هل صار ( رفاعي عبدالعاطي حجر) أقرب للوطني ..؟؟؟!!!

Quote: م حاطول يا نجلاء ولو قريتي كويس ان البوست كان فكرته عندي بسيطة ومعقدة هو كلامك الفوق وده وكلام هنادي فضل وكلام مصطفى محمود وبيمثل مدرسة في التعامل مع منسوبي المؤتمر الوطني فيكم ناس بقولوا ما مشكلة اتعاملو معاهم كافراد ماتقبوا ليهم كحزب اها هل ده ممكن ؟؟؟ هل ممكن انا مثلاً اشرب شيشة وانبسط انبساطة زي حقت رفاعي دي واجي اسلخهم هنا ؟؟؟ انا شخصيا بقول ممكن وده فهم متقدم وواعي ... ولحدى هنا كان الموضوع في صالح رفاعي وانا للعلم ما فتحته ضده او لصالحه انا فتحته لانه هو نبهني لامكانية يكون في مساحات تلاقي مع الاضداد السياسيين اجتماعيا رياضيا ثقافيا الخ اها في ناس منكم متشددين زي هنادي ومصطفى محمود مثلا مصطفى محمود بفتكر انو مجرد الرد على واحد من ناس المؤتمر الوطني ديل يعتبر خيانة فبالتالي ما اعتقد انه بكون فرحان بشغل رفاعي معاهم في الحقل الرياضي بتبرير اهلية الرياضة او يشرب معاهم شيشة وينبسط وجاييك لانه ده موضوع البوست الصرفني عنه رفاعي بفتح موضوع الاقرع ولعلمك انا ضربت مثل تاني قلت ود الباوقة برغم انو مؤمتر وطني لكنه قادر يتعامل مع الضد السياسي بشئ من احترام وشئ من مرح بعكس علاء الدين يوسف الذي يبدو انه متشدد في الامر نوعاً ما بس تشدد اقل من تشدد هنادي ومصطفى محمود السؤال ايهم هو الصحيح ؟؟؟ اهمية السؤال شنو ؟؟او اهمية البوست شنو ؟؟ الاهمية اننا نناقش خارطة طريقة علائق سودانوية تستوعب الاجتماعي والوطني ودون ان تتقاطع مع السياسي او تلزم شخص بالتناول عن افاكره ان نتحرم افكارنا ومعتقداتنا لكن نشرب شيشة مع بعض

(عدل بواسطة الرفاعي عبدالعاطي حجر on 03-06-2012, 10:38 AM)
(عدل بواسطة الرفاعي عبدالعاطي حجر on 03-06-2012, 04:21 PM)