|
Re: يابورداب الدوحة ... افطار جماعي في رمضان (Re: haroon diyab)
|
الاخ هارون والاخوه يورداب الدوحه رمضان كريم و كل سنه وانت طيبين طيب علي حسب ما فهمت من الماخلات اعلاه 1/الزمان: الجمعه 28/9/2007 الموافق 16 رمضان 2/ المكان: حديفه دحل الحمام 3/ البرنامج: ستقوم باعداده اللجنه المقترحه
في حاجه اكتر من كده يا اخوانا؟
| |
|
|
|
|
|
|
Re: يابورداب الدوحة ... افطار جماعي في رمضان (Re: Omar Bob)
|
باشمهندسنا الرائع / بوب صباحك ابيض
Quote: الاخ هارون والاخوه يورداب الدوحه رمضان كريم و كل سنه وانت طيبين
طيب علي حسب ما فهمت من الماخلات اعلاه 1/الزمان: الجمعه 28/9/2007 الموافق 16 رمضان 2/ المكان: حديفه دحل الحمام 3/ البرنامج: ستقوم باعداده اللجنه المقترحه
في حاجه اكتر من كده يا اخوانا؟ |
واخيرا حلاها قريبي الرائع الباشمهندس بوب بهذا الاعلان الجميل . افطار شهئ وكله قراريص ياهندسة . والوردة دي ليك وللاسرة الكريمة .
هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
طيب يا جماعة مادام وصلنا لحدى هنا و مافى اعتراض على أو من اللجنة
يبقى
1- هرون مقرر اللجنة يجمع الأعضاء . وممكن يضيف ليهم أى زول ( آآآى قاصد الصحافة) 2- توزيع مهام معينة لكل أسرة ( فلان عليك السمك) فلان الكراسى ) و هكذا .. 3- شوت طوالى و أنت مكلف و تلفون نادوس / رندوك معاك .. وصاحبك عارفو
| |
|
|
|
|
|
|
Re: يابورداب الدوحة ... افطار جماعي في رمضان (Re: معتصم الطاهر)
|
طيب ياباشمهندس معتصم وعلي بركة الله نبداء :
مقترح من اللجنة بالاتي :
الاصناف المطلوبة : 1- عصيدة نعيمية + تقلية 2- سمبوكسة 3- سلطة روب 4- سمك 5- فول مصلح + طعمية 6- فراخ محمر 7- كفتة بالخضارات 8- قراصة بالدمعة .... ودي تخصصنا ياشباب . التحلية : 1- ام علي 2- فطائر ومافي مانع اذا اي واحد جاب التحلية التعجبه المويات : 1- ابري ابيض + حلو مر 2- تانك + فيمتو 3- كركدي او عربيد حسب المتوفر 4- موية شراب وهناك اقتراح بان يتم تكليف احد الاخوان العزابة باحضارها . 5 - الخبز وهناك ايضا نفس اقتراح الفقرة السابقة . 6- الشاي والقهوة. والعاوز يشرب نسكافيه يورينا من حسع.....! اضافات اخري : 1- صحاني وكبابي ورق من الجمعية . 2- بروش البلاستيك وبما انو كل واحد عنده برش رمضان نقترح بان يقوم كل واحد باحضار برشه الخاص. الاحباب الاعزاء : هذه مقترحات من اللجنة نرجو الرد باي اضافة او تعديل او موافقة حتي يتم الانتقال الي الجزء الثاني وهو توزيع المهام علي الاسر ... علما بان الاخوة العزابة متشجعين شدييييييييييييييد خاصة الاخ حسامو ( صحافة 30).
