|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
وختيت الـ Psychoanalysis( التحليل نفسي ) مقابل الـ Judgement او الحكم علي نوايا افعال الاخرين لانو "نحن" بنحكم علي الناس و نتخيل انو بنعمل في تحليل نفسي ! والفرق في التحليل النفسي : ببساطة ممكن الزول زاتو ما يعرف هو عمل كدة ليه او الدافع النفسي المخفي حتي بالنسبة ليهو اما في الـ Judgement نحن بنزعم انو نحن عارفين الاسباب او الدوافع او النوايا الداسيها مننا الفاعل
الامثلة من حياتنا كميات في الطريق !
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد حيدر المشرف)
|
قبل المواصلة في الحديث نعمل "بريك" بامثال و بعض اسباب الـ judgement مثالين الاول شائع جدا و الثاني غريب 1- مثلا فتاة لابسة بطريقة معينة او ذات سلوك معين - ممكن يكون واحد او واحدة تحكم عليها انها مثلا بت "ما كويسة" ودي من اقسي انواع الاحكام - ! وليه اصلا يحكم ؟ -- بعدين !
2- واحد ممكن (to judge ) ربنا زاتو ! يعني يقوم يقول ربنا عمل لي كدة عشان كدة او ربنا قصد كدة عشان انا عملت كدة ! طبعا الموروثات الدينية لتصور الاله بتأثر لكن هنا انا بتكلم عن انو الزول بكل ثقة يتقمص العقل الالهي و يقوّلو كلام ويستنطق نوايا الاله ! في حين انو ربنا ممكن يكون ما شغال بيهو نهائي ! قصدي : في النهاية مافي زول عارف هل فعلا ربنا عمل كدة عشان كدة ولة دا افتراض ساي مننا
تنويه : الامثلة دي من المشاهدات الشخصية وليست احصائية --
يا المشرف انت دينا غلطت في داعي انت تعمل الغلط تاني
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
Quote: 1- مثلا فتاة لابسة بطريقة معينة او ذات سلوك معين - ممكن يكون واحد او واحدة تحكم عليها انها مثلا بت "ما كويسة" ودي من اقسي انواع الاحكام - ! وليه اصلا يحكم ؟
|
في دي بالذات احكام القيمة من الجنس المخالف، بتكون مفارقة للحقيقية مية بالمية
النساء من الزهرة .. والرجال من المريخ ولن يفهم احدهم الآخر .. وبالتالي غير مؤهل اخلاقياً لاطلاق احكام .. جسيمة!
-------
الفلهمة ليك شنو انت!؟ عرفناك دكتور .. اكتب لينا بالعربي ياخ المافي شنو .. النبي عربي!
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: قيقراوي)
|
Quote: بالمناسبة دا بوست ساي ! وبعدين العنوان والكلمات الانجليزية دي حركات مني ساي برضو
وغير كدة كلامي ما عندو اي علاقة باي معرفة رسمية ولا مصادر ولا مراجع ! |
إعتذارك ما بفيدك ودموعك ما بتعيدك : ).
--- انتهى : )... أعني دا كلام ساي (كلامك الفوق دا)... أنت المرجع الحاسم... مادام الأمر رؤية غنوصية "روحية" وفزلكة عقلية وفلسفة لاهوتية فأنت "البابا" هيثموني الأول "المرجع الأخير" ... تاني "انتهى" وبس "طبعآ" : )
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: rummana)
|
أها أنا عاوز أحللك نفسيا
هيثم طه المشهور بالساي الرغاي أول غواصة مثقفين بين الناس ..
يكثر من الإنجليزي و يشدد على إنطباعية أفكاره و مشاهداته حتى يمسك بالحسنيين : شوف الثقافة و التملص من مستحقاتها الحارة
و الحار في مستحقات الثقافة ما القراية و الإنكراب للإحصائيات و المراجع (أسي في زول مبدع قدر ده ما بيكون كمل قراية كتب المثقفين كلها ) بل الحار هو التنميط البيلقاهو من أقرانه و من الناس العاديين .. البيمنع من التواصل الحقيقي لتوصيل الأفكار المفارقة و المبتكرة
يعني هيثم عاوز يتجاوز الإعتراضات التقليدية من قبيلته المثقفاتية بكلام يبدو (ساي) لأول وهلة رغم جماله .. علشان يخاطب حس الفطري و الطبيعي فيهم لتوصيل أفكاره بشكل جيد
بعدين الطريف إنو أنا ملاحظ إن إعترافه بأن سبب رغيه الكتير هو الخوف من سوء الفهم الضخم المتوفر للكتابات من الناس بيدخله هو زاتو في بارانويا الـ JUDGEMENT و الـ PSYCHO-ANALYSIS أكتب ساي يا رغاي، ما يهمك رأيك في فهم الناس ليك ياخ !!*
عليك الله ده موش تحليل تحكيمي كارب !!! مشتاق ليك ياخ (على عملات قيقا في البوح)
______________________________________________________ * ده نموذج نموذجي في ممارسة السخف الغير مقصود على صديق عزيز كمساهمة في التذكير بآخر الإبداعات الجميلة للنوبي الجميل هيثم ود طه
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
