|
ذي ما المـوج بشيـلو المد ....
|
ذي ما الموج بشيلو المد وبرجع تاني للقِيفه وذي ما بتغلب الاحزان يعاودك بي الدموع صيفها بعد كَسر شراعي الريح و شتت املي في الزيفة مراكبي التايه فوق البر هديـل جمبك مجاديفها
|
|
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
كايسك في الضباب مرفي قدر في الموجة ما ارحل اقول سكتنا مختلفة قدر ما ادمن الترحال برجع تاني للضَفة أقول باكر نجومنا تتطل تَعود زرقة سماك تصفي اقول رغم الُبعد بلقاك أجمل من زمان واوفي انا الادمنتا ريدي حنان عمر حِنية ما كَـفي .. ؟ و ما كفكف دموعي فرح ولا دمع الحنين جَفي بجيك لو طالت الاحزان علي حزنك بقي أخفي
…..
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
وجيتك وكنتا متاكد دا ما كان يوم لقاك صدفة و لا كان العشم لوقياك يفرهد ريدنا من نـُطفة يدفر باب مشاعري هواك ويفتح لي غناك شٌرفة متين يا ريدي ابقي حداك .......... تبادل الريدة بي الريدة بدل فرحتنا ما تذيدها تجي و يا ريت تبارك العييد تحس الدنيا ب عيدها ولو بي لمسة من الاييد سلامك اذيدنا تنهيده وعارف الريدة يوم تنبت صحي بتفضح اجاويدها ,,,,,,,,,,,,,
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
ذي ما الموج بشيلو المْد و ذي في الشيم َيد تتمد و ذي ما بتزبل الاشجار بفرهد بعدي بكرة الورد بعد كسر شراعي الريح واهو التيار عليك برتد اعمل ايه مع الاقدار دا حبك صُـدفة ما بي اليَد متين بالجـد ... ....
متين يا موسم الاشواق متين حا تهل بشاير الوَعد متين يطرب مسامعي نقيم .. يصب بعد الجفاف مطرك يبل عطش اشتياقي الغيم ... وتمسح ضحكة واحدة سنين من عمري عشتها ضيم .... نبت ريدك .. علي الخاطر وقت فرهد درعتو هديم ... وجييتك .... لا اخر الدرب طال بيك ولا لهفة مشيك قِديم
| |
|
|
|
|
|
|
Re: ذي ما المـوج بشيـلو المد .... (Re: محمد النيل)
|
الاخ محمد النيل
Quote: قصيدة ختيرة رائعة موباااااالغا ابداعات امدرمانية
|
شاكر ومقدر ... تواجد ك ... يا خي ...
في مبالغة بعد .. بعد المسافة سنين ... الحلمنتيش في السكة .. بعرج
وكل سنة وانتوا طيبين
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
متين يا موسم الاشواق متين حا تهل بشاير الوَعد متين يطرب مسامعي نقيم .. يصب بعد الجفاف مطرك يبل عطش اشتياقي الغيم ... وتمسح ضحكة واحدة سنين من عمري عشتها ضيم .... نبت ريدك .. علي الخاطر وقت فرهد درعتو هديم ... وجييتك .... لا خطو الدرب تاه بيك ولا لهفة مشيك قِديم متين يا موسم الاشواق تصب المطرة بعد الغيم وتمسح عَرقي بي ايديكــ """""""" تمت محمد الفاتح خالد
| |
|
|
|
|
|
|
Re: ذي ما المـوج بشيـلو المد .... (Re: د.محمد حسن)
|
Quote: يا اخ ما تمت
خلي الكلام يتثال خلي الحروف تتقال خلي البنية الفي العيو تتشال تزغردليك وابشر ليك ونمشي النيل نزرع فال وبس |
دكتور محمد حسن
خلي الحروف تقدل علي ممشي الغني الماتقال ...
تشكر يا شاعرنا الخاتينو للتقيلة اخ محمد حسن .. هنا حيث لا ... نقول لك يا دكتور لا ن الشعر بضاعة لا تبور ...
لو سمحتا كمل من الحتة دي ... لاني أنا ذي التيار بدا يجرفني لي ..... غادي .... تشكر علي المرور ولو عارفنك جاي كان عملنا ليك حولية شعرية ..
