|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
زماااان أُمي قالت لي: والله يا معاوية يا ولدي، الغناي صدق. قُت لها: يا يُمة الغناي قال شنو؟ قالت لي، قال: غريب والغربة اقسى نضال، غريب والغربة سُترة حال. والله يا ولدي الغربة سُترة حال. باقيلك ما صدق؟ قُت لها بالحيل صدق.
الله يرحمك يا يُمة ويغفر ليك. وحات معزتي ليك، الزمن دا حتي تلآجاتنا في الغربة عارفين البيها والعليها.
ربي ارحمهما كما ربياني صغيرا...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
زمان دالي قال لشيخ من البيتقدوا الجمهوريين: إنتوا يا شيخنا بس فلآحتكم فينا نحن. ما بتنتقدوا النميري ليه؟ ردّ الشيخ عليهو: لييييه عشان يطبلنا في السجن وإنتوا بي برّه تقعدوا تاكلوا في البِتِيخ الصااااااااقط!!!
يا ناس برّة قاعدين مرتاحين، وتدفروا في المساكين الجوّه بالكيبورد عشان يدقوهم، ويقطعوهم من خِلآف، ويلطشوهم في السجون، وإنتوا برّه تلهطو يمين وشِمال...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: manal eltahir)
|
دكتور محمد حسن، ســلآمات. يا أخي والله فعلاً حلجة تثير العجب، وكلّ اللعيبة المغتربين. يعني بالمفتوح كده، إنت كمقترب ممنوع تقول رايك في النظام أو تدعوا للتغيير حتي ترجع، وإلا إنت بتحرض في الغلآبا عشان يمرقوا الشارع ويبهدلوهم. طلما هم غلآبة عليك الله يبهدلوهم واللآ يصلحوا حالهم؟ علي العموم اكان إنت برّه إتصل علينا نديك سُسّته عشان لو فلتت منك كلمة حا يجي من يقول لك، اولآدك قاعدين يستحموا كل يوم، وتلآجتكم ملآنه تمرهندي، وتفاح، ونبق، وقاعدين تتفسحوا كل يوم، ومعارضتكم إسفيرية وخايبة.. .... إلخ
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
اغرب ما في الأمر كان مشيت البلد إجازة وجيت عكست حال الغلآبة التعابة. طوالي يقولوا ليك: ما كنت تقعد معاهم كان أصلك عايز تعمل تغيير راجع مالك؟ إنت مشيت مدنقر تعاين في الوآطة مالك؟ ما عاينت فوق عشان تشوف الكباري الطايرة مالك؟ قعدت تعاين تحت الكباري للمحشرين تحتها من البرد، وغلبك ترفع نظرك افوق؟ ما كان تقعد معاهم بس فالحين في النضال الإسفيري، لمان تمشوا البلد وآحد فيكم بفتح خشمو ما في...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: عارف يا معاويه أنا زمان كنت بضحك في اي زول يقول كلامك ده......وفي اول تجربه لي كبيت الجرسه...وقلت ليهم ينعل ابو القرايه ....الغربه دي مافي احر منها الا.......... الغربه!!!!!!!!!!! الناس دي مااغتربت فنكهه ...المغتربين أنتو اكتر ناس حاسين بي وجع البلد مافي زول يقول ليكم هسسس ....والتغيير ح يبدأ منكم ......جاهزين!!!!؟؟؟؟؟. |
والله يا منال حاجة تحيّر!!! يعني نحن كمغتربين أصبح ما من حقنا إننا نتحدث في شئون البلد. بالله الوآحد فتحة خشمو يجوهو. مرطب، تلآجتك مليانة، أولآدك مش عارف المدارس كيف؟، مكيفاتك، عرباتك. قاعد قدآم الكيبورد اليوم كلوا، تقول هم قاعدين يكتبوا بمفتاح عجل! والله انا بستغرب علي مثل هذه الردود التي توضح ضيق أفق أصحابها. يعني يا تكون جوه السودان يا تقفل خشمك. شئ عجيب والله!!!
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: اسقطت عننا الجنسية السودانية يعنى؟
اجتهاد فى جمع الصور والتشكيل والتنوين مقدر انشاء الله,
مشكلتنا الوحيدة هى العايشين جوة السودان وعقولهم برة الشبكة. |
يا هادية سلآم، انا عايش برّه السودان وبنتقد في المداخلآت التي تتعرض لنا كمغتربين وتحاول ان تسلبنا حقنا في إنتقاد ما يحصل في البلد. أنا أتحدث بلسان هذه الفئة، فما تفهمونا غلط. الملآحظ إننا مستهدفين، وبمجرد ما نشير لشئ داخل البلد يجونا ناطين: لو عاوزين تعارضوا أمششوا عارضوا من جوه، إنتوا آخر من يتحدث عن الناس الجوه، مرتاحين، ومنعمين، ووووو..... الخ ده فهم غريب جداً، جداً، بيعني إنوا يا تكون جوه السودان يا تمسك خشمك عليك!!!
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
نحن العايشين في أمريكا الشمالية عندهم لينا نظرة خاصة ووضع خاص كذلك. اكان قلنا بِغِم تعالوا شوفوا: يا اكلي الولفير، تلآجاتكم مليانة سمك، لحوم، جداد، خضروات، فواكه، وعشان ليس بالخبز وحده يحي الإنسان باب التلآجة مرصوص مشروبات روحية. قاعدين معطلين تاكلوا في الولفير، وتطشموا، وهاك يا كيبورد.
