|
Re: من هم اولاد البندر في سودانيز اونلاين؟ (Re: فيصل محمد خليل)
|
علاء
وانا مشيت وين يا مسنوح؟؟
أنا المولود جنب بوابة عبد القيوم السيدا ما بنوم
القريت في الأميرية المدرسة اُم ساعة اُم جَرَس
الدرس فيها درَس والما درَس فيها ما دَرَس
ات قايل البندرية بجيبوها بالاقتراب من بوابة عبد القيوم او القراية في المدارس الاميرية ؟ خم وصر كان دي حجتك
| |
|
|
|
|
|
|
Re: من هم اولاد البندر في سودانيز اونلاين؟ (Re: عبدالفتاح أبوشيمة)
|
Quote: ديل ما بتعطروا الا بالعطور الباريسية وما بلبسوا الا الملابس الباريسية وما بعوموا الا في الجاكوزي هم زي خالي شوقي بدري ديل كان لكل منهم سواق خاص بوديهم وبرجعهم من المدرسة - تقول لي ود المحرب وهجو الاقرع بتاعين البطان |
الأخ الطيب شقوق لك التحية والتقدير .. رأس السوط ضربنا ! ناس البطان عيبهم لي ؟
| |
|
|
|
|
|
|
Re: من هم اولاد البندر في سودانيز اونلاين؟ (Re: Amani Al Ajab)
|
يا ابو شيمة
مولانا سرع لينا
بالتعريف الدقيق لي ود البندر
هسع جاي ناطي زعلان قايل نفسك من ناس البندر؟
يا اخي ممكن تكون في نمرة 2 او الرياض او الطائف او المعمورة وبرضو لا تصنف من ناس البندر
معايير البندري القانونية هو ذلك الشاب الانيق الذي عندما يتحدث بلولو لسانو ولا يمشي بتكى تكية تكية ولا يأكل بفضل كتيييييييييييييييير وما بحب حد يزورو الا بعد يتصل فيهو ويقول ليهو اظهر لينا يا اخي نواصل في المعايير بعد قليل كلاكلة ؟ كلاكلة تطلع زيتك يا رطاني
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
اماني
الأخ الطيب شقوق لك التحية والتقدير .. رأس السوط ضربنا ! ناس البطان عيبهم لي ؟
نحن لسنا في سياق الحديث عن العيوب وانما نحكي عن الكوالتيز الحضارية
يعني كونك لبستي جينز و تي شيرت وحاجات تانية حامياني لا تجعل منك او من الحرب وما جاوره بندراويين
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
Quote: الاغنية سخنت والمسرح اتملا باولاد امدرمان الاصليين والوافدين كمال قرشي لكزنى قال لي قوم يا ود شيقوق هز مع الناس ديل انت باني ليك بيت حدادي مدادي في امدرمان والبرقصوا ديل اسياد اراضي فاضية في صالحة وام بدة . |
هههههههههههههههههه والله الليله مزاجك رايق خلاس الجماعه وراك ضرررررررررررررررررره
| |
|
|
|
|
|
|
Re: من هم اولاد البندر في سودانيز اونلاين؟ (Re: خالد المحرب)
|
هههههههههههههههههه والله الليله مزاجك رايق خلاس الجماعه وراك ضرررررررررررررررررره
ما داير تديني سحبة يا سجم الرماد الشوم الفقر
اختاني خليهم يبروني زي بقرتي سرية ساعة العلوق وقت المغربية
اولاد البندر ما ناقشين كلامي دا خليني اقدل بيهم سااااااااااااااااااى
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
ود شيقوق
Quote: ات هسع قائل اولاد البندر ناقشين كلامك دا ؟ قال ضهرة قال - ضهرة تطلع زيتك امشي كدا بلا ضهرة بلا ويكاب |
هههههههههههههههههههههههههه
اسمع في السودان الجديد كتبت هجوالسافل وهجو الصعيد
واحدة ادخلت هجو السافل بين قوسين وقالت اعوذ بالله من دي بذاءة لسان
هههههههههههههههههههههههههههه
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
هجو السافل
الزولة ماعرفت السافل من الصعيد
يمين فيالشكلة دورت جد ضرب بالعكاز الزول صراف صرف جد الجماعةيقولو الراس تلقاهو عمل حاجز
غطاء للراس يقولو وراء الضهر الركبة مافي طريقة واحد كورك الزول سراتو ود البندر فهمو كمل
ماعرف السراه شنو لطشو جابو ليك الوا طه
| |
|
|
|
|
|
|
Re: من هم اولاد البندر في سودانيز اونلاين؟ (Re: محمد أبوالعزائم أبوالريش)
