|
هزة ارضية خفيفة بالامارات
|
بالامس حوالى الساعة 12.30 و 1 صباحا شعر بعض السكان بالامارات بهزة ارضية خفيفة وعلى ما اعتقد تكون كانت درجتها بين 2 الى 3 رختر
|
|
|
|
|
|
|
|
Re: هزة ارضية خفيفة بالامارات (Re: ALGARADABI)
|
الحبيب مصطفي
دي هزات ارتداديه نتيجه لهزات في مناطق قريبه مثل ايران وباكستان
فامس كانت هناك هزه في باكستان واجزاء من ايران 7.3 درجه بمقياس رختر
وفي الفجيره مثل هده الهزات عاديه
يا قرض
انا زاتي كنت نايم صحاني تلفون قال لي عندكم زلزلا قلت لي واتغطيت نمت تاني
ارضي يا معلم
| |
|
|
|
|
|
|
Re: هزة ارضية خفيفة بالامارات (Re: مصطفى توفيق)
|
سلامات مصطفى توفيق ..
هزة أمس دي ولا كانت خفيفة ولا حاجة ياخ السرير كان بهتز لمن قرب يقع بي وبقى يعمل صوت عالي
لحظات قليلة جداً لكن كأنها ساعات ..
كنت على غير العادة صاحية وفاتحة سودانيز وببحت في الأرشيف قلت يا ربي هبيش الحاجات المركونة بيعمل كدا؟
ربك يسلم الجميع ويسلم أرض الإمارات ..
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
عباس وقرضابي إزيكم ..
أمس الصباح كنت بقرا في كلام لي رحاب خليفة في واحد من البوستات بتقول فيهو ما معناه إنو النساء والكلاب هم أول من يشعر بالزلازل والهزات عند حدوثها، بالليل لمن حصلت الهزة قلت لي روحي يا بت دي بتكون تخيلات ساي عشان خاتة الكلام داك في بالي ..
طلع جد!
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
يا تيسير ما سمعتي الشاعر علي بن الجهم حينما أتي من البادية وقبل أن يتهذب بأدب الحضر وينشد عيون المها بين الرصافة و الجسر أنشد مادحاً خليفة المؤمنين:
انت كال###### في الوفاء وكالتيس في قراع الخطوب
يعني ال###### أقل حاجة وفي
ما زي بنات حوة والرسول قال ينكرن العشير يعني وفاء تك
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
تايسا
قلتي لي شنو البحس بي شنو
الحمد لله طلعت راجل
نايم ولا حاسي بي شيء
سمعت الكلام في صلاه الصبح قال في هذه ارضيه فتحت الجزيره لقيت باكساتن وايران فيهم عرفت السبب حمد لله الخلاني راجل
ال
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
Quote: تاني عادي يا عباس لو داير تمدح ليك واحدة تقول ليها أنتِ كال###### في الإحساس .. |
و لازم تشرح ليها علاقة الاحساس بي الك## (الكاروهات دي من عندي) بي الهزة الارضية
يعني نظام انك بتتعامل مع كارثة.
عباس اوعك تسمع كلام تيسير دي
| |
|
|
|
|
|
|
Re: هزة ارضية خفيفة بالامارات (Re: abas)
|
غايتو يا تيسير دي معلومات لله في الله أولاً : كثير من المصادر تذكر أن الإنسان لا يحس بالزلازل الا بعد وصوله درجة 4 ريختر ( لاحظي انتي القلتي انو النساء اول من يحس بالزلازل) ثانياً : اكثر الحيوانات حساسية للزلازل هي الخفافيش والزواحف ( الحية -انثى الثعبان- مثلاً) غايتو شايف كومكم بقى كبير (حسب قولك) الكلاب والنساء ثم الخفافيش والزواحف كالعقارب والحيات (حسب مصادري) ....
| |
|
|
|
|
|
|
Re: هزة ارضية خفيفة بالامارات (Re: ناصر احمد الامين)
|
هزة شنو يا اخوانى ..؟؟ قولول بسم الله ..
وحاتكم انتو لا حسيت بي هزة ولا هبشه .. مع انه صاحية لغاية الساعة 12 ..
أي نعم فقدنا عنصر الدهشه .... !!
لكن كمان نفقد الاحساس دي تكون مرحلة متأخرة جدا ..
ولا يكون كلام الكاروهات والنساء هم اصحاب الاحساس طلع بيييييييش ...ههههههه
| |
|
|
|
|
|
|
Re: هزة ارضية خفيفة بالامارات (Re: ناصر احمد الامين)
|
يا ناصر
غايتو الهزات كترت الايام دي وبقينا كل يوم مهزوزين
أتصلت عليك قبل الهزة ما هزيت
أتصلت عليك هزه ما هزيت برضه
رسلت ليك هزة حلوة أقراها وأتهزه وما تفتح بوست عليك الله وكلم الحلوين العازين يتهزو
| |
|
|
|
|
|
|
Re: هزة ارضية خفيفة بالامارات (Re: عوض عبدالله طه)
|
الزوول ..