يعني يا تمسك خشمك عليك، يا تراهو نفر النضم ده!!!؟؟؟
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: يعني يا تكون جوه السودان يا تقفل خشمك. شئ عجيب والله!!! |
والله يا معاوية يا أخوي زي ما قلت حاجة تحير !! كان عندي رد طويل بتاع زول ممغوووس من واحد من البوستات البتقول إنه ناس الخارج ما حاسين بالناس في السودان ! بس للاسف ساعتها لقيت باسوردي رايح في حق الهكر !! هسة كدي النحاول نتفشي في بوستيك دا آود أمي .. منو القال المغتربين كلهم منتشين و عايشين في نعيم!! غايتو ديل بكونوا مغتربين الخليج أو الحتات التانية المرطبين ديل أما ناس نحنا المجدوعين بعييييد في بلاد العجم فلينا الله و عيشة السوق إلا من رحم ربي ، دا بخصوص اولا" ثانيا" منو القال المغتربين ديل مهما وجدوا من راحة في المعيشة ما حاسين بالناس الجوة ؟ هي الناس الجوة دي أصلا" المقصود بيها منو ؟ مش ياهم الاهل و اقرب الاقربين ؟
كيف انا اكون مرتاااحة و بالي رااايق ( مها كانت تلاجتي مليانة ) و أمي في السودان عيانة و مشت لي 20 دكتور و كل واحد تشيخصه مختلف عن التاني ؟ كيف ما اتكلم عن سوء الاحوال في السودان و أبوي متلتل من إدارة لي إدارة ومن مكتب حكومي لي مكتب حكومي عشان يطلع ببضع ملاليم من معاشه كموظف حكومي لي اكتر من 35 سنة؟
كيف ما اطالب بالتغيير و حكومة السجم ما جايبة خبر للناس البتموت بالفشل الكلوي و الامراض المعوية بسبب تلوث مياه الشرب بمياه الصرف الصحي حتي لو انا في اغترابي هناك قاعدة اشرب موية مطعمة بالعسل !!
كيف ما ألعن سنسفيل الخدمة المدنية و أطالب بتغيير السياسات الحكومية ( أضعف الايمان ) و انا اخوي خريج كلية الطب ليهو 3 سنوات و لحدي هسة ما أتعين !! لاحظ انه انا بقول ليك كلية الطب مش كلية الفنون ولا كلية اللغات ( ليس تقليلا" من شأن هذه الكليات و لكن لعدم كفابة الاطباء في المستشفيات العامة ) و برضو ما بيعينوا الخريجين !! دي سياسة شنو دي ؟
كيف انوم مرتاحة و ما افتح خشمي ( رغم انه اولادي في بلاد الفرنجة بدرسوا في احسن المدارس ) و انا اولاد أختي بدرسوا في مدارس عبارة عن دار جباية ( و بقولوا انها حكومية و شبه مجانية ) و بعد دفع كل الاموال المطلوبة تلقي الواحد فيهم كل همه ينجح في المادة المعينة بس عشان الاستاذ ما يضربه و عشان ابوهو برضو ما يضربه ( الابو قلبه واجعو علي القروش الدفعها خلال السنة ) و بعد الامتحان بي ساعة واحدة تلقي الطالب نسي كل كلمة كانت في المقرر !
للمرة التانية أصلا" نحنا جايين من وين ؟ و الناس الجوة ديل منو ؟ مش ياهم أهلنا و حتة مننا !! و أي وجع يحسوا بيهو بطًلع عينا معاهم حتي و نحنا مأكلين و شاربين و نايمين كويس ؟ عليكم الله أتقوا الله فينا يا خلق الله .
معاوية أعفي النبي فيك طولت عليك و علي ضيوف بوستيك لكن يا ود امي الوجع في الجوف كتييير
(عدل بواسطة heba Elmahi on 02-06-2011, 10:29 PM)
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: rani)
|
Quote: تقول شنو يا خضر!!!؟؟؟ بس إياهو الفضل يسقطوا الجنسية. حقك في النقد وإبداء الرأي في مفهومهم مرتبط بالمكان الموجود فيهو إنت، وكذلك شخصيتك وتصرفاتك. يعني مثلاً، إذا كنت في أمريكا أو كندا فإنت تقفل خشمك لأنك مرتاح ومرطب، وضارب ولفير، وطاشم علي مدآر الساعة... |
اتخيل لمت فيني واحده من هذه النوعية اسمها د.نجاد هنا قبل يومين في بوست مشي الخور
طلعتني اخر عمري اني عاطل وقاعد علي الويلفير..
وحاتك بقيت اضحك مع نفسي وقلت حكمتك يازمان حتعمل فينا اكتر من كدا في سودانيس اونلاين دا.
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: rani)
|
معاوية المدير تحياتى
ياخى المشكلة دايما مؤيدو الكيبورد بكرهوا مناضلى الكيبورد..
شوف الزملاء من بورداب الداخل قليل منهم البقول العايز يناضل يجى جوا البلد..
أما فى ناس من محتكرى النضال وعندك منهم عينة هنا, ديل دايما مستعجلين على الكلام الشين..
ماعارف النوعية الأخيرة دى عايزين يثبتوا شنو؟
على أى حال أنا قررت أكون معارض مزدوج..
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: rani)
|
Quote: هووووي يا مناضلين الكيبورد، يا الإسفيريين الداير يناضل يمشي يناضل من جوّه. ويا المأيدين أمشوا ايدوا من جوّه. يا مرطبين يا منغنغين ما تقعدوا تدفروا في المساكين الجوّه، وإنتوا ضاربين الكندشة، وتريانين من العضة النضيفة... |
الذي يعمل بهذه النصيحة الخبيثة يكون خائنا لوطنه ولأهله الذين يعانون ويقول للجميع إنكم لا تعنونني في شيء، فأنا مرتاح.
وليس هذا من شيم البشر الأسوياء، ناهيك عن السودانيين.
هذا القول الفج هو جزء من استراتيجية فجة تقوم على التقليل من شأن النضال من خلال وسائل العصر الحديثة.
ولأن النضال من خلال هذه الوسائل يرعب الظغاة وأذنابهم والمنتفعين من الطغيان، نجد أن هذا النوع من الكلام الفج يكثر هذه الأيام في سودانيزأونلاين الذي من العار أن يكون من بين أعضائه من يساند الطغيان الذي يسحق أهلنا في الداخل ويقسم وطننا إلى أشلاء، فقط من أجل أن يظل في الحكم.
ثم يأتي لنا من يخترع العجلة في عصر الإنترنت، ويقول لنا أنسوا وطنكم وأنسوا أهلكم.
ياخي عيب.
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: حامد بدوي بشير)
|
Quote: معاوية المدير اضافة جديدة لمناضلي الاسافير... |
راني السماني سلآم، والله يا راني مناضلي الأسافير دي بقت شتيمة عديل كده. يعني ينبذوك بيها عادي زي الماحصل شي. تعال شوف عمّك نافع قال معارضة خايبة، يعني القايمين علي أمرها كلهم خايبين. زي مثلاً أنا أقوا الحكومة فاشلة، يعني بالمعنى كدي القايمين علي امرها كلهم فاشلين. العجيبة البيقولوا كدي ديل إسفيرياً رآفعين رايات تأيد حكومتهم في السماء ما حصل يوم قلنا لهم التأييد الإسفيري خايب!!!