|
ود ابو العزائم
خايف عنكوليبك زاتو تكون بتكوجمو ساعة العشا.سجم معاك في الخط ولا شنو وحاة الله لهجتكم وااااااااااااااحدة نفس لهجة السجم دا معاى هنا كرهني مسقط
السني النان إت يا سجيمان .... بقرتك علوقا مغربية ..... وحمارك علوقو ساعة الشد؟
وحاة الله بيكون السني اتصل بيك يا مسنوووووووووووووح
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
Quote: اولا د البندر خشم بيوت
مثلا ود الكامل شيقاااااااااااااا هاشم خلف الله محمد عبد الرحمن - القرير طارق جبريل ود بندر لكن ما شال من البندر سجم خشمو
ذكروني على بال ما اكمل عنكوليبتي دي |
شيقا وديني مشتاق ليك وجيت مخصوص عشان اسالمك والقصيدة عشانك برضو نزلتها
| |
|
|
|
|
|
|
Re: من هم اولاد البندر في سودانيز اونلاين؟ (Re: طارق ميرغني)
|
بس يا هو ده الكلام .. كلام طارق ميرغنى ..
Quote: اما بالنسبه للخرطوم اي واحد جاء للخرطوم بعد القرن التاسع عشر
بنعتبروا ما من الخرطوم |
بالله يا اخوانا اى زول اهلو جونا فى الخرطوم دى بعد 1800 ميلاديه اصلو ما يتخيل نفسو مننا .. والكلام واضح ..
تحياتى للجميع ولصاحب البوست .. ولبدرالدين الامير الوافد الجديد على البندراب ..
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
المرتضى
Quote: على أيامنا لم يكن المجتمع السوداني يعرف هذه الأشياء وكانت البيوت – على اختلاف المستويات المادية – تتساوى في المأكل والملبس وأفلام ديجانقو والدافوري وأغنية بخاف بالذات منطقة - ألملم في خطاوي الشوق وازور بيتك - وونسة عمود الكهرباء بانتظار مرور الكهربا.. وأول العيد بيت الجميلة مباشرة بعد الأهل ونظره يا السمحه ام عجن.. باختصار ، كانت مشاكلنا بسيطه بالريده بتُحَل هسه رفيقا الطفولة طراوه وكوستاوي تلقاهم يضحكوا ملْ أشداقهم عن شواربها ويسهر ناس العنكوليب جرّاها وينهمدوا.. |
نسيت نسيت شكرا ذكرتني وحاة الله البشوف مصابين السكري عندكم لابسين عراريق الساكوبيس والفنيلة ام شيالات ظاهرة جوة الصدر المافيهو دقداق وجالسين في الكراسي برة البيوت والكدوس مختوت فوق علبة الانفورا عيييييييييك يشتهي السكري عندكم .
بالله نحن ديل مش افسدنا الحياة البشرية الواحد فينا منتظر بتين يفضوا ليهو علبة الانفورا عشان يمشي يعبيها تمباك من الصاموتي .
Quote: بعدين إنت القال ليك الجاكوزي بعوموا فيهو منو؟ |
والله بعوموا فيهو او ما بعوموا انا يوم داك مشيت جلبغت فيهو زييييييييييين في فندق بيت الفلج وجيت مقبل بيتنا
Quote: ذكرتني صديقنا الأمين المبارك إبن القرية ، سألته زميلة له في الجامعة من اللواتي يعطشن الجيم ويجوِّعن اللام كما قال أحدهم، سألته: إنت يا أمينو من نمره اتنين؟ فرد عليها: والله يا اللُخُت نحن نمره اتنين دي ما سمعنا بيها إلا في تعشيقة اللوري والحلاقه. |
_
ههههههههههههههههههههههها مباااااالغة دا بكون من عينة ناس طارق جبريل والطيب قريمان وفاروق ابو حوة
Quote: أجمل مافي هذا البوست، كما تفضلت ، أن أتتنا ، بعد غياب ، أستاذتي الجليلة الرائعة د. أسماء محمد عبدالحليم فلها التحايا الزاكيات. |
نحييها ومنا لها أطيب الاماني
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
ود الاقرع
Quote: شيخ العرب اسف و الله اليوم كان معى ضيوف من السعوديه فلذلك كنت بعيدا ، لى عودة باذن الله . |
دا بوست مخصص لناس البنادر مش الضهاري اوع تجي تحكي بالبطان هنا . كلف نفس اخمش ليك نوارة من التبر او حتى زهرية ضريسا وتعال لناس البندر قول ليهم دى هديتي ليكم باقي لي ما بفرزوا نوار البندر من نوار الضهاري كدا بحبوك جدا يا العشاء.
