|
|
|
 Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
(*)
بعد أن أكمل مراحل الدراسة الأولية هاجر سيد خليفة إلى مصر 1951بغرض الإلتحاق بالأزهر الشريف ولكن عشق الموسيقى والغناء
جعله يتجه إلى المعهد العالي للموسيقى وأكمل دراسته عام 1958 وكان حينها نجماً من نجوم ليالي القاهر ة ومسارحها
يشارك بحفلات أضواء المدينة ويغني للإذاعة وذاع صيته , وكعادة السينما المصرية أراد المخرج حسين فوزي الإستفادة
من نجوميته وتألقه فأشركه بالغناء في الفيلم المصري تمر حنة 1957م وهو من بطولة رشدي اباظة وأحمد رمزي
ونعيمة عاكف حيث قدم أغنية (المامبو ) وهي من كلمات الشاعر عبدالمنعم عبدالحي وهو من أبناء جنوب السودان
| |
 
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
اليوم وفي منتدى الجمعة
وفي ذات قطيعة لي مع طارق المكي
أشّرت عليك وقلت ليهو الزول ده حكاويو حقت حبوبات
وراسو ده مليان معلومات ما شاء الله عليه
ومفروض ناس المنتدى ديل يستفيدوا منو ...
وأنا متأكد إنو ح نستمتع بحكيك جداً ....(يا ريت والله)..
---
اتشاكلنا أنا والسني في أغنية لحن الحياة لعثمان الشفيع
من سيغنيها يوم الجمعة القادم ؟؟
هي أغنيتي الأثيرة جداً ،، وقد ظفرتُ بها من السني
وقبل مغادرتي تذكرتُ أنني سأكون يوم الجمعة القادم في بلداً طيرا عجم
فأسفت على فوات فرصة المشاركة في أمسية الشفيع ( وما أدراك ما هو )..
أرجو أن لا تحرمني من ( غيرة ) سيد خليفة...
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
(*)
جمع أبوالسيد خاصيتين غريبتين فقد كان فنان المثقفين حين يغني فصيحاً وكان فنان البسطاء حين يغني
كلمات بسيطة وألحان عبقرية سهلة راقصة , تعاون مع شعراء مختلفين فغنى لجماع بعد (غيرة) رائعة أخرى هي :
في ربيع الحب كنا
نتساقى ونغنى
نتناجى ونناجى الطير
من غصن لغصن
ثم ضاع الأمس منى
وانطو ت بالقلب حسرة..
أننا طيفان في حلم
سماوي سرينا
واعتصرنا نشوة العمر
ولكن ما ارتوينا
انه الحب فلا تسأل
ولا تعتب علينا
كانت الجنة مسرانا
فضاعت من يدينا
ثم ضاع الأمس منى
وانطوت بالقلب حسرة ..
أطلقت روحي من الأشجان
ما كان سجينا
أنا ذوبت فؤادي
لك لحنا وأنينا
فارحم العود
إذا غنوا به لحنا حزينا
ثم ضاع الأمس منى
وانطوت بالقلب حسرة ..
ليس لي غير ابتساماتك
من زاد وخمر
بسمة منك تشع النور
في ظلمات دهري
وتعيد الماء والأزهار
في صحراء عمري
ثم ضاع الأمس منى
وانطوت بالقلب حسرة..
