|
بورداب الخرطوم يودعون العزيز شول (يوجد إحتفاء وصور ..)
|
شول اشوانق دينق الزول الراقي و البوردابي الرقم والرئيس السابق لبورداب الخرطوم وبعد ان قالت السياسة والجغرافية كلمتها في حق شعبي السودان قرر ان ياخذ بنصحية فنان الشمال والجنوب النور الجيلاني قائلاً : ( ودع قوم سيب الخرطوم .. قوم بارحة.. يا مسافر جوبا ........) عزيزنا شول حزم حقائبه بانتظار الرحيل يوم السبت القادم الى وطن جديد رسمت حدوده إتفاقية نيفاشا وهي غير الحدود المرسومة في قلوبنا وعقولنا وشعارنا نحن شعبي السودان (انا راسم في قلبي صورة الباسم أهو ده ......)
|
|
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: حافظ انقابو)
|
Quote: مع أن الوقت يتقاطع مع احتفال أهل الزومة بتخليد ذكرى حميد سأسعى جاهدا لحضور الحدثين المهمين وألتمس أخي عمر تعجيل أو تأجيل الإحتفال بشول حتى نستمتع إذا كان ذلك ممكنا |
هلا ياحافظ .........
المسافة بين نادي الزومة وحديقة القرشي ما بعيدة غايتو حاول نسق تمشي اول وين
بس ماتبقي عليك قصة قندهار .......
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: MOHAMMED ELSHEIKH)
|
مفــارق كيـــف تخليـــنــا لشوقنا و ذكــري ماضينا
و كيف بعدك يكون الحـال و كيــف تصبـــح لياليـنــا
فريقنا الكان مفرهد بـيك و عــاش روعـــة تلاقينــا
صبح حزنان و ما مصـدق في يــوم ترحــل تخلينــا
و ين بعدك نلاقي حنــان طيـبــة و رقــة يـا زينـــة
مشيت خليتنــا للايـــام منـو الغيــرك بواسيـنــا
و حاتك نحن ما بننسـاك و لا بعــــــدك بنسيـنــــا
و مهمــا طالـت الايـــــام مصيرو الحي يعود لينـــا
بنحسب بعدك اللحظات و ليل الشوق يطول بينا
و ما بنتهنى يوم بعـــدك و لا الايـــــام تصافيـنـــــا
تصور حالنا كيــف بعــدك و كيـف فاضــت ماقينـــا
رحلت و شلت كل الكون منـو الغيــرك بواسيـنـــا
يا سلام ياخ ..
حقيقة شول فقد كبير للسودان وللخرطوم منذ ان اتصل بي العوض لهذا الحدث وتمر بخطاري وذهني كل المناسبات وكل الجولات التي صلناها معاً
(معاك مألم ) هذه كانت احدي ونساتنا وضحكنا ..
شول اخ وصديق عزيز .. لا يمر اسبوع الا وكان معي بمكتبي للسلام والتحية ..
ستكون يا شول في الخاطر دوما .. وبينا التواصل ..
-- عمر عثمان .. سلام وتحية (قربت اكتب من الذي يكتب بأسم عمر عثمان) ههههه
طالما الدخول بي عشرة جنيه تكون هناك عشرة جنيه اخرى مقابل هدية مقدرة نستطيع ان نخلد بها اسماءنا ..
اقترح درع كارب كدة تظبته لينا بمعرفتك في اعلاه بورداب الخرطوم بسودانيزاونلاين ..
-- وداعك غالي يا شول ..
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: انعام حيمورة)
|
Quote: عمر عثمان .. سلام وتحية (قربت اكتب من الذي يكتب بأسم عمر عثمان) ههههه |
ههههههههههههههههههه ........
ازيك يا انعام ...... بقيت اكتب زي الملكية مش
Quote: طالما الدخول بي عشرة جنيه تكون هناك عشرة جنيه اخرى مقابل هدية مقدرة نستطيع ان نخلد بها اسماءنا ..
اقترح درع كارب كدة تظبته لينا بمعرفتك في اعلاه بورداب الخرطوم بسودانيزاونلاين .. |
فكرة ممتازة وهي قيد التنفيذ ان شاء الله ........
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: Zomrawi Alweli)
|
للاسف لن أكون حضورا في وداعه لإنعدام الخصوصية ..!!
كما أنني لا أحب المقولة القائلة (من جاه الملوك نلوك) والتي أحسب أن هذه الدعوة تماثلها..!
ليتها كانت في مكان أخر حيث ينعم البورداب بوداع الصديق العزيز شول ويتبادلون معه الذكريات والمواقف دون ادنى قيود أو تكلف..!