افطار شهئ
هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
اهم حاجة يا ناس تتكون لجنة من اشخاص بعينهم ممكن اكون انا اول زول فيهم بلم المخلفات
لانو دى الحاجة الوحيدة البنفشل فيها كسودانين من نخلص من البرنامج كل زول بيشوف دربو
وتتحسب علينا دايما انو انحنا بنخلى ورانا كوشة كبيرة الرجاء الحرص الشديد على هذة النقطة
لعكس مظهر حضارى لنا جميعا وارجو ان تكون فى اى نشاط جلب اكياس نفايات سوداء
وهمة من 5 اشخاص تلم الفضلات .............لكم الود
| |
|
|
|
|
|
|
Re: يابورداب الدوحة ... افطار جماعي في رمضان (Re: عمر سعد)
|
Quote: اهم حاجة يا ناس تتكون لجنة من اشخاص بعينهم ممكن اكون انا اول زول فيهم بلم المخلفات
لانو دى الحاجة الوحيدة البنفشل فيها كسودانين |
يا سلام عليك يا عمر سعد ... الكلام الفوق دا مهم جدا جدا عشان مانبقى الناس (البنفشل) فى اكثر حاجة معروفة عننا وهى النظافة واحترام المكان ...
عوض حمزة
| |
|
|
|
|
|
|
Re: يابورداب الدوحة ... افطار جماعي في رمضان (Re: أبو ساندرا)
|
Quote: /الزمان: الجمعه 28/9/2007 الموافق 16 رمضان |
اعتقد الكلام الفوق ده واضح الجمعة 28/9/2007م الموافق 16/رمضان يجي واحد يقول ليك
Quote: إحتمال في التاريخ ده أكون برات البلاد |
يااخوي العشره الاواخر من رمضان دي تبداء من يوم 20 رمضان. وقال شنو :
لزم التنويه ليك انت ده ياابو نضارات هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
Quote: بروش البلاستيك وبما انو كل واحد عنده برش رمضان نقترح بان يقوم كل واحد باحضار برشه الخاص. |
بالنظر إلى عدد الناس المتوقعين يحضروا الفطور .... يظهر إنكم ناويين تغطوا أرض دحل الحمام والحدائق المجاورة بالبروش. يا حبيب حدد عدد معين من البروش ومنو يجيبها.
| |
|
|
|
|
|
|
Re: يابورداب الدوحة ... افطار جماعي في رمضان (Re: محمد أبوالعزائم أبوالريش)
|
ابو الريش صباح الخير
Quote: بالنظر إلى عدد الناس المتوقعين يحضروا الفطور .... يظهر إنكم ناويين تغطوا أرض دحل الحمام والحدائق المجاورة بالبروش. يا حبيب حدد عدد معين من البروش ومنو يجيبها. |
اعتقد انوا كلما كان العدد اكبر بكون افضل من انوا نحدد عدد معين ويحصل غياب لبعض الناس وبعدين ( نتوهق ...!) طيب نتورط , عشان كده انا اعتقد انوا اي واحد عنده يخليها في العربية وهي اصلا مابتاخد مساحة ... وذلك ليطمئن قلبي ( برضو اقتباس ساكت ...!) والرأي للجميع . هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: محمد أبوالعزائم أبوالريش)
|
العزيز معتصم
أوكي يا باشمهندس قبلنا بالتكليف، وسنسعى مع الأخوان والأخوات لانجاح هذا اليوم... مع طلب اضافة الأخ محمد عبدالرحمن رغم رأي الأخ العريس بكري....
بالمناسبة من المهم الاتصال بالأخ هشام المجمر "العضو الفنان وصاحب الموقف الواضح والذي كسب بورداب الدوحة، تسجيله" ودا تكليف آخر يا معتصم لتولي مهمة الاتصال بالأخ هشام.
========================================================
Quote: اهم حاجة يا ناس تتكون لجنة من اشخاص بعينهم ممكن اكون انا اول زول فيهم بلم المخلفات
لانو دى الحاجة الوحيدة البنفشل فيها كسودانين من نخلص من البرنامج كل زول بيشوف دربو
وتتحسب علينا دايما انو انحنا بنخلى ورانا كوشة كبيرة الرجاء الحرص الشديد على هذة النقطة
لعكس مظهر حضارى لنا جميعا وارجو ان تكون فى اى نشاط جلب اكياس نفايات سوداء
|
شكرا عمر سعد بلاشك أن جمع النفايات وأعادة تدويرها (Recycling)، مظهر حضاري..
| |
|
|
|
|
|
|
Re: يابورداب الدوحة ... افطار جماعي في رمضان (Re: مامون أحمد إبراهيم)
|
شاعرنا ياابو الدكتوره صباح الخير
Quote: معاكم فى الحلو والمر , |
والعصيدة والفول...!
