|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: الامين موسى البشاري)
|
من قبل أقســـم عمر فضل المولى
بأن حزب الأمة سوف لن يشارك في حكومة وشراكة مع المؤتمر الوطني
حاسماً الجدل الذي كان يدور حينها ...
بعبارات حاسمه منهياً القصة ..
وأذكر أنني حينها قد انتقدته على الحلف
الآن اطالب الاتحادي وناسه بأن يحسموا هذا الجدل
حيشارك
لا لا لالالالالالالالالالا ما حيشارك
فهل منكم من يدق صدره ويحلف
ثم ينفي مشـــاركة الاتحادي الاصل في الحكومة القادمة
والله صحي
| |
|
|
|
|
|
|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: Al-Shaygi)
|
Quote: بو الحسين ما بيحلف إلا بعد أن يقول السيد كلمته الفصل...
وكلنا راجين هذه الكلمة
وليته يقولولها .....
ليضع الحد الفاصل بين الأبيض والأسود... |
الشـــايقي بالانجليزي ...... تحياتي
ده واحد من أسباب ضعف الاحزاب الســودانية
وهو اختزال الحزب في شخصية رئيس الحزب
يا ريت يقولها ويريحنا يااااخ
والنايم ليها شنو عليك الله
| |
|
|
|
|
|
|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: الامين موسى البشاري)
|
Quote: ابو الحسين يعني الصباح بتحلف؟ |
البشاري العريس لا تسويلي سوات الطفل الساعااااااال البارى أُمو ولقى الشافع ما عندو إضينات!!!
أمسك في كلام عمك الشايقي دا...
Quote: أبو الحسين ما بيحلف إلا بعد أن يقول السيد كلمته الفصل...
وكلنا راجين هذه الكلمة |
دحين نصيحة ليك... أمسك في الصلاة الذاتية دي ونوم... وأنا ذاااااتي اللقوم عليهو بعد دا...
(اللهم صلي وسلم وبارك على سيدنا محمد وعلى آله وصحبه بقدر عظمة ذاتك يا أحد)
| |
|
|
|
|
|
|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: أبو الحسين)
|
Quote: الله يعصمنا وإياك والجميع من النار... فايز ود القاضي إنت تطلع منها اليومين دي خالس!!! |
ابوحسين يشهد الله اني بحبكم لوجه الله ودماي التجري فيني معظمها من اهلي الختميين لكن كمان البحصل ده ماعاجبني ويهمني مسار الحزب ينعدل لاني بؤمن بانه فيهو عناصر باستطاعتها تقود البلد لبر الامان ..وببسيط من الديمقراطية داخل الحزب بامكان الحزب ان يعود بقوة وشكل جديد يلبى تطلعات القواعد والوطن ..
لذلك قاعد وماني طالع حتى لو زعلتو مني ...معقولة زول يطلع من بيته!!!..
تحياتي ياحبيب ..
| |
|
|
|
|
|
|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: فايزودالقاضي)
|
Quote: الواحد بطلق اذا كان عنده العصمة .. |
وعليكم السلام يا فايز يا قريبي الناس ديل من أمبارح برازي فيهم عشان زول يحلف لينا زي حليفة عمر ويقول لناس المؤتمر الوطني ديل قوموا الى حكومتكم العنصرية الاسلامعروبية يرحمكم الله ماف زول قال لي حاجة لغاية هسي... عارف يا قريبي ذكرتني نكتة الزول الامه بتحلف بسيدي الحسن وقام قال ليها : يا أمي تحلفي بالله ولا سيدك الحسن ? قامت الأم قالت ليهو: يا ولدي الله ده بمهل لكن سيدي الحســـن بمهل؟
تحياتي
| |
|
|
|
|
|
|
Re: الاتحاديين الأصل ما عندكم زول يحلف ولا يطلق وينفي المشاركة؟! (Re: الامين موسى البشاري)
|
Quote: عطل الاتحادي الديمقراطي "الأصل"، بزعامة محمد عثمان الميرغني، إعلان التشكيلة الجديدة لحكومة السودان الذي كان مقرراً مساء السبت، وعجز الحزب حتى هذه اللحظة عن حسم موقفه من المشاركة أو عدمها بسبب ضغوط وخلافات داخلية. وفشل الاتحادي في عقد اجتماع مفصلي لهيئة القيادة بعد احتجاج مجموعات غاضبة بجنينة "السيد علي" على مشاركته في الحكومة الجديدة، وهددت بعض قياداته بتقديم الاستقاله إذا لامست الخطوة أرض الواقع. ونقلت صحيفة "آخر لحظة" الصادرة اليوم الأحد عن مصادر، أن الرئيس السوداني، عمرالبشير، أرجأ إعلان الحكومة الجديدة إلى مساء يوم الأحد في انتظار الموقف النهائي للحزب الاتحادي والذي تترقبه الأوساط السياسية بفارق الصبر.
