|
|
|
 Re: نــاس الدوحـــــــــه.. والبكا بحرروا أســـــياده.. (Re: معتز القريش)
|
سلامات
وعوافي
اولا دعوني "اهتف" نحوكم بهتون الدعوات في هذه الايام المباركات ..
سائلا المولى عز واجل ان يجعل كل ايامكم نعيم وخير وجمال ..
ارتل في سري امنياتكم البريئة .. قلوب توسدتها المحبة اللطيفة .. وعقول نظيفة كنفوس الاطفال ..
اتمتم في سري .. ربي هؤلاء هم صحبي احبهم واجلهم واحترمهم .. فانزل عليهم من باب الاستجابة وافر نعيمك وغزير ثنائك وجزيل خيراتك .. هم كالكواكب يضيئون نواحي الروح ويشعون في حالك الايام بريقا وضياءا .. اجزل لهم العطاء يا الله فبالذي ارسلته للعالمين بشيرا ونذيرا اني احبهم واهواهم .. اني اعشقهم واتمناهم بقربي الي يوم البعث العظيم ..
اللهم "كلهم بدون فرز حتي كيكي المكعوج دا" اللهم لاتجعل امنية في خاطرهم الا واسقطتها علي ارض واقعهم ولاتجعل في قلوبهم سوي المحبة النقية والاخاء الصادق الحميم .. اللهم اقضي عنهم حاجاتهم وبلغهم مقاصدهم واجعلهم في العالمين اطهارا اخيارا ابرارا .. امين ..
اما بعد ..
نجوان مشتاقين وحمد لله علي سلامتك ياستي نورتي البورد وبعدين زوغتك حلوة يعني نحن "اربعة" نمشي لي واحد والا الواحد بيؤول للاربعة .. خليك عادلة يازولة وتعالي لينا انتي في اجازة اسبوعية واهو تجي تخففي لينا دكتاتورية "الريس راندوك" ونقدر نساوما بي انها لو كترت فيها بنديها الصالح العام وكدا ..
والله ما تتخيلوا انا سعيد بيكم كيف .. طبعا ما بقدر اوصف ليكم اي شي .. عشان كدا خلوني امشي منكم هسي وبجيكم صادي اذا مد الله في ايامي ..
تقبلوا معزاتي الشديدة ودعائي الكثيف ..
اخوكم عبدالرحيم عبدالله عبدالرحيم درار "ودرملية" ..
اكتب وفي خاطري مدينة وانبياء..
| |
 
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: ودرملية)
|
ود رملية
ياسلام منك وياسلام عليك
تنهدات: هل انت وجودى ام جدانى ام وجد الاصفياء يانجوان صفانا
نصطفيك ونصتف خلف ريحان حنينك وموعدنا يوم حنتك يامحنن قلوبنا
على بعض يابعض من كل شى فينا ياهبة رملية لوجه الاديم دوما انت
الحس والاحساس ويالك من حساس ومتحسس لمواقع الجمال ياجمل الشيل/B]
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
نجوان سالتك بالله ان عندك فرقة يا حبيبة تعالى لينا عشان تشوفى المتحملاهو اختك .. يقولو انا دكتاتورية وما الى ذلك تعالى خلينا نعمل برلمان نساء .. صدقينى التلاته ديل (ودالامير (لبنانى الهوى والدسترة)ـ ،ودالقريش (يسعى سعيا حثيثا نحو المرأه الرابعة ) -ودرملية (مية من تحت تبن او فى رواية اخرى ياما تحت السواهى دواهى) ديل التلاته ممكن يخربو مالطا وسكانا عينهم تعاين.
يازولة يا سمحة والله حبابك الف والدوحة تنور بيك وتزيد حلا.
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
Quote: نجوان سالتك بالله ان عندك فرقة يا حبيبة تعالى لينا عشان تشوفى المتحملاهو اختك .. يقولو انا دكتاتورية وما الى ذلك تعالى خلينا نعمل برلمان نساء .. صدقينى التلاته ديل (ودالامير (لبنانى الهوى والدسترة)ـ ،ودالقريش (يسعى سعيا حثيثا نحو المرأه الرابعة ) -ودرملية (مية من تحت تبن او فى رواية اخرى ياما تحت السواهى دواهى) ديل التلاته ممكن يخربو مالطا وسكانا عينهم تعاين.
