|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول مسافر مشى المطار، لقى شاشة كبيرة بتقيف قدامه بتوريك اسمك وسكنك ومواعيد طيارتك.. مشى وقف قالت ليهو: اسمك علي ساكن جبره وطيارتك بعد ساعة، عجبتو الفكره لفى وجا لابس بدله ووقف قدامه قالت ليهو: اسمك علي ساكن جبره طيارتك بعد نص ساعة.. تاني لفى وجا لابس خليجي قالت ليهو: اسمك علي وساكن جبره واقعد اتهابل لي كدا لحدي ما طيارتك تفوتك
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة. وصل الامام الجديد فدخل المسجد وصعد المنبر وحيّا المصلين وسأل: اتعرفون قصة سيدنا يوسف عليه السلام؟ فرد المصلون كلهم: نعم . فنظر الامام الى المؤذن وقال: اقم الصلاة. ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم. فقال لهم : ماتجوش الجمعة الجايـــة
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
بيقولك حسني كان عاوز يغيـر دولارات و مش لاقي في السوق , فراح منادي عاطف: مفيش دولارات في السوق ليه يا ابن الهرمه ؟ - عاطف :الحج و العمرة ياباشا خلصوا على الاحتياطي - بقولك ايه ..حج ابه وبتاع ايه .. من السنة الجاية الحج يبقى في مصر - عاطف:يا باشا .. ازاي بس - اتصرف - بعد يومين رجع عاطف و قاله : كله تمام يا باشا خلاص الحج حيبقى عندنا الريس: طب و الكعبة حتعمل فيها ايه ؟ - حنعملها في ميدان الحجاز - مصر الجديدة و يبقوا يلفوا حواليها - الريس: طب و السعي ؟ - ياباشا يبقوا يجروا في طريق صلاح سالم لغاية المطار و يرجعوا - الريس: و عرفه ؟ - يطلعوا المقطم ياباشا - الريس: طب و رجم إبليس يا فالح ؟ -
إتعب معانا شوية بقى يا ريس -
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف التلميذ: مش هيرجع حاجه يا استاذ الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ الاستاذ: اعد يا ابني انت متعرفش حاجه في الحساب التلميذ: انت اللي متعرفش ابويا
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد عندو حصان عيان جاب دكتور بيطرى الدكتور قال لى الحصان بعد ٣ ايام لو ماقام وبقى كويس اكتلو الخروف سمع الكلام فات شمر للحصان قال لو مابقيت نصيح بقتلوك بعد ٣ يوم تانى جاو اليوم التانى قال احسن ليك تقوم بكتلوك بكرة اليوم التالت جا صاحب الحصان شال بندقية وجا الخروف جا جارى قال لى الحق جاينك ببندقية احسن تقوم على حيلك الحصان طوالى قام سيد الحصان جا شافو قال الحمدلله نصح ...... اضبحو الخروف دا كرامه
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
زبون بدخل كل يوم نفس المطعم.... فالجرسون بسألو: عاوز تاكل شنو ؟؟ فبيأخذ فوطة الجرسون وبشمها ويقول ليه ... انتو عندكم اليوم: ...سمك فيليه+ أرز + سلطة وكل يوم نفس الطريقه ... بعرف قائمة الأكل بمجرد مايشم الفوطة... فالجرسون احتار فيه شديد!! وقال إلا احدده مع الراجل ده!! قام ادى مرتو الفوطة وقال ليها: استحمى بيها وأديها لي تاني وبعد كده الزبون دخل المطعم واخذ الفوطة زى كل يوم وشماها عاين للجرسون وقال ليه: بالله هو انت راجل فتحية؟؟
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
عربى مسافر بالباص أول مرة قام الباص انقلب والناس بقت زى الطماطم المعفصة الا العربى دة قام يتنفض وداير يلبس مراكيبه ويمشى قام جاهو البوليس قال ليه يا زول انت كنت فى الباص الاتقلب دة قام العربى قال ليه هو الباص اتقلب ؟ قام البوليس قال ليهو ونان انت قايل شنو ؟ قام العربى قال ليهو والله أنا قايل لمن يصلوا بكبوهم كدى
