|
|
 اعتذار للحبيب حمور زياده وارجو قبوله
|
بناء على طلب الاميره لنا مهدى والحاحها الشديد على الاعتذار فانا اعلن اعتذارى التام للحبيب حمور زياده على مابدر منئ تجاه لحظة غضب
واعتذر لجميع اسرته على مابدر منئ واقحمتهم فى هذا الموقف والاعتذار للحبيب الخال امين محمد سليمان
ولقد كانت لحظة غضب لحظة شيطانية وزالت
والعفو عند المقدره ودعونا نتفرغ للمعركه الكبرى
|
|
  
|
|
|
|
|
|
|
|
Re: اعتذار للحبيب حمور زياده وارجو قبوله (Re: omer osman)
|
يا سلام يا محمد عادل
أثلجت صدورنا والله
وما خيبت ظننا فيك أبدا
وأنادي على الأخ الفاضل / حمور زيادة ليقبل هذه الاعتذار
ولا أشك في ذلك أبدا
وأرجو أن تدوم المودة بين كل أعضاء هذا المنبر الرحب
وألا يفسد اختلاف الرأي للود قضية أبداً
شكرا محمد عادل
| |
|
|
|
|
|
|
|
|
 Re: اعتذار للحبيب حمور زياده وارجو قبوله (Re: محمد البشرى الخضر)
|
Quote: بناء على طلب الاميره لنا مهدى والحاحها الشديد على الاعتذار فانا اعلن اعتذارى التام للحبيب حمور زياده على مابدر منئ تجاه لحظة غضب
واعتذر لجميع اسرته على مابدر منئ واقحمتهم فى هذا الموقف والاعتذار للحبيب الخال امين محمد سليمان
ولقد كانت لحظة غضب لحظة شيطانية وزالت
والعفو عند المقدره ودعونا نتفرغ للمعركه الكبرى |
لا أفهم هذا الكلام ..
بشكل واضح هل تقول ان اتهاماتك لي اني دشنت كتابي في السفارة و ادعي النضال في المنبر و ابحث عن اللجوء من القاهرة و اني اتصلت بالناس أشكوك لهم كل هذه الاتهامات غير صحيحة و لم تحدث مني ؟
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: أمير فتحي)
|
Quote: رفيق الزنزانه والبوكس
عمر عشارى
انت من القلائل الذين احترمهم فى هذا المنبر لانك صاحب دعوه
ولست من اولئك الذين يجاهرون بشئ لايفعلونه
لك التحيه ياصديقى وخلينا نشوفك لانو بالجد اجمل ساعات قضيته معك فى باحة
الفكر والثقافه كانت فى زنزانه القسم الشمالى |
Quote: ماتخاف حنعمل ليك استثناء فى un او السفاره الامريكية او الكندية او الاسترالية
الحته الماشى تعمل فيها لجوءحنقول ليهم الزول دا فى ناس كدا حرقو بيتو والى
الان قضية بيتو ماشغال بيها
الشئ التانى هو زول مثقف وبخاف على جمهور بتاع النت ومخاصة الجكس العامل ليهم
فيها شكسبير
الشئ التالت ياخوى انت خائف مالك من حكاية السفاره السودانية ماحنكلم ليك ابراهيم ادم
ماتخاف ياحمور
السويتو بايدك حيغلب اجاويدك وانا كلامك انت وكلام المطرطش ياسر طيفور مابهز فينى شعره
انا عارف روحى شنو وامكانياتى شنو انا مابهتم بالنت زى اهتمامك انت لانو انا عندى سند
قبلى وسند اهلى لكن انت سندك منو
سندك الجكس بتاع النت |
Quote: قسما بايات الله لو لحست كوعك لاعتذر لك
ولكن الاعتذار للاسرة المرحوم العم زياده الذى نفتخر بجيرته وشيخ الحله
ولاسرة العم زياده
وكامل التقدير والاحترام للحبيب محمد امين سليمان
ولكن انت يامناضل السفاره لحدى ماتلحس كوعك اجى اعتذر ليك
لانو انا نهائى ماسالتك وشغال تهبش يمين وشمال
انت ياشكسبير حقو تراجع كلامك وشوف اسمك ورد متين والخلانى اجيك شنو
محن مثقفاتيه اخر زمن ياخى بلا كونج بلا كوخ معاك
مشكلتك ياحمور خائف من معجبيك فى البشوفو سودانيز اون لاين |
Quote: بناء على طلب الاميره لنا مهدى والحاحها الشديد على الاعتذار فانا اعلن
اعتذارى التام للحبيب حمور زياده على مابدر منئ تجاه لحظة غضب
واعتذر لجميع اسرته على مابدر منئ واقحمتهم فى هذا الموقف والاعتذار
للحبيب الخال امين محمد سليمان
ولقد كانت لحظة غضب لحظة شيطانية وزالت
والعفو عند المقدره ودعونا نتفرغ للمعركه الكبرى |
لا اميل للتداخل في بوستات الخلاف
فأن كان ذلك فعليّ أن اُقل خيراً أو اصمت
ولكن واقع الحال يدفعني كما دفع الأزهري 2
أن اعلق على عاليه
" بدون تعليق "
إسماعيل حميم
.
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
يا محمد عادل الحق أولى ان يتبع ....
واسمح لي اديك النصيحة واقبلها كان حارة
ما(يدر منك) في لحظة غضـب لم يكن رأي شخصي
بل كان جملة أكاذيب تضر بسمعة شخص لم يبادرك
بالعداوة...