يازولة يا سمحة والله حبابك الف والدوحة تنور بيك وتزيد حلا. |
بت الاستاذة
الدورات جاية و2016 ما بعيدة ـ وترى تحملي
حاولي تتذكري فطور البرج
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: معتز القريش)
|
كيكي..
"جابت ليها عزومة مراكبية"
أوعى تكون المقصودة عزومتي ليكم؟؟
(وجه منتظر الرد على أحرّ من الجمر)
________
بدرالدين..
"يعني أنا وإنتي نمثل الأغلبية"
كلما اقول اعمل فيها انسانة عاديه جدا
تذكّرني my VIP status
________
معتز..
"من إيدك دي لي إيدك دي"
لآ....بعد كده مفروض المدير يعمل حسابه..
الولاء الشدييد ده يستحق المتابعه،
حسب نظريات دينامية الإدارة وشئون الأفراد
________
ود رملية..
استاهل أنا وإلا ما كنت قلت لي
"يعني نحن اربعه نمشي لواحد ولا الواحد بيوؤل للاربعه"
وبعدين زول ما عادي زيك..
كيف بيحسب بحساب بقية أمة محمّد؟
________
رندا الزعيمة..
شكرا على الكلام الذوق..
قولي لود رملية ومن لف لفه..
ديكتاتورية مجيّهة ولا ديموقراطية كلام جرايد..
ولكي خالص الود والمؤازرة..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
Quote: كيكي..
"جابت ليها عزومة مراكبية"
أوعى تكون المقصودة عزومتي ليكم؟؟
(وجه منتظر الرد على أحرّ من الجمر)
|
معقول يا نجوان ...
ده كلام شنو يا نجوان ..انتي عزومتك معقول حد يقول عليها عزومة مراكبية..
انا قصدي عزومة الجانب الاخر من النهر..عزومة ناس (بدوري) علي قولة معتز قريش
(اول مرة اشوف لي كبكبة وكسير تلج علي الفضاء الاسفيري لرب عمل..يامعتز ثلج)...
عزومتك انتي يا يمة انا عارفها عزومة تذاكرها طالعة وخروفها بكون مربوط قبل المداخلة..
بعدين يا نجوان في داعي لبوادر فشل (نيفاشا) يعني ..!!
ليكم دي لازمها تصريح صريح..لانو التحريات بتقول (كيكي) ما معزوم..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
كريمو..
آمنت و صدّقت انه ناس الهندسة عربيتهم (لغتهم.. مش سيارتهم) تعبااانه تعب الموت..
لو كنت ما معزوم، كنت قلت (ليهم) وليس (ليكم)..
ف..(ليكم) تشمل المخاطب (بفتح الطاء)..
ما فضّل إلا نجيب محسن خالد للبوست ده..
وبعدين يا كيكي سمعت بي فريق محترم بينزل الملعب والكابتن غايب..
كيف يعني ما معزوم..
أها.. هل هناك عزومة اصرح من كده..
جهّز حالك يا زووول..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
شكرا يا نجوان
وكده بتكوني قفلتي باب الاشاعات و القمتي مرجفي المدن(لاحظي المدن وليس المدينة).حجرا
وقصة كابتن دي بتذكرني بحق الكابتن التاريخي (حسب قانون الفيفا) في اختيار افراد التيم
للدخول الي المعلب..واشكرك علي التذكير بهذه المادة المهمة جدا جدا..
ساختفي عن الاسفير في الايام القادمة لدخولي ورشة مهمة من اجل اختيار افرادالتيم المسافر
الي الامارات..
واطمئن الجماهير بخلو الكشف الدوحي من ثلاثة لعبية لاسباب لا مجال لذكرها
والثلاثة لعبية هم
1-(كاسترو +الكهل الاربجي) ده اسم زول واحد طبعا
2_(فلان ثلج+الفنان الظلامي) وده برضو زول واحد
3-(فنان الغفلة الاسفيرية في زمن الغناء الجدادي) وده طبعا (ما بغبي الجمهور)
ستكون هناك انذارات بالحرمان من المباراة للريس رندوك ومجلس محاسبة حتي تعتذر للادارة
والكابتن شخصيا...ولا زال الكابتن عشمان في كفاءتك ومقدراتك يا رنداومتكيف في مداخلتك الاخيرة
رغم اني شايفك قلتي (ليكم) وبرضو ليكم بتاعة رندا عاوزة توضيح زي ليكم بتاعة (نجوان)..