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مرة واحد مسطول قاعد جنب موية المطرة ومبسوط جدا من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل ممكن أعدي ؟ ورد عليه المسطول طبعا مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد عليه المسطول والله حسي دي جات بطة مشت عديل
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
رباطابي قاعد في مطعم كلما يجي زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال: يا اخونا حلتك دي فيها ادراج ولاشنو
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول اشترى بي ام دبليو بمواصفات خاصة فيها الكمبيوتر يصلح كل شي دقش الباب اليمين ، فرد الكمبيوتر: يا أيها الباب ارجع كما كنت دقش الباب الشمال ، فرد الكمبيوتر يا أيها الباب ارجع كما كنت عجبته الحكاية قام طار بالعربية من فوق الكوبري
فرد الكمبيوتر: يا أيتها النفس المطمئنة ارجعي إلى ربك راضية مرضية
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
جلكين قال لولده: انت ما بتخجل على وجهك شوف أولادك ماشاءالله عليهم لحاهم طويله ولا يدخنون ويصلون بالمسجد وانت حالق لحيتك وتدخن ولاتصلي بالمسجد ما بتخجل على وجهك.. قاله ولده: ديل أولادي..... انا اللي مربيهم ......لكن انا منو المربيني؟
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
جلكينة مشت للمستشفى مع ولدها ... كشف عليها الطبيب وقال ليه: امك تعاني من الوحدة ... ولازم تزوجها واحد عمره خمسين ... وهم طالعين قالت ليه : شفت كيف ياولدي ؟؟ لكن الله يعينك ... إذا مالقيت واحد عمره خمسين ... شوف ليك اثنين من ابو خمسة وعشرين
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
حناكيش فى الجامعة عملوا مسابقة فى الكاراتيه وجابوا كمية من البسكويت عشان يكسروه ،، الجكس بيشجع فى هيثم عشان يكسر البسكويتة بى ضربة واحدة المهم صاحبنا هيثم جاء جارى من هناك وهو يصيح صيحة الكراتيه يااااااااااااااااى وضرب البسكويتة بكل قوته ولم تنكسر البسكويتة
الجكس قعد يكورك ليهو
هيثم بلها ، هيثم بلها ، هيثم بلها
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
بنات حناكيش طلعن رحلة لجنائن سوبا نسن اهم حاجة مبرد الماء واحدة فيهن حنكوشة بدرجة الإمتياز وعطشانة شديد ومنقرفة انها تشرب من النيل مشت معاها صاحبتها لغفير الجنينة أونكل عمو يا إنت عمو نسينا الكولر وماعارفين كيف نتصرف ، يابتى الكولر ده ذاته يطلع شنو، شفت ياعمو ده نحن بندشدش الثلج ونضعه في داخله ونضيف عليه مقدار 4لتر ماء ونغطيه على كده، فهمت يابتى قصدك صبارة، المعنى هسع انتو ماعندكم موية طيب حاضر حاتشربن ، عنده قربة معلقة في المشلعيب اعطى اي واحدة كوز (كوز موية) موية ساااااقطة ، طلعن فرحانات ، سوسو بعدما رجعت قاعدة تحكى لصاحبتها مغامرات الجنينة قالت ليها كان شفتى ياانتى مانسينا الكولر بس عمو الحارس بتاع الجنينة ادانى موية كان خاتيها في فستان الغنماية روعة بس
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
حنكوشة جاية من الخليج بعد فترة طويلة وما عارفة التكتح ،
قاموا صاحبتاها قالوا يعملوا ليها رحلة فى البادية ،،
المهم مشت معاهم ومبسوطة شديد بالذات من الجمال وقالت الا تركب الجمل
الجماعة جابوا ليها جمل وقالوا ليها أركبى ،،
صاحبتنا أول ما ركبت طبعا الجمل قام وفجأة لقت نفسها فى العلالى ،،
خافت شديد و قعدت تكورك لبتاع الجمل بصوت أقرب للبكاء ...
طبقوا خلينى أنزل ،، طبقوا ،، طبقوا .
