|
اجمل تعليق اسمعه من( قيادي جنوبي) عن تحرشات الانقاذ العسكريه بالحدود!!
|
اخوتنا الجنوبين خير من يجيد النكته خاصه من اقام منهم في الشمال...ويبدو ان كثرة المرارت تزيد من مقدرات المرؤ على الفاكهه. سالته ما اسمع من تحرشات في حدودهم مع اقليم دارفور وعن الاعتدادت عليهم بحجة مطاردت قوات مناوي!!
فاجابني ضاحك(يابت اختي)....الزول لو عنده عرس كبير وكل حاجه منظمه تماما وده يوم فرح حقيقي....وجاءك صعلوك عامل فيها سكران كايس له شكله....بتضارب معاهو وتخرب العرس ولا بتنادي لك جماعه من العاقلين تقول لهم بالله السكران ده زحوا بعيد من عرسنا!
قلت له طبعا الخيار بتاع منادة عقلاء لابعاد السكران افضل. فضحك وقال لي دي سياستنا مع الجبهجيه ديل العايزين يبوظوا لينا الفرح بالعرس الكبير بتاع الاستقلال!!
نتحملهم ونتحمل كل الصعاليك الزيهم لحد ما نكمل العرس! وبعدين نشوف آخر الصعلقة و الفتونه دي وين!! فقهقهت جزلي بروعة الحكمه(هههههههههه)!!
وقلت لله كثر خيرك طمأنتني ويعلم الله لكم حكمة سلاطين افريقيا! بارككم الله.
فاليكتمل العرس اولا
وباقي السكارى امرهم هين!!
|
|
|
|
|
|
|
|
|