(والله يا نجوان كابتن دي الواحد حقوا يديك عليها زي مليار دولار كده..دولار اسفيري )
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
شنو يا كريم ياخى
انت ما ملاحظ الحرب الاسفيرية ثلاثية الابعاد التى تم شنها على مثلث برمودا (بدر.معتز.ودرملية)
الا يكفى كل هذا لاقناع كل من ساوره الشك فى حيادية ومصداقية الريس
وبعدين يا كابتن خلى المباراه تبدا ويا حبذا لو عملتنى الحكم .. اول شئ اطلع ليك كل شوتاتم اوت .. واديكم ضربات جزا حتى لو غمزو ليكم بى عين... واصفر ليهم تسلل وهم واقفين جنب مرماهم... واديهم كرت احمر لو بس حكو شعرهم... ولو ده كلو ما نفع اطلع ليك حارس المرمى بتاعهم فحص المنشطات بتاعو بوزيتيف واخلى ليكم المرمى مكشوف بلا حارس ... اها رايك شنو؟؟؟؟؟؟
وبعدين سبحان الذى سلم رقبتى من تحت ضروسهم ... ايام الاسياد.
قال فطور البرج .. ياتو ده ..الطفحنا ليهو ودالامير بى تلفون ولا واحد غيرو ...
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
مرحب ياريس وكلو تمام سعادتك...
نبداء ببتاع الكبانية ده في الاول..
داير تمشي لازم
1-تنزل السيجارة الكوبي الانت شايلو ده..او تشفطها لحدي ما تكمل براها..!!
2-تعتذر عن الاشاعة بتاعة اديس ابابا المغرضة وتقول يا كريمو ورندا سامحوني بلا زعل..
3-تعتذر للريس رندوك عن جهجة الفطور بتاعها في ايام البرج .(مقطع للريس الفطور في راسها
وكل ما تجي تشيل ليها لقمة تتذكر تلفوناتك المتعسفة)..
4-تكلم الظلامي ده تاني ما يكسر ثلج بالطريقة دي..كرهتونا الثلج ذاتتو
5- تدفع لود رملية باقي الشيك بتاعو(10 الف ريال قطري لاغير)..(شفت احنا ناس حقانين كيف.نطالب بكل
حقوق الاعداء الكرام)..
6-تورينا الساونا الظاهرة في الصورة دي وين عشان نعرف محلها ونمشي نتفاهم معاهم تاني ما يخلوك تجي
هناك..!!
وشكرا يا ريس رندوك...!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
وعن الخروف يا بدرالدين..
الخروف لغاية دلوقت قضى على 3 زهريات..
بينما تمّ انقاذ زهرية أخرى باعجوبة..
يا ناس.. النباتات دي انا ما بسقيها موية بس،
وانما عصارة مشاعر ووجدان..
فتعالوا وخلصونا من خروفكم البقى لي في رقبتي ده!
قال خروف قال!
ما كتير عليكم أكيد..
ولكن احتفائي بكم قطعا سيتجاوز كل مألوف..
وسيسطر في مواثيق الود والصداقة
احرف من ذهب، ماس، مطعّمه بلآلئ بلون الفرح
ومعطّره بطيب عشرتكم.. يا خير معشر..
بس ابعدوني من ذوات الاربعة..
وبرج العرب واشهر شيف بالدولة يا كريم في انتظاركم..
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
نجوان..خروفك ده لازماه منفي في مثلث برمودا..
ليه بكسر ياخي الخروف ده..!!
ونحن نطالب الخروف انو يواصل في التكسير حتي نشكل التيم ونجي للشيف الاميري
بقيادة..
1-عماد عبدالله
(عماد شلت صورتك ياعماد ياخي بوظت علي مداخلة مشفوعة بصورتك الخايف عليها)
والبقية تاتي..!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: بدر الدين الأمير)
|
والله ما كتير عليك الجية يا نجوان ...
وبعدين ولا يهمك ..احجزى لينا فى برج العرب وحولى الفاتورة على اكسنت ..
الناس الكان عندهم غرف فى برج الدفنه حرمت عليهم غرف برج العرب حرمة مكه على الكفار ... اما الناس الكانو مشردين (زى حالتى كده) .. عندهم طلباتهم ..
طلب خاص :
شوفى لى غرفة تكون مصبوغه بالدهبى ومقابض الابواب وكل الاشياء المعدنية تكون "Bure Gold" وحولى فاتورتى لى ملك بروناى !!!!