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
ود المشرف
Quote: بالله يا اخوانا اى زول اهلو جونا فى الخرطوم دى بعد 1800 ميلاديه اصلو ما يتخيل نفسو مننا .. والكلام واضح ..
تحياتى للجميع ولصاحب البوست .. ولبدرالدين الامير الوافد الجديد على البندراب .. |
حبابك حبابك ظاهر من اسم جدك دا من سناير البندراب
يا اخي ادينا من بندريتك حتيتة خلينا نتونس بيها مع ناس امبدة حتى
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
Quote: هههههههههههههههههه والله الليله مزاجك رايق خلاس الجماعه وراك ضرررررررررررررررررره |
والله على قول المثل
العريبى كان فتح بجيب لاهلة بليييييية وعلى قول اهلنا بسوليلووووا جيب فى الطاقية
واحد عيشتوووووا زى السخلان والعتان عيشتو كلها وسط العدار والعنكويب وكان نام بنوب مرتبتو بتااااب خاتى نفسة من اولاد البندر
بسسس عليك على قول حبوبتى
والله البندرية بجييييية وانت غادى بجيييية تانية
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
سنينة
جيت ناطي من وين يا سجم الرماد ؟
أقوم اقبل عليك بالعنكوليبة دي هسع
Quote: العريبى كان فتح بجيب لاهلة بليييييية وعلى قول اهلنا بسوليلووووا جيب فى الطاقية
واحد عيشتوووووا زى السخلان والعتان عيشتو كلها وسط العدار والعنكويب وكان نام بنوب مرتبتو بتااااب خاتى نفسة من اولاد البندر
بسسس عليك على قول حبوبتى
والله البندرية بجييييية وانت غادى بجيييية تانية |
حاسد وعايزني اكتبك في القائمة معاهم لكن تشمها قدحة يا منعول .
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
Quote: والله يا اخوانا اولاد البندر حت عناوين بوستاتهم حلوة تخيل واحد عامل بوست بعنوان : ود شيقوق اسمح لى اقول خوتك خوة بقر وردن الحفير وواحد عامل بوست بعنوان : الزول الوسيم
|
شيقا؛ خالد ومحمد المرتضى ديل.. ولاد [بيدر] الجمال والمحبه!! عليك الله ما تلخبتن بينا نحنا [المطرطشين]!
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
طبعا القول ما قاله طارق ميرغني وثنّي علي ود المشرف,
ثم جاء بالخبر اليقين والقول الفصل كمال كرار :)
بندرنا ده* لو ما بيت جدك وجد جدك فيهو, يعني لو ما ناس حلتك جدودهم و جدودك عشرة عمر من زمان, يعني لو ما قريت مراحلك الدراسيه في مدارس البندر,(الأميريه, القديمه, الجديده, ...االخ)
لو ده كلو ما حاصل** موضوع الجاكوزي (البيستحمو فيهو ده) مابحلك أصلو :)
-- * التعريف ده بندراوي بحت ويعني حسب منظور أولاد البندر شخصيا وواضح انه لا يمت بصله لتعريف ود شيقوق اللذي فنّده مولانا المرتضي مشكورا ..
