|
|
|
 Re: الجنوب توقع اتفاقية لبناء خط انابيب الى جيبوتى عبر اثيوبيا (Re: ناصر المحسى)
|
Quote: وقعت دولة جنوب السودان اتفاقا مع إثيوبيا لبناء خط أنابيب لنقل نفطها إلى ميناء جيبوتي، وذلك في سياق سعي جوبا لإيجاد خطوط نقل بديلة عن أنابيب السودان بعد تردي العلاقات بين الدولتين على خلفية نزاع حول رسوم نقل نفط الجنوب، ووقف جوبا إنتاج نفطها بعد اتهامها للخرطوم بسرقة بترولها.
وقال وزير الإعلام في جنوب السودان برنابا ماريال بنجامين إن ملكية خط الأنابيب المتفق عليه ستؤول لبلاده، وقد تم التوقيع على مذكرة تفاهم بهذا الخصوص خلال مباحثات في العاصمة الإثيوبية أديس أبابا بداية الشهر الجاري.
وأضاف بنجامين إن شركات صينية وأميركية وأوروبية مهتمة بإجراء دراسات الجدوى الاقتصادية الضرورية لبناء خط الأنابيب المذكور. |
| |
  
|
|
|
|
|
|
|
|
Re: الجنوب توقع اتفاقية لبناء خط انابيب الى جيبوتى عبر اثيوبيا (Re: Hani Arabi Mohamed)
|
Quote: طبعاً الجنوب حر ، يعمل العاوزو في موارده.
- لكن إنتَ كمواطن شمالي ، رايك شنو في أي حاجة حتتسبب في مزيد من المعاناة لمواطني دولتنا ؟
ورايك شنو في الحلول الممكن تخفف على مواطنينا ؟ |
يا هانى انا مواطن شمالى عرف جيدا انو تحويل الخط سوف يزيد فى العجز الاقتصادى
لاكن ليس فى يد المواطن الشمالى حل كلو من مكابرة النظام فى الشمال . معقولة يقولو
عاوزين 37 $ رسوم نقل برميل واحد من النفط ؟
| |
|
|
|
|
|
|
|
|
|
Re: الجنوب توقع اتفاقية لبناء خط انابيب الى جيبوتى عبر اثيوبيا (Re: ibrahim alnimma)
|
| Quote: والشي المهم والاهم .......هل يذهب هذا المبلغ الي المواطن؟ هل انعكس البترول نفسه عندما كان جله بيد حكومة المؤتمر الوطني، هل انعكس علي حياة المواطن، هل استثمر في ازدياد موارد البلاد والزراعية والصناعية؟ اين ذهب54 مليار من عيائدات النفط المعلنة؟ |
- نعم انعكس البترول على حال المواطن عندما كان بيد حكومة السودان الموحدة.
- نعم هناك غموض حول مصير مبالغ كبيرة. نعم لم تذهب كثير من المبالغ إلى المواطنين.
- لكن لا توجد مقارنة بين حال المواطنين في الولايات الشمالية الخمسة عشرة في 2008 عندما كان الدولار بـ 2 جنيه سوداني ، وبين حال المواطنين اليوم.
| |
|
|
|
|
|
|
|
|
|
Re: الجنوب توقع اتفاقية لبناء خط انابيب الى جيبوتى عبر اثيوبيا (Re: ناصر المحسى)
|
ألأخ/ناصر السلام عليكم.
Quote: لاكن ليس فى يد المواطن الشمالى حل كلو من مكابرة النظام فى الشمال . معقولة يقولو
عاوزين 37 $ رسوم نقل برميل واحد من النفط |
لكن إذا أكل الكيزان نيم سوف يأكل الشعب السودانى نيم ويحلى بموية قرض.والشعب السودانى يا هو عمك وعمى وأخوك وأخوى وكل من تربطنا به صلة رحم أو علاقة.
شماتتنا على الكيزان ما بتنفعنا ولا بتقدمنا وهم بعملوا فى البعملوا فيه.
