|
|
 Re: لأول مرة: وضع خارطة تبين توزيع المياه الجوفية في الصحراء الكبرى (Re: Amin Salim)
|
Quote:
تمكن العلماء للمرة الاولى من وضع خريطة توضح توزيع وحجم كميات هائلة من المياه في جوف الصحراء الكبرى واجزاء اخرى من القارة الافريقية.
واكد العلماء ان هذه الكمية موجودة على عمق يصل الى خمسة وسبعين مترا داخل طبقات صخرية قديمة امتلأت منذ نحو خمسة الاف سنة.
ويقول العلماء إن مصادر المياه الجوفية هذه يمكن ان توفر مايكفي من الاستهلاك البشري والزراعة في افريقيا كلها.
الا انهم اشاروا الى صعوبة استخراج تلك المياه لأن حفر ابار كبيرة قد يؤثر سلبا وبسرعة على الطبقات الصخرية
|
...
...فرانكلي يا صديق ...
..ياخ وددت الاشاره لمعلومه وردت في كلامك الفوق ده ....و حسب معلوماتي البسيطه اعتقد انها غير صحيحه .....وهي انو حكاية (تمكن العلماء للمره الاولي) .....فما اعتقد انها المره الاولي ... فالحكاية بتاعت الخزان الجوفي المغطِي مساحه شاسعه من الصحراء الكبري ...دي ما جديده ...و معروفه للغرب من زماااااان .... وهناك كتير من المسح الجيولوجي والدراسات الاتعملت حول هذا الموضوع ....و حتي المصريين عندهم خرط هيدرولوجيه مبين بها امتدادات الخزان المائي الجوفي ....صحيح هي غير مكتمله ...لكن عندهم ...و العمل في تجويدها و تحسينها بالدقه وبالمسح الجيولوجي و الطبوغرافي شغال من زمان...
...
...عموما ....الخزان الجوفي ده ....اصلا ...نشأ ...من فوق سطح طبقه حامله ....او محمول عليها ...تسمي الحجر النوبي...او (الحجر الرملي النوبي) (Great Nubian Sandstone basin)...و بالمناسبه ده اسمها المعروفه بيهو وسط الناس المهتمين بموضوع المياه ...يعني اسم علمي ما نجر... و هذه الطبقه نشأ مع نشؤ القشره الارضيه و تكويناتا و تحوراتا الجيولوجيه و لو قوقلت الاسم ده حتجد معلومات وافره ..عن هذا الخزان .... و حترتبك في قراءة الارقام الخاصه بتقدير كميات المياه المخزونه عليه ..
...و عشان تقدر تتخيل الكميات ديه ...حأحاول ابسّط معاك المسأله ....و لو لقيت طريقه بعد المداخله دي ...يمكن اوضح اكتر عن طريق رسم كروكي مصغر ....
..الطبقه دي تبدأ في اقاصي جنوب السودان (بتاع زمان) ....وعلي امتداد عرض مناطق السافنا الغنيه بارضها و ناسها و غزارة الامطار التي تهطل عليها ... اي علي امتداد خط العرض صفر (الاستواء) ...وتظهر هذه الطبقه علي سطح الارض او قريبه منه (علي عمق لا يزيد عن متر ونصف الي مترين) في تلك المناطق و بعرض كبير (ما متذكر الرقم) لكنه يتمدد ويتداخل مع دول مجاوره اخري تصل و تغطي جزء كبير من تشاد....
..تبدأ هذه الطبقه من علي سطح الارض ...ثم تغور الي باطنها الي اعماق كبيره متدرجه و متفاوته كلما اتجهنا شمالا ... حتي تخوم مصر علي حدودها الجنوبيه ...تقريبا لحد مناطق منخفض توشكي وكل الجانب الغربي لمصر و الي الحدود الشرقيه لليبيا ....(بالمناسبه ...النهر الصناعي العظيم ....بتاع ليبيا ...المياه بتاعتو ...من الخزان الجوفي ده ذاتو ... وده بيدلل علي انو معروف من زمان لدي الدول الغربيه ...بل والصهاينه .... ساعدو القذافي في فكرتو و انشاءو ...كاِسهام في تعضيد و تثبيت اركان وضجيج نظامو وجماهيريتو التي كانت...لانو هو ولدم ومن عنديهم؟؟؟!!!!....).....
..بمعني بسيط ....طبقة الحجر النوبي دي ...هي طبقه صماء او مصمته (ما تخرش الميه) ...تسربت و لازالت تتسرب مياه الامطار الكثيفه التي تهطل علي مناطق السافنا تلك وبغزارتها من علي سطح الارض محموله علي سطح هذه الطبقه المصمته بامتداداتها و اعماقها ...وفي ذلك فهي شبيهه بقاع الحلة الدائريه او المربعه لاي صهريج مياه ....بس علي واسع ....يعني باتساع عشرات الالاف من الكيلو مترات او الاميال في طولها و عرضها او قطرها... بالتالي مساحتها تتجاوز ملايين الاميال المربعه ...و لو داير تقيس حجمها او سعتها فالعمليه بسيطه جدا عباره عن قياس طول وعرض الطبقه و ضربهم في بعض لايجاد المساحه...و من ثم تحسب عمقها من سطح الارض (اي الارتفاع) وتضربه في تلك المساحه .....و لك ان تتخيل كمية المياه المخزنه فوقها ... و لتسهيل الخيال ....ففي الغالب تكون هذه الكميه مطابقه لكمية المياه المحموله علي قاع حلة صهريج مياه كوني ... البشريه دي كلها منذ بدأها و بالذات الحيدخلو الجنه زي ناس البشير و نافع و بقية الرهط يمكنهم ان يشربوا منها يوم القيامه ...ويستحموا و يطبخو و يغسلو كمان .... غايتو البيغرق منهم فيها ...حقو راح ...ما بتلقي الا يكون هناك قيامه اخري؟؟؟
...
... دمت يا عزيز ...
..ولو....الي ما قبل يوم القيامه بساعه ....
..قول امين ....
.
.
.
.
.حاحاول ارسم الكروكي رفلي فقد يساعد في ملامسة الامر
...
|
|
 
|
|
|
|
|
| العنوان |
الكاتب |
Date |
 لأول مرة: وضع خارطة تبين توزيع المياه الجوفية في الصحراء الكبرى | Frankly | 04-20-12, 10:47 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Amin Salim | 04-20-12, 11:27 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Hololy | 04-20-12, 09:28 PM |
| Re: لأول مرة: وضع خارطة تبين توزيع المياه الجوفية في الصحراء الكبرى | Hololy | 04-21-12, 00:55 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Hololy | 04-21-12, 01:53 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Frankly | 04-21-12, 01:54 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Frankly | 04-21-12, 01:29 AM |
 Re: لأول مرة: وضع خارطة تبين توزيع المياه الجوفية في الصحراء الكبرى | Ridhaa | 04-21-12, 02:19 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | Amin Salim | 04-21-12, 04:57 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | النذير حجازي | 04-25-12, 09:27 AM |
| Re: لأول مرة: وضع خارطة تبين توزيع المياه الجوفية في الصحراء الكبرى | مدثر صديق | 04-25-12, 11:57 AM |
|
| |
Hololy
فيس بوك
تويتر
انستقرام
يوتيوب
بنتيريست