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: د.محمد حسن)
|
Quote: منو القال المغتربين كلهم منتشين و عايشين في نعيم!! غايتو ديل بكونوا مغتربين الخليج أو الحتات التانية المرطبين ديل أما ناس نحنا المجدوعين بعييييد في بلاد العجم فلينا الله و عيشة السوق إلا من رحم ربي ، دا بخصوص اولا" ثانيا" منو القال المغتربين ديل مهما وجدوا من راحة في المعيشة ما حاسين بالناس الجوة ؟ هي الناس الجوة دي أصلا" المقصود بيها منو ؟ مش ياهم الاهل و اقرب الاقربين ؟ |
هبة الماحي، ســلآم. يا ريت يا هبة الناس تعرف إننا سودانيين زينا زيهم، لكن يبدو إنهم بدو ينظروا لينا نظرة مغايرة خلتنا نسعي لأن نثبت هويتنا حتي يكفل لنا حق النقد وإبداء الرأي. يا ريت يا هبة نحن المجدوعين في بلآد العجم البعيده دي لو بيقولوا علينا مرطبين كان يمكن الوآحد فينا يقدر يبلعا. يا ريت الناس يصرفوا نظر عن مثل هذا الكلآم اللآ بيجيب لآ بيودي ويقعدوا فوق سطح وآحد ويجعلوا نقاشهم في حدود القضايا التي تطرح من خلآل البورض...
لي عودة لباقي المدآخلة بمشيئة الله...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: عزام حسن فرح)
|
الاخ معاوية المدير
تحياتي
هذا الموضوع الذي أثرته أثار في نفسي شجون، ولكن يقى السؤال هل الهجرة ترف ما الذي ستفعله لو ضاقت بك الحياة ظللت عاطلاً أو دخلك لا يكفي أو تود أن تتعلم أو هامش الحرية ضاق وفاض بك الكيل ولم تعد تحتمل ما يجري في السودان أليس الهجرة أفضل الكثيرون خرجوا من السودان لتحسين أوضاعهم المعيشية و أنا واحد منهم فمثلاً حينما تضيق الحياة بأهلي يتصلون بي لأقدم لهم الدعم وأحس بسعادة غامرة عندما أساندهم بالدعم المادي وأحيانا أضطر لأستقطع من مصروف أولادي لأسنادهم فتخيل كيف يكون الحال لو كنت بجاورهم وهو في حاجة ماسة لدعم مادي ولا أستطيع أن أقدم حلاً. علمتنا الغربة أن نكون أكثر حساسية وإنفعالاً لقضايا وطننا ونحس بها بدرجة تفوق الموجودين في أرض الوطن، لأن الغربة تجربة علمتنا معنى أن يكون لنا وطن وعلمتنا أن نفاخر بأوطاننا أينما حللنا، وعلمتنا أن نري تجارب الأمم الأخري وكيف بنت أوطانها بعرق جبينها ونحن نتراجع للوراء من الفساد والمحسوبية والقبلية والجهوية والعنصرية. دول كثيرة تكافئ المغتربين بإدخال سيارة بدون جمارك أو إعفاء ضريبي عن أثاثات منزلك ولكن حكومتنا تعتبر المغترب بقرة حلوب أقتطعت منا ضرائب لسنين عجاف بأسم المساهمة الوطنية وما زالت تستقطع بمسيات جديدة مثل خدمات، ذلك لأن فهم الدول المتحضرة أن المغترب ترك الوطن وخفف عبء الدول في الخدمات التي تقدمها له من صحة وتعليم وغيرها وترك هذه الخدمات لغيره. حتى أبناء المغتربين أصبحوا أضحوكة ويسمونهم شهادات عربية تخفض درجاتهم بالرغم من أنهم أتوا من دول أصبح مستوى التعليم فيها أفضل من حال التعليم في السودان. أحس بمغص وعسر هضم وأحيانا تنتابني حالات من الغثيان كلما تذكرت موضوع أخواننا بالداخل الذين يقولون بأننا لا نعيش واقعهم نعيش في نعيم ونناضل فقط بالكيبورد، مرات كثيرة أقول دع الناس داخل السودان حتى يصلون لمرحلة الإنفجار دعهم يحس بالمعاناة فمن رحم المعاناة يولد الغد المشرق، ولكني في كل مرة أعود وأقول أنهم أهلي كما( قالوا الظفر لا يطلع من اللحم). هذا هو أحساسنا بالسودان أذا كنتم ترون غير ذلك قولوا لنا أخوتنا بالداخل سواء مع النظام أو معارضين له حتى يتبين لنا الخيط الأبيض من الأسود.
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: وليد محمد المبارك)
|
Quote: من غير حليفة
انا لا مناضل لا مناتل لا منادل بس صاحبك دخل غلط |
الاخ الكريم وليد القصة ما قصة اني اعتذر ليس مكابرة او عنجهة
ولكن الاخ معاوية استهل موضوعو بطريقة مستفزة لمشاعر كل انسان غيور على بلده دون تمييز ان كان مغترب موال او معارض
وقد حاولت ان الفت انتباهه بان اقتبسنت جزء من كلامه ووضعت علامات تعجب واستفهام وفوجئت بالاجابة بتاعتو دونما توضيح انه كان يسخر من تلك الاصوات التي تنادي باسكات المغتربين فكان ردي على ما كتبه وليس على نواياه وعلى كل يظل الاخ معاوية اخ كريم وله الاحترام وان كان يرى فيما كتبت اساءة له فانا اعتذر له على ما اصابه من رشاش قولي وانت برضو ولدنا يا شفت
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
أسناذي معاوية...
أولا لك التحية والاحترام...
قبل كم يوم أنزلت بوست أستنكر فيه (إثارة الحماس)...
من قبل أخوة لنا في الخارج، في شبابنا داخل الوطن...
وللأسف لفحه البعض واستنكر على استنكاري...
لمن اتعقدت ذاتي...
وكل واحد بقا يعدد في جمائله وأفضاله على البلد وعلى أهله...
كأنهم مشحودين على كده!!!
وحقيقة أنا لم أستنكر على أحد أن يحمل هم الوطن...
وهم حقيقة يحملونه...