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: Randa Hatim)
|
رندا...
لحظه من فضلك (الحقوق محفوظة لمنى خوجلي)..
برج الدفنه؟؟؟؟
وده الناس بتمشي ليه برجلينها كده؟؟
ما لقوا إسم تاني ناسكم ديل؟
وبرج العرب دهبي في دهبي.. لدرجة السماجه العربيه..
ما بريد الدهب ..وبرج العرب كرّهني فيه زياده..
قصر ألإمارات بأبوظبي مناسب يا رندا ..
أكيد حيعجبك.. ويعوّض الفات..
(شايفه في بوادر عصيان مدني بعد الاسياد..)
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: نجوان)
|
27 دولار...!!!
غريبة..
انتي عارفة ناس (برمودا ) ديل ممكن يكون هكروا القروش دي...
وشكلها كده ظاهرة في ال (look )الاسفيري الجديد بتاعهم..
1- بدر الدين عامل ليهو (لوك) جديد (مسرح_وعامل ساونا_ وشايل سيجارة قصبة _ولابس نظارة بيرسون
وبدلة لنج وبقي زينة يايمة)..
2-الظلامي برضو شايفو لابس ليهو (عفريتة) ذكرني (سموري) ود اخوي صلاح الصغير
الحاجات دي كلها جديدة لنج يا نجوان وظهرت في اليومين دي..واكيد قروشك لبسوها (عفاريت)
وشالوها سيجارة في شكل قصب...
لكن ما عندك مشكلة ..انشاء الله تسمهم..بندفع ليك تاني المرة دي انا والقائدة المريشة (رندوك)
| |
|
|
|
|
|
|
|
|
|
Re: نــاس الدوحـــــــــه.. والبكا بحرروا أســـــياده.. (Re: عبدالكريم الامين احمد)
|
سلامات
وعوافي
ياشباب ..
كيفنكم يا حبان قساي ..
.
.
بعدين شنو يانجوان الـ كريم "كابتن" كابتن شنو "دافوري" غير كدا ما بعرف ليهو كابتنية ..
..
ياريس راندوك .. شنو ياختي عاوزة تعملي لينا "عصابة من لطايف الدينا" في البلد والا شنو.. نجوان وانتي "اكيد ما بنستحملكم" عشان كدا خليها بس تجي تعيد وايانا وترجع علي طول "ونقوم نحن نتخمخم ونتلملم ونمشي ليها" وتبقي الرحلة ماشي وجاي ماشي وجاي "هي الدنيا ايه غير فرحة في وش الصحاب" ..
تتخيلوا ..
ياعراب قلت لي الريس رافع شعار عدييل كدا ..
دا ريس ما مضمون ياصاحبي ..
الدكتاتوريات القديمة كلها "تحمل نفس ملامح الريس " ...
ياكريم "الكرفتة دي جدعة ياحبيب" انت لو قريتا كويس كنت عرفتا الانتكا بالطريق الصحيح "اخوك في تنسيق الوان القشرات دي مابتهبش" .. اقول ليك حاجة جاتني واحدة روسية قالت لي عايزة صورة معاك لو سمحتا "اخوك اتصور معاها" ومشيت عشان اقعد تاني جاتني الزولة الاسمها "جنجي قانق" "الرقاصة ديك" قالت لي برضك عاوزة اتصور معاك "قلتا ياجماعة في شنو انتو الفراش دا حايم حواليا كدا" اها بس مشيت اجيب السيجار من العربية شفتا ليك الكرفتة في المرايا "تتخيل قربتا اقول ليها عاوز اتصور معاك" هاهاهاهاهاهاه ..
.
.
.
كريم في غيابك اوعا تنسي ريدة صحابك
دا نحن لو سافرتا مرة تبقي ارواحنا في رحابك
تمشي تتوسد خطاك وترجع فرحانة بشبابك
مالدنيا ايه غير طلتك ووقفة الاحباب في بابك
والمسافة مابتبقي حائل ..نحن نطويها بي حبابك
ترقص الساعات بفرحة وينشد الترحال رحابك ..
| |
|
|
|
|
|
|
| |
معتز القريش
عبدالكريم الامين احمد
ودرملية
بدر الدين الأمير
نجوان
فيس بوك
تويتر
انستقرام
يوتيوب
بنتيريست