|
Re: لمن تجرأ على عزاز شامي (Re: وليد محمد المبارك)
|
Quote: اديناك الفرصة يا حنين
زنبك على جنبك |
كمان انت يا وليد ماتعملها ظاهرة كدة...تخليني براي في الصقيعة دي واحد ضد عشرة شايفة دغيس كمان اتهكر...
عاين يا الهكر كدي في الاول خمصتك بالنبي والرسول اختى لي اللاب توب بتاعي ده لانه جديد قروشوا لي اسه ما اندفعت واختانا من النبذ الفاحش برضه لانه بالجد بيضرس لي حياتي غير كدة اتفضل...
انتوا المنبر ده ماله بقى فاضي كدة
| |
|
|
|
|
|
|
Re: لمن تجرأ على عزاز شامي (Re: العوض المسلمي)
|
غايتو يا الهكر انا لاول مرة القى روحي متفقة معاك ...صحي المنبر بقى فاكي في السهلة زي ماقلت انت...لكن بختلف معاك في حاجة واحدة بس انك تستهدف شخوص بعينها...وبالذات الاخوات هنا..لانه هو اصلا من غير هكر مشاركات الاخوات في الاسافير مستهدفة...رغم انه المراة دي هي امك وامي واختك واختي ...
هل اختيارك للعنصر النسائي ده جا كدة بس زي ماقلت انت اعجاب ولا مستهدف لبتر وتقليم الاقلام النسائية...
كلامي ده لو كعوج ليك ومافهمته ارمي وراء ضهرك...
والنبي فوقك ماتسيء...
| |
|
|
|
|
|
|
Re: لمن تجرأ على عزاز شامي (Re: وليد محمد المبارك)
|
Quote: اكتب ردك في الاول وتعال رد باسم حنين على ردك
موش ترد باسم حنين قبلي ما تكتب كلامك |
ياوليد ماتشتت الكورة ياخي..انا ما مهكرة ولا حاجة ...قول حاحا هههههه ياخي خت الرحمن في قلبك ...
كلمة السر... حفلة ود اللمين يا غياظ...ياخي فرز كرهتنا..
| |
|
|
|
|
|
|
Re: لمن تجرأ على عزاز شامي (Re: وليد محمد المبارك)
|
Quote: وفعلا الكلام الاتكتب في عزاز كلام شين ومافي زول بقبلو ، وفي نفس الوقت الموضوع اصاب الوتر الحساس وكشف ناس كتار ( ماتو كمداً ) بعد نزول البوست ، وكانو مكسرين في عزوز ..
السؤال الذي يطرح نفسه : أين عزاز من هذا كلله ؟ ولماذا لم تدخل لتنفي أو تثبت صحة ما قيل عنها ؟؟ أين بكري وجنوده من هذه الفوضي المنتشرة ؟؟ |
طيب يادغيس او يا الهكر.. اولا اشكرك انك التزمت بالحوار من غير تنابذ..ونواصل
الكلام الاتكتب في عزاز جيتني في جرح...
عزاز وانا متاكدة انك عارف من خيرة النساء سواء في المنبر ولا برة المنبر..وانت بتتعامل مع اسماء اسفيرية انا يا الهكر اتعاملت مع عزاز وش لي وش...وزولة ما استهلاك لكلام ولا تلميع لي صورتها...لكن اقل مايمكن انه توصف بي انها بت رجال...بت ضكرانة تسد عين الشمس..مثقفة وواعية "ماتقول كمان انا مكسرة فيها" (: اقول حاجة بيني وبينك..مرات كتيرة انا بمر بمراحل انكسارات زي زي اي زول...وبلقى عزاز زي الأسطورة بتقول لي ياحنين انت اقوى وتضوي لي عتمة الظروف البنمر بيها كلنا كان انا ولا انت ولا وليد ولا هي زاتها...بتذكرني بقوتي والايجابية الجوايي..اهاوالقى نفسي فجاة بقيت قوية زي ماكنت ..عزاز دي زول بسند ... وده الزعلنا انك استهدفتها ..ولا احتمال يكون استهدافك ده ليهالانها احسن واحدة فينا...
بخصوص بكري وجنوده من الموقف الحاصل هنا والفوضى دي ده بالجد السؤال البطرح نفسه... اما سؤالك في نفي صحة ماقيل عنها اسمح لي بس بي توضيح بسيط على اساس انك هكر غير الهكر الكتب بوست الكسير في عزاز....وبرضه للقراء,,, هو من اساسه مافي كلام اتكتب في عزاز عشان تنفي او تاكده...زول جا قال انا مكسر في عزاز اها تدخل تقول لي شنو؟؟؟؟ رغم انها ردت برضه بس انت الظاهر ما متابع...
| |
|
|
|
|
|
|
Re: لمن تجرأ على عزاز شامي (Re: وليد محمد المبارك)
|
Quote: بكري اوعك تشيل البوست ده البوست ده ماغس الهكر
وانا وليد بامارة اتصال المسلمي بيك قبل شوية
خليني اتفسح في الهكر ده شوية
ود اللذبن
امنت |
استفر الله يا وليد بعد ما مرقت المغصة رجعتني... هو بكري مادام موجود وين من البحصل ده...وكمان عاملين فيها دايرين تنطربوا وتسمعوا اغاني مادام الكودات بتدخل الهكر بكري مرجعها لي؟؟؟ كلو من ناس طارق جبريل ومحمد عثمان(:
المهم يا وليد واصل انا حاخد لي صنة شوية الموضوع ماجايب همو
انا حنين بالمناسبة ماتطلع لينا دعاية هكر وماهكر....دايرة امارة تانية ولا كفاك عرس ادم...
| |
|
|
|
|
|
|
Re: لمن تجرأ على عزاز شامي (Re: حنين للبلد)
|
ياهكر ..ياخي شمت فيني ناس المنبر... انا اسه بتكلم معاك واتوسمت فيك خير قلت تفهمنا بدل ماقاعدين زي الطرش في المنبر ده...لكن شكلك ماجادي وقلبتها لي وليد مهكور وتشتيت كورة... طيب اها ودعناك الله وزي ماقلت ليك مامعانا استهداف لاب توبات " احنا بنربي في عيال"
اها ودعناك الله..وليد اتفضل واصل ابوي انا قنعت...
| |
|
|
|
|
|
|
Re: لمن تجرأ على عزاز شامي (Re: حنين للبلد)
|
Quote: انا ياوليد بفتكر انه دي فرصة كويس نقدر نتكلم معاه عشان نفهم الموضوع شنو؟؟ لانه بالجد طوال فترة الهكر الفاتت لا بكري ابوبكر لا الهكر فهمنا احنا البنكتب هنا ديل وماعندنا ذنب القصة شنو بالضبط؟؟؟ |
يا حنين الزول دا ما عنده وقت عشان يتفاهم .. أي فرصة بلقاها بستغلها طوالي بدليل إنو بدخل بأسماء كتيرة .. في حالة التهكير الزي دي صعب السيطرة عليها .. ويظهر إنو بكري ما قادر يعرف من هو العضو المهكر من الما مهكر إلا يوقف حسابات الأعضاء كلها .. ودا الحصل في آخر تهكيرة للمنبر تم توقيفه لعدة أيام ..
يا ولي قول كه ياخي يفرزوكم كيف ..
| |
|
|
|
|
|
|
|