|
Re: مدرستان و 4 أزمات : تاريخ الغناء في السودان (Re: abubakr)
|
* بالفعل عزيزي ابوبكر ، في تلك البوادي ، و الضهاري و اعماق الريف ، في ذاك السودان السناري ، بل و ماقبل سودان الممالك و المشيخات ، كانت المرأة هي الصادح الغنائي الاساسي The Tenour في مجاميع الغناء المعطوفة علي مجاميع العمل ..
" بالاساس كان الغناء و الرقص هو آداء جماعي .. و مرتبط الي حد كبير بمجاميع العمل "
* في ذلك السودان الماخد صيغة الاقطاع - القبلي .. سودان الحروب القبلية ، و صراع الإرادات - التجارية للمشيخات المتوسعة في الارض ، كانت الحكامة هي المغنى الاشدة اهمية علي خط غناء الحماسة و الشكرة
* في سودان كتشنر - ونجت ، سودان المدينة ، برز خطان للغناء النسائي الشعبي ، و شبه الرسمي في سودان الوسط النيلي
1/ خط شريفة بت بلال ، افرز مهلة العبادية .. و في تقديري ان فاطمة الحاج هي ضمن هذا الخط وذات صلة فنا و صوتا بمهلة العبادية
2/ خط مستورة بت عرضو (والدة كرومة) ، و قضاعة الخشوم و ميري شريف ، و رابحة التم تم (ربوحة) و فاطمة خميس ، و العزو هات .. ودا خط التم تم الامدرماني غير الرسمي ، تم تم القواعد الشعبية
.. ثم :
3/ إتجاه فني نسائي مندمج مباشرة في المدرسة التانية للغناء الاوركسترالي ، تمثل في عشة الفلاتية ذات الاثر علي مني خير الله (منى الخير)
.. وهذا تصنيف افتراضى ، يحمل في ثناياه قضايا عديدة تحتاج لمقاربات إضافية و قراءة لاحقة
نأتيها لاحقا ضمن الفرضية الشارحة لمجمل التطور :
" مدرستان و 4 ازمات "
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
ودشيقوق الطيب .. ما نقلته عن الصحافة جميل وباختصار- حتي لا اصرف النظر كثيرا عن اسهامات د.طراوة هنا والتداخلات الجميلة والمفيدة من الملترددين علي هذه الديار - فمعضلة السودان ليست في غناء اهل السودان ولا ابداعات شعرائه ومفكريه وكتابه ولكن في اوعيته السياسية الفاشلة والتي من جهلها عميت بصيرتها فلم تري الا الذي عند غيرها وخارج حدود هذا البلد المترامي الملئ بكثير اثمن وانفع ..فشل الساسة والقادة السودانيون في استنباط توجه سياسي قومي محايد كهذا الغناء والموسيقي يقبله جميع اهل السودان...
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. و كل غنائية السودان في مسارا السرمدي و تاريخا البيعكس مجاهدات الامة ، تطورا ، و و ثبتا الاجتماعية - الحضارية ، بنهديها لامير البرلمان و فارس الديمقراطية الحقة ، و لكل قيادات الحركة السياسية ، و النقابية ، و شجعان العمل الصحفي و ناشطي حقوق الانسان ، و هم ما فتئوا يناضلون و ينافحون الظلم و البطش من اجل تحول ديمقراطي ناجز يرفع الابتلاء و يصون وحدة البلد :
الشريف حسين الهندي .. ملحمة الصمود الوطني - السياسي في كامل الاستزادة بذاك الليرك المنسوب لطيف الرومانس الوطني :
" تلقى الزمن غير ملامحنا .. و نحنا بقينا ما نحنا ، انا الصابر علي المحنة .. "
.. يا معاوية ، ساعة النسمة ترتاح ، علي هدب الدقش و تنوم ! ريحنا يا الحبيب ، نتوق للوطن و الغمدة العميقة
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: Moawia Mohammed)
|