Quote: وبى ضل ضراكم نستظل . |
ضل دحل الحمام يوم الجمعة 29/8/2007م.
Quote: وجاهزين لى أى تكليف |
اختار من الاصناف المذكورة فوق ويلا موسقو لينا اي اكلات جميلة يااهل الجمال . افطار شهئ هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: محمد الطيب حسن)
|
ياشباب هلا هلا علي الجد
ود القريش - كبابي وصحاني بلاستيك وكل مايراه مناسب
محمد طيب وصحافة 30 وود رملية ومحمد عبد الرحمن وكل من يروه مناسب ( يعني عزابي ....او لاتوجد معاه عائلته ) مطلوب منكم الاتي :
- الخبز - الموية السادة ( لازم تكون بارده ) - صحاني وكبابي وملاعق بلاستيكية - عصائر ندي اوماشابه .
يتم التنسيق بينكم. عدم الرد يعني الموافقة الضمنية ..... تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
الدناقلة هلي الطيبين
القراصة الاتية اسماؤهم :
باشمهندس عمر بوب - طه سليمان - دفع الله خطاب وكل من يري في نفسه الكفاءة يمكنه المداخلة .. لانو القراصة دي موضوع تاني.... واجمل تعليق من الاخ دفع الله خطاب : والله لو دايرنها بي ملوحة نجيبة ليكم ...... يااخوي الناس ناقصة عطش . تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
رجعنالك وكيتن في عماد عبد الله والله حتفوتك جنس تحلية لبنانية ساكت وصحبك بدر الدين الامير تعهد انوا يخلي ليك نصيبك في التلاجة .....!
يلا ياشباب سيد الحوش ماقصر عاوزين نخلص قبل مايقوم يارشفوا لينا .... توزيع المهام مهم جدا ...! شكرا ..بكري ابو بكر .
هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: Alsa7afa_30)
|
حسام ياقريبي كيف اصبحت Quote: ده بند تدبيسي عجيب
مش كده يا أبو الريش ؟؟؟
يعني تجيبوها و لا على كيفكم
ياخي العزابة ديل المفروض يعفوهم ,,
يااخوي بطل الفصاحة وقوم اتصل بمعتز القريش ومحمد عبد الرحمن ومحمد الطيب وود رملية وشوفوا شغلكم ... الطلبات المذكورة في رقيبتكم ..... لامانع من اضافة اي عضو في مجموعتكم . تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: بدر الدين الأمير)
|
معتز القريش مساء الخير
Quote: هارون انت ما بتسمع الكلام ؟؟؟
أها أنا ما جاي ذااااتو |
ياراجل يامطوفش ... الليلة رمضان كان حار ولا شنو ...؟ شوف سعادة المدير قال شنو ...!
Quote: سمعنا واطعنا ياهارون |
مشكور الامير ود الامير
اها يامعتز رائك شنو ..؟ رد دبلوماسي من مدير دبلوماسي وانت حتجي غصبا عنك . تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
ود العباسية مساء الخير
Quote: معاكم يا شباب ،،
ورمضان كريم ،،
وحاضرين لى ايتها شئ |
ياهو ده الكلام وياريت تحدد براك مهمتك من القائمة اعلي الصفحة .. وايد فوق ايد تجدع بعيد .
عمر سعد يارايق
Quote: ود العباسية انت جيب معاك شربوت |
يااخوي الشربوت خلي للرحلة حسع خليها حلو مر بس مايكون مخمر .....! هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
الاخ الفاضل هارون و الاخوة بورداب الدوحة ،،،،،،
بالرغم من البعاد و قلة الحيلة مع السفر الدائم لكن ليكم شوقة وأكيد حا أكون معاكم فى يوم 28/9/2007 "بدحل الحمام".