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
الحزن في أغنيات سيد خليفة
(*)
تميز أبوالسيد بالتنويع والثراء الذي لم يتأتي لفنان سوداني غيره من حيث الكلمات والألحان
وقد غنى سيد خليفة فأفرح وأبكى وأضحك وكان مميزاً أيضاً في الغناء الشجي المحزن وقد غنى روائع حزينة
لشعراء مختلفين أهما :
صديق مالك مشغول بال وهي من كلمات مبارك حسن خليفة وقد أبدعت في إعادة تقديمها الصديقة (نانسي عجاج)
ومن المفارقات أنها بعد ان رددتها بتلك الروعة , إقترنت بإبنه الموسيقار حسن مبارك حسن خليفة وصارت
الأغنية من كلمات صهرها :
يا صديق مالك مشغول بالك
قالو لي الحب غير حالك
يا صديق الحب فرحة و احلام
و ليالي لقاء و ليالي سلام
لكن شايفك عايش في ظلام
و عيونك فيها كلام و كلام
يا صديق الحب عالم مسحور
مغمور بعطور و لطافة و نور
عشاق عاشين في سلام و حبور
و الكل آثر و الكل مأثور
يا صديق الحب زي الاطفال
فرحة و بهجة و حنان و جمال
ينبوع الحب دائما سلسال
مادام في قلوبنا تعيش آمال
ثم غنى أيضاً حزن (هاشم صديق) كلمات ظلت تمثل عزاء الحزانى واليائسين فكانت (يوم في يوم غريب)
أو (النهاية) :
يوم في يوم غريب
فيهو الشمس لمت غروبها وسافرت
بانت نجوم متفرقه زي الدموع
فى خد حبيب ودع حبيبتو السافرت
والليل ضفاير حزنو مداها الألم
زي التقول عارف النهاية القاربت
والكون حزين خايف الهجير
شايف الربيع غابت شهورو وهاجرت
شفت الفريق ضامي الفرح
فى دار حبيب ضميتو في قلبي الحنين
ماتت خطاي ... ضاع الأمل
واحترت في خوفي الدفين
عاينت لقيت الحبيب في عرشو
في تاجو الحزين
حولوا العيون فيها الفرح
بس الفرح في عيونو ماقادر يبين
والدمعة في عيني بتودع طيف حبيب
خلاهو لي قدر السنين
واشتقت لي طيف الدموع
ومشيت طريق اسمو المصير
ودعت زهرات الأماني
ورجعت لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سالت دموعو علي الدرب
خاف الأمل كره المسير
يا حبي عيش
كلمات خطاب من الحبيب كان النهاية
حرفو الدموع سطرو النحيب
والحسرة كانت فيهو غاية
خلاني اغرق في المصير
وانا لسه عايش في البداية
أندم علي الحلم اللي راح
واطفي الشموع وابكي النهاية
ثم من كلمات عبدالمنعم عبدالحي بكائية فريدة ونواح على الحظ العاثر وتمني الموت ورجاء محبيه بتهنئته حين
موته لا البكاء عليه :
آلمني حنان
يوم قسموك يا هم كتبوا عليك اسمي
لو كان رووك بالدم يا هم رووك دمي
انا لو رضيت بالهم مابرضى بي همي
حباني يا أهلي يا من تعزوني
في الدنيا خاب أملي في حظي عزوني
أنا لو يحين أجلي ما تبكوا هنوني
يوم السعادة تفوت يا ناس تخليني
بين الحياة والموت يا السعادة زوريني
لو أمروها بالجبروت السعادة ما بتجيني
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
ياسلام على الحكي النضيف والمعلومات القيّمة..
بالله بالمرة مُرّ لينا على أم درمان ، وصوّر لنا (أسراب حسانها) في ذلك الزمن الجميل ..
وأظن أنها لإبن أبى العلا.. مش كدة؟؟
هي من أجمل ما سمعت من غُنا سوداني
وكُتِبت في سِربٌ من حسان أم درمان كُن يعبُرن شارعاً وهنّ يتهادين فلمحهن الشاعر
وكانت هذه الدرة النفيسة..
ناس زمان مجانين ، شعراء وفنانين ومثقفين وسياسيين ، وحتى ناس عاديين..
-------
بالله يا بهاء إنت شايفنا من اليابان؟؟؟ شئ عجيب!!!
والله ما مكنة ، سايق أمي العمرة ياخ..