الاعتـذار الحقيقي وانتصارك علـى نفـسك
هو أن تقول صراحة بأن ما قلته و اتهمت
به حمّور لم يكن حقيقي و ان تراجع نفسك
في ادوات صراعك مع من تختلف معهم ...
كما للاعتذار آداب ليس من ضمنها وصفه بأنه
جاء نتيجة (الحاح) و (ضغط) إلا من ضميرك
لا من شخص آخر ...
| |
|
|
|
|
|
|
|
|
 Re: اعتذار للحبيب حمور زياده وارجو قبوله (Re: محمد عادل)
|
Quote: الحبيب حمور
اعتذرنا لك وقلنا بان هذه الاحاديث التى قلتها فى حقك ماسليم
والله ينعلك ياشيطان |
الحبيب محمد
الآن يمكن اعتبار البوست خاصتك يمكن أن يؤتي أكله طالما أعلنت أن اعتذارك أضفت له أن الكلام الذي كتبته بحق الحبيب حمور ليس بسليم..
شكراً لتغلبك على نفسك ولهذا الموقف الشجاع
ولعنة الله على الغضب وشيطان الغضب
محبتي وتقديري
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: lana mahdi)
|
الأخ عادل
والأخ حمور
والمتداخلون في هذه القضية
لأول مرة ترونني أتداخل معكم في مشكلة بين عضوين
وطبعاً شعبنا له ارث اجتماعي عريق في حل مثل تلكم الخلافات التي تقع نتيجة لانتصار شيطان الغضب على النفس الأمارة بالسؤ
وهنالك مؤسسة اجتماعية من الدرجة الأولى
هي مؤسسة الأجاويد
والتي أعتقد في حالتنا هذه قامت بواجبها تجاه الظالم والمظلوم
ومواصلة لما قام به الأخوان في حزب الأمة
أرجو من الأخ حمور أن يطوي هذا الملف
ورجائي هذا لا يشمل قبول الاعتذار من عدمه
فهذا شيئ متروك لتقديره الشخصي
مع ايماني بأن من عفى وأصلح فأجره الى الله
أرجوك أخي حمور تقبل تدخلي دون استئذان في أمر يخصك
وأتمنى أن تتسع بدواخلك مساحة للغفران
أما أنت أخي عادل
فدعني أشد على يدك مهنئاً بأنك أنتصرت لنفسك
وهزمت شيطان الغضب
لأنه يا أخي
ليس القوي بالصرعى
ولكن القوي من يمسك نفسه عند الغضب
والشكر موصول لكما الاثنان
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
Quote: يا سلام يا محمد عادل
أثلجت صدورنا والله
وما خيبت ظننا فيك أبدا
وأنادي على الأخ الفاضل / حمور زيادة ليقبل هذه الاعتذار
ولا أشك في ذلك أبدا
وأرجو أن تدوم المودة بين كل أعضاء هذا المنبر الرحب
وألا يفسد اختلاف الرأي للود قضية أبداً
شكرا محمد عادل |
وتقديري واحترامي للاستاذ حمور
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد على حسن)
|
كويس د ي خطوة ولكنها ناقصة ... طالما إنها كانت لحظة وإنفعال وغضب وشيطان أرجو
أن تعلنها وبشجاعة أن كل ما قلته عن حمور كان غير صجيح وأنك تعتذر
عنه... قلها وتفرغ للمعركة الكبري فلا حمور ولا أمجد هم خصومك
- خصمك من يحرضك علي فتح مشاكل مع الوطنيين
- خصمك من يسعي لتشييلك وشه القباحة
- خصمك من يريد أن يصرفك عن المعركة الحقيقية
- وقبل هذا خصمك هو نفسك في لحظتها الغاضبة
..
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
Quote: الحبيب حمور
اعتذرنا لك وقلنا بان هذه الاحاديث التى قلتها فى حقك ماسليم
والله ينعلك ياشيطان |
دى فرقها شنو من "كان نكرت بنعتقك" القالا ليّ عادل عبدالعاطى ...
لو لنا مهدى مصرّة وملحّة على الإعتذار لى حمّور ... كان تعتذر ليهو هي ...
انتو كلكم بتقروا فى الأكاذيب المضرة بالسمعة الكتبا عادل عن مواضيع كتبت ونشرت هنا ... وفشل فى إحضار اقتباس ... ومافى زول قال "بغم" ... هسى جايين تضغطوا على محمد عادل .... يا زول انت لو شايف كلامك صاح ما تعتذر لى أيّ زول ... بلا أدب اعتذار ... بلا قلة أدب اعتذار ... الناس دى لا بتلتزم بى لايحة ... لا بتلتزم بى أدب اختلاف ... لا بتلتزم بى قانون ... أيّ زول بتقدر تدخّلو فى كيس نايلو وتربطو وترمى فى الزبالة؛ أعملا طوّالى ...
قلنا ليهم هلال - مريخ ... والإستقطاب ... وكل من هو ليس معى فهو ضدى ... ما بتنفع مع حرية التعبير والحوار المتحضر والموضوعية البتجيب نتيجة ... عايزين يعملوا التعبير بى حجم "البوق" البكبّر الصوت ... وبى إقصاء الرأى الآخر بالتخويف والعنف اللفظى وإشانة السمعة للبعض وحماية سمعة البعض الآخر ... ما تتلفّت ... شوت ضفّارى ...
when in Rome, do as the Romans
... المهم ....