مشاركتى عدد 2 صينية "باسطة" سودانية أصلية صنع بلادى و عدد من الكراسى البلاستكيية مع 2 سجاد ايرانى فاخر.
دها بالنسبة لفطور رمضان.
أما بالنسبة للرحلة بالرغم من اعتراضى الشديد على تكوين اللجنة بشكلها الحالى، أقترح الآتى أسماءهم للجنة الرحلة:
1/ ماهيتاب 2/ رندأ 3/ ودرملية 4/ ضحية 5/ محمد عبدالرحمن 6/ أبوبكر الامين 7/ عوض حمزة 8/ مهلب خلف الله 9/ كمال على الذين 10/عبدالكريم الامين
الدعم الفنى و التقنى والتسيق:
1/ عبدالرحمن أبوشيبة 2/ صديق (البعيد) 3/ محمد الطيب حسن 4/لقمان حسن همام 5/ طه ود الزين
ألمكان:
بالاقتراح
الزمان:
أول ما تبرد
صدبق - البعيد
| |
|
|
|
|
|
|
Re: يابورداب الدوحة ... افطار جماعي في رمضان (Re: Siddig A. Omer)
|
الرائع / صديق مساء الخير
Quote: الاخ الفاضل هارون و الاخوة بورداب الدوحة ،،،،،،
بالرغم من البعاد و قلة الحيلة مع السفر الدائم لكن ليكم شوقة وأكيد حا أكون معاكم فى يوم 28/9/2007 "بدحل الحمام".
مشاركتى عدد 2 صينية "باسطة" سودانية أصلية صنع بلادى و عدد من الكراسى البلاستكيية مع 2 سجاد ايرانى فاخر.
دها بالنسبة لفطور رمضان. |
ياسلام عليك وناس الدوحة شوقم ليك بحر واهم حاجة الباسطة بس اوعك تخرت لينا بدر الدين الامير .
Quote: أما بالنسبة للرحلة بالرغم من اعتراضى الشديد على تكوين اللجنة بشكلها الحالى، أقترح الآتى أسماءهم للجنة الرحلة:
1/ ماهيتاب 2/ رندأ 3/ ودرملية 4/ ضحية 5/ محمد عبدالرحمن 6/ أبوبكر الامين 7/ عوض حمزة 8/ مهلب خلف الله 9/ كمال على الذين 10/عبدالكريم الامين |
لقد اخترت فاحسنت الاختيار ونحن جميعا معهم وندعمهم بكل شئ ,,, بس سؤال بسيط ماهو سبب الاعتراض الشديييييييييييييييييييد علي اللجنة بما انو الموضوع تكليف وليس تشريف...؟ واوعك تخلف الميعاد. تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: محمد الطيب حسن)
|
ياجماعه وقسما بالله انا من اخش البوست ده اجوع واخرم مالكم علينا انتو ياخ الواحد من يخش عصيده بملاح تقليه وماعارف فطائر وحلويات من لبنان وود حمزه بالسمك بتاعو وصديق البعيد جا تماها بصينيه الباسطه بتاعتو دي ((والله شكلي حاقوم جاري بيها ))
ياهارون ياخوي خلاص اقفل المطعم ده .. اقصد البوست ده
| |
|
|
|
|
|
|
Re: يابورداب الدوحة ... افطار جماعي في رمضان (Re: محمد الطيب حسن)
|
محمد الطيب مساء الخير
Quote: ياجماعه وقسما بالله انا من اخش البوست ده اجوع واخرم مالكم علينا انتو ياخ الواحد من يخش عصيده بملاح تقليه وماعارف فطائر وحلويات من لبنان وود حمزه بالسمك بتاعو وصديق البعيد جا تماها بصينيه الباسطه بتاعتو دي ((والله شكلي حاقوم جاري بيها )) ياهارون ياخوي خلاص اقفل المطعم ده .. اقصد البوست ده |
يااخوي انت وصحافة 30 ةالفصاحة الواقعين فيها اليومين دي شنو ....؟ بطلوا فصاحة وشوفوا البرنامج عملتوا فيه شنو .....؟ ضحية يازعيم وعلي رائ عادل امام: (اخوك مزنوق ... وكلنا حنتزنق الزنقة المنيلة بنيلة دي.....!) دفرة لفوق ياشباب هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
الاخ هرون
ارجو ان تضيف هؤلا لقائمة بوداب الدوحه وهم من القدامى الا انهم لايحبون الظهور:
1/الامين جبارة الله التوم
2/ ياسر عمار
3/ عاطف مختار
كما ارجو من الاخوه الذين اوكلت اليهم بعض المهام الاتصال بالاخ هرون للتأكيد او الاعتذار كما ارجو ان تضيفو لقائمة المهام الاخ عصام حسين وعادل ابو جقادو ويسرى صلاح وهاشم كرار وكيكى وهجو الاقرع.