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Salah Abdulla)
|
| Quote: سايق أمي العمرة ياخ.. |
الطير هناك أفصح من الدناقلة
بعدين يا صلاح الزول ده من حلفاية الملوك وجدو المانجيل الودا يكشف للحسان في امدرمان شنو؟؟؟
كويس ماقلتا سرب دياميات
كيمو أبو نقطة (*)
متابعة لصيقة (مان تو فنان)
بس قبل ماتغادر محطة ادريس جماع لابد من الوقوف في محطة يا صوتها لما سرى عبر الأثير معطرا
ويقال ان الأغنية قيلت في المذيعة سكينة عربي(غير متأكد من المعلومة)
أول صوت نسائي قال هنا أمدرمان
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Salah Abdulla)
|
(*)
الله يا أبا صلاح على ودأبوالعلا صاغ أسراب الحسان حين عاد من مصر
بعد إنقطاع رحلته الدراسية التي كان من المأمل أن تمتد حتى لندن
لكنه أصيب بالشلل وعاد إلى أم درمان وكان حين يجلس أمام باب بيته
تمر من أمامه الطالبات أسراباً من الحسان ..
أووو عمر ياصديقي ..
ياصوتها كتبها محمد يوسف موسى حين كان وكيلاً للبوستة بأم درمان
حين سمع صوت الرائعة سكينة عربي عبر أثير الإذاعة معلومتك صحيحة
ولي عودة للحديث عن الأغنيتين والشاعرين ..
محبتي ...
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
العزيز / كمال الزين
يا بختنا بك يا صديقي
ملتقى الجمعة يزداد كل يوم جمالاً على جماله وألقه
هذا الملتقى الذي استطاع أن يكسب قلوب جمهور الدوحة (الذواق)
وكم يسعدني فعلاً أن نستفيد من فيض معلوماتك وبياناتك حول كافة فعالياتنا
وسيتم تنسيق بالشأن ونحن على ثقة بأنك لن تقصر
حتى نتأكد من سلامة المعلومات والتي نعترف بأن الملتقى لم يوفها حقها كاملاً.
ولكن عندما نضمن أنها أتت من جهة اختصاص فهنا تتم الاستفادة السليمة منها.
أما عن إفراد ليلة للفنان العبقري طيب الذكر (سيد خليفة)
فمن المؤكد أنها ستكون ليلة ليلاء
وسنعمل معاً من أجل إنجاحها.
بقي أن أفيد الجميع بأن الملتقى سيستمر كل يوم جمعة حتى 4 أغسطس 2010م
ثم يتوقف خلال شهر رمضان لانشغال صالات المركز بفعاليات شهر رمضان
وسنعود بعد ذلك للملتقى
مع كل المحبة
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Sharif Nasirladeen)
|
ويستهلها ب سؤال :
( من انت يا حلم الصبا .. من أنت يا أمل الشباب )
ثم يستغرق في وصف لو رسمته لتبدأ لك ملاك
يملاك جمال
( عيناك .. عيناك من ....
( شفتاك .. شفتاك من كرز الم...
( خداك .. خداك .. خداك من شفق المغيب )
ويتأوه ك راهب في محرب الفن والجمال يتعبد
ويمد الآه حتى تخاف عليه أن يتسامى مع الخليل في أهة عزة
أو في عزة الآهة غايتو يا قريبي ، قد ( صعبتها ) عليهم جدآ
ترى من منهم قادر على إرتياد آفاق أبوالسيد
غايتو ،، أظن دكتور النور حمد ممكن ،، لكن بطريقته
فرح ودتكتوك ،، ممكن ،، برضو بطريقته
مرة عمار السنوسي حاول أن يغني ( ولى المساء ) فتعوق
و أوعك اليوم داك أن يعوقنا زولكم داك
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: khaleel)
|
من أنت يا حلم الصبا - كلمات عبدالمنعم يوسف
من أنت يا حلم الصبا** من أنت يا أمل الشــباب
من أنت يا من رحت ** أنشده ولكن لا أجــاب