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: عبد الله كسلا)
|
لو محمد عادل بيعتقد انو يقدر يثبت صحة ادعاءاتو بخصوص السفارة واللجوء والذى منو .... الإعتذار لزومو شنو؟
لو ما بيقدر يثبت الكلام دا ... الشلاقة ليو شنو ...
والإعتذار بحلّو كيف؟
(طالما مافى ضغط من جميع الأعضاء على الإتهامات الملفقة لأى زول بيقولا ... يعنى مافى مبدأ ثابت ... فايدة محاماة عزاز شامى لى حمّور شنو؟)
.. المهم ....
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: تبارك شيخ الدين جبريل)
|
Quote:
لو محمد عادل بيعتقد انو يقدر يثبت صحة ادعاءاتو بخصوص السفارة واللجوء والذى منو .... الإعتذار لزومو شنو؟
لو ما بيقدر يثبت الكلام دا ... الشلاقة ليو شنو ...
والإعتذار بحلّو كيف؟
|
غايتو لو دي معايير البورد
ناس كتار حيقيفوا في صقيعة الله الحارة
عموم
كويس إعذار محمد عادل
وكعب إتهام القبيل
وياريتنا نتريث ...!!!
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: Ahmed musa)
|
ما هى المشكلة فى المعيار دا ظاطو يا احمد موسى ..
نحن لمن بيمعيرونا ويقولوا لينا "وقفتوا مع المغتصبين" ... مش مع ممثلهم فى السفارة ....
الناس دى ساكتة ساى ... عشان الكوز الأمنجى ياخد على راسو ..
هسة نفس المعيار داير يبقى ليهم حار؟
التسوى كريت ....
... المهم ...
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
| Quote: (طالما مافى ضغط من جميع الأعضاء على الإتهامات الملفقة لأى زول بيقولا ... يعنى مافى مبدأ ثابت ... فايدة محاماة عزاز شامى لى حمّور شنو؟) |
عزاز بتدافع عن حمّور و محمد عادل يا تبارك .. الاتنين بيهموني
انت بتدافع عن منو بالاضافة للـ المديدة الحارة؟
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: عزاز شامي)
|
Quote: اعتذرنا لك وقلنا بان هذه الاحاديث التى قلتها فى حقك ماسليم
والله ينعلك ياشيطان |
Quote: كويس بس ممكن تتصل
يا محمد عادل او تعمل
رنة ... راجع بروفايلي
...................حجر. |
نفس الطريفة في إغتيال الشخصية وتشويه سمعة الغير ونفس الطريقة التي إتبعها حجر قبل ذلك عندما لفق لعضو إنو قبضوهو مع حبشية ، وواضح إنو إعتذار هزيل وضعيف وإعتذار جبـــــــان جداً في نفس الوقت ، لو فعلاً في ندم علي التلفيق الحصل وإعتقاد كامل إنو التلفيق كان خاطئاً فالواجب بيفرض إنك تقدم شرح مفصل عن كل الإتهامات اللي أطلقتها ودوافعها ، والهدف منها ، ومدى صحة تلك المعلومات ، وهل هي معلومات تم الحصول عليها فعلاً أم هي مجرد خيال مريض ، والإ فسرعان ما سنعود لنفس الهطل والإستهتار بسمعة الغير.
تفتكرو الظاهرة دي في المنبر حتقيف كيف لو لسه زي حجر والشافع قاعدين هنا و كأنو ما عملوا حاجة؟
والله مافي حاجة عاملة لي طمام في البوست ده غير شلة (ياها دي المحرية فيك) ديل.
أرحمونا ياخي من فجيخ الطماطم ده.
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: Mohamed Abdelmotalib Hassan)
|
| Quote: انت بتدافع عن منو بالاضافة للـ المديدة الحارة؟ |
انا زعلان عشان المبادئ البتتحول لى أشخاص ... واجزاء ... وتفصيلات ...
زعلان على انو الإتهامات المضرة بسمعة البيكتب فى المنبر دا ... ما بتهمّك طالما ما بتمس محمد عادل وحمور زيادة ...
زعلان على أيّ زول دافعت عن حقوقو فى يوم من الأيام فى المنبر دا ... لى سبب مبدئي ...
زعلان على البوستات البتتفتح لى لست الأصدقاء ولست الأعداء ....
زعلان على انو كل الناس فاهمين انو دى كدا "السياسة" ...
لغاية يوم 21 مارس ضايروا المشاكل دى بى أيّ طريقة ... عندنا ثورة فى النار ... ما تحرق ... وعندنا أعداء - ولامؤاخذة - كل شى نعملوا معاهم حلال ..
ناس السحل والإغتصاب والقتل والتعذيب ... طلّعوا زيتم ...
طيب لو الزول عندو وجهة نظر مختلفة؟ يا يبلعا؛ يا يتبالا بيها؟ ولاّ كيف؟
المديدة فعلاً حارة ... وما محررا انا ..
... المهم ....
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: عزاز شامي)
|
الاتهامات المجانية يا محمد عادل قاسية جدا وما بنفع معاها انك كنت في لحظة غضب وخلي بالك انت زول سياسي والبعتر ليك لي قدام كتير ... دائما خد في بالك تكون انت المظلوم افضل من ان تكون ظالما .. وحدث نفسك باستمرار ان لا تكتفي برفض الظلم بل حدثها بنصرة المظلوم وقهر الظالم ..
