|
Re: لعشاق الحقيبة والفن الجميل.......تسجيلات نادرة جدا (Re: حسين عوضاى)
|
الحبيب / عوضاي
سلام وجمعتك مباركة وانت في رحاب ارض الحرمين الشريفين وماتنسانا من صالح الدعوات
Quote: هو فى فال اطيب من طلتك .......... كن كما انت شمسآ تسطع بالمحبة والعطاء وكن كما انت بدرآ تلألأ فى السماء . |
يااخي الله يجبر بخاطرك دائما رافع معنويات الجميع يديك علي قدر نيتك.... قول آمييييييييييييييييين
الشوق بحور هارون دياب
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
أحبائى ومنهم لأخى المحترم هارون دياب جنى الحقيبة
شكرا لتحيتكم فلقد حييتونى بأجمل من تحيتى ودعوتونى لأشارككم فى منتداكم عن الأغنية . مالم تعلموه فأنا كنت من قراء بل من مدمنى منبركم واليوم جيتكم بالدرب العديل بعد قبول عضويتى بهذا المنتدى التايخى فشكرا لبكرى ابوبكرالدفعة وزميل الدراسة ولكم أحفاد خليل فرح وستجدونى تلميذا نجيبا أو كاتبا محترفا وللذين لا يعرفوننى ادعوهم بأدب عبد العزيز محمد دأود وإلحاح حامل إسمى أبوى إبراهيم عوض لزيارة موقعى الألكترونى www.ibrahimsud.net
تقبلوا سلامى إبراهيم عبد الحليم ود عشة الفلاتية ومنى الخير وحفيد خليل فرح
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: الليندي)
|
وكما تمنيا في بدائة البوست بان يكون هناك توثيق لشعراء وفناني واغنية الحقيبة بصفة عامة هاهو احد الجميلين في المنبر الاستاذ / الليندي يتحفنا بهذه الرائعة ( قسم بي محيك البدري ) مع سرد جميل ووافي فلك الشكر كل الشكر اخي الحبيب ومزيدا من التواصل
مودتي واحترامي هارون دياب
ودي عشان
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
العزيز / هارون دياب
تحياتى وجمعه مباركة
فى الفترة السابقة كنت فى السودان ولم تتاح لى الفرصة لتصفح الانترنت ، وبعد عودتى رجعت الى هذا البوست الرائع وحاولت اللحاق بالجمال والروعة التى فاتتنى ... اشكرك كثيرا لهذا المجهود الرائع .. اعود بك قليلا الى الصفحة الاولى وتاريخ 15/7 واغنية يا حبيبى امتى آراك..
Quote: ملك التطريب الكحلاوي في احدي روائع الحقيبة لكن كلمات منو.....؟ نسأل دكتورنا القرشي وبقية الرائعين وفي الطريق احدي روائع الحقيبة |
الاغنية من كلمات الشاعر عمر البنا وسجلها للاذاعة اولاد شمبات ثم صديق الكحلاوى .. ولكن التسجيل الذى انزلته عزيزى هارون من اندر واجمل التسجيلات واظنه كان فى برنامج زمن الرق الذى كان يقدمه الراحل محمود ابو العزائم ولفد اشترك فى غناء هذه الاغنية الفنان صديق الكحلاوى والفنان بادى محمد الطيب والفنان عبدالعزيز محمد داود والفنان احمد يوسف ... واتمنى من القراء الرجوع للصفحة الاولى للاستمتاع بهذه الاغنية بصوت هولاء العمالقة.. لك كل الود عزيزى هارون.