** الحاله ده مع التخفيف, يعني ما قلت لو ماعندك جد عنده قبه في البندر
| |
|
|
|
|
|
|
Re: من هم اولاد البندر في سودانيز اونلاين؟ (Re: محمد الكامل عبد الحليم)
|
Quote: المسنوح الله يطير شياطينك الناس لمن تكبر تعقل و انت زايد سناحه مواصفاتك لناس البندر عاوزه شوية توضيح الحمدلله جعلنا اهل ضهره وصهباء وكنابو اهو التوب تقول يايات والريحه ودك وروب سلام كيفينك والجنيات وامهم اريتهم بعافيه |
هههههههههههههه براه بدور لجنس الكلام داااابوشوا جايب لينا المشاكل والهوى
ديل اهلىىىى اهل الروب واكل الفرصة ديل اهلى هههههههههه
والله يالمسنوحة وفيتى وكفيتى وخليك من الضهرابى المتنكر فى توب بندرابى والله ساقينوا الكرو وراء الكرو من تشبعط الكواروا واللوارى
زولا عراقية مثل مساحة الدوكة ومكفرس من مضغ العجول ويقولك انا من البندر
بندر فى راسك ..........آآآآآ المسنوح
| |
|
|
|
|
|
|
Re: من هم اولاد البندر في سودانيز اونلاين؟ (Re: محمد الكامل عبد الحليم)
|
اماني بت اللمين
Quote: بندرنا ده* لو ما بيت جدك وجد جدك فيهو, يعني لو ما ناس حلتك جدودهم و جدودك عشرة عمر من زمان, يعني لو ما قريت مراحلك الدراسيه في مدارس البندر,(الأميريه, القديمه, الجديده, ...االخ)
لو ده كلو ما حاصل** موضوع الجاكوزي (البيستحمو فيهو ده) مابحلك أصلو :) |
يا سلام !! منو يا مسنوحة القال ليك دي عناصر بتكسبك صفة البندرية منو ؟
البندرية عند الرجل هي :-
الاشتراك في الصحف اليومية . يجيبوها ليهو في غرفتو الخاصة يشغل المروحة وينتكي على ضهرو خالف كراع في كراع وبقرأ بدون يجيهو حد من عولو عشان يمشي معاهو الاسبتالية او عشان يطلع ليهو باظبورت .
واثناء القراية تقوم ام عيالو البندرية تبخر ليهو الغرفة وتجي تنقي ليهو في العنكوليب ويقرمش ساااااااى .
البندرية ان يكون لدى الرجل جدول زمنى يحدد مواعيد افلام السينما ويمشي زول لوج بس
البندرية عند الرجل ان يكون كلامو زى الهمس بس وعند الحرمة فيهو لواكة للحروف مع استبعاد مفردات مثل ( أجي - وشكيتك على الله وكدا)
يعني زى كلام وضاحة المسنوحة .
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
Quote: والله يا اللُخُت نحن نمره اتنين دي ما سمعنا بيها إلا في تعشيقة اللوري والحلاقه. _ |
ههههههههههههههههههه...دي شديدة...
تحياتي ود شيقوق وضيوفه...
يا ود شيقوق...بعد ما تنتهي من ناس البندر... شوف لينا معاك ناس الهامش....وتبسمل قبل ان تشرع في البوست...
تصدق نحن هامشنا لاهسي قوقل ايرث ما قدر يجيبو؟؟؟ قدر ما افتش في قوقل ايرث...واقرب اصل المنطقة الخريطة تقول اششششششششششششششششششششششششششششششش والصورة تنمل...
| |
|
|
|
|
|
|
Re: من هم اولاد البندر في سودانيز اونلاين؟ (Re: nazar hussien)
|
.
يا الطيب شيقوق سلامات
عندنا ولد خالتنا لئيم .. قبل كم سنة أيام الهجمة على الخرطوم قال : ياخي الجماعة ديل كرهونا الخرطوم، الواحد تدقشوا في السوق تقول ليهو: سوري (بلهجة خرطومية أنجليزية) يقول ليك: السلام والرحمة والبركة .. ياخي يبركوا فيكم خنق .. أو كما كان يقول.
بالله أي زول كرعينو مشققات أو ياقة قميصو بتكون مغلوبة أو بفط مسطرة من حمالات حزام البنطلون وعيونو فيهم خلعة يطلع لينا برة الخرطوم بعدين للمعلومية السودان مافيهو بندر غير الخرطوم يعني ناس مدني وضواحيها وأريافها ما يجونا بالقصص الميتة دي! بعدين لو كترتوها فـ 1800 بتاعة المشرف دي ممكن نختها "أسطوبة" لمن أرتدوا بناطلين الجينز في زمن الغفلة بلا لمة ..
سيف اليزل
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
استاذ محمد عبد الحليم
Quote: في مشوار(انكتب)....كنا في منتاول انغام تمط سوالف الليل المهاب....كانت الجوقة الموسيقية تتكون من ...عبد الله عربي..خليل احمد ..عبد الفتاح الله حابو...علاء الدين حمزة..بدوي كابو...يتوسطهم العملاق...عثمان حسين. في منزله العامر بالسجانة.....لياتيك بالالحان ما لا تزود....غرد الفجر فهيا يا حبيبي....اي صمت ران علي الوجود يومذاك....واي حسن تقاطعت دونه خطوط الحب والتواصل....
