|
Re: سر(الحبشيات) انا عرفتو؟؟ (Re: المر)
|
الرجال و الشباب السودانيين الفي نورث امريكا عموماً .. اغلبهم على علاقات مع الحبشيات و كم سمعنا من قصص قدر الحبشيات للرجل السوداني
سألت زميلة دراسة حبشية انتوا لييه ما بترتبطوا بأولادكم .. قالت الجملة دي بالحرف الواحد.. السودانيين هبل بصرفوا علينا الحبشي ما بصرف علينا بنصرف عليهو نحنا .. عجبني ليكم
| |
|
|
|
|
|
|
Re: سر(الحبشيات) انا عرفتو؟؟ (Re: سناء عبد السيد)
|
Quote: الرجال و الشباب السودانيين الفي نورث امريكا عموماً .. اغلبهم على علاقات مع الحبشيات و كم سمعنا من قصص قدر الحبشيات للرجل السوداني
سألت زميلة دراسة حبشية انتوا لييه ما بترتبطوا بأولادكم .. قالت الجملة دي بالحرف الواحد.. السودانيين هبل بصرفوا علينا الحبشي ما بصرف علينا بنصرف عليهو نحنا .. عجبني ليكم |
.. ونحن اتعلمنا قصة الصرف على النسوان دى من وين؟
... المهم ....
| |
|
|
|
|
|
|
Re: سر(الحبشيات) انا عرفتو؟؟ (Re: تبارك شيخ الدين جبريل)
|
انا غايتو قبل كم يوم ودتني الظروف المستشفى لي عمي , والزيارة كان مواعيدا لسه قلت خلاص بدل اقعد في البنبر بتاع ست الشاي ساكت , اقوم اشرب لي منها كباية شاي بالله المرة صارة وشها من قعدتا , ولمن جيت احاسب قالت الكبايةبي 750 , مع انو في اي حتة بي 500 لمن سالتها صارة مالك, قالت الناس بقعدو ليها في البنابر وما بقومو(الكلام ده وكل النحنا قعدناه حوالي ربع ساعة) بالله تعد ليك جقمة جقمة دايراك تخلص وتقوم اسي عليكم الله ده براهو ما بودي للحبشيات
| |
|
|
|
|
|
|
Re: سر(الحبشيات) انا عرفتو؟؟ (Re: اشرف السر)
|
أخونا المّر والله شائفك متقمص د. عادل سجيمان حتى في طريقت الردود أحيك على حبك الشديد لل.... كتابات السجيمانية يا سجيمان .........قصدي يالمر
Quote: الرجال و الشباب السودانيين الفي نورث امريكا عموماً .. اغلبهم على علاقات مع الحبشيات و كم سمعنا من قصص قدر الحبشيات للرجل السوداني
سألت زميلة دراسة حبشية انتوا لييه ما بترتبطوا بأولادكم .. قالت الجملة دي بالحرف الواحد.. السودانيين هبل بصرفوا علينا الحبشي ما بصرف علينا بنصرف عليهو نحنا .. عجبني ليكم |
اختنا دي إشارته لرجال وشباب وأضح انها بتتكلم عن علاقات بره إطار الأسرة في العلاقات دي الاستغلال حلال شرعا مدام في ناس برتضوا لنفسهم يكون عندهم علاقات بره المؤسسة الزوجية لو مع حبشيات ولو مع نسوان من بلاد تركب الافيال في مطلق الصرف كصرف فهو شي بقوم بيهوا ( الرجل ) لو حتتكلم عن الامور بمنطقة العادي لو في نورث امريكا ولو في الصين الغالب الأعم من الحبشيات في أسرهم منطقيات في صرفهم وبعتمدوا على التقدير المناسب للدخل ووضع الزوج يعني يديهم العافية ما بمسكوا من يدو البتوجعوا في حاجة , ودائما بختاروا من الحلول أيسره وبقيفن مع ازواجهن بصبر ...لحدي مالله يفرجه ...