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: Ahmed al Qurashi)
|
دكتورنا / احمدالقرشي جمعة مباركة
وعودا حميدا مستطاب وجونا اصحاب الشئ زاتو
Quote: الاغنية من كلمات الشاعر عمر البنا وسجلها للاذاعة اولاد شمبات ثم صديق الكحلاوى .. ولكن التسجيل الذى انزلته عزيزى هارون من اندر واجمل التسجيلات واظنه كان فى برنامج زمن الرق الذى كان يقدمه الراحل محمود ابو العزائم ولفد اشترك فى غناء هذه الاغنية الفنان صديق الكحلاوى والفنان بادى محمد الطيب والفنان عبدالعزيز محمد داود والفنان احمد يوسف ... واتمنى من القراء الرجوع للصفحة الاولى للاستمتاع بهذه الاغنية بصوت هولاء العمالقة.. لك كل الود عزيزى هارون. |
وشكرا ....جزيلا شكرا ....جميلا دكتورنا احمد القرشي علي هذا السرد الجميل والتوثيق الشافي الكافي ولكل من ذكرتهم الرحمة والمغفرة علي كل ماجملوا به ليالينا وامتعوا به اسماعنا.... ولك كل احترامي وتقديري وماتطول علينا الغيبة تاني
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
عزيزى / هارون
شكرا جزيلا لكلماتك الجميلة ونعود مرة اخرى للصفحة الاولى واغنية هجرونى هجرونى وهى من كلمات الشاعر الكبير احمد محمد الشيخ الجاغريو ولقد تغنى بها الفنان مبارك حسن بركات والفنان بادى محمد الطيب ... اما التسجيل الذى انزلته عزيزى هارون فهو ايضا من التسجيلات النادرة جدا وبصوت الجاغريو نفسه حيث سجل للاذاعة تسعة اغانى بصوته منها هذه الاغنية الجميلة .
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: Ahmed al Qurashi)
|
Quote: صوت نسائي رائع مع كورس نسائي اروع من اوائل الاغاني التي استخدمت الالات الموسيقية ياريت تدونا اسم الفنانة وشاعر الاغنية لو امكن |
اسمح لى عزيزى هارون ان اعيدك والقراء الى الصفحة الاولى وتاريخ 28/7 لاجيب على تساؤلك .... الاغنية هى اغنية لُبنى انا ليك مشتاق وهى من كلمات الشاعر محمد على عثمان بدرى شاعر اغنية مرضان باكى فاقد اما الصوت النسائى فهو للفنانه ميرى شريف والتى سجلتها على الاسطوانات بمصر منتصف الثلاثينات والاغنية مجارية فى اللحن لاغنية انا ما معيون لسيد عبدالعزيز والتى لحنها كرومه وسجلها بنفسه على الاسطوانات كما سجلها ايضا الفنان عبدالله الماحى .
مودتى
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: Ahmed al Qurashi)
|
يديك الف عافية دكتور احمد القرشي
Quote: اسمح لى عزيزى هارون ان اعيدك والقراء الى الصفحة الاولى وتاريخ 28/7 لاجيب على تساؤلك .... الاغنية هى اغنية لُبنى انا ليك مشتاق وهى من كلمات الشاعر محمد على عثمان بدرى شاعر اغنية مرضان باكى فاقد اما الصوت النسائى فهو للفنانه ميرى شريف والتى سجلتها على الاسطوانات بمصر منتصف الثلاثينات والاغنية مجارية فى اللحن لاغنية انا ما معيون لسيد عبدالعزيز والتى لحنها كرومه وسجلها بنفسه على الاسطوانات كما سجلها ايضا الفنان عبدالله الماحى . |
مودتى وبكل الجمال الذي يحتويه مازال دكتورنا احمد القرشي يوثق لنا عن هذه الحقبة الرائعة من تاريخ الحقيبة التي شكلت ومازالت تشكل وجدان كل الاجيال السودانية
متواصلين معاك تسلم...ياجميل
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
ورسالة اخري علي البريد الالكتروني من الاخ الحبيب/ناظم محمد بفرجينيا
Quote: salam dear Haroun, It is me again Nazem the song that says (hajroni oo hajroni , alyla eeh zanbi) it is for AHMED MOHAMED ELSHEIKH (JAGHREO) and he is the singer in same time he has really nice voice and he used to sing his on song before giving them to AHMED ELMUSTAFA AND KHALAFLLAH HAMED AND MUBARAK HASSAN BARAKAT thanks again brother |
وحديث جميل عن اغنية ( هجروني ...هجروني الليلة ايه ذنبي) كلمات والحان الراحل احمد محمد الشيخ ( الجاغريو ) صوت جميل جدا ..... غناها ايضا احمد المصطفي وخلف الله حمد ومبارك حسن بركات... شكرا اخي ناظم علي هذه المعلومات الضافية الوافية واتمني مزيدا من التواصل
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
يا ود فرحتنا ....
انشاء الله اى حاجة سمحة طايرة ترك فيك ...