أعجب لفرحنا لمثل هذه القرارات التى تصور لنا كأن النظام سينهار غداَ بعد هذه ألأتفاقيات التى تصب فى غير مصلحة الوطن والحال فى حاله.
________________________________________________________
كان الله فى عونك يابلادى ونسأل الله أن يرفع البلاء والغلاء على أهلنا ويعم عليهم الخير والرفاهية.
مع خالص تقديرى وإحترامى .
| |
|
|
|
|
|
|
|
|
|
Re: الجنوب توقع اتفاقية لبناء خط انابيب الى جيبوتى عبر اثيوبيا (Re: ismeil abbas)
|
لا بينفع البكاء علي اللبن المسكوب
ولا الشماتة
نبدأ من حقيقة أن البترول راح
لا حرب بترجعه ولا سلام
عندنا بلد حدادي مدادي ولو ختينا الرحمن في قلبنا بنصلحها
وبنصلح حالنا
نبدأ كيف؟
أول حاجة إقتصاد سلام وليس حرب
نشتري تراكترات للزراعة وليس دبابات للحرب
إقتصاد للمواطن وليس للنخبة السياسية
ما محتاجين ل 88 وزير (نظام ترضيات وكدا)
وكل وزير كم عربية وبنزين
ما محتاجين لهذا الجيش الهائل من الولاة والوزراء الإقليمين، (ما دايرة حليفة، ما بيعملوا أي حاجة فيها فايدة)
بدل من كدا أدعموا الزراعة والمزارعين
(تدعموهم ما معناها تدوهم قروش)
تدعموهم بوقف بعض الجبايات والضرائب الما منطقية
(ما معقول أن 90 في المية من دخل الضرائب يصرف علي الجباة أنفسهم ومثل ذلك الزكاة يا سبحن الله)
خففوا شوية علي المغتربين عشان يدخلوا قروش السودان ويستثمروها
أخجلوا شوية وأوقفوا إستيراد زيوت الطعام
(معاصر الزيوت بيعملوها في المنطقة الصناعية وممن تتخت في راكوبة)
أوقفوا إستيراد الطماطم
مزارعين الجزيرة براهم بيغطوا السوق
(حتي أمريكا الدولة الرأسمالية الكبري بتدعم وبتحمي مزارعينها رغم كل الإتفاقيات التجارية مع جيرانها)
وقفوا حكاية إستيراد ألبان بمية مليون دولار في العام
مزرعة (أو شوية مزارع) بربع هذا المبلغ بتوفر لبن يغطي السوق ويتصدر
بقول كلامي دا وعارف إنه الناس البيتخذو القرار هم نفسهم المستفيدين من هذا الحال المايل
بس بقولوا للناس التانيين المتضررين ولسه مصرين يدافعوا عن الذين أجرموا ويجرمون في حقهم
(وعارفينه كلام كثير ومكرر لكن ما عندنا حل غير نقوله)
| |
|
|
|
|
|
|
|
|
|
Re: الجنوب توقع اتفاقية لبناء خط انابيب الى جيبوتى عبر اثيوبيا (Re: ismeil abbas)
|
Quote: لكن إذا أكل الكيزان نيم سوف يأكل الشعب السودانى نيم
ويحلى بموية قرض.والشعب السودانى يا هو عمك وعمى وأخوك وأخوى وكل من تربطنا به صلة رحم أو علاقة.
شماتتنا على الكيزان ما بتنفعنا ولا بتقدمنا وهم بعملوا فى البعملوا فيه. |
يا اسماعيل الحكاية ما شماتة لاكن الطمع بتاع الكيزان الضيعت كل شئ .
وبعدين الشعب السودانى ايام البترول كلو كان تحت الحكومة ما استفادة
من عائد البترول كل اموال البترول مشت فى حسابات خاصة
ولا اعتقد انو الشعب حيستفيد من رسوم العبور
| |
|
|
|
|
|
|
| |
ناصر المحسى
Hani Arabi Mohamed
ibrahim alnimma
ismeil abbas
Nasr
فيس بوك
تويتر
انستقرام
يوتيوب
بنتيريست