لكن أن يأتيك أحدهم بنصائح من نوع:
وإنت ماشي المسيرة شيل معاك قزازة كولا...
وبلل فوطة خليها في جيبك...
وألبس لون فلاني وماتلبس برتكاني...
فهذا ما أثار استيائي...
لأنه من يخرج في مسيرة ويتعرض لقوى البطش والردع...
كفيل بمخارجة نفسه كان يبل فوطة ولا يبل قميصه اللابسو...
وقلت ليهم هذا نوع من إثارة وتحريض ممن (إيدهم في المويه الباردة)...
عموما نظل جميعنا إخوة نحمل هم الوطن ونأمل في التغيير...
لكن خلونا نكون موضوعيين...
والسلام...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: أميرة فاروق عبد العال)
|
أخ معاوية اولاً اسال الله العوده لكل طيورنا المهاجره وخصوصاً ذوي الخبرات والتخصصات النادره حتى يسهموا في بناء الوطن من الداخل الان كل ذي خبره ثق أنه سيجد وظيفة محترمة بالداخل بس يجي يقعد ويلوك الصبر حبه المهم المغترب بالنسبه لي قريب جداً من هموم الوطن وفي زمن العولمه الحالي لايوجد شخص بعيد او يصعب الوصول اليه المشكله في المغتربين الذين يهرفون بما لايعرفون وخصوصاً الطولوا من البلد شديد تلقى الواحد يناقشك في إنو صينية القندول دي ماصاح تكون قاعده في الحته دي وانو تصميمها زاتو قبيح ووو وصينية القندول اصلاً تكون تمت ازالتها قبل سنين النوعيه دي بالجد مفروض تستلم عدد واحد سسته خشم ومعاها طبله من الحجم الكبير عشان تاني ماتنضم نهائياً .
مؤونة عام من الود
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: الذي يعمل بهذه النصيحة الخبيثة يكون خائنا لوطنه ولأهله الذين يعانون ويقول للجميع إنكم لا تعنونني في شيء، فأنا مرتاح. وليس هذا من شيم البشر الأسوياء، ناهيك عن السودانيين. هذا القول الفج هو جزء من استراتيجية فجة تقوم على التقليل من شأن النضال من خلال وسائل العصر الحديثة. ولأن النضال من خلال هذه الوسائل يرعب الظغاة وأذنابهم والمنتفعين من الطغيان، نجد أن هذا النوع من الكلام الفج يكثر هذه الأيام في سودانيزأونلاين الذي من العار أن يكون من بين أعضائه من يساند الطغيان الذي يسحق أهلنا في الداخل ويقسم وطننا إلى أشلاء، فقط من أجل أن يظل في الحكم. ثم يأتي لنا من يخترع العجلة في عصر الإنترنت، ويقول لنا أنسوا وطنكم وأنسوا أهلكم.
ياخي عيب. |
صدقت أخي حامد، والله عيب، وعيب كبير كمان. وفعلاً هذا النوع من الكلآم الفج أصبح يعج به البورد السبب الذي دفعني لأتطرق له في هذا البوست، سائلين الله ان يرتفع الجميع لمستوى الحوار علنا نصل إلي ما ينفع البلد، ويخلصها مِن مَن لا يحكمون فيها بالعدل. بكل اسف أخي حامد هذه النصيحة هي لا تُقدم لنا في شكل نصيحة إنما توجه لنا كنقد عنيف، مشفوع بسلب حقنا في التدخل فيما يخص شئون الوطن ليس لشئ غير اننا مغتربين أو مهاجرين...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: يا ود المدير، إنت ما عارف الناس العايشين برة ديل مهمين كيف للناس الجوة؟ كدى أنظر فى المسألة دى وتعال تانى!! لو عايز إعانة فى نظرك للمسألة دى ممكن نديك إعانة.. الناس ديل مربوطين بى بعض ومصالحن مشتركة.. عشان كدا من مصلحة الناس البرة برضو إنو النظام يسقط والحال ينصلح!! عشان كدا ما حيقفلو خشومهم!! منطق بسيط!! |
ســلآم يا أسامة، الناس الجوّه والناس البره يجمعهم أمر وآحد وهو مصلحة البلد، وزي ما قلت هم مكملين لبعض. انا بنتقد اسلوب البعض الذين يسعون لإقصاء الآخر بمحاولة إخراصه ليس لشئ غير انه مغترب. الحكاية دي يا أسامة اصبحت منتشرة في البورد، وهي ظاهرة غير صِحيّة يجب علينا لفت نظر أصحابها إلي انّ الوطن وآحد وهمه وآحد، وليس من حق أحد السعي لإسكات صوت الآخر. الغريب في الأمر انّ الذين ينتهجون هذا النهج معظمهم مغتربين!!! وقد وضّح هذا أخونا بلّة موسى...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: يا ود المدير، إنت ما عارف الناس العايشين برة ديل مهمين كيف للناس الجوة؟ كدى أنظر فى المسألة دى وتعال تانى!! لو عايز إعانة فى نظرك للمسألة دى ممكن نديك إعانة.. الناس ديل مربوطين بى بعض ومصالحن مشتركة.. عشان كدا من مصلحة الناس البرة برضو إنو النظام يسقط والحال ينصلح!! عشان كدا ما حيقفلو خشومهم!! منطق بسيط!! |
ســلآم يا أسامة، الناس الجوّه والناس البره يجمعهم أمر وآحد وهو مصلحة البلد، وزي ما قلت هم مكملين لبعض. انا بنتقد اسلوب البعض الذين يسعون لإقصاء الآخر بمحاولة إخراصه ليس لشئ غير انه مغترب. الحكاية دي يا أسامة اصبحت منتشرة في البورد، وهي ظاهرة غير صِحيّة يجب علينا لفت نظر أصحابها إلي انّ الوطن وآحد وهمه وآحد، وليس من حق أحد السعي لإسكات صوت الآخر. الغريب في الأمر انّ الذين ينتهجون هذا النهج معظمهم مغتربين!!! وقد وضّح هذا أخونا بلّة موسى...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: نديدي الرجل الكلس صاحب الاخلاق الجميلة. ما يهمك يا أبو المغداد, سوء فهم بسيط وأنت أكبر من كده كتيييير,,بس يجب علينا التريس وفهم المقصود قبل الرد والتجريح. مودتي التي لا تنضب |