انا وام الشباب مساهرين فى بوستك الفلته دهـ ...
وعشان سهرتنا دى ...
طلب مشفوع بيه حبنا للاحمر الوهاج تنزل لينا ..
(( مبروك عليك الليلة يا نعوما ... يا حليل ناس ديك الزمان بيجونا )) ..
سابقة تاريخية :
ناس القامة احمد القرشى واخرين ...
خالتنا نعيمة ...
فى الستين من عمرها ...
من بنات حى العرب فى امدرمان ...
مشلخة جوز مطارق ...
سردت ليه مشافهة القصة التالية ...
ان هناك فنان اسمو ابو عرب ...فنان حقيبة كان عايزها (( رايدها )) ...
والنصيب كان عمك منير ( كما تحكى ) عليه رحمة الله ...
وتم ترحيلها الى بحرى حلة حمد ..ومنها الى الشعبية اوائل السبعينات ...
فالف لها هذه القصيدة ...
وسمعت شباب حى العرب يغنونها دون البوح بذلك حتى مرت شهور وشهور ...
ترمـــــــــــة :
كدهـ وثقو لينا الشى دهـ زاتو ....
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: بدر الدين اسحاق احمد)
|
حبيبنا / بدر الدين مساء الخير
Quote: يا ود فرحتنا ....
انشاء الله اى حاجة سمحة طايرة ترك فيك ...
انا وام الشباب مساهرين فى بوستك الفلته دهـ ...
وعشان سهرتنا دى ...
طلب مشفوع بيه حبنا للاحمر الوهاج تنزل لينا ..
(( مبروك عليك الليلة يا نعوما ... يا حليل ناس ديك الزمان بيجونا )) ..
سابقة تاريخية :
ناس القامة احمد القرشى واخرين ...
خالتنا نعيمة ...
فى الستين من عمرها ...
من بنات حى العرب فى امدرمان ...
مشلخة جوز مطارق ...
سردت ليه مشافهة القصة التالية ...
ان هناك فنان اسمو ابو عرب ...فنان حقيبة كان عايزها (( رايدها )) ...
والنصيب كان عمك منير ( كما تحكى ) عليه رحمة الله ...
وتم ترحيلها الى بحرى حلة حمد ..ومنها الى الشعبية اوائل السبعينات ...
فالف لها هذه القصيدة ...
وسمعت شباب حى العرب يغنونها دون البوح بذلك حتى مرت شهور وشهور ...
ترمـــــــــــة :
كدهـ وثقو لينا الشى دهـ زاتو .... |
والله رجعتني للببوست الجميل ده بما انوا الهكر الله لاتكسبه حسنه هكر الغناء كلوا وبحاول انزله من جديد .... اما الاغنية المطلوبة فحانزله ليك وانت تامر ياجميل
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
وعودة الي درر الحقيبة ولي ناس امدرمان طلب خاص هذه الاغنية بصوت اي فنان يديكم العافية....
امتى ارجع لى ام در واعوده
اشوف نعيم دنيتى وسعوده امتى ارجع لى ام در واعوده
امتى تلمع بروق رعوده .............. حظوظى تنجز لوعوده روحى ضاعت فى النار قعوده .............. لى هون يا ربى عوده
اشوف حبيبتى وانظر خدوده ........... عساها ترحم تكون ودوده ومسامعى تسكر من ردوده ............. وتطفى نارى الفاتت حدوده
اشواق كتيره الدموع شهوده ............... وللمنام العيون زهوده فى الهجر روحى ضاع مجهوده ............ لم تزل حافظه لعهوده
ما كانو يعرفو ناس بلوده ........... الغرام من قبال ولوده من يوم وضوعها الفى الخير خلوده ......... فاتنة طايعها و جلوده
ابواب لقاها ام خدود موصوده ......... ونار العذاب فى الفؤاد محصوده غير محاسنك مين يسودا ............. الملوك وياسر الاسودا
يا المن فراقك ايامى سودا .......... خلاف وصالك دايما كسودا هناى ومنية روحى ومقصوده ........ اشوف رشيم يضوى بين فصوده
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: عابدون محمد عابدون)
|
حبيبنا / عابدون مساء الخير
Quote: فوق .. لكن ياهارون صورتك الزمان بالعمة كانت سمحة ماترجعها يازول .. تانى حاجة ياجماعة انا ماقادر اشغل الاغانى دى وداير مساعدة سريعة .. |
ولا يهمك ياجميل حسع نرجعه ليك بعدين انا زاتي مالاقي حل لمشكلة الصوت وعمكـ بكري اليومين ديل شغال بي بيتوا الجديد عشان كده عامل لينا حميل. المهم.... ياصحافة 30 يااخي الحقنا....ده ماكانت شغلة دي.....!!!