Quote: بيني وبينك يا قيقا حسع خايف من البل الراجيني منك عشان عملت كلامك كبري عشان اقول كلام كتير
|
اول واحد قال عليك (رغاي) منو!؟
-------
اها جليتا ثااابتة يا قريبك!! ليه مستبعد اني اكون قنطرتها ليك مخصوص!؟ قيقا (الشرير) دا محض (فكرة) لم تبارح خيالك المليان (بارانوايا) هذه* ؤ غير (موجود) حالياً
*مقصودة دي .. مش عززت (حكم) اختنا "قنبلة يدوية" بانك غير ناطقين بها؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: قيقراوي)
|
سلامات يا د. هيثم شفت كيف
هسه ممكن اقول ليك انت حكمت على ضحكتى انها كانت Judgemental واقول ليك كان مفروض تسألنى اول عن ماهية وسبب ضحكتى المافى شنو؟؟؟!! على قول صديقى العزيز اصلا الدوائر سهلة الصنع ومقدور على تدبيرها
انا عندى سؤال هل اى judement سلبى والا لا يكون سلبيا حتى يطلق فى الفضاء الواسع ده؟؟ يعنى مثلا تجارب الحياة بتعلم الزول انو يتبنى بعضا من الا Stereotypes الموجودة سلفا وان يصنع خاصتة عليه ببقى طريقة تفكيره جاهزة لوضع الاحكام على حسب عدد توفر المواصفات الموجوده فى قالبة الخاص
اها انا من وجهة نظرى القصة عندها علاقة بقناعات الزول المكتسبة حول الحرية وحقوق الاخر coupled with قدرته على تحويل ده لجزء منه
يعنى مافى زول ما عندو حد ادنى من التنميط المشكلة بتجى لما التنميط يكون هو المتصدر وبس دون مراجعات ولا فرامل طوالى اتشات ليك الحكم فى تصرفاتك وفى نففففسك دى زااااتها من غير ان يرمش جفن
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
مشتاقين يا بروف ...
Quote: بالرغم من انو لو أخضعنا التعليق بتاعك لمعيار البوست ممكن يكون مادة دسمة لكن خايف عيدروس و امير عثمان ما يجوا البوست عشان ما نطلع ليهم كلامهم محض جدجمنت ! |
قول واحد ..
Quote: هل اى judement سلبى والا لا يكون سلبيا حتى يطلق فى الفضاء الواسع ده؟؟ يعنى مثلا تجارب الحياة بتعلم الزول انو يتبنى بعضا من الا Stereotypes الموجودة سلفا وان يصنع خاصتة عليه ببقى طريقة تفكيره جاهزة لوضع الاحكام على حسب عدد توفر المواصفات الموجوده فى قالبة الخاص
|
إتنين ...
Quote: ده انطباع اسفيري وليس judgment - ثم الانطباع الاسفيري محول لهيثم طه لدراسته ... ومن ضمنه ، هيثم مديني الانطباع الاسفيري انه انسان "أوفر بروتكتف" |
تلاتة ..
Quote: وماذا عن ال Impression
|
أمير عثمان خلّو ... رد على الجماعة ديل واحد .. واحد ...
مشكورين يا جماعة على الـ Insight
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: أمير عثمان)
|
هيثم إزيك ....
وبالمرة شوف لينا الأخ بتاع " (الارقيومنت ) الانا متوقعو منو" ده ...
Quote: لكن الحاجة الاساسية البتخليني اكتب مداخلة طويلة انو مثلا بلاحظ مرات التاني لامن يجي يحاورك ما بناقشك في النقاط الواحد ذكرها لكن كمساجلة بخلي كلامك وبجيب كلام من عندو ! و في الحالة دي بكتب كلامي و بزيد عليهو (الارقيومنت ) الانا متوقعو منو |
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: Siham Elmugammar)
|
Quote: لكن خايف عيدروس و امير عثمان ما يجوا البوست عشان ما نطلع ليهم كلامهم محض جدجمنت ! |
الإرهاب والكباب
مرات يا هيثم الواحد بي يرد علي شخص ما وهو مستبطن سياقات كتيرة ومختلفة في البورد،يعني الرد علي صورة مجملة ما علي الكلام المكتوب وبس. فيما يخصني غايتو حتي ردودي الشكلها عنيف ما بكون قاصد بيها الإساءة حتي لو أدت لي كدا.
تعب في الروح......تعب في الجسم ..سودانيز اليومين دي غالبني عديل
سلام لي الأصحاب الفوق لي حدهم
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
طبعاً يا هيثم عبارة (بوست جدجمينتال) ما قصدت بيها انو انت بتعمل في جدجمينت لـ الآخرين في طرحك دا .. دي حركة في شكل لايكـ
و لو انو دا برضو ما بيعفيك من انك داخل في المنظومة .. حسب كلامك المنطقي و البديهي لأننا كلنا مُدانين بــ الفطرة
بس الفرق انو الإدانة نفسها بتتفاوت من رشا لـ هيثم لـ رمانه لـ المُلا و هكذا ..
أهم حاجة اننا محتاجين نعرّف الكلمة .... judgement ... يعني شنو لأنها مُعقدة شوية ..
