الوهابى عماد موسى محمد!!

Quote: ولو تحداني د. محمد قرشي لآتي له بالدليل فأنا عند التحدي وإن سكت أمسكت عن "التنكّت" من"جحّار" الأشرطة وما دام هو طلب الصلح فالصلح خير لكن البيان مطلوب

و الله إنت راجل عسل !!

ياخي عارفك بتفهم الكلام على مزاجك لكن ما للدرجة دي كمان ..

عموما أنا آسف جدا لحسن الظن بيك مرة تانية .. و طالبني توضيح :

أنا ما طلبت الصلح .. أنا بس وضحت إني ما رافضه كمبادرة حسن نية مني علشان صاحبك الخلوق د.عارف ما أكتر ..

و حتى الصلح ده عنده شروط !!

يعني بإختصار مستني د.عارف يجي يوضح لي رأيه في السؤالين الفوق ديل ..
علشان لو إنت ما غلطان فيني كلو كلو .. ده حينبني عليه أشياء ..
أما إذا كنت إنت غلطان و إقتنعت بكده .. حأكون طالبك إعتذار قبال الصلح ..

بعدين دي فرصة أوضح من جديد مشاكلك في الحوار ..

إنت بكلامي مع د.عارف طوالي رسمت صورة عريضة ليها المضامين الآتية :
1) أنا خايف منك
2)أنا غلطان و إنت ماسك علي ذلة
3)إني عاوز أصالحك علشان ما تفضحني
4)إنو بيناتنا تحدي أنا بهرب منو


و لو ما واعي بإن دي الرسالة البتصل للزول البيقرأ كلامك برضو بعذرك ..
أما إذا كنت واعي بيها تبقى بتثبت في روحك صفة سوء الخلق ..
لأنو لما إنت تفهم إني طالب الصلح و تجي ترد كده كأنه صلحك ده منة بتتفضل بيها علي ..
ده بيكون إسمه سوء خلق ..

عموما لسه في إنتظار د.عارف الركابي ..
و ما حأرد على باقي كلامك لحدي ما يجاوبني ..
و عندها لكل حادث حديث ...