|
معآ من أجل إسقاط لجنة كوستاوي لإفطارات رمضان للبورداب.
|
وذلك لأن كوستاوي يحب العصر بفتح العين و تسكين الراء... ـ ثانيا جعله للجائزة حكرآ على بورداب قطر لثلاث سنوات متتالية بالرغم من أنبورداب قطر ليسوا بهذه الدرجة من المهارة الافطارية ...
الامر الذي جعلنا نهتف و نطالب بإسقاط لجنة كوستاوي الغير نزيهة !!
|
|
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: haroon diyab)
|
يا خردة يا ود نجيلة الكرمبا جاي بفريق تحكيم مدجج بالكلاشنكوف (ما بتاع نافع بتاع الورق التايواني) ,,,,على يميني دينق كلاشنكوف امريكي تكساسي و على شمالي د. داليا الكباشي بالحقن الكلاشنكوفية ,,,,, فاحفظ ماء عنقرتك الأرزونية عشان بقركم تعيش و كدا,,,,, صلعتكم جمعت ولا لسع?
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: وليد عبد اللطيف)
|
Quote: يا خردة يا ود نجيلة الكرمبا جاي بفريق تحكيم مدجج بالكلاشنكوف (ما بتاع نافع بتاع الورق التايواني) ,,,,على يميني دينق كلاشنكوف امريكي تكساسي و على شمالي د. داليا الكباشي بالحقن الكلاشنكوفية ,,,,, فاحفظ ماء عنقرتك الأرزونية عشان بقركم تعيش و كدا,,,,, صلعتكم جمعت ولا لسع? |
عليكم الله يا ناس دوت انفو أقروا اقتباس كوستاوي الخردة ده ..
يا خردة دي لجنة تحكيم رمضاني ولا طالباني !!! اما بخصوص صلعتنا فأ سأل الهكراب المتدحرجون ..! نان مالي انا مالي بيهو مبروك مقدما للرياضاب والذين قطع شك ليسوا غواصات..!
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: محمد النيل)
|
Quote: مرحب برمضان شهر الخير والبركة
وإن كان التحكيم نزيها او منحازاً نعدكم بأن بوسطن ستكون الاولى هذا العام بإذن الله والى مرابط التنافس الشريف
اعاده الله علينا وعليكم باليمن والبركات |
يا عزيزنا محمد النيل بوسطن دي لا شالت كاس ساسل ولا ساسف .. تشيل كاس رمضان كيف و مع لجنة كوستاوي دي ...!!!! خرد قال صبري قال ولا سيد بيكاب
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: عادل نجيلة)
|
Quote: هههههههههههههههههههههه ماقلت ليك التحكيم فطير من الان دحين شن جاب لجاب من هسا بقيتو تلخبتو في الكيمان بورداب جده مع الرياض بنطالب بلجنة تحكيمية لها اخر المعايير الحديثة للتنافس في الافطارات حسب التطور يعني لجنة مجاعة سنة الفين واتنين ما معانا ولانعترف بنتيجتها
|
يا وليد أحييك .... انك عرفت لجنة الخردة مضروبه ..ها ها قر.. قال قطر قال ... ميلوحة و شطة مطبوخة .. تحياتي للولد محمد هليل ساني.....!
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: محمد عبد الماجد الصايم)
|
Quote: الكرمبا جاي بفريق تحكيم مدجج بالكلاشنكوف (ما بتاع نافع بتاع الورق التايواني) ,,,,على يميني دينق كلاشنكوف امريكي تكساسي و على شمالي د. داليا الكباشي بالحقن الكلاشنكوفية ,,,,,
|
جاهزين جاهزين لحمايه الكوستا ,, حقن أرض أرض ,, مشارط جو جو ,, دربات أسفيريه ,, التوصيل مجانا
تعيش لجنه كوستاوي حره مستقله :) :)
--------- لكن ما بالغتا في (اليسار) الختيتني فيهو , و(اليمين) الختيت فيهو دينق داا
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: manal eltahir)
|
يا عادل ياخ الزول ده عندو لجنة قوية . وعندهم حلو مر عيار 24 و تقلية بي ال Multivitamin . يا عادل ديل ناس maryland . العصيدة من Monday لي Friday يوماتي 30 يوم في رمضان عصيدة وتقلية . والطراويح في وأشنطن والفوازير في البيت الأبيض . والمسحراتي حقهم أسمو ROBERT ANGLO . لجنة كوستاوي دي حتشيل البطولة .