يبقي في الاطار الهي قاصداهوا انا ذاتي عاجبني ليهم ... ليها التحية ولناس امريكا الشمالية والجنوبية والقطب الجنوبي كمان
يبقي مطلق الاستغلال موجود في كل الدنيا ما مرتبط بالحبش ... وعندنا فيهوا كسودانيين برضوا مذاهب وطرق _ والبيتو من قزاز ما يكتر فليع الناس بالحجار _
***
طبعا ربط مطلق الحته دي بالحبش إلا في فهم ناس أخونا الرجع تاني عشان يضحك ده وبرضوا ياريت يكتب لينا وجهة نظروا بتفاصيله يمكن تكون ............... مفيدة اما فيما يتعلق بالبكاء ياخي بكايين ....وبكايين شديد كمان ... حاول أبكي يمكن الله يديك شوية إحساس
----- بره الموضوع والله صورة بروفيلك بتشبه لى صاحب عزيز من نواحي اكسوم ويخلق من الشبه 40 بس داك حبشي من شعب الله المستنكح بس براعي لشعور غيرو بطريقة تحير ... يمكن لانو من بلد حضارتوا راسخة والتحية لصاحبي عبد الواسع لحدي ما نشوفوا تاني
ودمته أخونا المّر ودام بهاك
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
انت لو عايز تبرر الإستغلال بالزنا (أو خارج مشروعية اللازنا) تكون بالغت يا عبدالناصر الخطيب ...
العلاقات الجنسية البى القروش دى عندها إطار محدد ... وربات الخدور ديل وكت دايرات يزوغن من الإطار دا ... ما يخلّن القروش؟ شنو حكاية الحب والإستغلال والخيانة والإستهبال البتتكلم عنّهم الأخت سناء فى تصريحات صاحبتها دى؟
والواحدة بعد "تعرس" الحبشى البتصرف عليهو دا .. والقصة تبقى ما زنا؛ هل الإستغلال بيقيف؟ هل الأخلاق بتتغير وبتبقى "متفهمة" و "صبورة" و "قنوعة"؟
ولاّ عشان نحن السودانيين بنفهّمهم استعدادنا لتعاطى الجنس مقابل القيمة المادّية كسمة من سمات مفهومنا للجنس .. واكتسبناهو من نظيراتنا جنسياً فى نفس الثقافة النحن بننتمى ليها ... مش من استغلالية الحبش براهم ... عشان كدا هن بشوفننا لقمة سايغة للإستغلال؟
... المهم ....
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
Quote: شنو حكاية الحب والإستغلال والخيانة والإستهبال البتتكلم عنّهم الأخت سناء فى تصريحات صاحبتها دى؟
|
ديل يا تبارك تسال منهم اختنا سناء كخصائص حصريا على علاقات الناس فى نورث اميركا بالاحباش ... عندنا الامور مختلفة وامبارح القريبة دي كنت بتكلم مع اخت عزيزة (إثيوبية ) برضوا على خلفية البوست ده وسردت لى قصص بتخصنا فيها إستغلال وأستهبال ما عادي في دبي ... طبعا كلامه ده لو حاصل .... صدقني أخير نسكت وده كلو عشان تبرهن لى انو ماهم المصلحجيين وبس _ وده التعبير الاستعملتوا _
_ يعني زي ما نحنه لايكين سيرة الناس ديل وسلوكياتهم هم برضوا عينهم علينا وبتكلموا _
يعني يا تبارك شيخ الدين أى مجتمع إنساني فيهوا وفيهوا وصعب جدا تربط سلوك معين بمجتمع معين لانو في ناس تانيين ممكن بشاركوهم نفس السلوك
فكلام اختنا دى لو حاصل عندكم يا ناس نورث اميركا بتمني الرجال وكلمة *رجال لما تجي مع شباب معناها زول متزوج ومسؤول عن أسرة فياريت يعملوا إصلاحات سريعة داخلية في علاقاتهم الاسرية بينهم وبين زوجاتهم لانوا الراجل البتصرف بالطريقة دي معناها عندو مشكلة مخلياهوا يتصرف كده ,
في حته صرف الحبشية على الحبشي مطلقه يعني أى حبشي حتصرف عليهو زوجتو... لو حاصل يبقي بت أبوبكر ظالماني ظلم الحسن والحسين
طبعا الاطار العادي كل الاسر البعرفهم زوج شغال وبصرف علي بيتوا وفي تانيين برضوا للزوجة وظيفة ( موظفة / عاملة ) وبتساهم مع زوجها في مصاريف البيت
*في إطار معرفتي وعلاقاتي غير كده الله أعلم
--------------------------------------------
وليك أطيب تحية
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
ناصر الخطيب يا صاحب ...
Quote: وده كلو عشان تبرهن لى انو ماهم المصلحجيين وبس _ وده التعبير الاستعملتوا _
_ يعني زي ما نحنه لايكين سيرة الناس ديل وسلوكياتهم هم برضوا عينهم علينا وبتكلموا _ |
انا ما جبت تعبيرات من عندى ... "استغلال" دى جبتها منك انت ... و "استهبال" تصريف عادى لى "استفعال" الهبل الوصفتنا بيهو الحبشية زميلة "سناء" فى الدراسة بالحرف الواحد كما تقول سناء هنا ...