كنا هناك ........فهل انت معي؟ |
يا سلام عليك وان تعود بنا الى الفنان الباذخ عثمان حسين - الله يرحمه - فقد تميزت أغانيه بالإلهام العاطفي الحساس , وبخفة التناسق المقطعي و بالذوق الرائع و الخيال المبتكر و تناغم الوتيرة الموسيقية و جمال اللحن المتسق المواكب لمعاني الأغنية و الأجمل من ذلك كله الآداء المتألق الذي أحاطه من كل جانب و الهدوء اللافت للنظر الذي يعبر عن جمال الشخصية و بساطة التركيب و إتزان حماسه من غير إفراط يفسد المدلول الحسي .
لكن يا أمحمد اخوى دا كلو للاسف لا يؤهلك للبندرية طالما كنت من الاركي عمودية جلاس وريفي مروى كمان
اتخيل بالمعايير دي حيطلعوا عثمان حسين مولود جزيرة مقاشي والطيب صالح ود ام بكول كمان
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
ابو سنينة المشكنب
Quote: والله يالمسنوحة وفيتى وكفيتى وخليك من الضهرابى المتنكر فى توب بندرابى والله ساقينوا الكرو وراء الكرو من تشبعط الكواروا واللوارى
زولا عراقية مثل مساحة الدوكة ومكفرس من مضغ العجول ويقولك انا من البندر
بندر فى راسك ..........آآآآآ المسنوح |
هههههههههههههههههههههههههها مسنوووووووووووح
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
نزار ود حسين
Quote: يا ود شيقوق...بعد ما تنتهي من ناس البندر... شوف لينا معاك ناس الهامش....وتبسمل قبل ان تشرع في البوست...
تصدق نحن هامشنا لاهسي قوقل ايرث ما قدر يجيبو؟؟؟ قدر ما افتش في قوقل ايرث...واقرب اصل المنطقة الخريطة تقول اششششششششششششششششششششششششششششششش والصورة تنمل... |
يا نزار ات فاطي سطر ولا شنو انا العرفني بالهامش شنو - تعال انت اتشمر واحكي لينا عنهم
قال قوقل ايرث !! ات قايل قوقل دا ما بتشمشم ؟ فاكرو بتلهدم ساي في الناس؟
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
سيف ود الماحي
Quote: بالله أي زول كرعينو مشققات أو ياقة قميصو بتكون مغلوبة أو بفط مسطرة من حمالات حزام البنطلون وعيونو فيهم خلعة يطلع لينا برة الخرطوم بعدين للمعلومية السودان مافيهو بندر غير الخرطوم يعني ناس مدني وضواحيها وأريافها ما يجونا بالقصص الميتة دي! بعدين لو كترتوها فـ 1800 بتاعة المشرف دي ممكن نختها "أسطوبة" لمن أرتدوا بناطلين الجينز في زمن الغفلة بلا لمة .. |
هههههههههههها يعني ما عايزين تسمعوا الدوبيت ؟ ناس حت سااااااااكت؟ ناس إسلو دانسنغ ساااااااااااى؟ ناس ايسكريمات براكم ؟
يعني ناس العنكوليب ما يحوموا عليكم؟
مسنووح
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
احم احم تحياتي لود شيقوق نعم من جلاس ذات نفسها، لكن سمعنا بيها سمع ليس تنصلا وتلزقا في اولاد البندر لكن هي الحقيقة
معايير جديدة لاولاد البندر: او كما قال لي احد اعمامي، زمان لمن تركب الطيارة الماشه لندن بتسلم على الناس الفي الطياره كلهم، قال لي هسع اركب الطياره كان عرفت ليك فيها زول لوووووووول
المغزى من القصة: when every one knows every one هؤلاء هم البندريين
احكي ليك القصة دي حصلت مع واحد من خيلاني قال لي يا زول قاعد في مطار الخرطوم راجين نركب وقاعد جمبي واحد بعد شوية فتح معاي موضوع موضوعه قال "شفت الخرطوم دي بقت زحمة كيف؟؟ يعني الناس الجات بدري شوية زينا كده بتتعب شديد خلاس" خالي قال لي يا زول عاينت فيهو كده، وشكله مااااا راكب لي من ناس الخرطوم القدام (تذكروا القصة اعلاه) بالشكل كده بننقر الزول، المهم، قال يماشيه في الكلام، وداك اداهو فرصه قال يعني الناس الجات سنة 1992 (عيون منططه وخشم مفتوح للآخر) سنة 92 وقال قديم، خالي قال دا موش احنا نزعل ياخي ........ زاتو بزعلوا من الزول دا