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
تحليلات ﻣﺴﻄﻮﻝ ﻛﺜﻴﺮﻭﻥ ﻳﺪﺧﻠﻮﻥ ﻏﺮﻓﺔ ﺍﻹﻧﻌﺎﺵ ﻭ ﻗﻠﻴﻞ .. ﻳﺨﺮﺟﻮﻥ ﻣﻨﻬﺎ ﺃﺣﻴﺎﺀ ﻭ ﻟﻬﺬﺍ ﺳﻤّﻮﻫﺎ ﺇﻥ ....... ﻋﺎﺵ ----------- ﻛﺜﻴﺮﻭﻥ ﻣﻦ ﻳﺤﺎﻟﻮﻥ ﺇﻟﻰ ﺍﻟﺘﻘﺎﻋﺪ ... ﻭﺑﺬﻟﻚ ﻳﺴﻤﻰ ﺍﻟﻮﺍﺣﺪ ﻣﻨﻬﻢ “ﻣﺘﻘﺎﻋﺪ" ﻭﻣﻦ ﺷﺪﺓ ﺍﻟﻔﺮﺍﻍ ﻭﺍﻟﺘﻔﻜﻴﺮ ﻭﺍﻟﺤﺴﺮﺓ ﻳﻤﻮﺕ .. ﻟﻬﺬﺍ ﺍﻟﺴﺒﺐ ﻳﺴﻤﻰ "ﻣﺖ ... ﻗﺎﻋﺪ “ ﻛﺒﻴﺮﺭﺭﺭﺭﺭﺭ ﻳﺎﻣﺴﻄﻮﻝ ﺍﻟﺼﺮﺍﺣﺔ ﺍﻗﻨﻌﺘﻨﻲ ﻭﻣﺎ ﺯﺍﻝ ﺍﻟﻤﺴﺎﻃﻴﻞ ﻣﺤﺘﺎﺭﻭﻥ . .
ﻫﻞ ﺗﻘﻮﻳﻢ ﺍﻷﺳﻨﺎﻥ ﻫﺠﺮﻱ ﻭﻻ ﻣﻴﻼﺩﻱ
.
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد مسطول مشترك في مسابقة ولازم يجاوب على كل الاسئله فسالو المذيع حاجه بتبدا بحرف الـ ح وبتطفو على وش المويه؟ فجاوبو المسطول:حته خشب . عداها المذيع وسالو:طيب حاجه بتبدا بحرف الـ ن وبتطفو على وش المويه؟ جاوبو المسطول:نفس حته الخشب. قام سالو المذيع طيب حاجه بتبدا بحرف الـ ز وبتطفو على وش المويه؟ جاوبو:زى ما قلت ليك حته خشب. أضايق المذيع وسالو طيب بحرف الـ ى ؟ قام جاوبو المسطول: ياخى أنت مابتفهم ما قولت ليك حته خشب...
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
سكران قبضوهو والقاضي حكم عليهو بالستين اياها والجلد تحت شجرة كبيرة جنب المحكمة (زي قدو قدو كدا) جاء العسكري وقع فيهو جلد شديد السوط الأول والسوط التاني في التالت زولنا قام زي القرد ونط في الشجرة العسكري قال ليهو يا زول انزل قال للعسكري والله باقي جلداتك ديل يا جنابو إلا تتمهم بنبلة
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
وحده بتقول . . أتخانقت أنا وجوزي وقمت معصبه وزعلانه وطلعت من الغرفه بسرعه وحسيت أن جوزي شدني من كمي .... قولت ليه أبعد عنى سيبني وقعدت أصرخ ما رح أسمع كلامك أبعد عني ... ما رح أقعدلك فى البيت ..... وبتلف علشان تبعد ايده عنها . . . . . . .لقت كمها معلق فى الباب وجوزها فى مكانه ميت من الضحك عليها
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
قالو البشير ونافع وطه راكبين عربيه قام نافع قال انا لو اتكلمت في الناس 100 الف يصفقوا لي قام طه قال انا لو اتكلمت في الناس 300 الف يصفقو لي قام البشير قال انا لو اتكلمت في الناس مليون يصفقوا لي قام السواق اتلفت ليهم كده وقال ليهو انا لو قلبت بيكم العربيه دي السودان كلو حيصفق لي
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ولد قصير الأستاذ بيقوله ؛ اطلع أكتب ع السبورة ؟ قال ليه : أنا ما بحصل السبورة ..... شيلني ؟؟؟ الأستاذ شالو الطالب و هو فوق قعد يضحك يضحك شديد الأستاذ سأله : مالك يا ولد !؟؟؟! قال ليه : اللسلة الصباح أمي قالت لي روح ان شاء الله يشيلك قرد !!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول واقع من عماره اثناء ماهو في الجو بقا يدعو يارب لو نجيتني من الوقعه دي حأبطل حشيش وحأصلى في الجامع وما حاشاغل بنات تاني حامشى الحج قام جا واقع في لوري بتاع مراتب بعد ما نزل قال
والله الواحد لمن يكون دايخ بقول حاجات غريبة خلاص
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول سمع ولدو بغني في الحمام ... طلع البدر علينا المسطول إنتظر الولد و أول ما طلع من الحمام ضربو كـف الأم قالت للراجل: في شنو ليه ضربت الولد..؟؟ المسطول: الولد دا بقرأ قرآن في الحمام..!!!!! الولد قال : دا ما قرآن يا أبوي دا نشيد....!!! . . المسطول قعد يبكي.....