والله الذي لا اله غيره لولا ظلم النظام الحالي لما كتبت حرفا في معارضته
اتهامك للغير ظلم كبير يا محمد لكن اتمنى ان يمسحها حمور في وشي ويتقبل اعتذارك وارجوك لا تغضب اذا اشتد عليك البعض في هذا البوست وان يكون ايمانك بالاعتذار من قلبك وليس مجاملة للحبيبة لنا او غيرها دائما كن متسامح ومتصالح مع نفسك وليس مجاملا وتعود ان تستفيد من اخطائك وان لا تجعلها سهما عليك تؤثر في نفسياتك بل دعها تقويك اكثر واكثر ودع لنفسك بخلقك هذا ثقة كبيرة ولا تهزمها ارفع راسك فانت سوداني وحزب امة واجعل همك وطنك وحزبك وكيانك وطهرهم من العملاء والماجورين ولكل امة شواذ فلنجعل همنا اولا واخيرا تطهير بلدنا وحزبنا من ارازل القوم وهي معركة لن تنتهي اليوم او غدا بل ستبقى ما بقي بني ادم
دم بخير يا صديقي ..
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد حسن العمدة)
|
Quote: الحبيب حمور
اعتذرنا لك وقلنا بان هذه الاحاديث التى قلتها فى حقك ماسليم
والله ينعلك ياشيطان |
وان تطلب من بكرى حذف أى بوست فيه إساءة لحمور ..
لأنك كما تعرف ان ما يكتب على الانترنت يظل مربوط بالاسم الى الابد
يعنى مجرد ادخال اسم حمور فى قوقل سوف يظهر كل ماقلت انه من فعل الشيطان
يعنى كلمة معليش براها ما كفاية
ولى قدام العن الشيطان قبل ما تفتح اى بوست
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
Quote: طيب لو الزول عندو وجهة نظر مختلفة؟ يا يبلعا؛ يا يتبالا بيها؟ ولاّ كيف؟
المديدة فعلاً حارة ... وما محررا انا .. |
كدي النبدى ليك من الآخر، الحماك من قول رأيك المختلف منو يا تبارك شيخ الدين؟ كان سؤالك ده من باب (فش الخلق) فمعاك و بسمعك للنهاية و بتجرد مطلق، وكان قاصدني بيهو فا ياخوي ماحصل يوم صادرت رأيك أنا شخصيا ....فبين لي الابيض من الاسود في قولك أعلاه علشان ردي ما يُحسب شتارة ...
| Quote: انا زعلان عشان المبادئ البتتحول لى أشخاص ... واجزاء ... وتفصيلات .... |
المبادئ يا سيد يا كريم ماهي تفصيلات ولا اجزاء، ولا هي مطلق كمان، ولولا اني تعبانة و فترانة من جري المعايش كنت مشيت جبت ليك مواقف ليك انت زاتك ده بتتناول فيها الأمور بالقطاعي، ولا انت براك، كلنا بنتناول الأمر كده بشكل أو بآخر ... بس بيكون في خيط لا مرئي بيخلي التفاصيل دي مرتبطة بمبدأ واحد و مظلة اخلاقية محددة ...
| Quote: زعلان على انو الإتهامات المضرة بسمعة البيكتب فى المنبر دا ... ما بتهمّك طالما ما بتمس محمد عادل وحمور زيادة ... |
في حتة ما جرى بين محمد عادل و حمّور، لعلمك الخاص جداً انا هاميني محمد عادل أكتر، لأني بحس انو حمّور هنا هو الطرف الأقوى لأن له حجّة، تبيان، وموقف وعلى النقيض محمد عادل موقفو ضعيف، فقد بادر بالاساءة و اورد أكاذيب بلا سند، و محمد عادل بيهمني أمرو، وبيهمني زول زيو ما يحيد عن جادة الصواب لأنو معدنو نضيف و بتربطني بيهو علاقة مبدأ أو سمه هدف وهنا مربط الفرس، حربنا واحدة و شايفاهو برغم كل جوبيكو ده برضو في كفة بتجمعنا سوا .... وهو وحمّور و أمجد بيهموني، ولو وقفت ضد زول منهم لنصرة التاني فأنا همي نتلم ما نتفرق وما باقصي منهم زول و لو فقدت منهم واحد كأني خسرت معركة ...
كون انو في اتهامات اخرى تتطاقش في مدارات ما في هذا المنبر ولم انبري لها بالتنديد، فده بيدخل في لوم (البكيات) وماشفناك في بكى فلانة و يييييييييين كنتي في فراش علان ... انا يا تبارك ما ممثلة الامم المتحدة هنا ولا رئيسة حزب ولا عندي مكتب علاقات عامة فيهو طاقم عمل يفتش لي محل الاتهامات علشان اجي نابلة بالتنديد ناهيك عن الزمن الممحوق و المصران الأعور البقيت مدخراهو للشديد القوي زي حسي مثلا (حمور و محمد عادل و كمان أمجد كان ليك) ... انا زولة الله ساي، ما مدفوع لي تمن الانترنت ولا عندي عداد للمداخلات لا بتجيني موجهات، وقت زمني يسمح بجي، ووقت احسن برغبة في الكتابة بجي، مخيرة و حرة بلا قيود أحمد ربي ...