-------------------
البوست دا دسم وعملاق .. في داعي كان تبداهو و انت مزنوق كدا
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
Quote: يا رشا الحكاية ما ذنقة لكن مرات ما عارف بجيني احساس انو في الاجواء المعينة في البورد حقو الزول ما يكتب ولة قاعد اكون خايف من الجدجمنت بتاع بعض الناس (الناس في شنو وهو في شنو ) ما عارف ! |
دي ياها زاتا الاوفر بروتيكتيف حقت رمانة لو ما أخاف الكضب ...
قلنا ليكـ لا تمش أبداً على الطريق المرسوم لأنه سـ يقودك إلى حيث ذهب الآخرون ^__^
be of use dear bt don't be used
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
Quote: واسئلتك حولها للصديق كبر |
seriously ... الفرق شنو بين العبارتين أدناه ... هل ممكن تكون التانية مثال للأولى؟
Quote: المقصود بالـ Judgement في الخيط دا انك تخش في رأس الزول التاني و تحكم علي فعل محدد انو هو قاصد كدة وكدة او هو عمل كدة عشان كدة ! يعني قريبة من فكرة (أفلا شققت قلبه لتعرف ) ! |
Quote: و في الحالة دي بكتب كلامي و بزيد عليهو (الارقيومنت ) الانا متوقعو منو |
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: أمير عثمان)
|
Quote: عشان يجي للصورة او الوضع اللي نحن دايرينهو ليهم ! يعني قيقا عمل لي جدجمنت عشان ان اكتب بالطريقة الهو دايريني اكتب بيها لكن لو هو قبلني بحاجاتي اكيد ما ح يعمل جدجمنت و ح يعتبر دي من حرياتي الشخصية !
|
الفيك بدربو! او ب( العربي) رمتني بدائها وانسلت
بهذا نفيدكم انه لا مانع لدينا انو ابقى ليكم (اصطدي كيس) المافي شنو هو .. كلو يهون من الانسانية والثورة قيقا شمعة تحترق من اجل انارة طريق الآخرين هاك حكم القيمة دا!!
-------
تعرف يا فردة بالجد انا بتحسس من الناس البلغوا شخصيتك تماماً وباي اسم صداقة .. حب .. شفقة .. حماية .. وخصوصاً فكرة (الواجب) دي ودي مسألة نفسيات غميسة .. قادر تتخيل يعني شنو ترتيبك في البيت يكون رقم 11؟ يعني 10 بيق برازرس .. يعني عشرة احكام قيمة كم فرصتك في انك تكون صاااااااح!؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: rummana)
|
غايتو يا هيثم .. قدر ما حاولت أفصل الحاجات القريبة من الجدجمينت ما قدرت و جاطت الحكاية في راسي ...
يعني مثلاً الجدجمينت وعلاقتو بـ الامبريشن قدرت أحللها و أفتي و الله أعلم طبعاً :-
1- الامبريشن هو نوع من الجدجمينت الآني في التو و اللحظة بدون أي خلفيات مسبقة أو تفكير immediate or quick judgement
2- أما الجدجمينت الأم هو thoughtful judgement على خلفيات مسبقة و تفكير ممكن يكون سطحي أو عميق
* طيب الفرق بين الـ judgment و الـ criticize شنو؟والا هم حاجة واحدة؟! و السايكو انليسس دا ما قادرة استوعب انو جزء منفصل من الجدجمينت و قائم بذاتو اصلو!
* الجدجمينت عندو عدة أوجه ... سياسية .. اجتماعية ... دينية .. قبلية عنصرية ... الخ
يعني لو ضربنا مثل بي أخوانا السلفيين (الله يطراهم بالخير ) ^__^ بنلقاهم بيميلوا للجدجمينت الديني اكتر .. العرب عموماً أو كل من مال للعربنة اكتر بكون الجدجمينت حقو عنصري ... بعض القبائل بتعمل جدجمينت للآخرين من منطلق قَبَلي ..الأحزاب السياسية تعمل نفس الشئ لنظائرها و هكذا ...
* طيب نقطة تانية .. الجدجمينت ممكن جداً يكون positive ... و كثيراً ما يكون negative ..
* درجات التفاوت في الجدجمينت من رشا لـ رمانة لـ هيثم .. ممكن رشا تكون obsessed by judging ppl لحد المرض ... و دا افتكر النوع الخطير .. و تكون رمانة معتدلة الجدجمينت .. و يكون هيثم obsessed by not judging ppl ... ودا في رأيي بكون مُرهق لي نفسو .... الخ
* we can keep our judgement deep inside our minds and we can show it to others
-------------------------------
ولسه ماشين في السكة نمد ... it's a touchy subject
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد البشرى الخضر)
|
Quote: اذن انت ما مسغفة Judgment رمانة عليك الله ما تتذاكي Judgment
|
صحيح
Judgment صحيح
شفتي كيف!؟
---------
ودا الفرق بين الـ Judgment بتاعي من الـJudgment (الساااي) بتاع هيثم.. حيث انني قد حيثت الـJudgment بتاعي وهيثم (ساي) فكاهو في الهواء طلقيت سااااي!!
