|
Re: عندي راى في الامة والاتحادى والشيوعي وبقية احزاب المعارضة (Re: صبري طه)
|
Quote: فايز ود القاضي كتب: واستغرب جداً ان معظمهم كانوا اشد الناس عداوة للمؤتمر الوطني وقالوا عنه مالم يقله مالك في الخمر في هذا المنبر وفجأة ارتموا في احضانه فهل سوء الاحزاب ومواقفها- ان افترضنا ذلك - يعني بالضرورة ان المؤتمر الوطني هو الخيار الذي يقابل سوءها ؟!! |
يا عمّك الما عاجباهو الأمة والاتحادي والشيوعي وغيرها ... اللي يعمل ليهو حزب براهو كدة
أمّا منطق إنو ينضم للمؤتمر الوطني عشان عندو رأي في هذا وذاك ... زي الكلام دة بمشي على زول ما عندو هديدة
ـــــــــ ما عايز أتّهم الناس بحاجات ما كويسة
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: صبري طه)
|
Quote: عمّك الما عاجباهو الأمة والاتحادي والشيوعي وغيرها ... اللي يعمل ليهو حزب براهو كدة أمّا منطق إنو ينضم للمؤتمر الوطني عشان عندو رأي في هذا وذاك ... زي الكلام دة بمشي على زول ما عندو هديدة |
والله ياصبري قدر ماحاولت اوقعها لنفسي ابت تجي ... لو اعلنت الانقاذ توبتها وعوضت كل الذين شردتهم وعذبتهم وحاسبت نفسها في كل جرائمها واخدت جزاءها كان نقول مبلوعة ..لكن والامر لم يتغير ومازالت الجرائم معلقة فلم اجد اى مبرر غير ماقلت تحت الخط ...
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: Amira Elsheikh)
|
Quote: يازول حنانا دا مافري سايز شان نشيل ونقطّع فيه ...فتر ..فتر ..قال الروب ..
وبعدين ماتخاف الاتهامات دى هى الفري سايز واى زول داير
يقيس.. يقيس نحن ما عندنا اعتراض والبلقى مقاسو يشيلو ونديه اتهام هوادة
كدا كويس معاك؟ |
يا أميرة كلامي التحت الخط مش بالنسبة ليك واضح شنو وشايت وين ؟ لو لاحظتِ أخونا فايز فهمو بمقياسو ... يعني بدخل تحت "يقيس يقيس" برضو
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: صبري طه)
|
يا أميرة كلامي التحت الخط مش بالنسبة ليك واضح شنو وشايت وين
لوووووول ياصبري يعنى الضايق عضة الدبيب بخاف من جر الحبل ولا كيف ... غير كدا كل المقاسات متوفرة ... ونحن ما حنشيل المتر ونلصقو للزول نخلي الزول هو يجي للمتر ...ويادار مادخلك شر ....
اها انت كلامي الماتحت الخط دا واضح ليك شايت وين
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: Amira Elsheikh)
|
Quote: كتبوا وهم في المعارضة عن جرائم الانقاذ من قتل وتعذيب واغتصاب وتشريد وغيرها ...فهل بلغهم ان الله عفى عنهم فيما لم يعطى نفسه من حق العفو عن جرم الخلائق ضد الخلائق ؟!! ام انهم كانوا كاذبين ؟!! فياريت من الناس المحترمين الانضموا للمؤتمر الوطني يورونا الاتغير فيهو شنو خلاهم ينضموا ليهو ؟!! |
ود اختي الفائز سلام و مودة
عارف ملاحظتك بتاعت انهم كانو يهاجمو المؤتمر الوطني بشدة وفجأة قلبوا بي هنالك
هي مربط الفرس لانه المدخل الي الانقلاب كان الهجوم وهذه طريقة الفواتي و الرداحات
يا تديهو يا يشيل حالك بس لانه الموضوع سياسة وعمل عام بيأخد في الاول شكل كلام
المبادي و القيم والاخلاق ولكن تأكد ان كل النقد في الاول كان عدة شغل .... وناس المؤتمر
بتصلهم هذه الرسائل و يفهمومها جيدا ويبدا تقيم الرداحة أو الفاتية وهنلك خلية متخصصة في
المؤتمر لتقيم مثل هؤلاء من ناحية هل المطلوب اسكاته أو اسكاته واعادة استخدامه في الاتجاه
المعاكس .... ولا يخلو الامر من سماسرة و عمولات
بس بالجنبة كده :- المناسبة شنو
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: osman righeem)
|
ياخال ...سلامات ومودة واحترام...