| Quote: زعلان على البوستات البتتفتح لى لست الأصدقاء ولست الأعداء .... |
أزمة شرف الخصومة وشق الصف وانت معاي ولا مع التانيين البدا بيها ما ناس lists الاعداء و الاصدقاء و ما بينهما، البداها ياهو دااااك ليهو ما تعاين للفيل و تطعن في ضلو، كدي نشوف لينا مفرق غير صيوان الاعتذار ده نتكلم فيهو كان الله هوّن ... الفيل الشق البيت الواحد نصين، الفيل الخلى (الشرف و الاحترام) خشم بيوت ...
| Quote: زعلان على أيّ زول دافعت عن حقوقو فى يوم من الأيام فى المنبر دا ... لى سبب مبدئي ... |
وليه تزعل على وقفتك يوم في الحق البتشوفو ( أمشى في الدرب البطابق فيه خطوك صوت حوافرك) لأن فكرة ابداء الرأي واتخاذ موقف مفروض تكون معزولة تماما عن ردة الفعل\امتنان من نناصرهم وإلا كان موقفنا ما نزيه تماما وفيه شبهة انتصار للنفس و لم نياشيين الشكر ... حتة زعلك دي وجعتني من مدخل انساني بحت لأنو اتخاذ موقف حقيقي و الجهر به ما أمر هوين ولا ساهل، وكونك تحس بالخذلان شعور ما حبابو نهائي، وبغض النظر عن اتفاقي معاك من عدمو، وعادة أنا بختلف معاك ، بس بحسب ليك انو مواقفك (حقتك) و بتخصك براك وما نتاج وعي جمعي، و احتمال في محاولتك للتحرر من الوعي الجمعي بتمشي لهنوووووووووووووك علشان just in case تكون بعيد تماماً من تفكير القطيع ... المهم، يا قولتك، ولذلك كله، اتمنى تراجع روحك في شعور (زعلك) في ممارسة حقك في ابداء الرأي (الحر) و أشدد على الحر شدّيّد شديد لأنو – وهنا حتة القطاعي – الحق ده انا بشيلو وبقلعو من أي زول محسوب على جهة سياسية انا بقيف منها الضد، لأنو ساعتها بشوف رأيو ما حر بل مدفوع الثمن ولو لاقاني أي رأي (بثمن) بقدرتي بأقيف ليهو ...
| Quote: " زعلان على انو كل الناس فاهمين انو دى كدا "السياسة" ... |
"ما ذنب جلد الطار لو غنو بيهو شُتر"
بغض النظر عن ممارسة كثير من المعارضين في المنبر ده تحديدا و اللي نا زاتي ما بتفق مع آلياتهم ولا اسلوبهم في طرح الفكرة،
ما بنقدر ننفي الحوجة للمعارضة وكشف قبح الانقاذ. لو شايف دي ما سياسة، اطرح شكل السياسة البيناسبك و lead by example بدل تفلع بالحجار مع المفلعين!
كدي خليك من الناس الفاهمة سياسة خطأ، وهنا نحن ما سياسيين بالمناسبة، و أقصى بعد سياسي لينا هنا هو تأثير الـ citizen journalist
لو عاينت للأمر بتجرد، و بعيد عن رأيك المسبق في بعض من يتبنون قضايا المعارضة، الانقاذ دي ما قاعدة تبالغ؟ و تيب؟
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: عزاز شامي)
|
| Quote: لأنو معدنو نضيف و بتربطني بيهو علاقة مبدأ أو سمه هدف وهنا مربط الفرس، |
انتى كدا جبتى التايهة ... النقد ما شخصى بالنسبة ليك ... لاكين انتى فرد فى "جوقة" ... تنتهج نفس المنهج وتتبنى نفس التفكير... القصة ما لوم بكيات واستقصاد ليك انتى شخصياً ... لاكين تخيّلى بوست فيهو أكاذيب غير مدعومة بالدليل ... المشاركات تقارب الـ 150 ... والزوار فوق 3,000 نفر ... زول واحد زيّك كدا ولاّ زيّ لنا مهدى ولاّ زيّ كمية الأجاويد البيضغطوا على محمد عادل ديل ... ما جا قال لى عادل عبدالعاطى كلامك دا عيب ... عشان عارفين انو انا مع تفعيل التحول الديموقراطى ... وضد إزالتو وتغييرو ...
ولا زول واحد ... شوفى بنفسك:
الإعتداء على القيم السودانية فى خضمّ الكسب السياسى ..
دا كلام دا؟
إنّ الألى قد كنت أرمى دونهم غلّوا يديّ وحطّموا أقواسي
واستبدلوا سيفي البتار بأسيف خشب وباعوا عسجدي بنحاس
والطلّ غير الماس ، إلا أنهم خدعوا برقرقة النّدى عن ماسي
وإذا حسبت الروض تغني صورة عنه فذلك منتهى الإفلاس
أسد الرّخام وإن حكى في شكله شكل الغضنفر ليس بالفرّاس
قد كان لي حلم جميل مونق فأضعته لّما أضعت نعاسي
فكّرت في ما نحن فيه كأمّة وضربت أخماسي إللى أسداسي
فرجعت أخيب ما يكون مؤمّل راج وأخسر ما يكون الخاسي
نرجو الخلاص بغاشم من غاشم لا ينقذ النخّاس من نخّاس
ونقيس ما بين الثّريا والثرى وأمورنا تجري بغير قياس
نغشى بلاد الناس في طلب العلى وبلادنا متروكة للناس
ونكاد نفترش الثرى وبأرضنا للأجنبّي موائد وكراسي
... المهم ....