وكدا رجعنا لسؤال الصديقة سهام: هل كل الـJudgment ما حبابو؟ وماذا عن (الاحكام) القضائية المحيثة والمقعدة وراسا عديييل؟
افتكر انو الكعب (الكلام الساي) .. ول شنو يا الركاب!؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
Quote: دا الفرق بين الـ Judgment بتاعي من الـJudgment (الساااي) بتاع هيثم.. حيث انني قد حيثت الـJudgment بتاعي وهيثم (ساي) فكاهو في الهواء طلقيت سااااي!!
وكدا رجعنا لسؤال الصديقة سهام: هل كل الـJudgment ما حبابو؟ وماذا عن (الاحكام) القضائية المحيثة والمقعدة وراسا عديييل؟
افتكر انو الكعب (الكلام الساي) .. ول شنو يا الركاب!؟ |
قيقا يا بلدياتي أزيكـ و كيف حال البلد وياكـ...
* بالنسبة لنقطة سهام .. في رأيي انو الجدجمينت انواع .. في نوع حبابو اوي بيكون كقشرة خارجية negative لكن في نواتو بيكون v. positive
* أما الأحكام القضائية دي موضوع منفصل متصل .. رغم انو الجدجمينت عندو عدة أقسام في رأيي :-
1- انو يكون formal و legal .. اللي هو الأحكام القضائية البتحدد المجرم من البرئ من المتآمر
2- informal و دا بكون للافراد في بعضهم و ممكن ندخل فيهو التحليل النفسي برضو و حق ونساتنا و ثقافتنا زي ما قال هيثم
3- الجدجمينت الإلهي لـ العباد و اللي بموجبه بتحدد who's going 2 Hell & who's going to Paradise
و هيثم أضاف جدجمينت من العباد لـ الإله
المهم ... اعتقد انو سيد البيت دا عايز يناقش جزئية معينة بس (الجدجمينت بتاع ونساتنا و ثقافاتنا) اللي هو النوع الأول الـ INFORMAL >>>>> دا تحليل راكب من الركاب
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
رشا ... سلامات ...
Quote: 1- الامبريشن هو نوع من الجدجمينت الآني في التو و اللحظة بدون أي خلفيات مسبقة أو تفكير immediate or quick judgement
2- أما الجدجمينت الأم هو thoughtful judgement على خلفيات مسبقة و تفكير ممكن يكون سطحي أو عميق |
الاشكالية لا تزال قائمة - كقارئ أو مخاطب - كيفية التمييز إن كان "immediate or quick judgement " أو "thoughtful judgement"
ولو حاولت التمييز ... المحاولة حتكون أيهما؟ وتحياتى ... ---------------- وهو وين أخونا فى الله؟؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: أمير عثمان)
|
Quote: الاشكالية لا تزال قائمة - كقارئ أو مخاطب - كيفية التمييز إن كان "immediate or quick judgement " أو "thoughtful judgement"
ولو حاولت التمييز ... المحاولة حتكون أيهما؟ وتحياتى ...
|
أمير أزيكـ،
يعني بعد ما اجتهدت و عصرت مخي و خلاص شبه اقتنعت بي تنظيري عايز تجهجهني تاني الله يسامحك
المشكلة بالنسبة ليك في الـ thoughtful والا شنو ما قادرة احدد ... لكن برضو ح أنظر .. احتمال يكون قصدك انو الــ quick ممكن يكون thoughtful برضو ؟
يمكن أكون ما دقيقة في اختيار الكلمة thoughtful حقيقي ما عارفه كلو اجتهاد و تنظير مني ساي ...
اني هاو انا قصدت بي thoughtful judgement انو يكون بعد تمحيص و متابعة و ملاحظات و ربما evidences ..
و يطبخ على نار هادئة حتى يقدم زي الـ home food ...و يكون بالمقابل الامبريشن fast food كدا كيف .... ما أنفع شيف بالله!
-------------------------------
طبعاً انت نبهتني لحاجة مهمة جداً يا أمير ... اللي هي الـ thoughtful & quick impression و أظن و الله أعلم انو دا إنطباع رمانة
عن هيثم الاوفر بروتيكتيف لانو ما جاء وليد البوست دا أكيد .. و انما وليد عدة ملاحظات و إن كانت قليلة ..يبقى ممكن نقول انو الـ quickness زاتا نسبية ....
غايتو هيثم طه ما عمل فيني خير ... بقيت منظراتية براية
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: رشا احمد)
|
رشا يا بت كوستينا
Quote: اني هاو انا قصدت بي thoughtful judgement انو يكون بعد تمحيص و متابعة و ملاحظات و ربما evidences
|
تعرفي مفردة (قضائية) ديك ما عارف الحشرا شنو في مداخلتي .. كلامك اعلاه هو القصدتو بالضبط .. وفي نهايايتو المنطقية بقيف الحكم القضائي افتكر(!)
لكن كيفتيني في حناني ذاتو لما لغيتي لي هيثم من الوجود وبقيتي تتكلمي عن القاصدو هو كما (تظني) انت!