Quote: سألت زميلة دراسة حبشية انتوا لييه ما بترتبطوا بأولادكم .. قالت الجملة دي بالحرف الواحد.. السودانيين هبل بصرفوا علينا الحبشي ما بصرف علينا بنصرف عليهو نحنا .. عجبني ليكم |
وكذلك مسألة "الصرف" على الزوج ... و "التفهم" و "القناعة" و "الصبر" ... هذه كلها تعبيرات إمّا صادرة عنك أو صادرة عن هذه الحبشية التى ذكرتها "سناء" ...
ما قلته أنا عن الجنس مقابل نظير مادى وعينى - وهو ما أسميته أنت بـ "الحيوانية" - باعتباره سمة أساسية لمفهوم الجنس عندنا ... تشارك النساء السودانيات بنفس القدر فى صناعة هذا المفهوم إن لم تكن مشاركتهن أكبر ... فالمفهوم العينى للجنس انما هو نتاج تجربتنا مع نظيراتنا جنسياً من ثقافتنا المحلية ... وهذا الكلام أقرب للنقد الذاتى منه لـ "لواكة" سيرة الناس ...
فبراحة على ....
... المهم ....
| |
|
|
|
|
|
|
Re: سر(الحبشيات) انا عرفتو؟؟ (Re: تبارك شيخ الدين جبريل)
|
سلام على الجميع
الأخ عبد الناصر كل ما عاينت للموضوع من باب (ماشخصي )ـ عارفة صعبة ـ بسهل عليك ..
التمنيط بشكل عام ماعادل ..بالتأكيد لا كل الأثيوبيات مستهبلات ولا كل السودانيين ـ الرجال البصرفوا
ديل ـ هبل ..
البوست مسارو أتغير مابطال ..لكن (العينة ) الأهدو ليها البوست تظل من وجهة نظري عيييينة
لكن !
| |
|
|
|
|
|
|
Re: سر(الحبشيات) انا عرفتو؟؟ (Re: داليا حافظ)
|
يا تبارك ياحبيب بالله تعال أشرح لي الكلام دا (من بوست مجاور ) ..Quote: فالحبشية (أريترية كانت أو أثيوبية) ربما تمارس الدعارة الجسدية ...
ولكنها - حسب تجربتى - من الصعب أن تمارس الخيانة العاطفية ... وإن كانت عاهرة ...
|
Quote: أى أنّك إن مارست الجنس للجنس فقط ... وبدون عاطفة ... فذلك لا يؤثر على العاطفة ... وأغلب التسامح على الخيانات الزوجية عندهم يحدث على هذا الأساس ... |
وبالله من غير قومة نفس .. لأني حقيقة قريت شرحك ليهو وغلبني ما أفهمو ..اي والله غلبني .. فياريت توقع لي الحتة ياعمك .. ومشكور مقدماً .
| |
|
|
|
|
|
|
Re: سر(الحبشيات) انا عرفتو؟؟ (Re: السيد المسلمي)
|
العوض المسلمى ...
Quote: وبالله من غير قومة نفس .. لأني حقيقة قريت شرحك ليهو وغلبني ما أفهمو ..اي والله غلبني .. فياريت توقع لي الحتة ياعمك .. ومشكور مقدماً . |
انا والله نفسى ما قام ... دى شائعة مغرضة من "ناصر الخطيب"
لمّن امشى اشرب جبنة - ولامؤاخذة - بكون عااااااادى
نرجع لى قصة الحب والجنس ....
نحن السودانيين يا العوض ... عندنا مفاهيم مضرة بى حياتنا وصحتنا الأسرية والإجتماعية والنفسية زاتو ... لاكين متمسكين بيها إمّا لأنها مفاهيم مرتبطة بى أمور نحن ما قاعدين نناقشا لا علناً بى طريقة مباشرة لا بى طريق ابداعية وفنية ... أو بنكون متمسكين بيها خوفاً من المجتمع والنسق العام الذى يحكم هذا المجتمع ... أو نتمسك بها من باب الجهل بالآثار الضارة الغير مباشرة ...