أرنو لصورتك الحبيبة ** بين أطيــاف الضـباب
في الأرض في الأنهار في الشفق المنور في السحاب
**
وأحسها في خاطري ** نورا تدفق في انسياب
بالسحر بالآمال بالأنغام بالعــــطر المذاب
بالورد بالأزهار بالكأس المتوج بالحــباب
**
وأكاد أسمع في دمي ** صوتا تضمخ من شذاك
حتى متى أبقى على الدرب الطـويل ولا أراك
من أنت يا نفح المنى من أنت يا نور الصـباح
**
لمتى أعيش بلوعتي أدعوك لهفان الجـــناح
أبدا أسير مخـــيرا بين الروابي والبطـاح
ويكاد يحرقني الظمأ وتكاد تسحقني الريــاح
**
من وحي أوهامي خلقتك رغــم آلام الحياه
يا صورة الحلم الذي قد شع في قلبي سنــاه
يا ومضة الأمل الذي قد عشت عمري في ضياه
**
شفتاك من ورق الورود وآه من تلك الشـــفاه
وخــداك من شــفق المغيب وآه من خديك آه
وعيناك يكمل فيهما ليل تسربل مـــن دجــاه
**
وأكاد أسمعه يناديني ** أجل هذا نـــداك
وأظل أهتف من دمي والوجد يخفق هل أراك
يا حبيبي أنا يا روحي أنا هــــل أراك
**************************
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Gaafar Ismail)
|
Quote: لحبيب كمال علي الزين
أهديك الرابط أدناه
ولا هذه ولا تلك ولا الدنيا بما فيها - سيد خليفة
لك عميق الشكر لهذا البوست الرائع عن سيد خليفة احد عباقرة الغناء السوداني
قبل قليل كنت مع بهــاء بكري ..امس كنا في البرازيلي (سوق ناقتنا) محتفين به.
تحياتي ومودتي |
العزيز الأستاذ جعفر ..
شكراً ياقريبي على ما أثريت به البوست من كلمة ولحن ..
وما أجمل صلاح عبدالصبور خلاصة المصري (زمان) الذي عشق الخرطوم ومقرن النيلين وأمدرمان
وهام بها حتى أقسم أن لا هذي ولا تلك ولا الدنيا بمافيها تساوي رقصة الخرطوم عند النيل ياسمراء ..
____________________________________
بهاء بكري ده ترك فراغ كبير في الدوحة بالله فكوهو لينا ..
تحياتي للجميع وأوقات ممتعة بصحبة بهاء ..
محبتي ..
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
أخي الأستاذ/ كمال
ده والله شرف عظيم لنا نحن (أسرة الفنان سيد خليفة) ولكل محبي الراحل المرحوم سيد خليفة (طيب الله
ثراه) والذي تقومون بالإحتفاء به في الذكرى التاسعة لوفاته والتي كانت بتاريخ 2/7/2001م ، أنا سعيد
جدا بكل الحقائق التي ذكرتها والتي كانت صحيحة مئة بالمائة ولم يكن بها أي أخطاء كما عودنا الإعلام
السوداني حتى مناسبات الأغاني كانت دقيقة جدا ومداخلات الإخوة البورداب أيضاكانت شيقة ومفيدة
للقارئ ... آسف لأني جئت متأخر في مداخلتي نسبة لأن مجال عملي لا يسمح لي بالكثير من الوقت لتصفح
النت ، ولكني سوف أدلو بدلوي مع كل الأخوة اليورداب والأصدقاء ومحبي الراحل وسوف أساهم بإنزال بعض
الصور وبعض المواضيع التي كتبت في الراحل وأيضا قصائد الرثاء وبعض الأغاني التي لم يمهله الموت
لتقديمها لعشاق فنه ... مرة أخرة شكرا أخي كمال ولكل المتداخلين وربنا يرحم عمي أبوالسيد بقدر ما
قدم لهذا الوطن والذي كان يحمله في حدقات عيونه ... له الرحمة والمغفرة.
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
أخي كمال
أشكرك على ترحيبك بي وعلى كلماتك الرقيقة.