. الأم قالت ليه: الببكيك شنو ..؟؟ . المسطول : أنا لي 30 سنة بصلي بيها....!!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
المسطول مشى بيت البكا
أول ما دخل لقى ليه واحدة شرط شديد
حضن الجكساية و قعد إجعر مساااااااااااااااااااااااافة
قامت الجكساية قالت ليه : هيي أنا ما من ناس البكا
قال ليها : إنتي ما عارفة حاجة ساي ..... الناس دي كلها باكية فيك
.
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحد مسطول في قسم الشرطة صدم 15 زول بسيارة الضابط قاليهو : دا شنو العملتو دا يازول قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي. الضابط قال ليه : طيب ماكان تصدم الزول البراهو. قال ليهو: انا زاااتي قلته كدة ..
لكن هو جري دخل بيت العرس!!!
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
اربعه مساطيل سايقين عربيه والسطله راااابطه معاهم شديد قامو صدمو العربيه طفقوها طفيق شديد.. قالو خلاص نحنا ننفخ العربيه دي من العادم.. نزلو تلاته قعدو ينفخو فى العادم بخشومم... والرابع واقف بعيد بيضحك ضحك شديد... جوهو قالو ليهو:' بتضحك مالك؟' قاليهم:' إنتو عووره ولا شنو؟
بتنفخو في العربيه والشبابيك فاتحه؟'
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
مسطول قابل خواجة فى شارع النيل قام سال الخواجة قاليهو عندك سيجارة خدرا ؟ الخواجة قاليهو لا والله ما بتعاطى !!! قام مشا وجاهو قاليو طيب عندك بيرة ؟ الخواجة قاليو لا والله ما بشرب !!! قام مشا تانى وجاهو قاليو طيب ياخى ما عندك سيجارة حمرا ؟ قال ليهو لا والله ما بسجر !!!! المسطول مسكو قبقبو وقاليو طيب الكافر ليها شنو؟؟؟؟؟؟؟؟؟؟؟؟؟؟؟
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
واحـــد مســــطول واقف شمــاعه في بص ماسك في الحديده بيد واليد التانية ماســـــك بيهو السجـــــــاره .. جاهو الكمســــــاري يخلص منو قال ليه ارح ادينا ياخينا ؟ المسطـــــول قاليهو اديك كيف ماشايفني ماسك بيديني الاتنين قاليهو الكمســاري خــلاص جيب امسـك ليك السجــــــاره ؟
قاليهـــــو ليييييييييييه ما تمسك لي الشماعه .
| |
|
|
|
|
|
|
Re: ابـــــــــــو الحسين ..مان تو مان ... (Re: ABUHUSSEIN)
|
ولد بسال ابوهو المسطول , ابوي يعني شنو برج ايفيل ؟ قال ليهو والله ماعارف , طيب يعني شنو سيراميك ؟ برضو ماعارف , طيب يعني شنو ايميل ؟ ماعارف , طيب يعني شنو عولمه ؟ برضو ماعارف , امو قالت له ياولد خلي ابوك يرتاح
قال ليها لا خلي الولد يستفيد!
| |
|
|
|
|
|
|
|