| |
|
|
|
|
|
|
Re: يابورداب الدوحة ... افطار جماعي في رمضان (Re: ضحيه ابراهيم)
|
ضاحي صباح الخير
Quote: الاخ هرون
ارجو ان تضيف هؤلا لقائمة بوداب الدوحه وهم من القدامى الا انهم لايحبون الظهور:
1/الامين جبارة الله التوم
2/ ياسر عمار
3/ عاطف مختار
كما ارجو من الاخوه الذين اوكلت اليهم بعض المهام الاتصال بالاخ هرون للتأكيد او الاعتذار كما ارجو ان تضيفو لقائمة المهام الاخ عصام حسين وعادل ابو جقادو ويسرى صلاح وهاشم كرار وكيكى وهجو الاقرع. |
ياشباب السمع اسمو يرفع ايدو .... وياضحية انت الخير والبركة ياريت تقوم باداء المهمة لانو الموضوع تكليييييييييييييييييييييف وانت رجل المهام الصعبة . الاخت الفاضلة رندا حاتم تقوم هذه الايام بتحركات تدفع الجميع لبذل المزيد من الجهد لانجاح الافطار والاعداد لرحلة العيد . يدكم معانا.... هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
سلام هارون
اسجل نفسى من اول المعتذرين عن الافطار لارتباطى بافطار فى الشحانية
المفروض كان يكون الجمعة المضت لكن قدر ان يكون هذة الجمعة 28/9
معكم بقلبى .... انت عارف اصلو انا عامل رجيم مع الاغراءت دى كنت بوظت ليك الرجيم زاتو
انتو البرنامج وين المصاحب لحد الان الناس بتشتهى ساكت حسب العطشة والجوعة
كلو اكل ما سمعت بطرف اضانى فعالية ثقافية او غنائية او محاضرة ......ولا مديح
من الشيخ ابوساندرا..........لانو ممكن احصل ابرنامج المصاحب
| |
|
|
|
|
|
|
Re: يابورداب الدوحة ... افطار جماعي في رمضان (Re: عمر سعد)
|
عمر سعد ياجميل صباح الخير
Quote: سلام هارون
اسجل نفسى من اول المعتذرين عن الافطار لارتباطى بافطار فى الشحانية
المفروض كان يكون الجمعة المضت لكن قدر ان يكون هذة الجمعة 28/9
معكم بقلبى .... انت عارف اصلو انا عامل رجيم مع الاغراءت دى كنت بوظت ليك الرجيم زاتو
انتو البرنامج وين المصاحب لحد الان الناس بتشتهى ساكت حسب العطشة والجوعة
كلو اكل ما سمعت بطرف اضانى فعالية ثقافية او غنائية او محاضرة ......ولا مديح
من الشيخ ابوساندرا..........لانو ممكن احصل ابرنامج المصاحب |
يااخوي نحن عشان الكلام البجنن بوبي ده البوست فتحناه قبل رمضان بمده كافيه ,,, ولانوا وجودك ضروري ارجو انك تعتذر للاخوة في الجالية وماتنسي انك صاحب فكرة اكياس المخلفات والناس كسرت ليك فيها تلج كتير ,, تجي تقول لي ماجاي اه ده كلام ياود امي ....؟ وجودك ضروري . هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
اولا الاخوة بورداب الدوحة لي الشرف ان اكون بجواركم يوم 16 رمضان وكما اشكر الاخ ضحية وانا اعرف الاخ ضحية سباق في هذا الامور... لكن يا اخي ضحية والله خطير جدا من وين نكتنى ماعارف وبالنسبة لدى والله اعرفكم فردا فرد.