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: تبارك شيخ الدين جبريل)
|
Quote: لو ما بيقدر يثبت الكلام دا ... الشلاقة ليو شنو ...
والإعتذار بحلّو كيف؟ |
لأ و تحت الإلحاح كمان
عذراً يا اخوانا
انا النصيحة ما فاهمة اي حاجة
ولا قاعدة اخش في بوستات الشكل دي
جديدة زاتي في البورد دة كلو
ما بعرف الناس و لا عندي اي خلفية عن صراعاتهم
ولا بهتم اعرف
بس بصراحة الاعتذار الهنا دة إستفزاني
معليش
لكن انت حمور دة ما عفصتو في المواصلات
الزول دة انت اتهمتو بحاجات مؤكدة
ما هو يا إما يكون عندك عليها دليل
وفي الحالة دي الاعتذار ليه؟؟
يا إما يكون كلام قطعتو من راسك ساي و بهت بيهو الراجل دة
و في الحالة دي _ و معليش يعني و بصراحة _ إعتذارك دة ببقى من باب
العوير دقو و اعتذر ليه
او كما قال المثل
حسي في ذمتكم يا الالحيتو عليهو
اعتذارو دة اقنعكم
والله منكم اقول ليهو اسكت و اعتذر بدلو
و بعدا
باركوها
| |
|
|
|
|
|
|
|
|
|
Re: اعتذار للحبيب حمور زياده وارجو قبوله (Re: محمد عادل)
|
Quote: بناء على طلب الاميره لنا مهدى والحاحها الشديد على الاعتذار فانا اعلن اعتذارى التام للحبيب حمور زياده على مابدر منئ تجاه لحظة غضب
واعتذر لجميع اسرته على مابدر منئ واقحمتهم فى هذا الموقف والاعتذار للحبيب الخال امين محمد سليمان
ولقد كانت لحظة غضب لحظة شيطانية وزالت
والعفو عند المقدره ودعونا نتفرغ للمعركه الكبرى |
قرأت الذي بعاليه مراراً ولكني لم أجد فيه اعتذاراً
Quote: الحبيب حمور
اعتذرنا لك وقلنا بان هذه الاحاديث التى قلتها فى حقك ماسليم
والله ينعلك ياشيطان |
وقرأت هذا فرأيت مكابرة صريحة، ومحاولة للتملص من المسئولية وتلاعباً بالكلمات، وتجنياً على الشيطان..
،
ثم كتبت الأخت لنا مهدي:
Quote:
الحبيب محمد
الآن يمكن اعتبار البوست خاصتك يمكن أن يؤتي أكله طالما أعلنت أن اعتذارك أضفت له أن الكلام الذي كتبته بحق الحبيب حمور ليس بسليم..
شكراً لتغلبك على نفسك ولهذا الموقف الشجاع
ولعنة الله على الغضب وشيطان الغضب
محبتي وتقديري |
لكني لم أعرف عن أي موقف شجاع تتكلم الأستاذة لنا؟
وكيف تعتبر ما كتبه محمد عادل هو بمثابة الاعتذار الذي يستوجب كل هذا المدح؟
فإن كانت الأخت لنا تعتبر -فعلاً - أن ما كتبه محمد هو بالضبط أو أشبه بما كان يجب عليه فعله وكتابته وتجده كافياً، فسيكون الأمر محبطاً تماماً لي بصورة شخصية، كما سيكون مدعاة لي لمراجعة شاملة للشخصيات والمواقف ومن قبل ومن بعد لما أؤمن به.
أما إن كان ذلك مما يقتضيه الانتماء الحزبي، وهو بدافع الفهم المغلوط لنصرة أخيك ظالماً أو مظلوماً، فسيصعب علي حينها التمييز بين من ينتمون للحكومة وبين من ينتمون للمعارضة في هذه الجزئية تحديداً. وهي أن زميلي في التنظيم دائماً على حق..
أما الاحتمال الثالث وهو أن يكون كلام الأستاذة لنا جاء هكذا عجولاً في محاولة منها للملمة الموضوع وقفله عند هذا الحد، على ما فيه من شروخ، بمعنى أنه "كلفتة" وربط للجرح دون تنظيفه، وعفا الله عما سلف، وهو ما درجت الأحزاب -لا سامحها الله- على فعله. فعندها أيضاًَ سأصاب بالاحباط العظيم وليس بصورة شخصية هذه المرة، وسأفقد الأمل في الأجيال الجديدة أيضاً لأحزابنا الوطنية.
،
أيضاً لا أعرف لماذا يتم لعن الشيطان والغضب هنا؟
فمن يعتقد أن محمد عادل كان مشيطناً، أي راكبو شيطان، كل تلك الفترة السابقة على كتابة هذا البوست، بمن فيهم محمد عادل نفسه، فعليه إرساله إلى أقرب "فكي"، أو بالعدم التجاني الماحي.
