الناس كالفواكه فتعامل معها بحسب نوعها

Quote: لما جينا المكان دا هنا زمان .. كان لما تكتب ليك حاجة وما متأكد حتى من مصدره بتدخله بين (قوسين) دا الشي الكان متبع لكن مسالة إنك تجيب حاجة دي فمفروغ منها .. تجيب مصدره طوالي .. تطورت الفكرة دي إلى أن وصلت مرحلة هذه الايقونـة .. وتعقب السارق في المكان دا .. اخد ابعاد كتيرة جدا في ناس متخصصين فيهو وذلك من أجل تجريم الآخر .. طيب البمنعك شنو تضع الايقونة دي وتخلص نفسك من المسالة دي عشان ما تدخل في حتة ضيقة ..؟ مسالة ترسل للواحد بي تحت دي عملت مشكلة هنا قبل كدا .. كان هناك فرصة كبيرة جدا لسارق البوست يجي يسمع كلام الناس .. ويعتذر ويكتب كلام كويس .. الناس الهان دي متسامحة لكن ما تعمل فيها فتك وربنا اداك مية لسان .. طالما إنت بتشتم بي لسانك دا في ناس عندها اللسنة بتعرف تخلص بيها حقها من غير ما تشتمك .. لكن بتعريك .. وبتبين نوعيتك دي وتصرفاته في منابر الحوار .. لذلك .. اختلف معاك في مسالة رسلو ليهو بي تحت .. طالما كتب الكلام دا هنا واصر عليهو .. يتحمل نتيجة ما كتبو .. ونتيجة الشتيمة القاعد يعمل فيها دي ..