أستاذي ونديدي سيف الدولة، طلباتك أوآمر تُنفذ قبل رد السلآم يا إبن الكرام. طولنا من أخبارك، وطبعاً ده تقصير في حقك، فلعفو يا عزيزي لآمن نلقى الفرقة ونجيك. ما يهمك يا السيف أخوك الوآطة البتحمل البتجي من السماء. تحياتي لأولآد لحين نلقاك. مشكور يا أرباب...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: يا أشرف الزول ده بكون قصدو [ضاربين لي الدردشة] ما تكون كعب ياخ |
الأخ عزآم، ســلآم. السودانيين المهاجرين في كندا زيهم وزي المهاجرين من أصقاع أُخرى يؤدون ما عليهم من واجبات، ويتمتعون بالخِدمات التي تقدم لهم. كذلك هم زي باقي المقتربين في فجاج الأرض يعيشون حياتهم الإجتماعية بإتصالهم مع بعضهم البعض لقضاء اوقات فراغهم في الدردشة والونسة. بعض الأحيان تعترضهم فئة تحاول الحجر علي ارائهم بحجة إنهم عاطاين ومبطلين، وما عندهم شغلة غير القعاد في النت وأكل الولفير، ود كلوا طبعاً ليس له أساس من الصحة، وابداً ما حاصل، وحتي لو كان صحيح ما سبب عشان يحجروا بيهو الناس الكلآم، لأنوا ما ممكن نحجر علي الناس أرائهم نسبةً لأوضاعهم وخصوصياتهم...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: doma)
|
Quote: علمتنا الغربة أن نكون أكثر حساسية وإنفعالاً لقضايا وطننا ونحس بها بدرجة تفوق الموجودين في أرض الوطن، لأن الغربة تجربة علمتنا معنى أن يكون لنا وطن وعلمتنا أن نفاخر بأوطاننا أينما حللنا، وعلمتنا أن نري تجارب الأمم الأخري وكيف بنت أوطانها بعرق جبينها ونحن نتراجع للوراء من الفساد والمحسوبية والقبلية والجهوية والعنصرية. |
أخي عادل عبد الرحمن. ســــــلآم، أشكرك علي المدآخلة القيّمة التي رفدت بها البوست. صدقني أخي عادل المشاعر والأحاسيس التي يجيش بها الإقتباس اعلآه من المدآخلة، لاتتوفر وليس لها وجود إلا في داخل نفس باتت علي ارصفة الغربة تغلي دواخلها كما المِرجل إشتياقاً للوطن، وتوقاً للأهل. تجاربنا في الغربة وما تعلمناه منها كثير ومفيد، وحتي نعكسه داخل الوطن للفائدة نحتاج إلي من يزينه لنا بالعدل، وتكون قسمته غير ضيظى. كثير من المغتربين عكسوا تجاربهم داخل أوطانهم فكتب لها النهوض علي أيديهم، أما نحن أخي عادل حتي إبداء الرأي يريدون منعنا إياه بحجة إننا عندما نبدي رأينا نبديه ونحن متكئين علي مخدات الطرب لا لشئ غير التسلية والترويح عن النفس...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
الأخ معاوية سلامات با زول يا طيب عارف جيت ناطي ليك في البوست ده أفضفض بس يا مدير الناس دي أغلبيتهم شابكين أنو ناس الخليج مرطبين؟؟؟ أي ترطيبة اها الحاضر يكلم الغايب ديل اغلبيتهم عايشين في وهم ..ديون من البنوك ده خلاف بعض ضعاف النفوس الذين يعتمدون علي بعض المساعدات من الجمعيات الخيرية...قال خليج قال وبعد ده اديهم الفصاحة و عاملين فيها مواليين و مناتلين خلي الطابق مستور
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
أيوة يا ود المدير ناس بت الشيخ وطارق جبريل ديل أصلو ما تخليهم.. رشهم رش تقيل.. ناس مرطبة ســــــــــاي وما عندها موضوع.... أصلو ما تاخدك فيهم رحمة.. لووووووووووووووووووول
_ بوستك ده أنا شفتو من أول مُداخلة ليك, لكن قُلته (النشوف أخرتها) يا زول بقينا (نسكُتْ بس..!) قالو أسكتو و سكتنا. أها قصرنا مع الناس دي. يا زول المغصة كاتلانا بس خليها علي الله, مغصة و وجع ما عارفين نلاقيها من وين( الانفصّال الحصّل و لاّ إعتقال أصحابنا و ضربهم ــ ولاّ مُطالبتنا بالسكوت) وكمان غُربة تهدّ الجبال.
رحمك الله يا خـــــــــــــــــــــالد الحاج, رحمك الله يا خال.
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: هواري نمر)
|
Quote: عموما نظل جميعنا إخوة نحمل هم الوطن ونأمل في التغيير...
لكن خلونا نكون موضوعيين... |
ســـلآم أختي أميرة عبد العال،
نعم أختي أميرة عبد العال، نظل إخوة نحمل هم الوطن، نتناقش بموضوعية، نتحمل بعضنا البعض، نميل مع الحق اينما مال حتي لو في الإتجاه المعاكس لقواعدنا التي إنطلقنا منها سوا كانت معارضة أو مولآة، بعيداً عن الكلآم الجارح، والإنفعالآت التي تثير غبار الغضب، بعيد عن خصوصيات الناس، نستمع للراي والراي الآخر، نفند الأراء، نتقبل وجهات النظر. لو فعلنا هكذا، صدقيني حتماً سنصل. مودتي...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: الطيب رحمه قريمان)
|
Quote: أخ معاوية اولاً اسال الله العوده لكل طيورنا المهاجره وخصوصاً ذوي الخبرات والتخصصات النادره حتى يسهموا في بناء الوطن من الداخل الان كل ذي خبره ثق أنه سيجد وظيفة محترمة بالداخل بس يجي يقعد ويلوك الصبر حبه المهم المغترب بالنسبه لي قريب جداً من هموم الوطن وفي زمن العولمه الحالي لايوجد شخص بعيد او يصعب الوصول اليه المشكله في المغتربين الذين يهرفون بما لايعرفون وخصوصاً الطولوا من البلد شديد تلقى الواحد يناقشك في إنو صينية القندول دي ماصاح تكون قاعده في الحته دي وانو تصميمها زاتو قبيح ووو وصينية القندول اصلاً تكون تمت ازالتها قبل سنين النوعيه دي بالجد مفروض تستلم عدد واحد سسته خشم ومعاها طبله من الحجم الكبير عشان تاني ماتنضم نهائياً .