Quote: عارف ملاحظتك بتاعت انهم كانو يهاجمو المؤتمر الوطني بشدة وفجأة قلبوا بي هنالك
هي مربط الفرس لانه المدخل الي الانقلاب كان الهجوم وهذه طريقة الفواتي و الرداحات
يا تديهو يا يشيل حالك بس لانه الموضوع سياسة وعمل عام بيأخد في الاول شكل كلام
المبادي و القيم والاخلاق ولكن تأكد ان كل النقد في الاول كان عدة شغل .... وناس المؤتمر
بتصلهم هذه الرسائل و يفهمومها جيدا ويبدا تقيم الرداحة أو الفاتية وهنلك خلية متخصصة في
المؤتمر لتقيم مثل هؤلاء من ناحية هل المطلوب اسكاته أو اسكاته واعادة استخدامه في الاتجاه
المعاكس .... ولا يخلو الامر من سماسرة و عمولات |
عدة شغل دي تشبيه بليغ لحال كتاباتهم وطريقة تفكيرهم ودخولهم لعالم المؤتمر الوطني العجيب ..واماالمبادئ والقيم والاخلاق فهي من الدسم المنزوع ..
ـــــــــــــــــــ
Quote: بس بالجنبة كده :- المناسبة شنو |
في ذات الجنبه : قهر بس .. ثم استغراب يحمي النوم ..
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: فايزودالقاضي)
|
Quote: واستغرب جداً ان معظمهم كانوا اشد الناس عداوة للمؤتمر الوطني وقالوا عنه مالم يقله مالك في الخمر في هذا المنبر وفجأة ارتموا في احضانه فهل سوء الاحزاب ومواقفها- ان افترضنا ذلك - يعني بالضرورة ان المؤتمر الوطني هو الخيار الذي يقابل سوءها ؟!! |
ود القاضى الما فاضى مشتاقين . ذى منو كدا ؟؟؟ ممكن نماذج ؟
ــــــــــــــــــــــــــ ولا الموضوع نظرى ساى ؟ عشان عايزين نشارك فى النقاش ..
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: دينا خالد)
|
Quote: ود القاضى الما فاضى مشتاقين . |
دينا خالد ..شوق كشوقك لمعرفة النماذج ..
Quote: ذى منو كدا ؟؟؟ ممكن نماذج ؟ |
مابقول ليك تلقيها عند الغافل ...لكن اقول ليك :
بالله !!!!
بالتأكيد النماذج موجودة ولكن نحن نتحدث عنها كعقلية او ذهنية منتشرة خارج وداخل المنبر..ولكن لابأس لو حددتي شخصية يمكن النقاش حولها باعتبارك اقدم مني بعام وخمسة اشهر ويوم ولا تعلو العين على الحاجب ..
ودي واحترامي ،،،
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: فايزودالقاضي)
|
فايز صاحبي الناطق بالتقرية مشتاقين للدين .. تعليب المعارضة في برطمانيات الأمة والأتحادي والشيوعي وبقية الأحزاب هي في حد ذاتها مشكلة بتدي الزول الماباقي على المعارضة لعوز أخلاقي يعنيه يكوس لي مبررات نَيّةْ في إنتماءه للمؤتمر الوطني .. هل وجود أحزاب ضرورة عشان الحكومة تتعارض ؟ نوووووووووووو ما ضرورة ولا شيتين .. خلي الاتكوزنو بي مرّاقة الأحزاب ما عاجـباني دي ، ياخي أنا ما شايف فرق بينهم وبين القال ديل ما عاجبني ومشى عمل ليهو حزب جديد حتى إن كان الحزب ده برضو (معارض).. نحنا ما ناقصانا أحزاب .. ولا حتى المناخ هو مناخ عمل حزبي وطرح رؤى جديدة أو إيدلوجيات قديمة.. ناقصنا (بس) عمل جمعي يقدر يوظف (سخط) الناس على الحكومة في شكل إنتفاضة أو ضغط على مؤسسات الدولة ذات الحزب الواحد وتفكيكها ..
ووقت ترجع للبلد عافيتها التقوم بعد داك أحزاب جديده أو التصحى أحزاب قديمة ..
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: حاتم كاهن)
|
صديقي الكاهن الذي لايجيد التقرية ...اشواق بحجم امل التغيير وبلك لغات العالم ..
Quote: تعليب المعارضة في برطمانيات الأمة والأتحادي والشيوعي وبقية الأحزاب هي في حد ذاتها مشكلة |
دي الاشكالية .. الحكومة تنظر للمعارضة من خلال الاحزاب والاحزاب ترى في نفسها هي الوصي الاوحد على من ليس بمؤتمر وطني ..وربما يتجلى ذلك في حوارات المنبر ...وبين الحزب الحاكم والمعارضة الحزبية تضيع حقوق شريحة كبيرة من الشعب من ليس لهم حضور تمثيلي في السلطة السياسية ..