وحقيقة أنا بعتبر هذا البوست توثيقي لما
تركه أيو السيد من إرث جميل ومكتبة مليئة
بالأغاني الجميلة والتي تستحق أن يستمع لها
أبناء هذا الجيل حتى يستمتعوا باللحن الجميل
ويتعلموا كيفية الأداء وكيف كان هذا الجيل من رواد
الأغنية السودانية يسهرون الليالي في التلحين وفي
إختيار النصوص التي تستحق أن يستمع لها المتلقي السوداني
والعربي والأفريقي. آمل من كل الأخوة إثراء النقاش بالمداخلات
التي تفيد القارئي وعن الأغاني المحببة لهم من الغالي أبوالسيد
عليه رحمة الله. وأنا من جانبي مستعد لأي سؤال عن حياة أبوالسيد حتى
ولو كان السؤال شخصي لأن أبو السيد ليس ملكا لأهله فقط وإنما ملك للشعب
السوداني عامة ... تمنياتي لكم بالتوفيق.
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: حسن إبراهيم خليفة)
|
والله يا كمال فاجأتني جدا بمعرفتك للوالد.
الوالد كان صوته جميل جدا وما زال وكان
هو والعم عبد الله يوسف يمثلون ثنائي الدبيبة
وله تسجيلات عديدة بالإذاعة والتلفزيون ، العم سيد
كان بيشجعه على مواصلة الغناء لأنه صوته كان حنين جدا
بس الوالد كان له رأي آخر وآثر الإبتعاد حتى يترك المجال
لي سيد خليفة رغم إنو الوالد كان يتغني بأغاني الجاغريو
وأغاني الحقيبة وله مساهمات عديدة في الغناء الشعبي.
أتمنى أن أجد الوقت ليسمع الأخوان في البورد بعض أغاني
الوالد المسجلة للإذاعة.
آسف للإطالة والكلام عن الوالد ، ومرة أخرى أنا مستعد للمساهمة
كتابة وغناء وصور حتى نثري البوست بأجمل ذكريات للراحل الخالد
في قلوبنا سيد خليفة.
شكرا ياكمال يا ود الزين.
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: khaleel)
|
Quote: وبالمناسبة ياحسن والدك أيضاً يمتلك صوت جميل وموهبة عظيمة متوارثة فلماذا لم يواصل المسير
بطريق الفن كشقيقه سيد خليفة وإبناء عمومته عميد الفن أحمد المصطفى والفنان الكبير مبارك حسن بركات ..
أو على الأقل السير في طريق كتابة الشعر الغنائي الذي يجيده وسأفآجئك ببعض كتاباته في هذا التوبيك .. |
ألم أقل لكم؟؟
هذا الولد ( نصيبة ) كبيرة !!
ماشاء الله ، تبارك الله ..
أها ، هنا حيّر الزول في أبوه ، وطلع بيعرفو ، وسيفاجئه بما لم يكن يعلم عن أبيه!!!!
زول مجتهد وهباّش ، وحِفيّظ ..
ومصادر معلوماتو متنوعة
أحد أكثر مصادره أهمية(أعتقد) أكتشفته أنا بالصدفة ..
مرة كنا قاعدين في بيت أخونا لقمان همام ، ودار نقاش حول قصيدة
لا أذكرها (أظنها ، تودعني وأنا مشتاق ليك )
المهم ، أخونا كمال ما ضيّع زمنو ، إتصل مباشرة بوالده أطال الله عمره
وقال له ، يا أبوي إنت القصيدة دي حقت منو ؟؟ فظل كمال يستمع صامتاً لمدة خمسة دقائق وظل يردد ويقول (آه ، أيوه ، صاح )
ويومئ مرات براسو المدوقس ده
وبعد أن أنهي المكالمة ، سرد لنا تاريخ القصيدة منذ أن كانت فكرة ، الى أن أصبحت أغنية يرددها الملايين..
حفظ الله كمال ، ووالده ..
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Salah Abdulla)
|
(*)
العزيز صلاح عبالله ..
شكراً ياصديقي على لطف كلماتك , وليس غريباً عليك يا صاحب المكارم وإبن الأفاضل ..
للحقيقة الوالد أطال الله عمره , من قدامي موظفي بوسطة أمدرمان (زمان) وهو يهوى الغناء والعزف والأدب
ونتمنى أن نحفظ عنه القليل مما يعرف وهو الذي زامل أغلب مبدعي السودان الذين خرجتهم البوسطة
(مصطفى عبدالرحيم _ مصطفى سند _ محمد يوسف موسى _ صلاح مصطفى _ فؤاد فريد _ حافظ عبدالرحمن _ الشفيع عبدالعزيز
والقائمة تطول ...
