|
|
 شيقوق يحاضر في ندوة رابطة القانونيين السودانيين في قطر
|
تقيم رابطة القانونيين السودانيين في دولة قطر
محاضرة بعنوان "القوانين المنظمة لأسواق المال والأسهم"،
يتحدث فيها الأستاذ / الطيب مضوي شيقوق - المستشار القانوني بسوق مسقط للأوراق المالية.
المكان: نادي المدينة التعليمية - مؤسسة قطر للتربية والعلوم وتنمية المجتمع
التاريخ: الــــــســــــبــــــــت الــمــوافــق 14/7/2012.
الزمان: الـــســاعــة الـــســابــعــة مـــســـــــاء.
والدعـــــــــــــــــوة عـــــــــــــــــــامـــــــــــــــة
|
|
 
|
|
|
|
|
|
|
 Re: شيقوق يحاضر في ندوة رابطة القانونيين السودانيين في قطر (Re: حسن طه محمد)
|
ريحانة المنبر كما يقول أستاذنا الجليل عبد المنعم خليفة خوجلي
و المسنوح كما يقول هشام هباني ،،،
صديقي العزيز شيقا ،،، ألف مرحب بيك في دوحة قطر ،،، و مرحب بيك
في هذا الصرح العظيم (رابطة القانونيين بقطر) ،،، برغم صعوبة خطفك
من كرمهم الفياض لكنا ندبر خطة ما فأعمل حسابك لأيام إضافية ستكون
خلالها حبيسا بيننا ،،، عبد المنعم خليفة حلّ بيننا في جمعة لحس الكوع
و أنت ستقاسمنا حكاوي الكنداكة ،،،
أتمني أن يكون كل الجميلين في جنة الله في الأرض (مسقط) وفدا مرافقا لك ،،،
| |
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: الطيب شيقوق)
|
صديقي الناظر هباني
Quote: صديقي العزيز شيقا ،،، ألف مرحب بيك في دوحة قطر ،،، و مرحب بيك
في هذا الصرح العظيم (رابطة القانونيين بقطر) ،،، برغم صعوبة خطفك
من كرمهم الفياض لكنا ندبر خطة ما فأعمل حسابك لأيام إضافية ستكون
خلالها حبيسا بيننا ،،، عبد المنعم خليفة حلّ بيننا في جمعة لحس الكوع
و أنت ستقاسمنا حكاوي الكنداكة ،،،
أتمني أن يكون كل الجميلين في جنة الله في الأرض (مسقط) وفدا مرافقا لك ،،، |
الله يخليك يا زعيم والله ما بتقصر
لي في قطر يا مانجل اقارب واخوة اعزاء كثر - لا نفضلهم عليكم - ربنا يسترنا معاهم بس
صحيح سيصادف يوم الجمعة يوم حكاوي الكنداكة ربنا يحفظ اولادنا حتى اكمال مشوار العزة والكرامة
| |
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: عبدالرحمن الحلاوي)
|
اخي الحلاوي
| Quote: نتمنى أن نلتقي ونتمنى أن نلتقي في دار الحي كما وجهت الدعوة من الناظر عاليه ..وإلا ففي مرابعنا سعة ..نتمنى لكم طيب الإقامة في دوحة الخير والعرب |
والله يا عبد الرحمن اخوى كانت اجمل لحظات مع الاخوة والاخوات بالدوحة واجمل اقامة في منزل الزعيم حسن طه الحدادي مدادي
لقد كان الاستقبال بالمطار طيبا من الاخ حسن طه والصديق عماد الشبلي والدكتور عبد الصادق كمال الدين
كانت امسية الخميس بمنزل مولانا سيف الدولة حمدنا الله عبد القادر بحضور الاستاذ بشير معاذ والاستاذ حاتم سكرتير رابطة القانونيين والدكتور احمد .
وفي امسية الجمعة 15 يوليو اعد الاخوة والاخوات حفل عشاء في احدى فنادق الدوحة الراقية وقد كانت المفاجأة ان التقيت بإخوة واخوات اعزاء لم التقيهم منذ ان تخرجنا في الجامعة _ ارجو ان يسمح لى الاخوة بعدم ذكر الاسماء حتى لا أعاتب من قبل من يسقط اسمه/ها سهوا .
وكانت سهرة السبت طيبة للغاية غمرنا فيها الاخ اللورد بشير معاذ بكرمة الفياض
وكان الاحد يوم وداع حافلا في منزل الزعيم بدر الدين الامير جمع كوكبة طيبة من البورداب من صغيرهم الوجيه ايمن الطيب الى كبيرهم كمال سالم ( بزعل طبعا) وكان من الحضور مولانا سيف الدولة حمدنا الله عبد القادر والاخ بشير معاذ والاخ كمال سالم والاخ عبد الحليم صديق ,آخرين لم اتعرف على اسمائهم وقد ابدع الاخ عادل التجاني وفرقته بتقديم باقة من الاغاني الجميلة التي اطربت الحاضرين .
