عصام جبرالله حب لاخيك ما تحب لنفسك

Quote: ابو الشوش ليك وحشة الموضوع وما فيهو أن د. نجاة لها نظرية ثابتة وتحاول أن تثبتها: النظرية تقول أن المعارضة تبحث لها عن شهيد لحشد الناس لاإسقاط النظام. وبناءاً عليه فأي شخص تقول المعارضة أنه استشهد فيجب الشك في هذا الموضوع وبحث كل الاحتمالات الأخرى. يعنى مثلاً إذا جاء شخص من جهاز الأمن والكل يعرف أنه من جهاز الأمن وقتل شخص آخر بالمسدس (الميري)، وجاءت المعارضة وقالت أن جهاز الامن قتل هذا الشخص، فعلى الذين يستخدمون المنهج (النجاتوي) أن يتأكدو من الآتي: 1- أولاً أن رجل الأمن قتله لموضوع سياسي (يعني احتمكال موضوع شخصي بيناتم، خيانة امانة، خيانة زوجية إلخ) 2- الضحية ما شارب حاجة (مش احتما بسبب الحاجة الشاربها دي هاجم موظف عام اثناء تأديته واجبه) 3- شهادة من أهل الضحية أن لبنهم ينتمي للمعارضة (التوقيع يجب ان يشمل جميع الاقرباء من الدرجة الأولى). والمنهج النجاوتي معروف، فهي في سبيل أن (تعارض المعارضة) يمكنها أن تدوس على أي شئ، فعلى سبيل المثال رغم مبديئتها الصارمة في الدفاع عن النساء في هذا المنبر، إلا أنها بدلاً من أن تدين محمد المسلمي سارعت بفتح البوست لتدين عصام جبرالله (سمبلي لأانه شيوعي). خلاصتو يا حلبي فيما يتعلق بموضوع (الشينات) الشهداء والشيوعيين فدكتورة نجاة لها موقف مبدئية لا تحيد عنها حتى لو استدعى الموضوع مخالفة المنطق في حد ذاتو. والشهيد زول عادي ضرب ليهو فردتو قال ليهو (شنو يا حبة النظام شنو) رد عليهو (وين انتو) فأجاب (قاعدين في الوكر) فقال (دقائق واكون اساسي معاكم) أها يا زول ما شي في الشارع ضربتو عربية، لقوهو جماعة مستعجلين واحد قال ليهم عندي زول شغال في مستوصف (بنضرب سجارات مع بعض) مشوا المستوصف جدعو الزول وقالوا لي فردتهم (بالله سُك على الموضوع دا والزول دا ضربتو عربية اتصرف) الممرض اتصرف. اها يا الحلبي واشياعه من المعارضة زولكم ضربتو عربية والقبليهو شقاهو عرقى والقبليهو ابوهو ذاتو ما عارفوا بيشتغل سياسة، وشهيدكم الجاي من هسه احبكوا قصتوا كويس واتفقوا مع جهاز الأمن عديل إنو يقتلوا ويطلع بيان بذلك. ودا حلكم الوحيد لدحض المنهج النجاتوي