حواء الطقطاقة مولودة فى مدينة الرهد العام 1926 حين بلغت من العمر 12 سنه بدات تغنى لكن اهلها اعترضوا على الفكرة فهربت الى امدرمان ونزلت فى بيت قريب لها يعمل طبيبا ثم انتقل قريبهم الى مدينة عطبرة ولم تسافر معه لانها كانت متاكدة من نجاحها كفنانة وحين علم اهلها بذلك لحقوا بها و(حلقوا لها شعرها ) لكنها تمكنت من الافلات قالت لى فى مجرى حوارى المسجل معها انها ـ مشيت للكاشف ولقيت عنده عشه الفلاتية برضو مطرودة زى قعدنا مع الكاشف فى بيته كنا بنمشى نغنى فى الاعراس وكان بلحن لينا الغنا مرات لمن يلقى كلام ما يعجبو بشاكلنا قعدنا معاهو لمن وقفنا على حيلنا بعداك لمن جا الاستقلال كنت اول امراة يعتقلوها ودخلت السجن لانى كنت بغنى ضد الاستعمار وكت جا الاستقلال خيطت توب من الوان العلم ورفعنا علم الاستقلال غنيت فى اعراس الناس الكانوابعد داك زعما يوم غنيت فى عرس السيد ......... ادانى خمسمية جنيه (حسب وصيتها ان لا اكتب اسمه او اذكره قط) قلت ليهو يا سيدى لكن دى قروش كتيرة وكانت بتجيب ليها خمسة لوارى فى الوكت داك قام خلا حرس كامل يمشى معاى لانى كنت خايفة اشيل لى قروش قدر دى كيف ؟ وظلت تلك القامة الغنائية مرتعا خصبا للغناء المعروف بغناء البنات كانت غاضبة حين التقيتها من اغنيات (كلام يا عوض دكام ، راجل المرة حلو حلاة) وسجلت لها كل اغنيات شدت بها استغرق اللقاء اكثر من ثلاث ساعات وما يزيد على المئة وثمانين دقيقة ) حواء الطقطاقة اتمنى انك دائما بخير
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. سلمى الشيخ سلامة .. حكاوي الزمن الجميل
.. مش الطقطاقة و بس ، و كمان برضك مهلة العبادية فزت من شرق النيل الي ام درمان (الامان) ، حيث إتسع المكان لكل زول ، و كل عُنصر ، و كل قبيلة ، و كل صاحب قضية و رسالة .. امدرمان حيث عانق الزمان السوداني و حركة التاريخ تلك التحولات ، و استوعب و ساعد في تنمية تلك الاتجاهات الجديدة
.. و الجدير بالملاحظة يا سلمى ، إنو حواء و مهلة تحركوا الي ام درمان (بسلاحم) .. سلاح الدلوكة !
الدلوكة ذات الرواية و القصة الطويلة في تاريخ حركة الايقاعات السودانية ..
" الدلوكة ال Multi - Rhythmic : هي الوعاء التاريخي اللي احتضن و بلور و اعاد انتاج ايقاعات افريقيا و السودان القديم علي ذلك المدى الايقاعي المعروف ب 2/4
الدلوكة السودانية تحديدا .. و ليس ( الدهلة ) عموما هي مصدر التم تم "
.. عزيزي حسن الجزولي : إحساسي و إعتقادي ، إن التم تم هو ضرب ايقاعي سوداني - فريد ، أتولد عبر حراك و استيعاب و تعديلات ايقاعية طويلة جرت في حزام السافنا الافرو - عروبي .. الصدفة و الضرورة وحدها هي اللي انتجت التم تم في تلك البؤرة الاجتماعية الافرو - عربية المسماة ب (كوستي)
.. غير ان الاستدعاء التاريخي ، و منطق تطور غنائية السودان في منتصف تلك الثلاثينات هو الذي انتج النمط النيلي - الشعبي و الرسمي لتم تم بت العقاب ، و زنقار ، وحسن محمد عطية ..
بس كيف دا حصل ؟ كيف تبلورت ازمة الايقاع / الجملة اللحنية في منتصف و نهاية التلاتينات ، و كيف تم فك تلك الازمة التالتة في مسار غنائية السودان ؟
.. لكل ذلك نعود ، عودة خليل فرح الخارج من اسر التخت العربي الي شارع الغناء المفتوح و هو يردد علي صدى ايقاع التم تم : " يا حسن إتذكر ، طِيب ليلتنا ديك .. و الصباح السُكر "
التم تم : لا خالص و لا مجلوب !
هو ولادة الدلوكة السودانية .. الدلوكة ذاك التعديل السوداني - العبقري ل ( دهلة) العالم القديم
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
Quote: / خط شريفة بت بلال ، افرز مهلة العبادية .. و في تقديري ان فاطمة الحاج هي ضمن هذا الخط وذات صلة فنا و صوتا بمهلة العبادية |
.. و عاوزين صورة مهلة بصوتا الالطو و هي بتقول الوافر ضراعو
و فاطنة الحاج ، بصوتا الالطو الجديد (شبيه مهلة) و هي بتقول:
" استحق صدك .. لاني دللتك ! "
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. الي روح :
* شريفة بت بلال (اخت العسكر العُدال) الفي سنة حرابة سنار قاتلت مع الرجال ..