--------
Quote: غايتو هيثم طه ما عمل فيني خير ... بقيت منظراتية براية
|
متأكدة انو يادوب (بقيتي)!؟ وهيثم المسكين دا هو السبب!؟ يا زولة!؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد البشرى الخضر)
|
Quote: دي ياها زاتا الاوفر بروتيكتيف حقت رمانة لو ما أخاف الكضب ... |
يا رشا يا كحيل.. شايفة الجماعة استفردوا بيك... هسه يجيك هيثم يعمل ليك بروتكشن! نعم الكلام فيه شبهة اوفر بروتكشن بينة... هيثم قد يكون خايف من الـ Judgment لكن أنا برجح إنه خايف على مشاعر الآخرين.. وسبب الترجيح مبني على إني قريت ليه مداخلات متعددة شفتها مدخلها الاساسي حماية الآخرين مما يعتقد إنها تهجم عليهم أو اساءة لهم أو جرح لمشاعرهم أو محاصرة كما في حالتك هنا :) ..إلخ.. ده انطباع اسفيري من قرايتي لمداخلاته... وليس Judgment لانه الانطباع هو رأي أولي ينتظر التأكيد ولا يجزم بشيء وفي اعتقادي من السهل جدا تغيره أو تغييره. أما (الحكم) فهو المرحلة التالية بعد الانطباع أو تكرار ذات الانطباع في مواقف أو اوقات تانية... وقد لا تفصل بينه وبين الانطباع أي فواصل عند بعض الناس. وبعد ما يحصل بيصعب تغييره لانه بيصبح "انطباع راسخ – أو مؤكد"
هسه هيثم تم الفكرة خلاص ولا لسه في العنوان؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد البشرى الخضر)
|
يا حلوين كيفكم -- لحد بعدين
Quote: 3- لانو نحن مجتمع بتاع (مُثل) - بنحاول نتصرف علي طريقة ما يجب ان نكون وليس علي ما نحن عليه فعلا ! يعني نحن ما شخصيات حقيقية (في الواقع زاتو ) - وبنقول لو عملنا كدة ح يقولوا كدة و كدة - والطريقة دي في التفكير والسلوك في النهاية بتخلينا مثلا نقول حاجة ونقصد حاجة تانية ! بمعني معظمنا الاجندة الحقيقية مخفية في السلوك اليومي العادي ! مثلا لو في زول جا البيت لازم نصر عليهو يأكل بغض النظر نحن دايرينو يأكل ولة ما يأكل ! لانو لو ما قلنا ممكن يشيل حسنا !
و لحل الاشكال دا عموما شكلو لازم نفكر عشان نعرف الاسباب "الحقيقية" او البنفترضها "حقيقية " لاي كلام او فعل يسويهو الاخر لازم يكون قاصد حاجة ! اصلو ما ممكن يكون عمل العملية دي ساي !
ودا الجدجمنت زاتو !! شكلو لازم نعمل جدجمنت عشان نعرف الشخصية الحقيقية لبعضنا !!(علاقة جدلية ) وربما قسوة الجدمنت لمعادلة وعقاب الزيف الـ في شخصياتنا
ديل مجرد مقاربات اولية !
|
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
Quote: المشكلة بالنسبة ليك في الـ thoughtful والا شنو ما قادرة احدد ... لكن برضو ح أنظر .. احتمال يكون قصدك انو الــ quick ممكن يكون thoughtful برضو ؟ |
يا رشا أنا قصدى كيف يمكن للقارئ والمخاطب التفريق بين الانطباع و judgement .. وعلى العموم انا بفتكر الموضوع كله عبارة عن حساسية زايده شويه .. إذ أنه من المفيد ان يطرح الشخص رأيه بصراحة ووضوح طالما ليس هناك إساءة مباشرة للمخاطب ... وإذا حاولنا دائما أن نكون Politically correct فسيكون الحوار منقوصا ... ولا أحبذ حوارا أكون فيه كمن يحاول المشى على قشر البيض بدون ان يكسره .. وأترك الموضوع للمخاطب وله الحرية فى ان يستوضح وسأرد له بكل أريحية ... دونما ... Quote: و في الحالة دي بكتب كلامي و بزيد عليهو (الارقيومنت ) الانا متوقعو منو |
وتحياتى للجميع ..
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
في خطأ في العنوان (إتخيل لي) : )
لأنو ال Judgement مطلوب وظاهرة طبيعية وصحية. ممكن تطالب الزول بشدة تقول ليه أها آخرك شنو يا مان قول لي رأيك (هسه) أنا منتظرك... دا مطلوب... وإقوم إقول ليك ال Judgement بتاعو وتشكرو بغض النظر عن الجانب الموجب أو السالب من حكمو... تلك هي حرية التعبير كأحد أهم سمات حقوق الإنسان.
الشيء الغير طبيعي هو ال: prejudgment اي الأحكام المسبقة... (غياب هذا الضد هو الذي جاط الإمور شوية في تقديري).
--- بحاول أساهم معاكم في جعل هذا البوست الهام يمشي على قدميه بدلآ من رأسه : )... أو هو خيال ... محبتي لكم جميعآ... لو تقبلوها أكون منون!.