هتافات مناوئة
واحتشد العشرات من الاتحاديين غالبيتهم شباب وطلاب بجنينة السيد علي التي تتوسّط الخرطوم احتجاجاً على مبدأ المشاركة، ورددوا هتافات مناوئة للحكومة منها: "يريد إسقاط النظام"، و"لا اتفاق مع النفاق"، مؤكدين أن مجرّد الاجتماع للنظر في أمر المشاركة يعتبر إهانة وانحناءً للديكتاتورية.
وعمدت المجموعات الغاضبة كسر بوابة الجنينة ليدخلوها عنوة، مستخدمين المكبرات الصوتية وانضمت إليهم قيادات كان ينتظر مشاركتها في اجتماع هيئة القيادة وهددت بعدها بتقديم الاستقالة إذا قرر الحزب المشاركة في الدولة.
وقال القيادي حسن أبوسبيب للصحافيين، إن الميرغني وجه بإلغاء الاجتماع نسبة لاحتشاد أنصار الحزب ومراعاة للجو المشحون بالتوتر، مضيفاً: "أعدكم بأن الحزب لن يشارك ولن ننجر وراء المناصب والمحاصصات".
نسب سرية
وفي السياق ذاته، قال رئيس لجنة الحوار مع الحزب الاتحادي بالمؤتمر الوطني، إبراهيم أحمد عمر، إن لجنته اتفقت مع الاتحادي على مشاركته في السلطة بنسب تحفَّظ على ذكرها.
وأكد أن الحزب الاتحادي طلب مهلة انتهت أمس السبت لاعتماد الاتفاق، معرباً عن أمله في أن لا ينجح التيار المناوئ لمشاركة الحزب في مسعاه بتعديل موقف الاتحادي، قائلاً إن تشكيل الحكومة شبه جاهز لدى البشير وينتظر موقف الاتحادي.
من ناحيته، أكد مستشار البشير، مصطفى عثمان إسماعيل، نية حزب المؤتمر الوطني إعلان الحكومة الجديدة خلال الساعات القادمة بمشاركة الحزب الاتحادي أو بدونه.
وأوردت "آخر لحظة" عن مصارد، تفاصيل التشكيلة الوزارية الجديدة وتتكون من خمسة مستشارين للرئيس هم: موسى محمد أحمد، ومصطفى عثمان إسماعيل، وقطبي المهدي، وعبدالرحمن الصادق، المهدي، ونجل محمد عثمان الميرغني، ويحتل منصب كبير مساعدي الرئيس د.نافع علي نافع.
بينما يحل عوض الجاز وزيراً لرئاسة مجلس الوزراء، ود.غازي صلاح الدين للخارجية، وعلي كرتي لوزارة العدل، ومندور المهدي للصحة، والفريق أول عطا للداخلية، والفريق أول عبدالرحيم محمد حسين للدفاع، ومهدي إبراهيم للثقافة والإعلام، وحاتم السر (الاتحادي الأصل) للزراعة، ود. شريف التهامي للطاقة والتعدين، ود.عيسى بشري للتعليم العالي. |
| |
|
|
|
|
|
|
|