محمد الفاتح خالد
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
في مكانو يا الهدام عارفة البقيف قدام عارفة الوقف بين بين بنضمو بي الاحضان اتلقي ود الزين الطلقة جايا علي ماتحلوا ليها الدين
في عيونها وينو الضي ما بينها والقيفة واقفة شان الجيب مافيهو تعريفة الدنيا يا ادريس كسرت مجاديفها واقفة في الدكان تحسب تكاليفها واقفة والاذان والعلمو عند الغيب والممكن الماكان يوم بكرة جاي قريب علاجها بي اللالوب والحلبة والمحريب تقراء في الاخلاص مالي راسها الشيب للبت قلم رصاص للود عمر عرديب كان يفتح الكراس الزول دا ما برحم بضل زمان الدين وقلبو بي الترباس سداهو تب يا الزين سداهو بي الطبلة يا ضلفة الدكان مفتوح عليك بركان والدنيا منقلبة فوق حفرت المحبوب اتجنزرت عبلي ونحن ويين جاريين دم العشق مسكوب
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
في توبها رابطة بتول الفكة والحرجل البصلة والاحزان وخدارها في الجردل عينا ما بي العين عينا فوق يا حاج النجمة و الابراج مراكبي فوق البر شائف البحر مهتاج ما خاف طشاش الليل لي صبحو كان محتاج وبالو بيك مشغول في قمة المجهول شاغلني شاغلنك عارفاني خاتي القول عارفاني ما اظنك الغيبة مهما تطول راجع عليك منك خائف طشاش الليل غيماتو يخفنك يغمرني بي الاحزان يجرفني موج السد لا غرقت في الطوفان لا ليك عبرت المد نصك المقسوم وبيني بينك خط عيني في عينيك وفي سماء الخرطوم وفي المدي المنحط
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
بركان محمد الفاتح بعد ان كان يزفر بعض الغمامات هنا وهناك احيانا يتفجر احرفا وانغاما فلنمنع الطيران فوق فوهته خوفا من سقوط قلوب العاشقين الطائرة حول افق بوتقة الكلمات المتعطشة للهطول
فلتتواصل ابياتك المعروشة بورود احاسيسك المتوهجة
اخ حسون تدفق
| |
|
|
|
|
|
|
Re: ذي ما المـوج بشيـلو المد .... (Re: محمد الفاتح خالد حسون)
|
وانا قدام حراسي مجنح وطائر واقف قمت عليهم عائر وقبل ما اصلك جالك صوتي مكتح فوق القمة ايادي مسمة وانا بطوطح مدي ايدينك لي بي حزني مدخن نائر ثائر بطلع صوتي من الشباك من طاقات السفن العابرة حداك من جواب مبعوت بي الايد وحروف بي الهم حفرت اسمك بالطورية لا ايد جايبالي بريد ولا ايد في العيد حسيـتها طَرية وجراح القلب التنذف دم الروح مطرية بتنقط فوق واطاتك ساعة الجد ساعت اتلقف حسك و من حزنك احس الرد وقت يجتاحني حنينك ويجرفني عليك يا غالية المد وقت ما دمعك يطفح ويسقي الورد وقت سيفي اسلو واعرض نص الدائرة اقطي قدح سيقان البت البائرة واسن كلماتي الجارحة خيلي كسح بي الحيل الخيل السـارحة عن اشواقك مُبعد علي حافة صوتك مبرد علي خرطة جسمك مُجلد علي ضحكت حزنك قهقه فرحا اتنهد مرحا وانا مجروح من جوي و مهما برا ... سبايبكـ جرحَن وانا مكتول بقدر عدد جرحات الارض عليك متكول واسراب السُحب البين سماواتكـ سَرحن والخائف الضحكة اللجري ويضحك ومهما دربك مهما يدق لي أغاني الرجعة طبول ويطول والدائر الطعنة الاشهق ويزرع مساحة الصبر وسنين العمر الضاع في صمة خشم الزول والداير الطعنة الاشهق و يزرع نبتت حب من بذرة وطرقت شوق من كسرة وعجينة العُشرة ب مويت الفول وصاج بنوت ستات الشاي الولع في جواي النار للحول وانت بتضرب وتلتخ بي سكينك اسلخ يا مُتعَفن يا مسؤول جلد النهر الواقفة عليو جاموسة وتاكلة عليو النخلة الضل وامسح عَرقي في ارضك شمو عبير الفل وانا مرهون بي اشارتك ارضخ لا اقيف لا امشي ولا تشرق باكر شمسي وانت الخائف من يوم خوفك جهز باكر لينا كتوفك واجلد واجلد في زريبتنا النعجة بتولد النار في يوم الشمعة بتوقد عيونا مسافرة مساهرة بترجي المولد عيونا مسافرة عيونا مساهرة مهما سيوفكم قاهرة في يوم حا تنط البت القاصــرة العتبة وتقفز باقي السلك الشائك البت العاشقة عشيقها عشائق حا تنط في يوم الحفرة البت الخيلها كسح في الخيل الخيل المُهرة وانا مرهون بي قرارك لا اقيف لا اجري ولا بي اسمك شمسا تشرق بدري وانا مطعون بي اشارتك دمي مدفق فوق المكتب بكتب تاني قصائد ضد الواقع لحد ما يضوي شعاع الشمعة الفاقع عكس تجاه الريح اتشري الزول الضاق يا ناس الزرة والزول الضرة في يوم بنضرة يوم نتضرع ونطلع برا نقيف في السهلة تموت علي حبك و تحيا النَخلة ما بين غيمة ونجمة الموجة جاية تقود الهَجمة بي اسمك تقدل ناس من غير ايقاع في المشية عليك مُنسجمة ناس من اجلك مش حا تقبل لحظة ... تسـكن جسدكـ روح مُنهَزمة
محمد الفاتح خالد
| |
|
|
|
|
|
|
Re: ذي ما المـوج بشيـلو المد .... (Re: هند محمد)
|
Quote: جمال x جمال
هذا البوست واحة لارفع المشاعر الانسانية وأنبلها
نص متعافي أخي الشاعر محمد الفاتح
سلمت يمناك (عدل بواسطة هند محمد on 27-08-2010, 08:14 |
الاخت الشاعرة هند محمد (المدمنة القول السمح )
هذا البوست تحول بفعل قلمك وقوة تعابيرك الما بقدر اجاريها بعد احلي كلام اتقال في هذه النصوص ... ودا فيض من كرم السماحة الممتد من قصايدك الحسيت انها حقتي وكلام بعتبرو واحة ستطللني طوال ما أنا موجود في البورد دا.. أشكرك ومعليش للرد المتاخر راجين أشعارك فلوسمحتي راعي تلهفنا يا ستاذة هند
محمد الفاتح خالد
| |
|
|
|
|
|
|
|