،
| |
|
|
|
|
|
|
|
|
 لعناية الأخ بدري الياس! (Re: بدري الياس)
|
الحبيب بدري
أحزنني كلامك لأنك تجنيت علي بما ليس فيّ ولو راجعت أرشيفي ههنا ممكن تلاقي إني بنصر أي مظلوم بغض النظر عن انتمائه ولمن أسيئت ميادة كمال من إتنين من المحسوبين على المعارضة كتبت بوست طويل عريض بعنوان (معارضة السواد) ولمن فرد من أعضاء الأمة بيغلط هنا أول من ينبري له العبدة لله مش لأني بعلوهم تنظيمياً ولكن بفترض أن الإنسان لا يصمت عن الخطأوالساكت عن الحق شيطان أخرس ولو كنت بنصر محمد عادل ظالماً أو مظلوماً كنت أعمل ما شايفة البوست زي كتار ما عملو فمافي زول هنا بيخش بقرار تنظيمي أو الحزب بيصرف لينا أوامر خشو هنا وما تخشو هنا وكتابة كل زول في منبر بكري دة طوعية ومعلقة كل شاة من عرقوبها وحمور ما عنون البوست بإسمي عشان تفتكر أني مضطرة أخش لنصرة محمد عادل عشان بس ود حزبي ولعلمك مافي شي أحاول لملمته فمحمد عادل مسئول من نفسه وتدخلت لأرجعه عن خطأه البين ولم أدخل بوست الاعتذار عندما كتبه إلا عندما قرن الاعتذار بعبارة صريحة أن كلامه بحق حمور ما سليم..ولكن كم صدق المثل المصري: (ما بينوب المخلّص إلا تقطيع هدومه) وبإذن الله تكون آخر مرة أتدخل لأرجع مخطيء عن خطأه طالما في نهاية الأمر عدم الصمت عن الخطأ يفسر (تكتيكات تنظيمية) ومحاولة (لملمة) لموضوع الحزب أصلاً غير متورط فيه ولك الاحترام والتقدير من قبل ومن بعد..
| |
|
|
|
|
|
|
|
|
|
Re: لعناية الأخ بدري الياس! (Re: lana mahdi)
|
الأخت لنا سلام
برضو تفحصت ما كتبته -انا- فلم أجد فيه تجني عليك، ويا ريت لو أشرتي ليهو صراحة أو عملتي اقتباس لي اي مكان فيهو تجني، وليك علي الاعتذار الما بشبه اعتذار محمد عادل.
كنت قد تساءلت بشكل واضح وفي جزء محدد:
Quote: لكني لم أعرف عن أي موقف شجاع تتكلم الأستاذة لنا؟
وكيف تعتبر ما كتبه محمد عادل هو بمثابة الاعتذار الذي يستوجب كل هذا المدح؟ |
ووضعت احتمالات لسبب كتابتك ما كتبته.
وكان بإمكانك أن تضَمِّني ردك إجابة على تساؤلي أعلاه، وتفنيد كامل احتمالاتي التي وضعتها وكان الله يحب المحسنين.
،
وكنت أتمنى لو أنك قرأتِ ما كتبته انا هناك بروية وتأني أكبر قبل أن تكتبي لي هذا الرد، على الأقل لما احتجتِ أن تطلبي مني أن أراجع ارشيفك (ههنا)، فلأنني أعرف مساهماتك هنا ومعظم أرشيفك، كانت مداخلتي تلك.
وبالمناسبة هي أول مداخلة لي في بوست (اعتذار) لأنها دايماً من أسخف البوستات التي يحفل بها هذا المكان من حين إلى آخر، وتحفل بالعبارات الفطير، والمجاملات التي تقتل أكثر مما يفعل الفعل أو القول سبب الاعتذار.
ولأني لا أتفق مع ناس "باركوها"، وما عارف شنو. وفهمنا غلط لي ثقافة الاعتذار، التي تتطلب في البدء أن يقوم المعتذر بتخطئة نفسه صراحة عن الفعل الموجب لهذا الاعتذار وتقديم ما يلزم من إدانة لما تأكد من كونه خطأ يوجب الاعتذار وتعهده بعدم العودة لذلك مجدداً (هناك من يمكن تسميته بمدمن الاعتذار، وحكمة الله كل مرة يجو الناس يشكروهو على شجاعتو).
أقول أن ما دعاني أصلاً لتلك المداخلة كانت صدمتي حين رأيتك تثنين على (محمد عادل) فيما ألحقة باعتذاره حين لم يقل صراحة لـ(حمور) أنه قد أخطأ في حقه وأنه قد تجنى عليه وكذب فيما قاله عنه، واختار "الدغمسة" اللغوية بقوله "ما سليم". فقد عرفتك هنا حقانية ودغرية ولا تجاملين في الصاح.
وهنا سألتك عن الموقف الشجاع الذي ذكرته، وسؤالي هنا مرة أخرى: أين الشجاعة فيما كتبه (محمد عادل)؟
وسؤال آخر: هل عبارة "ما سليم" تراها لنا مهدي كافية لنقتنع نحن أن كل ما جاء به زميلنا محمد عادل ويسيء إلى زميلنا الآخر حمور، هو غير صحيح وكان كلام "ساكت"؟
،
لم أشر في مداخلتي معك لأي تكليف حزبي، أو علو تنظيمي. تكلمت فقط عن شبهة نصرة الزميل في التنظيم في كل الأحوال، وذلك في معرض ما وضعته من احتمالات لثنائك الذي كتبتيه بشأن الاعتذار البائس لمحمد عادل. وقد أشرت أنه كان بإمكانك تفنيد تلك الشبهة بكل رواقة. وأظنك قد حاولتي ذلك في ردك هذا ولكن "ما برواقة" عشان كده جاطت مع غيرا من الكلام المستعجل..