مثلاً ... فكرة أن الحزم والصرامة والتخويف أدوات تمنع الفتاة من السقوط فى براثن الجنس ... ولهذه الفكرة عيبين يظهران بمراقبة الشعوب التى لا تتبعهما ... العيب الأول أن للحزم والصرامة والتخويف وأدوات المنع أن لها مردود عكسى ... بالمنطق البسيط أن كل ممنوع مرغوب ... وكلما زادت درجة المنع زادت درجة الرغبة .... العيب الثانى أكبر بكثير من العيب الأول ... وهو أن هذا المنع المستمر يرسل للعقل الباطن ومنذ الطفولة أن للجنس قيمة سالبة وأنه ينتمى لمعسكر الشر فى حياتنا .. هذا المفهوم الذى يتم بناؤه طوال العمر عن الجنس سيّء وعيب ومن تمارسه ساقطة أخلاقياً يصطدم بزوال أسباب المنع بعد الزواج ... فبرفع الحظر عن الجنس يصير مسموحاً ولكن لا تنتفى عنه الشرور والعيوب التى انبنت طوال العمر ... فيصير الزواج نفسه جزءاً من التنازل الأخلاقى الذى يؤكد دونية المرأة ودورها فى مؤسسة الزواج ... فتأمل ...
بالنسبة للشعوب التى لا تشترط الزواج والعفة كشرط للأخلاق الحميدة فإن لديهم أنساقهم الخاصة بهم لتنظيم حياتهم وبناء مفاهيمهم الجنسية ... رغم وجود اختلافات بين الشعوب فإن المسيحيين عموماً (الديانة الأكثر انتشاراً) يتشابهون فى مفاهيمهم التى يستقونها من اعتبار الجنس هو خطيئة الإنسان الأولى التى مات المسيح من أجل غفرانها ... بمعنى آخر ... الجنس ذنب مغفور مقدماً ... فلا هم يجرّمون الجنس ولا هم يبرئونه ... لذلك فهم ينظرون لمؤسسة الزواج نظرة مختلفة ... فليس عندهم الزوج الذى يملك حق أن يشهر للزوجة تاريخها الجنسى ويطالبها بالعذرية فى ليلة الدخلة مثلاً ... وهكذا ...
فعندما يصل الأمر للخيانة الزوجية ... فهم يشبهون مجلس الجودية الذى تعقده قبيلة المسيرية للرجل الذى يمارس الجنس مع زوجة رجل آخر ... إذ يسئل ذلك الرجل:
كلامك دا قرم ولاّ حقارة (أى هل الدافع هو الشهوة فقط أم أن الدافع إمتهان رجولة الزوج فى أهل بيته) فإن قال: قرم ... يعفو عنه مجلس الجودية ... بحجّة: "نحن أول قرمنا" ... ويصير لبانة التندّر والسخرية فى كل لسان ... وإن قال: حقارة ... يحال أمره للزوج ... لتصفية حسابات الحقارة بالسيف ... فتجد أن الحكمة فى الخيارين أن أحلاهما مرّ ... وأن الإجراء كله لا يحمل تجريم للجنس أو للمرأة ...
هذا المثال لا يطابق حال الأثيوبيين بأىّ حال من الأحوال ... ولكنى أتمنى أن أكون قد قرّبت الصورة بطريقة توضّح كلامى الأول ...
(ولحدّى هسة مافى قومة نفس )
... المهم ....
| |
|
|
|
|
|
|
Re: سر(الحبشيات) انا عرفتو؟؟ (Re: تبارك شيخ الدين جبريل)
|
الحبيب تبارك .. من غير قومة نفس برضو شرحك جميل جداً وممتع في نفس الوقت .. بس الأنا مستغرب ليه من العبارة دي .. Quote: من الصعب أن تمارس الخيانة العاطفية |
كيفية إنفصال الفعل عن العاطفة .. بمعني إن الفطرة الإنسانية السليمة لا تتفق ومضمون العبارة الذي توحي بإن الإنسان يمكنه أن يفصل ممارسته للجنس عن عواطفه متي ماأراد ذلك ! وياخوي بالعرب كدا .. في رأيي إنو الخيانة الجسدية هي فعل ناتج عن خيانة عاطفية بحتة !!! الكلام دا علي الإطلاق ( سواء كانت حبشية أو المانية ) ولا شنو ؟
ــــــ .. المهم
| |
|
|
|
|
|
|
Re: سر(الحبشيات) انا عرفتو؟؟ (Re: السيد المسلمي)
|
العوض ..
Quote: إن الفطرة الإنسانية السليمة |
الفطرة الإنسانية السليمة دى طلعت حيطة مايلة فى علم النفس يا المسلمى ... حتى الحديث الضعيف الجاب سيرتا ... اتخيل لىّ لى هسى بقى رقييييييق ... هسى لو جاك كمال عباس - كان الكلام عجبو - يكوّت ليك نص علم النفس الحديث فى مداخلة واحدة (كان الكلام ما عجبو بكوّت النص التانى ويمسك ليك طبشيرة)
المسألة بقى فيها اختلاف راى ...