ولكن أن يكون حفل الوداع نقطة من خضم بحر مناسبة أخرى فذلك غير مجدي ..!! على الأقل بالنسبة لي ..!
أخ شول :
ساكون في وداعك إنشاء الله وأنت على أعتاب الرحيل ..!
شكرا جنابو ..
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: ناذر محمد الخليفة)
|
Quote: للاسف لن أكون حضورا في وداعه لإنعدام الخصوصية ..!!
كما أنني لا أحب المقولة القائلة (من جاه الملوك نلوك) والتي أحسب أن هذه الدعوة تماثلها..!
ليتها كانت في مكان أخر حيث ينعم البورداب بوداع الصديق العزيز شول ويتبادلون معه الذكريات والمواقف دون ادنى قيود أو تكلف..!
ولكن أن يكون حفل الوداع نقطة من خضم بحر مناسبة أخرى فذلك غير مجدي ..!! على الأقل بالنسبة لي ..!
أخ شول :
ساكون في وداعك إنشاء الله وأنت على أعتاب الرحيل ..!
شكرا جنابو .. |
هلا ياناذر .........
ضيق الوقت حرمنا من مناقشة الاخوان في الفكرة ومكان اللقاء
ومقترح الحديقة جاء عفوي وليد اللحظة لكن تم ترتيب وضع خاص
لقعدة ولمة البورداب في طاولات منفصلة بعيدة نسبياً جمهور المنتدي
وستكون هناك خدمات منفصلة ومخصصة للبورداب وبالتالي لن نزعج احد
ولن يزعجنا احد ويكون المنتدي بمثابة خلفية للقاء ........
وبورداب الخرطوم ياناذر وانت عمدة فيهم لايلكون في جاه الملوك او غير الملوك
وبمقدورهم لو اسعفنا الزمن اقامة هذه الاحتفالية في اجعص مكان وواحد منهم يمكن
ان يدفع الحساب براهو وقد تكون انت شخصياً ياناذر ......... عشان كده تعال وكان
لقيت مافي خصوصية يكون عذرك معاك ..........
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: Zomrawi Alweli)
|
التحية لكم جميعا" و حقيقة تعجزني الكتابة الان و يشهد الله آدمعت عيناي لقرار شول بالرحيل و كنت أظنه سيبقي دلالة علي ترابط نسيج إجتماعي لن تفتت أواصره السياسة و الافعال الهوجاء كالحروب اللعينة . لك كل الود و المحبة و ربي يوفقك و يغطيك محل ما تقبل يا شول و تأكد انك ختمت اسمك و محبتك في قلوبنا و عليك الله خليك زي ما انت داااايما" فاتح قلبك للكل بدون تمييز و شايل الناس كلهم محبة و محنة.
تحياتي بلا حدود و بالتوفيق يا مونج و أبقي آطرانا
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: طارق أحمد عثمان)
|
والله عندما اعلنت نتيجة الاستفتاء بانفصال الجنوب اول من وما فكرت فيه شول ذلك الانسان النقي الذي عرفته قبل سنوات عندما زارني لاول مرة بمكتبي بصحبة الاخ دوت مجاك وخلال كل تلك السنوات لم ار منه الا كل خير ولم اسمع عنه الا كل طيب .. يبدو انني لن التقيك وارى ان قائمة الغائبين تتمدد وعمر عثمان يصر على الموعد فان كانت هناك اي امكانية للتاجيل فارجو الا تحرمنا من مقابلتك ..
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: SHIBKA)
|
اول هام ( شول دا يمشى دولة جنوب السودان يمشى هولندا ) دا ما بيغير من حقيقة أساسية أن هذا السودان بلد شول وموطن ابائــه . يعنى بالدارجى كدا شول دا ما مواطن من مواطنى دولة جنوب السودان ..
تسافر وترجع بالسلامة يا بنج .. ما تكسر ركبه بهناك .. البتاعات كلها هنــا ...
حضوووووووووووووووووووووووووووووووور بكثافة ... شكراً عمر يا ن عثمان
ترمة .. ناذر دا حديقة القرشى دا فى حلتهم ما بتطربو / لكنها بتطربنا نحن ناس بحرى يا فنان حضورك ومعاك البتاعات ضرورى
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: بدر الدين اسحاق احمد)
|
كمندان عمر عثمان تحياتنا للأخ شول ولبورداب الخرطوم لم ألتقي شول وكنت أمني النفس بلقياه لذلك لا أقول وداعا ولكن أوصيه بأن يسلم لي على جوبا ابتداء من حي المطار ومرورا بحي الجلابة ونمرة تلاتة والملكية وسوق كنجو كنجو وأطلع بره والجامعة والثورة وشارع الجيش والنيكروين وحي الوزارات وكل أشجار المانجو على ضفاف بحر الجبل وما تنسى جبل الرجاف
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: على محمد على بشير)
|
تحياتي يا جنابو
حقيقة لم ألتق هذا الرجل وان كنت أتمنى ذلك ليس في حاجة أن أكتب شهادتي فيه , وقد سبقني أخوة كرام لم يجمعوا على أمر كلهم كما أتفقوا في حزنهم لسفر شول , والذي أحسب أنه سفر تقتضيه ظروف وترتيبات المرحلة وفي معيتنا جميعا مقولة ود الصائم : تبا للسياسة .
