الوعي الذكوري

Quote: المناضلة مناهل اشكرك على الإطراء بعدين انا هنا قرفانا من اسلوبك البوديني امشي الفيس بوك شنو عشان اقرف زيادة وكيف توريني وإنتي اصلا ما عارفة حاجة اختاروك كوجه جميل لتمرير اجندة معينة وجذب شريحة معينة ما اكثر من كده . اما حتت ما تردي علي دي كويسة جدا اهو برضوا ربنا كفاني شرك.

كلامك الفوق ده يا شوقي عيب في حق مناهل او حق المنضمين لحركة قرفنا , ما حا اقول ليك زي ما قالوا الزملاء هنا انك بتحاول تكسر مقاديف مناهل عشان تحجمها او ما اليه من الكلام المكرر. انت طعنت في اخلاق مناهل و في مبادئ حركة قرفنا. لانو مناهل بت جميلة ما بديك الحق ياشوقي انك توصفها بأنو تم إختيارها بعناية عشان جمالها لجذب شرائح معينة لحركة قرفنا!! ده شنو عدم الحساسية و إنعدام ادب الاختلاف الانت فيهو ده يا شوقي ؟ و ليه ده كلو ؟ لانو مناهل هزمتك و رفضت تناقشك لتدني مستوي حوارك و تواضع قدراتك قدامها ؟ انا متأكد انو مناهل دي لو عندها اخوها و عارف يصلك كيف انت ما كان كتبت كلامك ده و كان إتأدبت في خلافك معاها. لانو عقليتك البتحاور بيها دي بتقبل الطريقة دي بس من التفكير. اتمني انك تراجع موقفك تاني و زي ما قالوا ليك الزملاء انت قلت رأيك و شكرا جزيلا دع الاخرين يقولوا رايهم , مناهل هزمتك , خليك فارس مرة واحدة و اقبل الهزيمة او امشي حضر كويس و تعال ناقش مناهل نقاش تاني غير نقاشك بتاع انتو منو و عاوزين شنو ؟