تسلم حبيبنا عبدون والصورة لمدة يومين بس......!!!
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
Quote: ساني ياعريس صباحاتك ندية وشكرا لاعادة رفع البوست وياشباب بالله العندو حاجة حلوة ينزله لينا بي جاي لامن نجيب بقية الاغاني وياريت لنكات الحفظ تسلمة ياساني |
سلامات يا جميل
والله الشوق بحر مالك أهملت البوست ده ياخى ده فيهو درر التسجيلات بالله عليك خليك متااااااابع وما تحرمنا من الحاجات السمحه دي
مع عظيم التقدير والإمتنان.
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: محمد خليل ساني)
|
فليتواصل هذا المد التاريخي البديع كتر لينا من غنا المساح اخي هارون
- بالله يا نُسيم الصبا .. جيب لي شذى الخِبا و الرُبا بالصفحة الاولى (هي للمساح) - و الشاغلين فؤادي بطريقة الكاشف عندما كان مُغنيا للحقيبة بالرق
.. الحان الربيع معرض الزهور، كلمات علي محمود التنقاري (لحنتها الفلاتية مع أختها جداوية موسى عازفة العود في تلك الحمسينات ، و كان عبد الرحمن الريح يمد جداوية بتكنيك اللحون )
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: شكرى سليمان ماطوس)
|
الاستاذ الفاضل مهندس / شكري سلامات ومرور كريم ومقدر
Quote: هارون سلام
منتظرين لنكات الحفظ لينا سنين
MP3 تكون أروع
____ شد همتك يا صحافة
ش |
طبعا انتوا ناس امدرمان ناس الحقيبة زااااااااتا نتمني انوا نسمع اخبار طيبة الايام الجاية مع امنياتي بالتوفيق للجميع والشفاء العاجل للحبيب محمد وعدني صحافة 30 بعمل اللازم خليك قرييييييييييييييييب مودتي واحترامي
| |
|
|
|
|
|
|
Re: لعشاق الحقيبة والفن الجميل.......تسجيلات نادرة جدا (Re: haroon diyab)
|
كـم نـظرنا هلال ماشاقنـا غيـر هلالو ماأظنو زلال يـروينا غـير زلالـو اري الهـلال ينقـص واري محيو يتجلالو كل يوم يزداد في خديدو نور يحلالو تتقاصـر الابصار عن حـسنو من اجلالو يـتيه يـصد باسم آه مـاألذ دلالـو الـذّ شـي قربـو بدل النـظر فـي دلالو وامـّر شـي بعدو وجفاه أو اهمالو اري الغـصون بتمـيل واقول هـواهُ امالو علـي الخلاف واذا ميل علي انا مالو طرفو ليه نعسـان وانا طرفي ليه يصحالو يـتلو آية الحب الفي الخديد لايحالو دلالـو كـل مـا يزيد جسمي بيزيد انحالو ام قلبي الضاع خلي اليروح في حالو اذا ادار لــحـظو عـلي جـبل دكّـالـو ولو بسم انزل دمـع السحاب ابكالو وقلبو لا يشـفق علي عاشقو مهما شكالو حبيبي طبع الطير ينزل علي اشكالو اذا ادرّ النـوح يـسـلب قـلوب عُـقّالو طبيعي فاهو خدار لا صبغة لا دقّالو بالـراح والريـحان الله جـلّ ســقـالو دا شعرو ليل وجبينو البدرايه يبقالو ولـي حـبيب ياليـل نـوم العيون قـلاّلو ولي حبيب ياليل قتل النفوس حلاّلو ولي حبـيب ياناس اشـوف خدودو يلالو مع الظـلام تشـتاق الزهرة تتدلالو
-----------
وين يا عمك...
شرة الديك فى الحبـــــــــل،
مش؟
ش
| |
|
|
|
|
|
|
|