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: فايزودالقاضي)
|
عارف يا فايز عندي حاجة كده واقفا لي
خليني اقولها ليك بإعتبار انك حتكون من دولة شقيقة
شوف لوفتحت مدرسة معزولة وعلمت الاولاد حاجة واحدةغلط
بعني مثلا تجيب الوسيلة الايضاحية بتاعت التعريف بالاوان
وتؤشر علي اللون الابيض و تقول لهم ده اللون الاحمر وتؤشر علي اللون الاسود وتقول لهم ده اللون الاصفر
وتؤشر علي اللون الازرق و تقول لهم ده اللون الاسود
وهكذا تعطي الالوان اسماء مختلفة مما اتفق عليه جميع العالم
اها شبابك ديل بهذه المعلومة الغلط سوف تتلخبط كل حياتهم و ربما لن يواصلوا تعليمهم
فالمؤتمر الوطني الف حياة حزبية في السودان علي نهجه و ليس علي النهج المتعارف
عليه عالميا فنحن احزاب سودانية بفضل منح المؤتمر الوطني لنا هذا الحق
( اي نعم نحن موجودين في تاريخ السودان السياسي قبل ان يولد المؤتمر )
لكن حاليا نحن نمارس نشاطنا في ظل ما رسمه المؤتمر الوطني للحزبية في السودان
فأولا اذا اردنا خيرنا باهلنا و وطننا فيجب ان نعني قدراتنا و مقدراتنا ونحدد وفقا لذلك
من أين نبدأ
_______________________________________
اميرة (رهطنا )شكلها لمن تكون شغالة وردية ليل بتقعد تفتل في البوستات
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: حاتم كاهن)
|
سلام و سلام و شوق يا برنسيسة
Quote: طيب هو نبذني وقال ليّ تصبحي مؤتمر وطني
|
تقومي ما تصبحي بس .. كا تكوني فوتي عليو الفرصة انو ينبذك
اخونا حسن حماد
Quote:
وأهو برضو أخونا عثمان عندو راى !!!!!!! ويكون عندك رأى أخير من ما يكون عندك رأى وله رائك شنو يا بت الشيخ يالأميرة ؟
|
مش كدا؟ الزول الما عندو رأي دا شن طعمو!؟ .. محاق هبوب ساااااي بس!! غايتو البرنسيسسة دي بنديها لحدي الصباح .. كان ما عملت ليها ( رأي) و لّ كمان صبحت مؤتمر وطني عديل بنكتلا تب .. نوفر شوية الهواء الفي دي للناس ابو رأي
كاهن سلام
Quote: ناقصنا (بس) عمل جمعي يقدر يوظف (سخط) الناس على الحكومة في شكل إنتفاضة أو ضغط على مؤسسات الدولة ذات الحزب الواحد وتفكيكها ..
|
كلام زي قسم الدهب .. بس عشان يطلع من محيط انو كلام × كلام .. و ينزل لارض الواقع .. او قول ارض السودان الشغيغ الفضل دا كيف؟ وسائل؟ ادوات؟
لووووووووووول لو عندك ( رأي ) في التسمية ( حزب ) نغيروا ليك .. المافي شنو؟ لكن التنظيم البوظف السخط دا .. لازم يكون تنظيم/أداة .. الاسم ما بيناتنا اها انا عندي رأي في الاحزاب القاعدة دي كووووولها جت عليها.. و داير كلامك السمح القلتو فوق ا .. اعمل شنو؟انتظرو يسوهو الاحزاب العندي فيها ( راي ) دي؟ .. و لّ انتظر ناس المؤتمر الوطني يبقى عندهم دين و يحنوا عليّ ويفككوا نظامم ا و يتفكفوا براهم كدا!؟ و لّ ارجى الله في الكريبة ساي؟ يا حاتم يا اخوي كلامك متناقض كلو ياخ؟ بعدين حق ( التنظيم ) حق ديموقراطي مكفول بالدساتير .. بتضيق واسعة مالك؟ انا بعمل حزب غايتو .. و معليش لو ضايقتك ياخ! معليش شديد و الله .ز لكن بمارس في حقي الدستوري .. وإن كان حق مشوه زي ما قال الحكيم ابو رغيم
-------
فايز يا رعديد انت ما تدي دينا مثال مالك؟ بتخاف؟ مش انت بعضمة كيبوردك كتبت كلمة ( في البورد دا )؟ .. مش هي حمرتا ليك بس؟ و تيب!؟ يا دندنة لو ما اداك مثال ان بجي اديك .. المافي شنو؟ نحن طيبين و انتو تستاهلوا ياخ
| |
|
|
|
|
|
|
Re: عندي راى في الامة والاتحادى والشيوعي وبقية احزاب المعارضة (Re: Amira Elsheikh)
|
Quote: رغيم ياعمك ..والله العظيم البوست دا تحديدا ما فتلتو وين الفتلة بس مسكني ليها ...
|
لووووووول
اتصلحي معنا بالله يا برنسة
الفتل ذاتو انواع :
- فتل فني .. زي تجيبي ليك صورة كبييييرة ( جدارية ) تغزيها لينا في نص البوست .. و دا ما حصل. - في فتل موضوعي - دا ما عندو علاقة بالموضوعية كلو كلو، بل العكس - و دا ياهو الخايفة منو انت .. برضو ما حصل .. - و في فتل من دقنو .. و دا ياهو الماشي يحصل بمحاحاتك لصبري .. و محاولات دينا المستميتة لتقرير ود القاضي .. او تبليعو البلحمر داك ( اعضاء في المنبر )
سيروا و عين الله ترعاكم .. و نحن من خلفكم نشد من ازركم و لا نامت اعين المندسين
| |
|
|
|
|
|
|
|