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد جمال الدين)
|
وبالمناسبة كلمة Judge التي تجي منها judgment أصلها عربي ومعناها "قاضي" القاضي العديل دا... وهي كلمة موجبة جدآ عند أهلها الأثنين العرب والإنجليز لا بل محببة وهي تؤشر إلى حكم محكم مبني على أدلة مادية أو ظرفية على أقل تقدير.
مرة ثانية الحاجة الما كويسة هي prejudgment وهي الأحكام المسبقة غير المبنية على أدلة مادية أو/و ظرفية.
To judge beforehand without possessing adequate evidence
وأكثر كلمة بديلة لها وأدق تعبيرآ هي كلمة ال Stereotype
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد جمال الدين)
|
ال Impression أمر مختلف جدآ لأنه يصدر عن التجربة الجمالية والنفسية للفرد (الزول الواحد) بينما يصدر ال prejudgment من العقل (لاحظ العقل أي الوعي) الفرداني أو/و الجماعي وهو أمر ليس ببعيد عن ال Stereotype وهو أمر مصدره الجماعة "تمامآ":
آذن لي هيثم وكل الصحاب لأجيئكم بأمثلة لل Stereotypes وهي ذاتها الأحكام المسبقة أي prejudgments من بوست لي بالفوروول كتبته قبل عام تقريبآ:
(Quote: رسل: الاحد يونيو 26, 2011 8:26 pm موضوع الرسالة: حرب القيم Stereotypes
كثيرأ ما نسمع بعبارات مثل: عريبي، وراعي غنم، وروسي، ودرويش، وحلبي وعب. وهي بالقطع ألفاظ شتيمة هدفها تحقير وتقليل شأن من يرمي بها ونبذ سلوكه أو/و مظهره أو/و ملامحه الجسمانية. إنها ألفاظ قيمية تجد خلفيتها في قيم إجتماعية محددة تفرتض في ذاتها النقاء والكمال.
هل نحاول أن نتقصى منطلقات تلك الألفاظ القيمية؟.
من يقول لمن أنت "عريبي"؟. إذا علمنا أن المقصود بالعريبي إنسان ما ربما كان يلبس ملابس تقليدية من شاكلة عراقي وسروال أب تكة ومركوب ويتحدث بصوت جهور "عالي" ويتلفظ بكلمات صريحة "خشنة" ويتحرك بلا أجندة "تلقائي" عندها سنعلم بصورة جلية أن ذاك الحكم صادر من شخص آخر متمدن "من مدينة" أي صادر من خلفية قيمية عقلانية. والأمر ذاته يكون بالنسبة للفظ الذم "راعي" ويقولون سلوك رعوي. كما أن كلمة "روسي" كانت مستخدمة في جامعة الخرطوم لتؤشر إلى الطلاب المنحدرين من الأرياف البعيدة متضمرة الشك في صحة مظهرهم ومخبرهم با يعني بعدهم عن منظومة قيم العقلانية. وللفارس أحكامه الذامة بشدة للمتمدن من قبيل: الرجل: فسل، ما عندو نخوة عديم مروة، ########، ما راجل، ما عندي كرامة، فارغ، بتاع قشور و مظاهر " والرجال ما تقيسها بتيبانها ما يغرك لباسهم والعروض عريانة" إلخ. والمرأة المتمدنة يتم التشكيك أيضآ في مخبرها كما مظهرها من قبيل ما "بت قبائل" صايعة متقرضمة وتشبه الأولاد إلخ. إنها حرب منظومتي المدينة و الريف... قيم الموضوعية "العقلانية" و الجسدانية "الفروسية" في مواجهة بعضهما البعض.
غير أن لفظي "حلبي" و "عب" يقفان في النقيض. إنهما لفظان يذمان الملامح الجسدية. اي ذم "الدم". ويبقى من الواضح أن قاعدة إنطلاقهما تبقى منظومة قيم الفروسية "الريف" لا الموضوعية "المدينة". وذم الدم يقتضي بالضرورة ذم جميع الصفات والسمات البشرية .. من قبيل "لا تبول في شق لا تخاوي العب الشق حساي و العب نساي". (وتلك هي سدرة منتهى العنصرية الجوفاء و############ة ومن الأدلة المادية الواضحة على الشقوق المجتمعية الضاربة في الأصالة والتي وجب علينا الآن ردعها كل ما سنحت الفرصة وبلا هوادة).
و لفظ "درويش" حكم ذم مشترك تتقاسمه منظومتي قيم الفروسية والعقلانية. فالحكم بدروشة شخص ما من باب الذم يمكن أن يصدر من راعي أغنام من فيافي كردفان أو موظف بنك عتيق من سكان حي بيت المال بأمدرمان. والمقصود به الإشارة السالبة إلى مظهر أو سلوك غير منظم من المعتقد أن تكون مرجعيته من حيث الحقيقة أو المجاز منظومة قيم الغيب.