وما يجمع الناس أكبر من كل القرارات والمراسيم والحدود .
أتمنى للأخ شول التوفيق
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: طارق جبريل)
|
Quote: هسي الواحد يكتب شنو هنا تبا للسياسة عليها اللعنة |
صدقت والله يا طارق يا أخوي صدقت
شول أخوي ،،، ياخي أقول ليك حاجه
أمش وتصبح علي خير تصبح علي وطن وتحياتي لأخواني هناك أستاذ ديرك أويا الفريد ستيفن أفير أوشيلا تنقو بيتر ربيقو نيكولا فرانسيس قون سارة بتلفزيون الجنوب
وكثيرون هم الذي أقول لهم تصبحون علي خير تصبحون علي وطن
ويا صاحب البوست مالك تُؤلمنا ياخ
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: بكري الخير)
|
سلام يا عمر والاخوان .
يا جماعه كدا روقو المنقه شوبة .. دولة جنوب السودان ,, شنو ؟؟ ودلة شمال السودان .. شنو ؟؟؟ ده كلام فاضي وماعندو اي اساس ... يعني باختصار كدا حبر علي ورق والسودان ده وااااااااااااااااااااااااااااااااااااااحد .. وشول زاتووووو ماشي جوبا كأنو ماشي كسلا او عطيرة او اي مدينه سودانية وراااااااااجع تاني وبس ,,,
تصحبك السلام يا صديقي .
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: عبدالله كع)
|
سلام الشقيق عمر اكيد باكر برجع لينا شول ويرجع الوطن كلوا
Quote: إنفصال منقو بقلم: عباس أبوريدة 29 يونيو 2011
يا حبيب الأمس في مرتعنا
عاشق اللحن الذي أمتعنا
" نحن روحان ِ حللنا بدنا " (1)
"منقو قل لا عاش من يفصلنا " (2)
منقو قد جاء الذى يفصلنا
منقو ها قد جاء من يفصلنا
من أصول الجذر جا يقلعنا
جاء الذي من حبنا يمنعنا
جاء الذي في حدَّة ٍ يصفعنا
نحن عهد النفط لم ينفعنا
نحن عهد النفط قد أوجعنا
يا زمان النفط ِ خنت الوطنا
********************************* لم يعد في الوادي من يسمعنا
لم يعد في نيلنا مرتعنا
جاء الذي عن أصلنا يقطعنا
جاء الذي من ثوبنا ينزعنا
ويزلزل كلَّ ما جمَّـعنا
"منقو" لا تحزن وتنعي الزمنا
لن تموت الذكرى في أنفسنا
نحفظ الماضي و لن تجف دمعتنا
على الفراق و لن تغب لهفتنا
إلى لقاء ٍ حافل ٍ في غدنا
ومن جديد ٍ نستعد وحدتنا
منقو أرفع في الورى هامتنا
منقو أسمع للورى دعوتنا
" نحن روحان ِ حللنا بدنا " (1)
********************************
كنت سوداني وسوداني أنا
كنت في قلبي حبيبا ً سكنا
وقت كان الود في ساحتنا
ضمَّنا الوادي فمن فرَّقنا ؟
أصبح الصبح فما أنت هنا !!!
لا أنا أنت ... ولا أنت أنا
نحن شخصان ذبحنا وطنا
نحن حُلمان ِ ذُبحنا علنا
نحن في الصيف ِ أضعنااللبنا
عباس أبوريدة
الدوحة - 29 يونيو 2011
(1) ، (2) من قصيدة "أنت سوداني وسوداني أنا " للشاعر عبد اللطيف عبد الرحمن
|
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: داليا الكباشى)
|
يا اللـــــــه ياخ الزول السمح شول مسافر ومخليكم يا جنابو ؟ شول إنسان جميل بالعرض والطول والله يا بورداب الخرطوم خسارة كبيرة ليكم سفر الإنسان النبيل شول عرفته من خلالكم وملماتكم السمحة يا بورداب ، وايضا من خلال حوش بكري الفسسح كم تمنيت ان التقيك يا صديقنا العزيز , امنياتنا القلبية الطيبة ليك بلتوفيق وين ما تقبل, نتمناها زيارة عائلية وعودة من جديد يا رب تحت ظل السلام والمودة والوئام وبدون تحديد مسافات ومساحات لأبناء الوطن الواحد سلام وتحية لك أخي عمر وعبرك للأخ العزيز شول وكل بورداب الخرطوم.
