|
|
 ياخ الرؤسائ ديل ما ينزنقو بقولوا حاجات لذيذة خلاص
|
الرؤساء وهم في اوج مجدهم بيفتكرو الشعب ده حاجة كدة زي الجداد يرمو ليهم اي حاجة ياكلوها ويمشو يبيضو وهم يخموا البيض
والبطانة تشيل وتطبل للرئيس ولم في الجداد وتلم في البيض
زدايما تستحضرني الحركة العبيطة العملتها بطانة المؤتمر الوطني في يوم اغبر جايبين مجموعة من النساء المغلوبات على امرهم شايلين فلذات اكباده وقدموها للرئيس بمعنى انهم حيفدو الرئيس بفلذات اكبادهم ، حاجة للمصطفى صلى الله عليه وسلم ما اتعملت جو بطانة الرئيس البشير عملوها في القرن الواحد والعشرين
الرئيس كان مفروض يتجوعل ويدق النسوان ويدق تنابلة المؤتمر الوطني على العبط العملوهو ، لكن لانه في مجده شاف الجداد قدم ليه السواسيو
ما علينا
سبب الموضوع ده
بن على لما اصبح زي الزومة متضايق قال لي شعبو انا يادوووووب فهمت انتو عايزين ايه
اخونا حسني مبارك قال حيشغل الشباب وحيعدل الدستوور وووووالخ
اا اخونا بتاع القات
ده بالغ
في مقابلة معاه عصر اليوم
قال هو ما بيأمن اي شخص على الشعب اليمني
هو قايل نفسو سيدنا سليمان
ياخ الناس قالوا ليك انت واسرتك حرامية
تقول انا عايز اسلم السلطة لشخص امين
والله الا امين السلاوي
بالله زي ده يقولوا عليه شنو
القذافي بعد ما هرد الجداد
قال عايز خارطة طريق
ده ما عايز خارطة طريق
ده عايز جحر زيو وزي اي فار
والساقية لسة مدورة
|
|
 
|
|
|
|
|
| |
د.محمد حسن
فيس بوك
تويتر
انستقرام
يوتيوب
بنتيريست