المفارقة هي ان الاخ دكين طالع ونازل معانا - يطول عمره - وما وراني لا هو ولا اى من الاخوان بأن هذا هو دكين - المهم حكى لى عنه الاخ حسن طه في النهاية - كنت فاكر دكين دا زول كبير فوق الخمسينات لكن كان اصغر الحاضرين في المحاضرة .
| |
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: abdelrahim abayazid)
|
Quote:
عالم ................
|
أقدر مشاعرك اخي ابايزيد
لكن هذه الأشياء يتم الترتيب لها من وقت طويل وهو برنامج راتب منذ زمن
انا لست من رابطة القانونيين
لكن رابطة القانونيين سيدة الروابط في قطر
أعضاءها من اميز القانونيين العاضين على حقوق الانسان السوداني بالنواجذ
الداعمين لإصلاحه في كل خطوة يخطونها
ومواقفهم مشهودة
وعلى سبيل المثال نحن في رابطة المراة نحاول بقدر الامكان تنظيم ندوة شهرية وكان لابد منتنظيم ندوة قبل رمضان
كان الموضوع المطروح عن الأستقرار الأسري
لكن بما ان متحدثينا محليين من داخل الدوحة فقد سنحت لنا الفرصة لتقريب الموضوع ليصب في صالح تحليل ودراسة الوضع الحالي
نحن نعمل عمل اجتماعي ناضج يحترم قوانين البلد عاداته وتقاليده
| |
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: عماد الشبلي)
|
مولانا حسن طه ,, كيف حالك وعساكم بخير ,,
والله مبتهجين بقدوم شيخ المسانيح لقطر ,,,
العريريب كشكشوهو وحات الله تموتوا بالضحك
عليهو سوالف ما بعرفه غيرو ,,, كتروا ليهو
من المواصه باقي المسنووووح بجب الكسرة .
يا عمدة ,,ازيك ,,عليك الله قرب الكاميرا شوية
من وش المسنوح باقي لي سنين ما شفته .
تحياتي للجميع
| |
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: سيف الدولة كامل)
|
عزيزناسيف الدولة
تحياتنا اللي ما ليها حدود لشخصكم الكريم
العريريب مشرفنا وما شاء الله برنامجو مليان لان الزعيم معارفو بالدوحة مطر
والله مستانسين معاه وكان بودنا ان تكون معانا عشان نقول الدوحة لمتنا
مساء اليوم سيقدم ندوته عن البورصة وانا شخصيا جهزت الملاليم عشان استثمرها بعد سماع الندوة واذا خسرت حغرمو ليها.
تحياتنا وخليك في تواصل
دمتم وشكرا علي مداخلتكم المقدرة
| |
|
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: الطيب شيقوق)
|
سعادة المسشتار ياقريبي
يعني نحنا البعاد نعمل شنو موش مفروض يكون في تسجيل هنا للمحاضره الدسمه او ملخص ليها
Quote: يتحدث فيها الأستاذ / الطيب مضوي شيقوق - المستشار القانوني بسوق مسقط للأوراق المالية.
|
غايتو نحنا قطر دي الله يجيبنا ليها عشان نشوف الناس الكامله الدسم على الطبيعه
.
.
تحياتي ليك ولضيفوك ياقريبي
| |
|
|
|
|
|
|
|
|
|
Re: شيقوق يحاضر في ندوة رابطة القانونيين السودانيين في قطر (Re: عماد الشبلي)
|
العب غيرا يا مسنوح ...
الشبلي
ياخ قلنا ليك استثمر بالفائض بدل تخليهو جوة السحارة ساى - كدا بتكون دخّلت مبلغك المدسوس في الدورة النقدية وبيدار ليك بصورة مهنية وكدا بيكون ليك صوت في اجتماعات الجمعية العامة يعني لما يجيك اعلان لحضور اجتماع الجمعية العامة ممكن ممكن اليوم داك تكلم ام عيالك تغسل ليك وتكوي ليك الجلابية والعمة والشال وتشوف عطر فلير دمور الاخاذ وتقوم تتهندم وتشنق طاقيتك وتتلهم الاجتماع - طبعا قبل بداية الاجتماع بتلتقي بناس كتيرين خارج القاعة فيهم البتعرفهم وفيهم الغرباء عليك - اها في اللحظة ديك طلع علبة السجار والولاعة الما خمج وقدام الناس ديل (توس) ولع السجارة وبخبخ وما تكتر الكلام مع الناس لزوم البرستيتش وكدا .
جاييك تاني عشان اوريك تعمل شنو داخل القاعة
| |
|
|
|
|
|
|
|
| |
حسن طه محمد
aydaroos
بدر الدين الأمير
الطيب شيقوق
عثمان الحسن أبوروف
عماد الشبلي
abdelrahim abayazid
الهادي هباني
محمد المرتضى حامد
معتز القريش
khaleel
عبدالرحمن الحلاوي
فيصل محمد خليل
Ahmed al Qurashi
nadus2000
محاسن زين العابدين
محمد حيدر المشرف
سيف الدولة كامل
إسحاق بله الأمين
محمد مصطفي مجذوب
معاوية محمد الحسن
الحاج حمد الحاج
وليد عبد اللطيف
Abdlaziz Eisa
وضاحة
فيس بوك
تويتر
انستقرام
يوتيوب
بنتيريست