مؤونة عام من الود |
ســــــلآم أخي محمد فرح، الشبح شخصياً !!!؟ يعني يا محمد فرح الماعندهم خبرات زينا كده ما عندكم ليهُن بصارة؟. أها هادي قعدة، إندمسنا قبلنا. لا نلوك صبر لا نلوك قصب، نلوك غربتنا دي رغم أنه طعمها مُر. كدي أمسك لي في الشبح دي، أنا والله بعتبرها جزء من خصوصياتك، كونك تكون شبح واللآ سحارية (مزحة) ده ما يهمني في شئ بقدر ما يهمني طرحك الذي هو حلقة التواصل بيني وبينك من أجل التوصل لوطن صحيح مُعافى. شايف قبل كده الناس صرفوا زمن طويل في الحتة دي، وزي ما قلت ليك انا بعتبرها شئ شخصي زيو زي أوضاعنا في الغربة إذا كنا عطالة أو شغالين بإيدينا وكرعينا. يا ريت الناس يا محمد فرح تضع مصلحة الوطن نصب عينيها وتعمل للنهوض به، ولنعلم جميعاً انّ الله لم يجعل لرجل من قلبين في جوفه، فمصلحة الوطن تتعارض تماماً مع التعصب للجهة الموالي لها الشخص.
مشكور علي مؤنة العام من الوُد، ولك مني أضعافها...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: Yassir Tayfour)
|
Quote: يا دكتور محمد حسن لما تكون مافاهم أمسك خشمك، أفهم وتعال أكتب. لقيت ود المدير زول طيِّب وجيت تِتلولّو لكي تجرمه بأي طريقة ترضي غرورك.. لو كنت مكانك لإعتذرت ثلاثة مرات، مرة للإساءة، وتانية للرواشة وتالتة للبلادة.. ! |
الا خ الكريم ياسر طيفور سلام من الله عليك اولا انا عندي 3 مداخلات في هذا الموضوع والذي اعترف فيه صاحب البوست بانو مدخلو كان خطأ مما ادى الى سوء الفهم
واعتذاري ليس عن خطأ مقصود او غير مقصود انما اعتذاري لكلمات نتيجة فهم لما كتبه صاحب البوست وانتهى
والاعتذار ليس بكميات واعداد كلمات الاعتذار بقدر ما هو احساس وفهم لتقريب ولو يرضيك نديه بدل مرة واتنين وتلاتة نديه اطنان بس انا ما اسات ليه ويظل انو مدخلو كان خاطيء
اما فيما يخص بلادتي ورواشتي فدي مسالة تقديرية
واختم بالسلام لك وعليك
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: د.محمد حسن)
|
Quote: يا دكتور محمد حسن لما تكون مافاهم أمسك خشمك، أفهم وتعال أكتب. لقيت ود المدير زول طيِّب وجيت تِتلولّو لكي تجرمه بأي طريقة ترضي غرورك.. لو كنت مكانك لإعتذرت ثلاثة مرات، مرة للإساءة، وتانية للرواشة وتالتة للبلادة.. ___ ود المدير سلامات يا زول يا طيِّب! |
تطيب لك العافية أخي ياسر طيفور، عشرآت حبابك ســلآمات. يا ياسر والله القضية ليست قضية فهم، وعدم فهم. هب أني كنت أقصد ما فهمه الدكتور من موضوعي، برضو يظل رأي، وإحترام الرأي دايماً بيكون بالرد عليهو بطريقة لائقة. عارف، عبد العزيز داؤد عليه رحمة الله مرّة بيحكي قال، سافر لحفلة في الأبيض، ومعاهو أبو العزائم، والحفلة كانت خيرية لصالح مدرسة الأبيض بنات. اها، الناس المنظمين الحفلة أخدوهم في جولة علي تجار الأبيض لتشجيعهم دعم الحفل. اوّل وآحد مشوا ليهو، ابو العزائم قال لهو، ده الأستاذ عبد العزيز داؤد الحا يحي الحفلة. الراجل بسرعة ردّ، يا زول شوف، نحن لا بنعرف عبد العزيز داؤد، ولا بنعرف عبد الظمبار، دايرين عاشة الفلآتية. الجماعة طوالي فرتكوا منه وأبو العزائم كان زعلآن جداً. قام عبد العزيز قال ليهو: يا أبو العزائم إنت زعلآن مالك؟ الناس ديل عايزين الفلآتية. خلي الجماعة في دعاية الحفلة يقولوا الحفلة بعبد العزيز داؤد راجل عاشة الفلآتية. أبو العزئم قال ليهو: إنت بتهزر واللآ شنو؟. عبد العزيز قال ليهو: والله ما بهزر. أها ركبوليك المكرفونات، ولآفين في الأبيض الحفلة بعبد العزيز راجل الفلآتية. يا زول قال ليك المسرح إتستف ناس جايين يشوفوا راجل الفلآتية. بعد الحفلة أبو العزائم كان مبسوط جداً، قال لعبد العزيز: الحفلة والله نجحت نجاح كبير!. عبد العزيز قال ليهو: إنت في الحفلة النجحت، واللآ المحيرني الدخّل عبد العزيز داؤد مع عبد الظمبار شنو؟... دحين يا ياسر أخوي، انا المحيرني الدخّل سُستة الدكتور مع سُستتي شنو؟ علي العموم الرآجل إعتذر وأصبح واجب علينا قبول إعتذاره. كتّر خيرك كتير أخي ياسر، وعليك الله سلّم لي كتير علي السودانيين في تورنتو، وخاصةً الذين رافقناهم في فترتي 89 - 90 ... وُد وتحيّة...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: haroon diyab)
|
Quote: و المقصود ناس امريكا ديل محل ساكنة هبة الماحى معارضة درجة اولى وبعديهم مافى .... يعنى انتو المقصودين اما نحن ناس الترطيبة ديل ...خارج كل التصنيفات يامعاوية المدير
|
