
اما بشأن موضوعك انا موافق على كلامك ومن هسع أعلن مقاطعتي لفطور بورداب الدوحة في سخانة دحل الحمام أو ضيق البيئة وح امشي إفطار القانونيين في أفضل صالات فندق رامادا ( 7 نجوم )
| |
|
|
|
|
|
|
Re: ترف البورداب (Re: أبو ساندرا)
|
أنا افتكر حكاية نعمل الإفطار بليلة وبلح وموية ونتصور قدام الكاميرات نظام أنحنا متضامنين حاجة كويسة !! بس الحاجة الماكويسة إنو بعد التصوير الناس ما تقوم جارية جري على بيوتا عشان تلحق الطيبات من مشوي ومحمر ومجمر ومفنجر !!
فاقترح نعمل توقيعات بالحاجة دي ..!!
ياتو حاجة دي !! راجعت مداخلتي لكن لقيت زي الما قدرت اوصل فكرتي !! غايتو الوصلو فهمي يشرح لينا لأني زاتي طار لي وما فهمت داير اقول شنو مع السخانة دي !!
| |
|
|
|
|
|
|
Re: ترف البورداب (Re: ناذر محمد الخليفة)
|
والله فعلاً يا ود الصايم، جاني إحساس إنو ود البشرى كان عايز ينادي 4 من ورا !!
بعدين العصِر ما مشكلة ... الفكرة دي عند أكتر من واحد .. وأنا أصريت أعلنها .. ومتوقع ردود الأفعال دي.
| |
|
|
|
|
|
|
Re: ترف البورداب (Re: محمد أبوالعزائم أبوالريش)
|
يادوب عرفت ..
أتاريك محرِّش أصحابك في مسقط من زمان.. بورداب مسقط .. ولا بالغلط يا محمد .. لا إفطار لا سحور ...
نهائي..
لكن اللمات مدوره .. السني، حيدر ، أسامه ... عصيده بالتقليه حائزة على شهادة الإيزو.. قهوه حبشيه فنجانين يخلوك تحب تاني..
تصوم وتفطر على خير
| |
|
|
|
|
|
|
Re: ترف البورداب (Re: محمد أبوالعزائم أبوالريش)
|
حقيقة ربما يقصد الزميل ماضي ظاهرة تنافس البورداب في عكس إفطاراتهم وتغطيتها بالصور .. كما درج الزميل كوستاوي في تغطية هذه الإفطارات وإختيار أفضل إفطار بينها .. وفي هذا نوع من التزجية والمرح بين البورداب .. ولعل الزملاء أعضاء المنبر من الذين درجوا على إقامة هذه الإفطارات في السابق قد وجدوا الأمر مختلفآ هذا العام نتيجة للأحداث الجارية الآن في السودان كما أن الزميل كوستاوي نفسه لم يعلن عن مسابقته السنوية لأحسن إفطار .. وهذا بالقطع لا يوقف إجتماع البورداب وأسرهم وإصدقائهم في كل العالم من إقامة موائد الإفطر في رمضان ونيل الأجر والمغفرة من الله عز وجل.
| |
|
|
|
|
|
|
Re: ترف البورداب (Re: عادل نجيلة)
|
Quote: يعني المشكلة في اجتماع الاصدقاء والزملاء واخذ الصور التذكارية ؟؟ وهل اكلنا البلح والبليلة بعني التضامن مع المعتقلين وماذا في رائك الفائدة التي تعود عليهم من هذا التصامن ؟؟ معليش اخي محمد فقد جنحت الي امر لم توفق فيه |
| |
|
|
|
|
|
|
Re: ترف البورداب (Re: معتز القريش)
|
يعني مثلا في افطار بورداب الخرطوم الفات انا لاقيت وتعرفت فيزيائيا على زملاء افاضل مثل الفكي بدر وحبيب نورة وبت ابوكشوة و ...... لماذا تريد يا ابو الريش حرماننا من هذه الجلسات التي اتوقع ان يكون محور النقاش فيها زملاءناالمعتقلين وغيرهم؟؟؟؟
مع احترامي الشديد لوجهة نظرك وتقديرها وأقف مع ود المدير في بوسته التضامني الأكل يطير.....