كما أن لمنظومة قيم الغيب بدورها أحكامها الذامة للآخرين لكن دون أن يكون المظهر أحد مواضيعها بل السلوك وحده كالإسراف في الأكل والشرب أو النوم أو الكلام ... (هنا الحديث عن جزئية التصوف من منظومة الغيب) إذ أن المنظومة القيمية الواحدة في ذاتها ليست بالضرورة كتلة صماء ومتجانسة على الدوام. فالقيم الواقفة خلف تمظهرات الكجور تختلف بعض الشيء عن تمظهرات "المسيد" كما الكنيسة تخلف بقدر محدد عن قيم المسجد مع أنها في نهاية المطاف كلها تمظهرات إجتماعية يستند وجودها في الأساس على قيم الغيب.
وبالقطع هناك عدد من الأحكام المسبقة Stereotypes لا حصر لها تجد خلفيتها في واحدة من المنظومات القيمية في مواجهة الأخرى أو الأخريات من منظومات القيم. وما الأمثلة التي سقتها أعلاه سوى محاولة مقتضبة لتصوير ما أسميته بحرب القيم.
لدى الرابط أدناه قصيدة شعرية (صوت وصورة) يترافع عبرها أحد الشعراء عن أهل الريف في مواجهة هجوم أهل المدينة وتهكمهم على سلوك ومظهر أهل بادية البطانة (فيها أيضآ تعديد وتصوير وتجسيد لقيم الفروسية):
http://www.youtube.com/watch?v=ApxYyyObB9Q
يتواصل.... سيكولوجية "الزول"!
محمد جمال
|
)
http://sudaneseonline.com/forum/viewtopic.php?t...7ef0a3c382eb4fbad[/B]
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: محمد جمال الدين)
|
Quote: بحاول أساهم معاكم في جعل هذا البوست الهام يمشي على قدميه بدلآ من رأسه |
اتفضل يا.. قناص اسفيري مسالم للدراسة والتحليل ومن ثم رفع تقرير للبروف هيثم..
هيثم قال:
Quote: المقصود بالـ Judgement في الخيط دا انك تخش في رأس الزول التاني و تحكم علي فعل محدد انو هو قاصد كدة وكدة او هو عمل كدة عشان كدة ! --- الـ Judgement او الحكم علي نوايا افعال الاخرين --- اما في الـ Judgement نحن بنزعم انو نحن عارفين الاسباب او الدوافع او النوايا الداسيها مننا الفاعل |
تعرف يا هيثم..عندي تعليق على مثالينك الفوق (1) و(2) لكن ما عارفة ليه كل ما أبدأ أكتبه يغلبني الكلام ..!!! يكون عشان مذكور فيه الله..؟؟!!
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
ومثالي الضربتو عن كلام قيقا - وبالرغم من عدم الجدية في ونستي مع قيقا (محاولتي لاغتيال شخصيتو )- القاصدو بالجدجمنت الامثلة الزي دي افترض انو هو ما عندو اي حكم مسبق عني -قام شاف حاجة معينة واستنتج او دخل وقرا نيتي ! يعني ما شرط انو في تنميط او فكرة عامة موجودة عن كيفية ممارسة الفلهمة - ومثال تاني من المنبر: قول مثلا واحد بكتب كلام جميل او فكر او شعر -- ممكن واحد يعمل جدجمنت انو الزول دا داير يعمل لينا فيها مقطعها و داير يقشر !! في حين انو وارد جدا الزول دا بكتب كلامو بنوايا غير كدة تماما !! في المثال دا مافي اي فكرة مسبقة عن الزول دا - الجدجمنت علي سلوك شخصي فردي ودا سبب محاولتي للتمييز بين الجدجمنت والتحليل النفسي (الكاذب) ! وممارستنا ليهو قريب من الـ (pseudo-psychoanalysis) !!
و مثال تالت ممكن يكون (الجدجمنت والبريجدمنت) مشتركين : قول في راجل مشي السودان من اوروبا ولابس حلق او سلسل مثلا في اوروبا عندكم لو واحد شافو ممكن ما يعلق نهائي -باعتبار دي حرية شخصية والزول يلبس علي كيفو لكن لو مشي السودان طوالي ممكن الناس (to judge him ) انو مثلا زول كدة و كدة او زول قاعد في السودان وبحلق شنبو ! وحكم الناس عليهو !
--- عموما عندي الفرق بين البرجدجمنت والجدجمنت زي الفرق بين دينا خالد ووضاحة !! بعدين ح اعمل توضيح و تشريح جدجمنتال لكلامي دا!! -- --- يا رمانة اكتبي ياخ ! بعمل ليك بروتكشن من الله ! تتخيلي عندي امبرشن انو نحن عندنا تصور وجدجمنت عن اله قاسي لانو نحن قاسين !
-- يا قرشي اتخيل ما قاصد افطك !! يا ريت لو كنت قاصد !! مشكلتك كبيرة معناها ! -- ود البشري الاستشاري المحايد مستوي الاكشن كيف هنا !
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: هيثم طه)
|
Quote: وبالرغم من عدم الجدية في ونستي مع قيقا (محاولتي لاغتيال شخصيتو )-
|
وقع ليك كلامنا عزيزي القارئ؟ اهو دا حلب التور بي ذااااتو!
