المقاتل قتل : وكيف قتل ؟ اقوي غواصات النظام (صور + اسماء لامعة + أخري)

Quote: بعدين لو انت وامين جادين لاثبات كذبنا وتبرئة المتهمين اخطو خطوات عملية بدلا من الولولة والخرمجة الانتو واقعين فيها دي وعندكم كذا خيار :: 1- اخطروا المتهمين بالموضوع وانصحوهم بفتح بلاغ ضدنا في اي مكان وحتي الدولة التي نقيم فيها يمكنهم ذلك ( اتهام بقتل وليس لعب ) 2- تمليك اسرة الشهيد بالاسماء والعناوين وعليها ان تفعل المناسب ( يمكنها ان تتطالبنا باثبات التهمة من خلال محكمة او يكون الحكم ضدنا وعليه سوف تطمئن نفوسهم ) 3- الجأ انت وصاحبك امين الي المحاكم واتهامنا بالاتهام الكاذب في جريمة قتل 4- اخري ....... هذا اذا كنتم جادين في حسم الموضوع اما اذا اردتم العبث الصبياني فعصا صلاح جادات موجودة اها يالصادق نشوف منو البركز ويكون قدر كلامه

Quote: الذ و الطف و أتعس مافي الموضوع ، انك ما عارف أي شئ ولا حاضر أي شئ : ضربت تلفون للصادق الانت هسي بتتهمو مره إنو غواصه و مره إنو متستر علي قتلة و شلت منو ريسين مواضيع و خلطها بالزيت و فتحت بوستك ده .. والله يا صلاح غلبني القي تفسير لسواتك في البوست ده ،لانو مسالة إنو زول يفتح بوست يتهم ناس بجريمة قتل بدون أدلة و بدون ما يكون حاضر ( و يغالط الحاضرين ) غلبتني عديل كده ! فبالله العندو تفسير لعمايل جادات في البوست ده يدينا خبر !

يا أمين التفسير واضح ومن البداية، زول بفتش عن شهرة، وإنو هو عارف كل حاجة، الزول بتاع القشرات داك، يا هو دا صلاح جادات أو صلاح (مكنات) في روايتي.


فزول زي صلاح حيعمل أي شئ عشان يلفت نظر الناس، بالظبط زي البيعمل فيهو هشام هباني وجريدة الدار نوع (رجل يبتلع فيل قرية كجرات)، يعنى ناس عايزة شهرة.


وبالمناسبة أنا ما عندي أي مانع إنو الزول العايز يشتهر يمشي يشتهر. لكن تجي تتاجر بدم ناس نبلاء زي الشهيد ميلاد فما حأسيبك.




أخونا صلاح جادات

طبعاً كل القراء تابعوا معانا الكم الهائل من اللف والدوران والكضب والأستهبال المارستو في البوست دا، وعلى العموم إنت فقدت مصداقيتك أمام القارئ ودا المهم بالنسبةلي، لأنو الرواية الإنت جبتها دي كان ممكن كتير من القراء يصدقوهاويظلموا ناس مساكين، لكن اهو اتصدينا ليك وطلعناك زول كضاب ساكت، لا قدرت تجيب اسماء المتهمين ولا قدرت تجيب دليل على اتهامك، يعنى كلام بتاع ونسة، ممكن تقشر بيهو في لمة سودانين في عرس او بيت فراش وما في زول حيقول ليك تلت التلاتة كم.


لكن هنا ألمي حار ما لعب قعوي، فدحين يا صلاح اخوى البوست دا أعمل منو رايح، لأنو أنا حأكون صاحب الكلمة الأخبيرة فيهو، وأنا عصاتي ما بهدد بيها حأضوقك ليها وبعد حأسالك عنها.