،
وبالمناسبة، وربما بدون مناسبة، ليست لي أي معرفة شخصية بأحد طرفي هذا الاعتذار، وعلاقتي بهم لا تتعدى "بعض" ما يكتبانه هنا، واعتبر كل منهما زميل لي جدير بالاحترام حتى يُثْبِت العكس أو يأبى.
،
لك الشكر ووافر التقدير والاحترام..
| |
|
|
|
|
|
|
|
|
|
Re: لعناية الأخ بدري الياس! (Re: بدري الياس)
|
تحياتي يا بدري ..
اثق ان الامر لو كان امر انحياز فان لنا مهدي ستنحاز لي دون الامام الصادق نفسه.
فلنا اختي قبل أي تحزب.
لكن انا اتفق معك ان المكتوب به باب للاحتمالات كما قلت انت .. و ارجو ان تتفهم لنا منك ذلك. و اذكرك يا لنا اني امس حين تكلمنا على الهاتف كان اول سؤال سألتك له مستنكراً : هل هذا المكتوب يعتبر تكذيباً للتهم التي قيلت ؟
لكن يا بدري و لكل قراء البوست احب ان اضيف ان محمد عادل اتصل بي أمس ليلاً هاتفياً .. و اعتذر لي بصورة واضحة اوضح مما يكتب.
وأكد ان الاتهامات جاءت في ساعة غضب لأنه اعتبر اني نصرت "أمجد الأمنجي" عليه.
سأتفق مع كل من يقول بأن هذا ضرب من العبث ان تغضب فتتهم. لكن هذا هو الحال و هذا ما جرى.
لا أملك الا ان اقبله بعد ان اعتذر لي محمد بوضوح و أكد ان هذه الاتهامات لا تعدو ان تكون مجرد كلام.
شكرا اختي الأميرة لنا مهدي.
شكرا كل من مر على اي واحد من البوستات.
بالنسبة لي سأطوي الأمر هنا و انا اكرر لمحمد عادل ان لا ضغينة عندي و اني اتمنى لو تعلم أن يكون أكثر تريثاً.
ـــــــــــــــــــــ
الزملاء ود العمدة و اكرام و نيازي ..
توقعتكم في البوست المعنون لكم حين كان محمد يخطئ .
وللاخت اكرام .. جميل جدا ان محمد فعل المحرية فيو . لكن حين كان شيطان الغضب يتملكه ليومين و يفعل غير المحرية لماذا لم ترديه للمحرية ولو بكلمة ؟
لا انكر ان موقف الزملاء في حزب الامة كان مفاجأة لي. توقعت أي شيء الا هذا الصمت.
عموما ..
حصل خير.
| |
|
|
|
|
|
|
|
|
|
Re: لعناية الأخ بدري الياس! (Re: بدري الياس)
|
الحبيب بدري
| Quote: برضو تفحصت ما كتبته -انا- فلم أجد فيه تجني عليك، ويا ريت لو أشرتي ليهو صراحة أو عملتي اقتباس لي اي مكان فيهو تجني، وليك علي الاعتذار الما بشبه اعتذار محمد عادل |
الزول لمن يكون تاريخه في مكان شفيعه أعتقد طبيعي يعتبر اتهامه بما لا يشبهه ولا يشبه تاريخه في المكان تجني!
وثاني هام كلامي مش مستعجل كتبته وأنا واعية لكل كلمة فيه ..أنا آخر من ينحاز لشخص لأنه إبن حزبي لأن الاحزاب وسائل لترقية الوطن وليست غايات لنتقوقع عليها ونقوقع أنفسنا في صحها وخطأها وصح عضويتها وأخطائها...مجرد سبل ترقية الوطن واليوم الذي يتحول فيه حزبي لعجلي المقدس سأتركه بلا رجعة وأشتري نفسي..واليوم الذي أقيّم فيه الناس على أساس (أمة) و(غير أمة) سأقرأ على مبدئيتي الفاتحة وسأكون (سقطت) حقاً...وبالمناسبة أتوقع لنفسي في مستقبل ربما يكون غير قريب أن أعمل من خلال آلية غير حزبية لترقية وطني..إعتبرت اعتذار محمد شجاعاً لأنه كان بإمكانه ألا يعتذر وكان مكابراً لأقصى درجة واعتذر وكان بإمكانه ألا يعترف بأن كلامه خطل وخطأ وغير سليم في حق حمور واعترف أنه كلام غير سليم وبالمناسبة افترضت أنت أنه كذب ولربما يكون سمع نقلاً عن نقلاً عن أن حمور دشن روايته في السفارة ونقل ما سمع دون أن يستوثق...
هذا ما لزم توضيحه
خالص شكري وتقديري
| |
|
|
|
|
|
|
| |
محمد عادل
omer osman
جعفر محي الدين
اكرام الصادق الحسن
محمد البشرى الخضر
حمور زيادة
معاوية المدير
ALazhary2
نيازي مصطفى
Mohamed E. Seliaman
أمير فتحي
الرفاعي عبدالعاطي حجر
إسماعيل حميم
عبد الله كسلا
lana mahdi
بشرى محمد حامد الفكي
محمد على حسن
كمال عباس
تبارك شيخ الدين جبريل
أحمد ابن عوف
Ahmed musa
Hussein Mallasi
Mohamed Abdelmotalib Hassan
ABUHUSSEIN
ناظم ابراهيم
سلمى تاور
فيس بوك
تويتر
انستقرام
يوتيوب
بنتيريست