شكرا حمور زيادة فقد أثبت أنك كنت تستخف بعقول قرائك

Quote: يا حمور ما عندي إجابات لأسئلتك ومعاييرنا مختلفة واعتبر نفسك على حق إن شئت وأن موقفي من رواية محسن خالد السحاقية غير صحيح وفقا لمعاييرك وأن قصائد المتنبي المختلف حولها غير عنصرية وأن كافوريات أمل دنقل ليست عنصرية ،وكل هذا وفقا لمعاييرك ومن يتبعك وأن شعر الذي يتحدث عن فاحشة قوم لوط مقبول عندك ....إلخ .

قادر الله يا الحبشي ..
كيف ما عندك اجابات ؟ انت بتكتب و تفتي ساي في الأدب و تحكم على الأدباء و لمن يسألوك تقول ما عندك اجابات ؟
ليه ما عندك اجابات ؟
انت بتنضم ساي ؟
ما تراكا معترف انو عندك معيار .. مالك ما عايز تقولو و تناقشو ؟
موضوع انو معاييرنا مختلفة ده ما اكتشاف .. لو ما كان مختلفة ما كنت استغربت في احكامك و كلامك و لما طلبت محاورتك .. الحوار اساسا بيقوم بين المختلفين .. فما جديدة انك قول معاييرنا مختلفة.

و شنو اعتبر نفسي على حق دي ؟
هو اعتبارات ؟ ما اي زول بيعتبر نفسو على حق.
بهذا المنطق كل زول يلم كلامو عندو و مافي زول يسأل التاني.
عزاز و تيسير مش على حق في نقدهم لكتابة منال مع اعجابهم بشعر اشراقة ؟
ليه جيت تسأل عن المعيار طيب ؟
انا مش على حق عند نفسي في كلامي في بوست شائعة موت د. الهادي ؟
مالك جيت حشرت روحك تتهم و تحكم ؟
اهاااا .. ده نظام انا بسوي الحاجة لكن مافي زول يسوي لي ؟
لا يا حبشي لا ..
منهجك الذي تحب و ترضى هو مسائلة الناس .. الان انت امامفوهة المدفع .. انا اسألك عن افكارك منذ خمسة عشر يوما و انت تهرب.
و في النهاية تجي تقول لي ما عندي اجابة على الاسئلة ؟
يمكن ان نعتبر هذه اجابة نموذجية لأي سؤال او تحقيق تفتحه بخصوص اي عضو في المستقبل ... ما مشكلة.
لكن هسه انا بسألك امتداد لمنهج القديم .. و اصر على ان تجيب على الاسئلة. لأنو ما عندي اجابة دي كان ممكن تقولا من اول يوم ( يوم 25 مايو ) كان ممكن تجي تقول لي ما عندي اجابة و كان الموضوع ممكن يقيف كده. لكن تفتح عني بوست كرد على داك و تملاهو ترهات و تقعد تشتم ذات الشمال و ذات نفس عين الشمال و تهدد و تبتز و تتلولو و في الاخر لمن تفتر تقول ما عندي اجابة ؟
اها و الترهات الكبيتا هنا دي عني نسوي فيها شنو ؟
و تهديدك لروزمين ننساو ليك يعني ؟
و تلميحاتك بالتهديد بنشر رسايل بيني و بينك دي نقول عفى الله عن ما سلف ؟
لا يا الحبشي .. القارئ الغبي محتاج يعرف نهاية هذه الأمور .. و انا مصمم ان اعرف هل تريد ان نناقشها اولا او نناقش معاييرك الادبية أولا. الخيار ليك باعتبارك الاكبر سنا و العبقري الذي يعرف غباء الطيب صالح.

نجي لموقفك من رواية محسن خالد الغير صحيح حسب معاييري ..
يا الحبشي يا اخوي انت قلت بعضمة انجليزي كيبوردك انك ما قريتا .. فبالتالي موقفك منها مضحك بمعايير اي باب تلاجة يحترم البيض الجواها.
الموضوع ده ما موضوع معايير .. الموضوع ده فضيحة بكل المقاييس.
زول لسنين يكورك و يهلل و يتهم يمين و شمال و هو في الاخر ما قرا العمل الزايط فوقو ده.
تجي تقول لي حسب معاييري انا ؟
كدي عليك النبي قوم على حيلك .. كدي قوم بس .. اسأل الكرسي الكنت قاعد فيو ده قول لي انا لي سنين بهاجم رواية ما قريتا .. شوفو كان خلاك ترجع تقعد فوقو تاني.

الان يا الحبشي يستحر الامر.
فاركز.