لا شخصية هناك .. قلنا ليك مافي شخصية من اساسو للرقم (11) ياخي! وهنا بالذات اي احكام ما مبنية على حيثيات و تحليل نفسي للاصطدي كيس بتسقط تماماً في خانة (ساي)
---------
* في زول عندو شخصية وخايف عليها بخش الحزب الشيوعي ويمرق منو!؟
ما دايرين تدونوا احكامكم التعسفية الايجازية حول مصطلحي الصكيتو من دقنوسي دا (البارنوايا) مالكم ياخي؟
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: قيقراوي)
|
دي غلبني افوتا يا جيمي معليش اتحمل الـJudgement بتاعي فيها .. ولاجديد فيه:
Quote: بحاول أساهم معاكم في جعل هذا البوست الهام يمشي على قدميه بدلآ من رأسه : )
|
ابو الزفت!! [بدلاً من رأسه] كيف يعني يا ابو حميد!؟ مافهمتها كلو كلو .. او بالاحرى ما قدرت اهضما بي عطرون ذاتو! دا جنس الكلام البعمل لي بهق عديييييل كدا!
اها دا نموذج جيد لحكم قيمة قايم سداري سااااي هيثم -كعادته في خذل الجماهير- خذل الجماهير القالت عليو مراعي وحساس وبلا بلا بلا، وطلعك اوفبوينت ذاتو
اها دحين انت شفت الرأس ول دا كان الضنب!؟
--------
Quote: محبتي لكم جميعآ... لو تقبلوها أكون منون!.
|
اما في دي .. وما دار محور سؤالكم عنه .. اسكت كب بس .. المافي شنو ياخي دون شرط او قيد ذاتو
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: hafiz Issue)
|
قيقا نهار سعيد
Quote: ابو الزفت!! [بدلاً من رأسه] كيف يعني يا ابو حميد!؟ مافهمتها كلو كلو .. او بالاحرى ما قدرت اهضما بي عطرون ذاتو! دا جنس الكلام البعمل لي بهق عديييييل كدا!
اها دا نموذج جيد لحكم قيمة قايم سداري سااااي
|
دي وجهة نظر وبس. ممكن تكون قاسية وممكن تكون ما صحيحة أو خطأ 100%. بس ما حكم قيمة. حا أجيك في وقت تاني بمزيد من التوضيح ومزيد من الأعذار والإعتذار. كلامي ما نهائي عندي وأستطيع أن أفكر من جديد. البوست بفكرتو ومداخلاتو العديدة جميل ومحفز للتفكير.
---
يا خ البوست دا جميل لو طاير في السماء. والبهق لينا نحن. ومشتاقوووون والله العظيم
| |
|
|
|
|
|
|
Re: الفرق بينالـ Judgement والـ Psychoanalysis (لا توجد صور مطلقا !! (Re: أمير عثمان)
|
رشا شكرا للمساهمات النوعية (حسب تقديرنا طبعا ! عشان ندي space لو في زول عندو تقدير تاني !) *
Quote: * الجدجمينت عندو عدة أوجه ... سياسية .. اجتماعية ... دينية .. قبلية عنصرية ... الخ يعني لو ضربنا مثل بي أخوانا السلفيين (الله يطراهم بالخير ) ^__^ بنلقاهم بيميلوا للجدجمينت الديني اكتر |
ما بختلف مع كلامك دا في اطارو العام لكن شايف انو الجدجمنت عندو علاقة بالثقافة السائدة كقالب او محمول بمعني : لو في عقل مكون جاهز داخل ثقافة سائدة معينة - اي فكر او ايدلوجي يجي خاشي في (الفريم) دا بيشيل خصائص الثقافة .... وبافتراض الثقافة السودانية ذات طبيعة جدجمنتالية = لو جبنا اي زول و كبينا في راسو ايدلوجيا او دين = طوالي الدين دا او الايدلوجيا دي ح تصطبغ بملامح العقل الموجود حتي لو العقل النهائي اشتغل ضد اهداف الدين ! حسع الدين الاسلامي -حسب فهمي- بيحارب الجدجمنت بعنف و بيشدد في التعامل مع الناس بالظاهر (أفلا شققت عن قلبه لتعلم )
لكن لو في واحد سوداني بقي "سلفي" او من ثقافة مشابهة ولانو اصلا عقلو ووجدانو اتكون داخل ثقافة جدجمنتالية ح يمارس جدجمنت ديني و كأنو الحاجة دي من الدين --!! لكن البقنع اخوانا "السلفيين" شنو ! (بالمناسبة ما براهم - هم بشتركوا مع الناس كلهم في الخاصية دي ! عشان ما ننمطهم ساي !)
و لو في زول من ثقافة ما بتعمل جدجمنت(مثلا سويدي !) و مؤمن بنفس النصوص بتاعت السلفيين ما ح يعمل جدجمنت ديني ! بل ح يستغرب ليه السلفيين شغال ضد المسلمات الاساسية للدين !
ختاما -في تقديري -العقل السائد داخل الثقافة هو المسؤول لتجليات اي دين او ايدلوجيا حتي لو التجليات دي ضد مبادئ الدين زاتو ! ودي نقطة اختلافي الجوهري مع جيمي و تبارك في نقدهم "للعقل السلفي"
| |
|
|
|
|
|
|
|