جلد فــــــــــــتاة سودانية ؟؟؟ هذه هي الشريعه

Quote: ما يتعلق بموضوع الاخ امين اسالني انا مش الجمهوريين وارجع لبوستاتي كلها وانظر للغة خطابه المتدني في التحاور وانا لا انزل لدرجته مهما حصل تعرف اتصل بي السنة الماضية مباركا لي زواجي كتر خيره وقال لي والله انا بكتب واقول فيك الكثير وانت انسان كويس لا ترد ما قلته لك او من هذا القبيل شكرته وقلت له قول ما تريده تجدني ان شاء الله من الصابرين لان لي قضية اتحمل في سبيلها كل انواع الاذي هنا عند تماديه وزيادة لغته فضلت الا اعيره اي اهتمام لكن لا اكرهه ولا اسبه ولا اكتب اي حرف غير محترم فيه فهو ما اعني عندما لا يتفق معك الفرد يحاول استخدام لغة الاثارة والتقريق والشتيمة مسامحو ل الله

أولا : سلام
ثانيا : وين أنا شتمتك ؟ أنا اتهمتك - و لسه بتهمك - انك :
- بتفتح بوستات و ما بتكون عارف أساسيات الموضوع ( و ده من حقك بالمناسبه ) و من حقي أقول ليك إنت ما عارف طالما بدلل علي كلامي . سالتك في بوستك ( تاريخ التعذيب في الأسلام ) عن (هل الأسلام بيقر التعذيب ؟ ) قلت لي ما عارف قلت ليك لو ما عارف إجابة السؤال ده : نناقشك و نحاورك في شنو ؟! هل دي شتيمه أو اساءه ؟
فاتح بوست بعنوان (جلد فــــــــــــتاة سودانية ؟؟؟ هذه هي الشريعه ) قلنا ليك جيب لينا دليل من الشريعه إنو الجلد ده تم موافقا لقوانين الشريعه ، عملت فيها رايح .
- قلت ليك إنت بتقص و تلصق في الكلام بدون نقاش و ما بترد علي اسئلتنا و لا بتناقشها أصلا و عندك البوست ده و بوست ( تاريخ التعذيب في الأسلام ) كدليل .
مافي شتائم و لا اساءت : في سخريه من قصرك المعرفي و جهلك بما تفتح من مواضيع و ده حق أصيل من حرية الكتابه و التعبير .
ثالثا : أنا أصلا ما اتهمتك انك أسئت لي عشان تقول انك ما سبيتني .
أنا أصلا ما سبيتك - لا إنت لا غيرك - و أحسب إنو أنا بناقش الناس بالتي هي أحسن ، إتفقو أو إختلفو معاي : ياخي أنا بناقش هشام أدم اللي هو أبعد خلق الله رايا من رايي بكل أدب و إحترام - و لسه عندنا باقي نقاش في بوستك بتاع ( تاريخ التعذيب في الأسلام ) ، يبقي كلامك إنو أنا بسئ للمختلف معاي في الراي : كلام ساكت لا يقوم علي منطق ولا حجه .
رابعا : ما عندي شك انك قررت ما تتناقش معاي - و إنت أصلا ما بتفتح بوست لنقاش أو حوار - لانو أنا بعريك و بعري عدم منطقك و عدم مقدرتك للحوار أصلا بغض النظر عن الموضوع شنو .
خامسا : ما شايف أي سبب لذكر إنو أنا اتصلت عليك لتهنئتك بزواجك في البوست ده لانو ده ما عندو علاقه بالحاصل هنا ده : و بالمناسبه أنا لسه علي رايي انك أغلب الأحيان ما بتسئي حتي للبسيئو ليك لكن ده ما عندو علاقه برايي انك بتفتح بوستات بدون ما يكون عندك أدني معرفه و علم للموضوع و الأزفت و الأضل بدون دخولك في الحوار حول الموضوع .
سادسا : إنت ما مطالب ببذل أسباب عدم رغبتك في الحوار معاي - اللي هو أصلا معدوم - باعتبار إنو من حقك تحاور الدايرو و تتجاهل الما دايرو : لكن ما من حقك تطلع لغتي متدنيه و بتاعت اثاره و شتيمه لانو كلامك ده ما صحيح و أي زول متابع عارف إنو كلامك ده ما هو إلا سبب للهروب من نقاشات - بتفتحها إنت - و إنت ما عندك قدره علي مناقشتها و لا الحوار حولها .
سابعا : إنت لو قايلني بخش بوستاتك عشان أصلح ليك معلومه ولا استفيد من معلومه تبقي غلطان : عشان كده أنا ما فارق معاي إنت ترد لي ولا لا ، لانك إنت أصلا ما بترد علي أي حاجه عندها علاقه بالنقاش .
ثامنا : إنت مفروض تشكرني لانو ( استنهاضي ليك ) جاب نتيجه و شايفك اجتهدت شويه و جبت أجوبه علي اسئلتنا في البوست ده - نتفق أو نختلف معاها ده موضوع تاني - لكنها أجوبه و محاور ممكن الناس تناقشها .
تاسعا : كل ما تفتح بوست يكون - في تقديري - فيهو اساءه للاسلام - زي معظم بوستاتك - تلقاني قدامك : ترد ما ترد ما يهمني : و والله كان كلمت بكري يوقفني تكون ريحتني ذاتو .
عاشرا : ما عندي عاشرا لكن كان لا بد من وجود عاشرا لانو دايما النقاط بتكون عشره : عشان كده حا أخليها دعوه : أسال الله أن يهدينا جميعا لما يحب و يرضي .