وانشاء الله يوم الجمعة سوف نكون بصحبتكم.
تحياتي
الامين
| |
|
|
|
|
|
|
Re: يابورداب الدوحة ... افطار جماعي في رمضان (Re: elameen)
|
الامين صباح الخير
Quote: اولا الاخوة بورداب الدوحة لي الشرف ان اكون بجواركم يوم 16 رمضان وكما اشكر الاخ ضحية وانا اعرف الاخ ضحية سباق في هذا الامور... لكن يا اخي ضحية والله خطير جدا من وين نكتنى ماعارف وبالنسبة لدى والله اعرفكم فردا فرد.
وانشاء الله يوم الجمعة سوف نكون بصحبتكم.
تحياتي
الامين |
نحن لمن قلنا ضحية ده عشا البايتات ماصدقونا ....وجودك مهم وضروري ويشرف المكان والزمان. تحياتي هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
بورداب حباب
كيف حالكم
كلام أخونا هرون ما بقع واطه مشكلتي إني مرتبط بي ضيوف ودا ما بمكني من الحضور ولكنه لا يمنع مساهمتي
وعليه ألتزم بتزويد الإفطار بالعصاير وسوف أسلمها للأخ هرون أو صحافة 30 - وأنا قصدت صحافة 30 لأنو قال لي هرون يا خوي عادل التجاني دا مادخل البوست دا لي شنو - فرد عليهو الأخ هرون (إنت ما عارف عادل التجاني دا فاطر ولا شنو) .
أتمنى لكم إفطاراً جميلاً بعد صوم هادئ
عادل التجاني
| |
|
|
|
|
|
|
Re: يابورداب الدوحة ... افطار جماعي في رمضان (Re: عادل التجانى)
|
استاذ عادل مساء الخير
Quote: بورداب حباب
كيف حالكم
كلام أخونا هرون ما بقع واطه مشكلتي إني مرتبط بي ضيوف ودا ما بمكني من الحضور ولكنه لا يمنع مساهمتي
وعليه ألتزم بتزويد الإفطار بالعصاير وسوف أسلمها للأخ هرون أو صحافة 30 - وأنا قصدت صحافة 30 لأنو قال لي هرون يا خوي عادل التجاني دا مادخل البوست دا لي شنو - فرد عليهو الأخ هرون (إنت ما عارف عادل التجاني دا فاطر ولا شنو) .
أتمنى لكم إفطاراً جميلاً بعد صوم هادئ
عادل التجاني |
ياسلام عليك ياجميل والله حضورك يزيد الرونق رونقا ويجمل اللقاء ( دي طبعا من راسي ) صحافة 30 مازال مصرا علي انك ....! بالله اكد ليه . تخريمة :
ياشباب قدامنا يوم بكره بس .....! هارون دياب
| |
|
|
|
|
|
|
Re: يابورداب الدوحة ... افطار جماعي في رمضان (Re: haroon diyab)
|
يا شباب حد يجيب معاهو كاميرا لآنه الكاميرا بتاعتنا ما مشحونة ... الشاحن نايم بيهو محمد الطيب من يوم ليلة الوفاء بتاعة مصطفي سيد أحمد ... عملت ليهو رسالة من الصباح وما اشتغل بي ... اتصلت عليهو مية مرة ما رد علي لكن اصبر يا محمد الطيب ... انا عارفك زارعينك المستنيرين
| |
|
|
|
|
|
|
|