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: داليا الكباشى)
|
يا عمر تودعوا شنو ؟ ياخي أنا ما جاني إحساس إنه البلد إنقسمت إلا بعد بوستك دا .. شول دا ماشي جوبا .. جوبا القريييبة دي .. والمسافة ما بين الخرطوم وجوبا مساحة محبة لشول ولكل إخواننا هناك .. لعن الله السياسة التي جعلت بلد واحد لإثنين .. شول سلم على أهلنا هناك .. ومنتظر منك تليفون أكيد بعد الوصول ..
تحياتي عمر .. ولكل الشباب بورداب الخرطوم ..
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: محمد أبوالعزائم أبوالريش)
|
وداعا شول: كم حزنت وأنا التقي بالعزيز شول لاول مرة لأودعه .. كيف التقيه اول مرة وأودعه؟؟؟ إنها لعنة السياسة ولعنة النظامين الحاكمين عزيزي شول السودان كله وطنك هنا وهناك .. إستقر أينما حلت بك ظروف الحياة ... أتمنى لك التوفيق وحتما سيعود السودان وطنا واحد بإذن الله
لقاء البورداب: إعزائي بورداب الخرطوم رغم حزن المناسبة ورغم كل شيء سعدت بلقائكم لأول مرة ونحن نتصافح بالاحضان وكأننا نعرف بعضنا من سنوات خلت وأسعد بكم دوما وسأكون بإذن الله حضورا بينكم في كل المناسبات ..فأنتم أهلي ولندع الصور تتحدث عن ذلك اللقاء
ولا يفوتني في هذه المداخلة أن أحيي المواطن بكري أبوبكر الذي جعل ذلك ممكنا
................ اسعفونا بالصور
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: عبدالله ود البوش)
|
نحبك في الله ول لله ولوجه الله ، لوجه الله الغامر يا شول .. يا زول ياواعي يا جميل وستعود حتمآ وسيعود الوطن كما كان يا شول ففي النيل السر العظيم (خلوني أحلم بالله!) كل المحبة والحب والإحترام لك وربنا يسهل أمورك وسلم على أخوانا وأخواتنا هناك ، الما كان عندهم أي ذنب في الإنفصال زينا كدا ..!
شكرآ عمر وبورداب الخرطوم الأعزاء
_
| |
|
|
|
|
|
|
Re: بورداب الخرطوم يودعون العزيز شول (يوجد إحتفاء وصور ..) (Re: نيازي مصطفى)
|
هسه كان ما عفن حكومات و سياسات تافـــــ ــه الفرق شنو بين شول ده وعلاء الدين حيمورة؟ ما نفس النحرين المتفشنات و الشعر القرقدى كلهم عبيد ما يقعد شول وخلاص .. لوووووووووووووووووووووول التحية لصديقى العزيز شول وتسلمو انتم بورداب الداخل على احتفائكم باخيكم الاصغر شول.. والله يا شباب غير نبعد المؤتمر الوطنى ده من السودان مافى حل كان مشى شول والا قعد محمد المسلمى ده وانا افتكر وداع شول ده فيه حكمة وعبرة ، حقو الناس تعمل ليها مؤتمر وتشوف طريقة اللمه نحن ناس قاعدين سوا من ما الله خلق البشريه نفس العادات نفس التقاليد نفس الاكل نفس الموروث نمش نكوس لينا تلصق مع ناس مابشبهونا فى اى شى؟ هسه اى واحد فينا بما فينا على عثمان زاتو يسافر بره و يخيروه يسكن فى غرفة واحدة مع عراقى او لبنانى واللا جنوبى بدون ان يفكر لحظة واحده انا متأكد بختار يسكن مع جنوبى.. يلا يبقى نحن مختلفين فى شنو زاتو مادام ده بكون خيارنا عشان شول يمشى ومحمد يقعد.. التحيه للموج الكبير او المونج الكبير شول ما فرقت وين ما يقبل وانا متأكد شول فى قلب كل من عرفه هذا الرجل الهذب عالى الاخلاق لطيف المعشر اخو الاخوان ويا شول انا جاييك قريب باقى الشباب ماعارفهم المهم انت ظبط البتاع والى لقاء قريب،،
| |
|
|
|
|
|
|
|