بت الشيخ الأميرة، ســـلآم. البوست هو بالفعل بيت جميع المشردين في الأرض، سِوا كانوا مرطبين أو مبهدلين نسبةً لأنّ الذين يهاجموننا لا يعرفون عن واقعنا شئ، وحتي لو بقينا مرطبين برضو من حقنا إننا نقول راينا في البلد، والبحصل فيها. إذا في زول بيقول المرطبين ما عندهم حق فهو غلطان، الموضوع وما فيه يا أختي أميرة انّ هذه خصوصيات ما بتمنع زول أو زولة من الكلآم فيما يخص الوطن، الوطن مِلك للجميع، والتعرض للناس بمثل هذا الأسلوب يضيّع الجهود، ويصرف الناس لخلآفات نحن في غنىً عنها. لك خالص مودتي أختي أميرة...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: الأخ معاوية سلامات با زول يا طيب عارف جيت ناطي ليك في البوست ده أفضفض بس يا مدير الناس دي أغلبيتهم شابكين أنو ناس الخليج مرطبين؟؟؟ أي ترطيبة اها الحاضر يكلم الغايب ديل اغلبيتهم عايشين في وهم ..ديون من البنوك ده خلاف بعض ضعاف النفوس الذين يعتمدون علي بعض المساعدات من الجمعيات الخيرية...قال خليج قال وبعد ده اديهم الفصاحة و عاملين فيها مواليين و مناتلين خلي الطابق مستور |
أخي العزيز، أمير طمبل، ســـلآم. المسألة ليست مسألة عِرآك بين مغتربي الخليج وغيرهم بقدر ما هي مسألة رأي ورأي مخالف فيما يهم البلد، ويصب في مصلحتها. خلونا نقبل بعضنا في ناحية الفكر والرأي، ونناقش هموم بلدنا بمسئولية، وجديّة بعيد عن التطرق للأشياء الشخصية. تخيل، وآحد يبدي رأي. يقوم وآحد يأتي برأي مخالف. لحدي هنا كويسين. رأيين مختلفين ممكن ينتج عنهن نقاش يؤدي لنتيجة مُجدية. يقوم صاحب الرأي الأوّل طوالي يهاجم ليك صاحب الرأي التاني: إنت فاكر نفسك عارف فوقا حاجة؟ قاعد لي برّة مرطب تشرب في البيرة الساقطة، وتتسكع يا عاطل، يا .... الخ، والراجل يكون ما بيعرف أيّ حاجة عن حياة أخونا المغترب الخاصة، وبهذا يضيع النقاش ويضيع الموضوع، ويتعكر صفو النفوس، وكان للوطن أصلوا ضايع، وأبناءه دخلوا في التيه. نباركا يا جماعة البغلط نناصحوا، ونترك حكاية الردود السريعة لأنها دايماً تؤدي لنتائج في غير الصالح. لك مودتي أخي أمير، وأشكرك كتير علي المرور...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: أيوة يا ود المدير ناس بت الشيخ وطارق جبريل ديل أصلو ما تخليهم.. رشهم رش تقيل.. ناس مرطبة ســــــــــاي وما عندها موضوع.... أصلو ما تاخدك فيهم رحمة.. لووووووووووووووووووول بوستك ده أنا شفتو من أول مُداخلة ليك, لكن قُلته (النشوف أخرتها) يا زول بقينا (نسكُتْ بس..!) قالو أسكتو و سكتنا. أها قصرنا مع الناس دي. يا زول المغصة كاتلانا بس خليها علي الله, مغصة و وجع ما عارفين نلاقيها من وين( الانفصّال الحصّل و لاّ إعتقال أصحابنا و ضربهم ــ ولاّ مُطالبتنا بالسكوت) وكمان غُربة تهدّ الجبال. رحمك الله يا خـــــــــــــــــــــالد الحاج, رحمك الله يا خال. |
هوووووي يا هواري، بت الشيخ دي زعلآنة بالصُح، بالصُح، ونحن زعلآ ما بنقدر عليهو دحين اجآد أخوي لا تجرجرنا. أما أخونا دآك، شايفو قرّب يبقى مأذون بهناك. ما تمشي عليهو أكان يشوفلك وحيّدة. والله يا هواري بقينا زي التقول في فصل، محل تقبل تلقالك ألفا وآقف. أخير نخُت الخمسة في الإتنين. عارف، الحكاية دي خلي بالك عامة. قبل فترة في منتدي غير سودانيز، لمّ فيني وآحد في نقاش لآ إيدي لا كُراعي قال لي: إنتو ما ناس كندا. أحي يا ناس كندا، بارات ساااااكت. وحاتك ما عرفت أقول شنو!!!
اللهُمّ أشمل أخونا خالد بواسع رحمتك...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
ود المدير و ضيوف البوست سلام و متابعة
Quote: غايتو ياهبة جيتى تكحليها عميتها معاوية المدير ..سلام .. والله جيت داخلة البوست دا فى امانة الله لانو حسيت بيهو بيت جميع المشردين فى الارض لما عترت لى مداخلة الاخت هبة الماحى ولقيت عندها برضو تصنيف للمغتربين حسب الجغرافيا اوالحيز المتواجدين فيهو ودا مافى فرق بينو وبين الناس المعترضة على معارضتنا يعنى هبة معاهم فى نفس السرجِ عايزة تقول ليهم ناس الخليج ديل معارضتهم لا تقبل لانهم مرتاحين ومرطبين وبيدوهم قروش نهاية الشهر حتى من غير مايشتغلو ويتعبو...وبرسلو ليهم الاكل والشراب ديلفرى لحدى عندهم وبالاضافة لمجانية العلاج والسكن وبدوهم بدل فسحة وبدل سفر وبدل نضال اسفيرى ..... يعنى هم لا عـايـش بـرّه الـسـودان لاحاجة . و المقصود ناس امريكا ديل محل ساكنة هبة الماحى معارضة درجة اولى وبعديهم مافى .... يعنى انتو المقصودين اما نحن ناس الترطيبة ديل ...خارج كل التصنيفات يامعاوية المدير
والله ياهبة الماحى خزلتينى بمداخلتك دى صراحة |
بت الشيخ سلام و تحياتي كتير أولا" يا ستي انا ما خلعت لباس النضال عن أي زول ، ولا عن اي بقعة جغرافية ! و تعليقي كان بس في حدود فكرة الترطيبة و دا زاتو في إطار الهزار ليس إلا ! لانه كتير جدا" من الناس بتقارن بيننا و بين ناس الخليج في مواعيد الشغل و عدد ساعات العمل خلال اليوم و طبيعة العمل في حد زاتها ! و ما أظن انا بالمغسة الكانت علًي دي أجي اجرح غيري بنفس السكين ! نحنا كلنا سوا يا أميرة و كلنا في الهم شرق يعني القاعد في كندا و ضارب الكندشة داك برضو بكون شايل هم أهله و ناس بيتهم في كل كبيرة و صغيرة و أصلا" ما حيهدأ ليهو بال إلا لما يتأكد إنه كل أوضاعهم في السليم و إنهم لما يحتاجوا علاج اقل شئ ممكن يتعالجوا في اقرب مستشفي و برضو دا بكون تفكير كل زول طبيعي و عنده إنتماء لي أهله و وطنه في أي حتة في الدنيا !! ولا شنو ؟؟