| |
|
|
|
|
|
|
Re: ترف البورداب (Re: MOHAMMED ELSHEIKH)
|
Quote: لماذا تريد يا ابو الريش حرماننا من هذه الجلسات التي اتوقع ان يكون محور النقاش فيها زملاءناالمعتقلين وغيرهم؟؟؟؟ |
يا ريت لو ده بيحصل ..... بس الجلسات دي لا علاقة للمعتقلين بها. ... ولا في زول بيتذكرهم.
| |
|
|
|
|
|
|
Re: ترف البورداب (Re: محمد أبوالعزائم أبوالريش)
|
Quote: Quote: لماذا تريد يا ابو الريش حرماننا من هذه الجلسات التي اتوقع ان يكون محور النقاش فيها زملاءناالمعتقلين وغيرهم؟؟؟؟
Quote: يا ريت لو ده بيحصل ..... بس الجلسات دي لا علاقة للمعتقلين بها. ... ولا في زول بيتذكرهم |
. |
يا محمد كدي كلامك الفوق ده راجعو شوية!! من وين عرفت إنو الجلسات دي لا علاقة للمعتقلين بها، ولا في زول بيتذكرهم؟؟
ثم إنو أيه علاقة الإفطار بالمعتقلين ؟؟؟؟؟!!!!!
--
بهذا أعلن عدم مشاركتي في إفطار بورداب الدوحة..
| |
|
|
|
|
|
|
ترف إفطار البورداب .... هل نوقفه هذا العام؟ (Re: Salah Abdulla)
|
Quote: ثم إنو أيه علاقة الإفطار بالمعتقلين ؟؟؟؟؟!!!!! |
العلاقة يا صلاح هي موضوع البوست ده. البوست يدعو لعدم إقامة إفطارات البورداب كلفتة تعبيرية لمناصرة المعتقلين ... كيف مافي علاقة؟
بعدين: Quote: بهذا أعلن عدم مشاركتي في إفطار بورداب الدوحة.. |
نغهم إنك تناصر الفكرة؟ والا عندك أسبابك الخاصة؟
| |
|
|
|
|
|
|
Re: ترف إفطار البورداب .... هل نوقفه هذا العام؟ (Re: محمد أبوالعزائم أبوالريش)
|
Quote: لعل الزملاء أعضاء المنبر من الذين درجوا على إقامة هذه الإفطارات في السابق قد وجدوا الأمر مختلفآ هذا العام نتيجة للأحداث الجارية الآن في السودان كما أن الزميل كوستاوي نفسه لم يعلن عن مسابقته السنوية لأحسن إفطار .. وهذا بالقطع لا يوقف إجتماع البورداب وأسرهم وإصدقائهم في كل العالم من إقامة موائد الإفطر في رمضان ونيل الأجر والمغفرة من الله عز وجل. |
| |
|
|
|
|
|
|
Re: ترف إفطار البورداب .... هل نوقفه هذا العام؟ (Re: محمد أبوالعزائم أبوالريش)
|
أخونا محمد ، رمضان كريم..
هناك الكثير جداً من طرق الدعم والتضامن مع المعتقلين ولا أظن أن التوقف عن الإفطارات الجماعية أحدها بل أنها - الافطارات الجماعية - يمكن أن تكون إحدى وسائل التضامن .. وبعدين وينوالترف الفي الإفطارات ؟؟ ما كل زول بيجيب فطورو - العادي - ويجي يفطر مع أخوانو!! الغرض الأساسي والمهم من الافطارات هو (اللمة) وتقوية الأواصر والعلاقات الاجتماعية بين الناس..
كل سنة وإنت طيب يا بوحميد.. كلام عين العقل ياصلاح عبدالله اثني وكل عام وانتم بالف خير
| |
|
|
|
|
|
|
|