Quote: غايتو يا تيسير دي معلومات لله في الله أولاً : كثير من المصادر تذكر أن الإنسان لا يحس بالزلازل الا بعد وصوله درجة 4 ريختر ( لاحظي انتي القلتي انو النساء اول من يحس بالزلازل) ثانياً : اكثر الحيوانات حساسية للزلازل هي الخفافيش والزواحف ( الحية -انثى الثعبان- مثلاً) غايتو شايف كومكم بقى كبير (حسب قولك) الكلاب والنساء ثم الخفافيش والزواحف كالعقارب والحيات (حسب مصادري) |
مصادرك دي تبلها وتشرب مويتها أها هزة أمس دي من 2 لي 3 بي مقياس ريختر "على ما يعتقد صاحب البوست" أنا غايتو ريختر حقي كان حاسبا من 10 لي 11 تقول لي شنو؟ هسي يا عوض من الزواحف ما لقيت غير الحية؟ أم أربعة وأربعين دي مالا عيبا لي
حكاية الكلاب دي عارفاها من زمان حتى بقولوا ليك أول الحيوانات اللي حتشعر بقيام الساعة هي الكلاب إلا حساسية النساء للزلازل دي عرفتها أمس الصباح وجاني البيان بالعمل الساعة 12 بالليل
زمان في حلتنا عندنا ###### لو جات عربية مكركبة ساي بي جنبو تلقاهو قام على حيلو وإضنينو أخدت شكل مثلث متساوي الأضلاع في كل مرة بيكون قايل القيامة خلاص قامت ..
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
Quote: إلا حساسية النساء للزلازل دي عرفتها أمس الصباح وجاني البيان بالعمل الساعة 12 بالليل |
يطرشني طرش الترب ..لا حسيت لا نشيت
كما الـ T بوي سألني الصباح عنو كان لليلة تسطيح العدو ..
ـــــــــــــــ
ماقالو ياتو نوع من النساء ..؟
| |
|
|
|
|
|
|
Re: هزة ارضية خفيفة بالامارات (Re: داليا حافظ)
|
Quote: ماقالو ياتو نوع من النساء .. |
بالله زى أهل الكهف , ماسمعتها إلا فى الأخبار وأنا ماشة المكتب.
فى داعى ياتوتى تقولى انك حسيتى بيا؟ أها داليا وأنا نعمل شنو فى الحالة دى؟
| |
|
|
|
|
|
|
Re: هزة ارضية خفيفة بالامارات (Re: ندى عثمان حسن)
|
عفاف وداليا وندى !!
دا شنو يا نسوان؟؟
لما الحكاية جابت ليها كـلاب قلتو أحسن ننكر؟
سمح
ياخوانا هوي ما تاخدوا بي كلامي ولا كان في هزة ولا حاجة
أنا أظني كنت حلمانة وبهلوس ساي ومتعشية تقيل ..
| |
|
|
|
|
|
|
Re: هزة ارضية خفيفة بالامارات (Re: تيسير عووضة)
|
Quote: عفاف وداليا وندى !!
دا شنو يا نسوان؟؟
لما الحكاية جابت ليها كـلاب قلتو أحسن ننكر؟
|
هههه هه ههههه هههههه الله يجازي محنك ..
لا والله عن نفسي يشهد الله ما حسيت ..
اما موضوع ال ك ل اب .. ده موضوع تاني .. والشينه منكوووووووووره ..
| |
|
|
|
|
|
|
Re: هزة ارضية خفيفة بالامارات (Re: عفاف الصادق بابكر)
|
Quote: لما الحكاية جابت ليها كـلاب قلتو أحسن ننكر؟ |
تايسا
شفافتيك دي بتجيب لينا الهواء ..
ـــــــــــــــ
على رحاب خليفة تحمل تبعات جلب مثل هكذا نظريات ..
وحكمك مخفف عشان ساهمتي في نشرها..
ناس الرفق بالحيوان يمتنعون ..
كان كــــــــلاب مابعرف ..
| |
|
|
|
|
|
|
Re: هزة ارضية خفيفة بالامارات (Re: عفاف الصادق بابكر)
|
غايتو ان كنت مكوع علي اعلي قوز رمال في الربع الخالي
نافخني السقط وشاغلني رزاز المطر ما مخلي الفحم يولع
لا هزت لا رجفت لا عضت علي العناب بالبرد علي قول القرضابي
تيسير تكون كانت حلمانة زي الموضة بتاعت سودانيزاونلاين
اوعايزه تشتهر بانها من جمعية الرفق بالكـلاب الحساسة
غايتو انا سالت ناس بيتم كلهم نفو الكلام ده وعادي ممكن
تعتبرو الكلام انتهاك للملكية الفكرية وتعملو ليها مشنقة
حتي تجيب صورة رنين مغنطيسي للمخيخ الاعلي ونشوف فيهم كم قيقابايت
| |
|
|
|
|
|
|
Re: هزة ارضية خفيفة بالامارات (Re: محمد البشرى الخضر)
|
محمدالبشرى .. الله يطمنك يا الحبيب..
Quote: مافي هزة ولاّ حاجة .. أها |
اها الليلة دى قلت اصلى ما بنوم فى سرير قاعد فى الواطة دى.. وكنت ناوى انوم فلفلت .. دحين بتعرفو (فلفلت) جنى وجن الحاجات بتاعة بالليل دى
__________________ بالمناسبة البوست ده دمه خفيف لكن خلااااااااع
| |
|
|
|
|
|
|
|