النقاط تتفهم زي ما تتفهم، اولاد البندر لا يحتاجون احيانا لمليء النقاط الفارغة، بنفهم بعض وكده
سمعتو بالدادا؟؟
| |
|
|
|
|
|
|
Re: من هم اولاد البندر في سودانيز اونلاين؟ (Re: أحمد ابن عوف)
|
طارق
Quote: خشم البيوت دي معناتا الخرطوم من الحلفايا لحدت الصحافه وبعديها وداعا محافظة الخرطوم |
حلفاية شنو ؟ مش بتاعة بكري ابو بكر وحياة الله لا بندر ولا حاجة ؟
والله ما اسويها بندر الا يرفع لي البوست دا في السماء فوق مع بوستات اولاد البندر
يعني طلعت ناس جبرة والمعمورة وكدا صاح؟
يا اخي طلع معاهم جهاز شؤون المغتربين ذاتو عشان تاني نتجدع بين السودان والخليج بلا حدود
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
ود ابن عوف
ما تفسر اخوك فهم النقاط كويس هههههههههههههههه - لقيتني كيف؟
Quote: او كما قال لي احد اعمامي، زمان لمن تركب الطيارة الماشه لندن بتسلم على الناس الفي الطياره كلهم، قال لي هسع اركب الطياره كان عرفت ليك فيها زول لوووووووول |
يا اخي التعارف الفيزكال دا خلو زماااااااااان هسع صارت اى حاجة ريموت حتى اكل العنكوليب ذاتو
| |
|
|
|
|
|
|
Re: من هم اولاد البندر في سودانيز اونلاين؟ (Re: الطيب شيقوق)
|
تحية.... شكرا علي الاضاءة عن العملاق عثمان حسين...حاضرا فينا بما لم تستطعه الاوائل...يتكئ الان في سدر مخضود...بمعانية المموسقة الزاهية..
اما عن التحاقنا بالبندرية كما تقول فلم نسعي الي ذلك..(.دا شيتن اصلي ما فكرت فيهو وحاتك ضمه ما كان في حسابي)
خبيري مع البنات والليل يهود..اهز ضرعاتي وارفع في حجابي ..بقيت غناي ..اي غناي ..بلعلع في البنادر ..متل ناس 0ود صليليح) طنبرابي....او كما قال اسماعين.
| |
|
|
|
|
|
|
Re: من هم اولاد البندر في سودانيز اونلاين؟ (Re: محمد الكامل عبد الحليم)
|
Quote: يا اخي التعارف الفيزكال دا خلو زماااااااااان هسع صارت اى حاجة ريموت حتى اكل العنكوليب ذاتو |
ههههههههههههههههه شيقوق .... سلامات ... مالك علينا كتلتنا من الضحك طيب صاحبك ود البوب ( المستشار حسن طه ) يطلع ود شنو . . غايتو نحن بحراويه وبنطالب بالانفصال نكون بندر نكون ريف المهم الانفصال وليس لنا خيار اخر
| |
|
|
|
|
|
|
Re: من هم اولاد البندر في سودانيز اونلاين؟ (Re: وليد عبد اللطيف)
|
زمان زمن التروماي شيقا جاء من الصعيد كاري معاهو غنمايتو بحبل. توش من قولت تيت شاف ليك التروماي واقف في المحطة.طوالي راح رابط الغنماية في التروماي ودخل الدكان يجيبلو حاجة يعضيها جاء مارق لقى غنمايتو مافي و الا الداهية الكانت مربوطة فيهو الغنماية. اها بقى يصوط في الخرطوم يسال عن غنمايتو و عن الداهية.ما ساب واحد ما سالو. في النهاية لما تعب من الحوامة ليقالو شجرة ضلها بارد, طلع نعلاتو و ختاهن تحت راسو و رقد. في ضل الشجرة التانية كان في واحد طابق ليهو وحدة و بيقول ليها انا شايف الخرطوم دي كلها في عيونك. شيقا نطة بردلوب و قال ليهو عليك الله شوف لي غنمايتي وين
___ يا شيقا بتعرف تقلب هوبا في راس دبوس !!!!
| |
|
|
|
|
|
|
| |