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: Kostawi)
|
الداير لجنة كوستاوي يرفع يدو معانا
يا عادل ناس بوسطن ما ليهم فى الكورة تعدادهم قليل مقارنة بسودانيى المدن مثل نيويورك وفيلى و منطقة واشنطن الكبرى لكن فى هارفارد والعصيدة خطيرين والام آي تى والقراصة عجيبين والباسطات وبوسطن كوليدج اسكت خليهم ساكت او اسأل سيد بيكاب
رمضان هذا العام لنا وإن جارت لجنة كوستاوى
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: محمد النيل)
|
يا كوستاوي ,,,ود البشري ما زال فيهو بافي ,, وبقي يدينا الفاتحة الما بتقع واطة....وانشاء الله تشوفنا في مؤتمر ايوا العندكو واعمل ليك واسطة لحجبات تخدر ليك الجماهير دي من اسقاط الجنة,,,, البشري لرئاسة لجنة الفطور,,,,الحملة خلاص بدات شيل شيلتك,,,شوية كدة وتبقي العهد البائد
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: Kostawi)
|
Quote: قلنا ليكم لكن مرمي الله,,,,,
الهجاجيم يا رسول الله |
والله يا خردة (هجاجيمك) وقفولك جبارة .. وكمان الجرجير باظ في حوضه ... كنت ناوي أرسل ليك 3 ربط جرجير بي حالهم.. وباقي سمك التلابيا عليك .. وده كرت التنازل الأخير من اللجنة,,! لكن نعمل إيه معاك ... شكلوا الإفطارات السنة دي مجلية.. وخاصة في الخرطوم حيث بلغ كيلو اللحم (غير قندهاري) 40 ألف بالتمام.. ده غير الخضروات و الفواكه و السكر ,, ولو لجنتكم كانت محايدة جد إي صينية فطور تحرج في ظرف زي ده في السودان مفروض تفوز بالأولى .. قال الدوحة قال.
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: منتصر عبد الماجد)
|
Quote: يا كوستاوي ,,,ود البشري ما زال فيهو بافي ,, وبقي يدينا الفاتحة الما بتقع واطة....وانشاء الله تشوفنا في مؤتمر ايوا العندكو واعمل ليك واسطة لحجبات تخدر ليك الجماهير دي من اسقاط الجنة,,,, البشري لرئاسة لجنة الفطور,,,,الحملة خلاص بدات شيل شيلتك,,,شوية كدة وتبقي العهد البائد |
يا عزيزي منتصر ممكن ترسل لنا أل resume الخاصة بالأخ عبدالسلام البشرى والتركيز على ال banquet set up و أل Food protocol وإيضآ على أل multi- cultural food and nutrition.. نحن لجنة جديدة غير عشوائية..
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: Osman Musa)
|
Quote: يا عادل ياخ الزول ده عندو لجنة قوية . وعندهم حلو مر عيار 24 و تقلية بي ال Multivitamin . يا عادل ديل ناس maryland . العصيدة من Monday لي Friday يوماتي 30 يوم في رمضان عصيدة وتقلية . والطراويح في وأشنطن والفوازير في البيت الأبيض . والمسحراتي حقهم أسمو ROBERT ANGLO . لجنة كوستاوي دي حتشيل البطولة . |
يا أبوعفان ... تحياتي تفنيدآ لنقاطك حول ميريلاند:
حلو مر عيار 24 التقيم قبل أل S&P أم بعده! بخصوص ال multivitmine والعصائد علمنا بأن معظم أفراد جالية ميريلاند شوايقة ,, يعني قراريص وليس عصائد. بخصوص فوازير البيت الأبيض فعلآ أصبحت قراراته مؤخرآ فوازير ممتدة مابين ليبيا .. البحرين .. سوريا .. كما لم تحل الفزورة المصرية والسودانية بعد, أما بخصوص صلاة تراويح واشنطون فإظن بأن هنالك إشكال في الإمامة! أما المسحراتي Robert Angelo فلقد تراجع تصنيف أل NBC وسط القنوات الجديدة وظهور مسحراتية مثل Tyra bank. ولأن كوستاوي الخردة من ميريلاند فلا يمكنه تفويز ميريلاند ألا بلجنة محايدة ليس بها دينق ولا ياسر السيد.. وإيدك معانا لإسقاط لجنة الخرد.
| |
|
|
|
|
|
|
Re: معآ من أجل إسقاط لجنة كوستاوي لإفطارات رمضان للبورداب. (Re: عبدالكريم الامين احمد)
|
Quote: المجد والخلود لكوستاوي معشوق الجرجير
----------------- ورمضان كريم يا نجيلة وكل الضيوف |
عزيزنا عبدالكريم يا مراحب ورمضان كريم .. Happy Ramadan بالأمريكي .. طبعآ قرأت تجهيزات إفطار بورداب الدوحة ومهرجانهم الثقافي مع نقل مباشر من قناة الجزيرة .. فتبادر في ذهني سئوال أقلق منامي هو أنه كيف تستطيع لجنة الخردة كوستاوي الحكم بين أفطار آوباما في البيت الأبيض وإفطار بورداب الدوحة المنقول بقناة الجزيرة و بورداب التكينة الذين لا يمتلكون سوى كاميرة أنور التكينة البمبية .. وماهي معايير الحكم على إفطارات عواج الدروب وإفطارات أهل العوض ! تأمل عزيزي ..
| |
|
|
|
|
|
|
|