الأغنية التي أختلفنا حولها على ما أذكر ليلتها كانت :
(جرحي وألمي ) وهي لفنان عظيم إنزوى عن الساحة مبكراً هو (الأمين علي سليمان)
وقد أعاد تقديمها محمود عبدالعزيز مؤخراً ...
محبتي ...
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: Salah Abdulla)
|
ألم أقل لكم؟؟
هذا الولد ( نصيبة ) كبيرة !!
ماشاء الله ، تبارك الله ..
أها ، هنا حيّر الزول في أبوه ، وطلع بيعرفو ، وسيفاجئه بما لم يكن يعلم عن أبيه!!!!
زول مجتهد وهباّش ، وحِفيّظ ..
ومصادر معلوماتو متنوعة
أحد أكثر مصادره أهمية(أعتقد) أكتشفته أنا بالصدفة ..
والله يا أخ صلاح فعلا كمال الزين حيرني
فعلا الرجل ده موسوعة ومجتهد جدا (تبارك الله)
ربنا يحفظه ويحفظ والده كمان
والله أنا مستمتع متعة ما بعدها بالتفاصيل اللي بيكتبها دي.
تحياتي ليك يا كمال وعليك الله ما تتوقف كتير ... كلنا متابعين بشغف شديد والله.
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: حسن إبراهيم خليفة)
|
Quote: والله يا أخ صلاح فعلا كمال الزين حيرني
فعلا الرجل ده موسوعة ومجتهد جدا (تبارك الله)
ربنا يحفظه ويحفظ والده كمان
والله أنا مستمتع متعة ما بعدها بالتفاصيل اللي بيكتبها دي.
تحياتي ليك يا كمال وعليك الله ما تتوقف كتير ... كلنا متابعين بشغف شديد والله. |
العزيز حسن إبراهيم خليفة
شكراً على لطفك ..
أتمنى أن نجد الوقت لمواصلة الحديث عن خفايا كثيرة في حياة
ومشوار فنان كبير ومغني عظيم ومطرب ضخم إسمه سيد خليفة
محبتي ...
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
(*)
الفارس الجحجاح
كلمات الراحل المقيم عمر الحسين محمد خير
شدوا لك ركب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***
بابك ما انقفل ونارك تجيب اللم
وما بتحلف تقول غير استريح حرم
***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
عينيك يالصقر في الحارة ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغة ما بتحوم
ود ناسا عزاز جمعوا المكارم كوم
تفخر بيك بنات البادية والخرطوم
| |
|
|
|
|
|
|
|
|
|
Re: رواد منتدى الجمعة :دعوة للإحتفاء بعبقري الأغنية السودانية (سيد خليفة) .. ! (Re: كمال علي الزين)
|
العزيز حسن إبراهيم خليفة
شكراً على لطفك ..
أتمنى أن نجد الوقت لمواصلة الحديث عن خفايا كثيرة في حياة
ومشوار فنان كبير ومغني عظيم ومطرب ضخم إسمه سيد خليفة
محبتي ...
الله يخليك يا كمال والله أنا سعادتي تفوق الوصف بهذا التوثيق العلمي المرتب
وأتمنى أن تواصل في هذا السرد حتى أسافر للسودان بعد إسبوعين من الآن و
أعود من الإجازة بعد العيد وأجيك راجع من من منزل أبو السيد بالصور
والأغاني وماخفي كان أعظم.
لك التحية والعرفان.
| |
|
|
|
|
|
|
| |
كمال علي الزين
كمال سالم
بهاء بكري
ALGARADABI
haroon diyab
tarig almakki
عادل التجانى
Sharif Nasirladeen
أبو ساندرا
Gaafar Ismail
khaleel
معاوية الزبير
Elmosley
Hadeer Alzain
فيس بوك
تويتر
انستقرام
يوتيوب
بنتيريست