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: heba Elmahi)
|
Quote: الاخ الفاضل معاوية لك التحية الطيبة من يسمع كلامك هذا يظن انك فى قلب السودان ما زولا قاعد فى قلب كندا ابقى عافية . |
الله يعافيك أخي الطيّب، ســـلآم. أينما كنا، وأينما حللنا فالـسـودآن في قلوبنا، ويحتاجنا بشدة في هذه المرحلة الحرجة، فما علينا إلا أن نرتقي لمستوى حوجة الوطن إلينا، وننى بجانبنا عن كل ما يصرفنا عن حتي مجرّد التفكير في الأمور الجانبية التي تبعدنا عن مبتغانا. تحياتي...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: معاوية المدير)
|
Quote: هوووووي يا هواري، بت الشيخ دي زعلآنة بالصُح، بالصُح، ونحن زعلآ ما بنقدر عليهو دحين اجآد أخوي لا تجرجرنا. |
يا زول قُتَّ ليك أردمهم أردهم , ناس ضاربة الترطيبة ومعونات الآمراء والشيوخ, بس حايمين من كورنيش لي كورنيش والماهية تنزل في حساباتهم ....ومن غير شغل..,واخد بال حضّرتك..... شُفتَّ طارق جبريل وبت الشيخ....أصلو ما ترحمهم لووووووووووووووووول.
Quote: أما أخونا دآك، شايفو قرّب يبقى مأذون بهناك. ما تمشي عليهو أكان يشوفلك وحيّدة. |
يا زول بقي مأذون وخبير زيجات كمان, بس تقولو المواصّفات, يمين يجيّهك تبْ, أصلو ما بقصر.. غايتو رسلنا البيانات وجاري البحث.... الله يسخطك يا مسنوح.... .. كتلتني بالضحك ياخ.
Quote: والله يا هواري بقينا زي التقول في فصل، محل تقبل تلقالك ألفا وآقف. أخير نخُت الخمسة في الإتنين. عارف، الحكاية دي خلي بالك عامة. قبل فترة في منتدي غير سودانيز، لمّ فيني وآحد في نقاش لآ إيدي لا كُراعي قال لي: إنتو ما ناس كندا. أحي يا ناس كندا، بارات ساااااكت. وحاتك ما عرفت أقول شنو!!! |
قُت ّ لي باراااااااات ساكت, ياخي حظكم يااخ, ما تدونا حاجة, إن شاء الله في كيس. ياخي ما عارف ليه كُل زول بفرض وصايته علي الباقين ياخي من حق زول يقول رأيه وبكل إحترام, من غير فرض وصاية أو تدخل أجنبي أو أمم مُتحدة...هههههه حق الزول في الكتابة والرأي بقيف عند حد الزول التاني, موش كمان يتخطاهو ويبقي وصي عليه الله كريم الله كريم يا أخوي ورحم الله خالد... الزول الطيب.
تحياتي يا صاحب وياخي شوف ليك إجازة وتعال نتلم في بلد سيف كامل
.
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: هواري نمر)
|
Quote: يامعاوية سلامات يازول كلو كوم ومناضلين الخليج كوم تاااااني الواحد قاعد ليهو في افخم مول وقدامه كباية ( كبتشينو ) ويطقطق في الكيبورد ....المظاهرة الساعة تلاتة.....!!!! اقول ليك : امسك في كلام امير طمبل ده قوووووووووووووي ....!!!! سلام |
هارون يا صاحب، الســلآم ليّك، وللمعاك. أمير طمبل وحات معزّتك هو وكلآموا علي العين والراس، بس اهمّ حاجة تشوفولنا عضوية مع مناضلين الخليج. ما وراء البحار دي نشفتنا نشاف عدوك. حكاية الكبتشينو الظاهر حا تتأخر شوية، لغينا مشية السودان الصيف الجاي. مودتي...
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: Safia Mohamed)
|
ازيك يا دوك اولا مشتاقين وثانيا ان بتعرفيني كويس انا قريت المدخل الاول كويس وعملت علامات تعجب واستفها صاحبك رد علي رد اقريه واحكمي علي انا ما بقدر ادخل جوة نفوس الناس عشان اعرف النوايا حسب مدلول الكلمات بفهم فردي كان رد على كلامو يعني كلامنا الاتنين حسب منطق التسلسل بي فهم بعد كدة اخونا ود المدير جزاه الله خير قال فعلا مدخلي خطأ خلى الناس تفهم غلط فلا تثريب يا صفية واكررشوقي
| |
|
|
|
|
|
|
Re: عـايـش بـرّه الـسـودان ؟؟؟ ... أمـسـك خـشـمـك عـلـيـك !!! ... (Re: فضل الصادق)
|
Quote: طبعا يا ود المدير بوبوستيك ده في البداية بعمل زغللة ..وما تلوم د. محمد حســن غايتو إن كان ما مشيت فيهو شوية ...كان بقول كلامو زااااتو هاهاهاهاها بالجد هبشت وتر حساس شديد تحياتي |
الأخ إدريس، ســـــلآم. بصرآحة يا ود البدري ده الحاصل، ما تفتح خشمك إلا ينطليك وآحد. في النهاية حقو الناس تركز علي إختلآف الأراء الذي قيل إنه لا يفسد للوُد قضية، شرط إنتقاء العبارات المقبولة. الحمد لله إنّك عصرت علي الصبر. أهلنا قالوا السُترة والفضيحة متباريات. هسّع أكان ما عصرت علي الصبر، أكان خليتنا نتعضر سااااكت. يأخي كتّر خيرك كتير. أنا والله سعيد بمرورك وُد وتحيّة...
| |
|
|
|
|
|
|
|