الي كل طلائع التم تم النسائي ، و قوي التطريب الاوركسترالي النسائي في خطوطه الثلاثة
نهدي :
صورة اول ( قاضى ) كرة قدم سوداني : مُنيرة رمضان :
.. علي درب النهضة و الجرأة الفتحتو مهلة ، و الطقطاقة و الفلاتية جاءت مُنيرة ، تلك :
الشابة الاديبة المبدعة الفنانة .. الزادت في الوظيفة و ركبت نيشانا
.. سمعنا يا معاوية ، محمد احمد عوض ، و صورة الطيب عبدو و عبد العزيز قسم الله ، كوكبة الشيالين التي ندين لها بفضل و عرفان كبير .. و سنفرد جزء كاملا لسيرتهم منذ عهد عبد الرؤوف عطية ، و عبد الرحمن حمامتي شيالي سرور و كرومة
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. و إمعانا في قمع و إذلال السودانين بعد معركة و مأثرة إنتفاضة 1924 ، فرض المستعمر جملة قوانين و اوامر ادارية جائرة !
" مرفعينين ضبلان و هازل ، شقوا بطن الاسد المُنازل "
.. و جاء في الامر الاداري : إنو مافي مواطن سوداني يدخل مصلحة او ديوان حكومي خاتي طاقية او شال ، او عمة على راسو ! رجال البلد الامين ، الما برضوا الحقارة قاوموا ذلك التجبر ، تمسكوا بزيهم القومي و هزموا عسف المستعمر كانوا بدخلوا مكاتب الحكومة مشنقين الطاقية قصدا و عنوة
.. و إنطلق التم تم الوطني ، تم تم القواعد الشعبية تم تم المقاومة : تم تم تمساح الكبلو الضارب اللية
" شوف الولد ، شوف فعالوا .. و في (الديوان) خاتي شالوا .. جيت ليا ، بسألوك مننا .. كان طلعت القمرة ، الخير يا عشايا تودينا لاهلنا .. "
.. و ناري .. و الله ناري و نارينا .. البدور الموت يجي عندنا .. الله لي يا الله .. تم تم التلاتينات .. علي خط النضال الوطني .. معاد انتاجو في جملة الخماسي .. موازير المبدعة :
" رشا شيخ الدين "
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. يا معاوية :
رشا شيخ الدين
.. تم تم بت العقاب ، و زهرة بت نجدي , و العزو هات
* إنتقال زنقار ، و عبد المعين ، و حسن عطية و من قبلهم خليل فرح ، لمواقع فاطمة خميس و ربوحة ، و انتصار نهج التم تم الشعبي .. و إعلان نهضة موازير السودان الجديدة ..
* استدعاء الجملة اللحنية الجديدة و حوجتا الموضوعية لايقاع التم تم عند مدخل تلك الاربعينات ، كان استدعاء زاخرا بدلالات تاريخية ، و تحولات سوسيو - ثقافية ، و تاسيس مبكر لميوزكولوجى السودان
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. صدقت يا شيقا
ظنيتو دا اكسبريس التم تم سريع الايقاع .. قطر صديق احمد الماري في محطات الشمال .. جروح القلب اللبت تبرآ
.. لاقينا في الشريق يا شيقا .. نقلل السرعة بوصول معاوية و نلاقي صحبك في محطة حلفا
.. و برضك معانا في قطر الجنوب الشال المحبوب .. ال ما فيهو نزول يا شيقا
| |
|
|
|
|
|
|
Re: مدرستان و 4 أزمات : تاريخ الغناء في السودان (Re: أحمد طراوه)
|
.. يا سلام عليك يا عبد العزيز قسم الله !
و يا سلام علي الكونقا الاتينية البقت في السودان الدمبا و صار التم تم بسبب الدمبا ، اشد تيارات الضرب الايقاعي قوة و تاثير في غنائية السودان
و اصلا الخليفة النوراني - الامدرماني محجوب خال العيال هو خير من يحكي قصة و راوية محمد احمد عوض و من وراهو عبد العزيز قسم الله ، و الطيب عبدو الخلوا شيل الغناء يبقى مدرسة و فن قايم بذاتو
| |
|
|
|
|
|
|
|