|
Re: نسينا الموسيقى عديل كده – الطرب حدوث السقيا (Re: أبوذر بابكر)
|
المطر الحبيب..
سلامات ومزيكا..
كأنك بتقرأ أفكاري.. لي كم يوم بتذكر في بوست المنافسة داك.. حتى إتحديت تمبس يومداك وقلت ليهو بقيت خطيرة وحأهزمهم (روعة) المرة دي..
من فترة أدمنت الاستماع لـ Andrea Bocelli.. خرافة..
وبالرغم من اللغة. إلا إنها آخر شئ الواحد ينتبه ليه في البيسمعو..
أهديك حاجة لغاية ما "عتاولة" السحر يجوا
| |
|
|
|
|
|
|
Re: نسينا الموسيقى عديل كده – الطرب حدوث السقيا (Re: Raja)
|
عوافى يا رجاء
ونورك سال ودفق
كل سنة ولحظة وإنتى وكل "نسوان" الدنيا
طيبين وسعيدين ومبدعين، الليلة طبعا 8 آذار يوم عيد المرأة
فى مارس الواقف بين حوش الشتاء وساحة الربيع، قبل جحيم الصيف الكعب
كل سنة إحتفال وتهانئ ومؤتمرات، ولا شى جديد الوضع ما يزال كعب، ومافى إنجازات ريماركبل كده فيما يخص المرأة فى الدنيا
نرجع للمزيكا
الزول ده سمعته، فعلا كامل الدسم فيهو حاجة من خوليو ايغليسياس، الله يطراهو بالفرح والخير، وشوية من دومينغو
الإسبانية والإيطالية والأمهرية والنوبية والبجاوية
ديل أحلى لغات الزول يسمع بيها غناء
يعنى تحسى زى كأنه فى إلفة بينها وبين الغنا والطرب
قلتى لى إتحديتى تمبس، لكين صراحة كده
ما شايف ليك فوز، يعنى هسه لو قالو لى رشح البطل
طوالى بقول تمبس، لأنه هو "البرنجى"
ما أظن تقدرى عليهو
المهم فى القصة
دفق النغم وهطول الألحان العجيبة
أقول قولى هذا
وأتمنى ليك تانى
أى حاجة سمحة تتمنيها
ونستنى عودة الإبداع
| |
|
|
|
|
|
|
Re: نسينا الموسيقى عديل كده – الطرب حدوث السقيا (Re: Raja)
|
تحايا وترحاب وفرح
يا رجاء
يا إبنة شيخى الجميل
كيف الأحوال
وتمبس إذا رغب
مش فى حكاية يا رجاء فى حاجات العربى بتقول كده
امروء القيس إذا شرب والنابغة إذا غضب أو إذا ركب، وما متذكر التالت لكين يبدو لى إنه طرفه، وياهو هو ال إذا رغب
يعنى كان بعمل شغل بديع وهو فى حالة الرغبة
هسه تمبس كان الله هداخو وإستهداهو
أنا متأكد إنه مدكن مننا ما لا أذن سمعت ولا خطر ببالنا تب
زول غتيت جدا ما تشوفيهو كده
المهم
حياك الخالق وابقاك وأسعدك
| |
|
|
|
|
|
|
Re: نسينا الموسيقى عديل كده – الطرب حدوث السقيا (Re: أبوذر بابكر)
|
تعرف يا مطر .. دائماً قاعد تهبش في الحتات الحلوة وبتوجع .. عارف حياتنا كلها موسيقى بكل ضجيجة ورتابته تختلف باختلاف التوقيت والمكان .. قبل كم يوم أنا وتمبس قابلنا صديقنا الفنان الطاهر غندور وهو زول مبدع تحدثنا عن حفلة ياني بتاعت الأكروبول وتاج محل اها قام هجمنا ليك بواحدة مرتدة قال عنده تسجيل لآخر حفلة عمله ياني قمنا مسكنا ليك فيهو أنا وتمبس بس أدينا كم يوم كده ونقوم نجيبه ليك .. تاني حاجة ياخي أنت ذكرت الأحباب الحلوين الكانوا هنا ولا زالوا في دواخلنا ليتهم يعودون وبعودة رجاء العباسي عاد للمنبر رونقه ويا ريت تعود راوية وإيمان أحمد وأم واصل وندى أمين والقائمة طويلة .. أها في وسط الكلام دا كلو شايف بشرى صاحبي جاء يغرد هنا يا سلااااااااااام يا مطر أن إستدعيت كل الحلوين في هذا البوست الموسيقي الرائع ..
لكم كل الأماني .. جاييكم تاني ..
| |
|
|
|
|
|
|
|