Quote: .. في رأيي إنو الخيانة الجسدية هي فعل ناتج عن خيانة عاطفية بحتة !!! الكلام دا علي الإطلاق ( سواء كانت حبشية أو المانية ) ولا شنو ؟ |
والله انا طبعاً قلت المفاهيم الما بتتناقش دى مرّات مضرّة ... لاكين وكت جابت ليها حليفة طلاق؛ القشة ما تعتر ليك ... انا كان قلت لى داير تشترى قزازة فاضية وتدخل جواها وتقفلا عليك ... بحترم ليك رايك وحريتك ... وبقول ليك القزازة مبروكة عليك ...
لو جابت ليها طلاق بشترى ليك القزازة انا من شدة الكرم والتسامح ....
... المهم ...
| |
|
|
|
|
|
|
Re: سر(الحبشيات) انا عرفتو؟؟ (Re: السيد المسلمي)
|
تبارك شيخ الدين يا صاحب أكيد حتكون متذكر أنك كنت من ضمن تيم كتب بمزاج على في بوست الأستاذ كمال علي الزين ( جنابة الحبشية ) بتصور انك يومه كنت فاكهت البوست داك , فاكيد حاكون فاهم طريقت توصيلك للحاجات الاكيد عوزة الواحد يتعب رأسوا حبه عشان يفهمه , والناس بتحب الجاهز ما فاضية تفكر وتتعب نفسه ... عشان كده اظن مصنف .............من محن البورد ده على اى حال ما ختلفنا كتير مع انو لازم الناس تختلف ....... لانو مافي بصمتيين متطابقات وذكر البوست داك حيكون تعليق على ملاحظت اختنا داليا حافظ الفي محلها
Quote: الأخ عبد الناصر كل ما عاينت للموضوع من باب (ماشخصي )ـ عارفة صعبة ـ بسهل عليك ..
|
أنو المسافة الحيادية الواحد ختاها وهو بكتب مع ناس تبارك ديل في جنابة الحبشية , هي الخلت الكتابات هناك أفضل بكتير من بوست تكون داخلوا ما عشان تكتب عشان تشوف قصد صاحبو وتلميحاتو ... ما اكتر ويمكن الحته دي بتكون هاجس للناس القاعدين في التماس زي بين العالمين ... وبحاولوا جاهدين يدوا عن عالمهم صورة إيجابية بتتقبل منهم على سبيل المجاملة لكين الصورة السلبية أبتدت تتطغي فحيقل صبرهم وحياديتهم وبلقوا نفسهم مشوا بكلياتهم للعالم البعتقدوا انو بمثلهم ويمثل حاجاتهم اكتر
------------ يمكن ده السبب ..............
وجود ابو السيد في البوست حماني أخلى بروفيلي لياكبيده دي صورة ليها من حلقت أوبرا شو المشهورة في 2005 م ... العالم ده في روحوا لو عند أصحابنا الفاهمنوا بكاء ديل عندهم قدرة يقروا الابتسامة دي ويقوموا يتخيلوا الروح ............ عارفة صعبة عليهم لكين ياريت يحاولوا
ولما اتختت مع أستير وجليلة في الصور الجبتهم نزول على طلبات المشاهدين ماكان الحته ليها اى علاقة بالجمال يا المّر , ليها علاقة بالنجاح والتميز والنفوس الخيرة لانو ليا الفوق دي سفيرة نوايا حسنة بالامم المتحدة وبعد اعزلت عروض الازياء كان ليها مجهودات ما عادية في محاربة الفقر ودعم مرضي الفشل الكلوي ...
اكيد راجع بس الزمن يساعد
| |
|
|
|
|
|
|
Re: سر(الحبشيات) انا عرفتو؟؟ (Re: عبدالمجيد الكونت)
|
الطريقة الفتح بيها المر البوست ده عجبتني جدا خصوصا انو اتكلم عن المدسوس والمخبا والمجتمعات الخاصة وعلاقة العقش الحقيقي بين فئات كتيرة من السودانيين بالحبش الواحد قال نعرف شوية عن ناس دبي وحبشياتهم وحاجاتهم
قمتو عملتو لينا الموضوع رسميات وتحليلات اخبارية الراجل المر قال Quote: لظاهر عليك ما قاعد تجي بي هناك؟
لو كنت بتجي كان فهمت...
ولا موبايلك مربوط بي هناك |
انا نفسي قام جد جد قلت بس الشباب راح يقولو الحتات ديك عديييييييييل
قمتو عملتو لينا الموضوع تاني رسميات وتحليلات بالله فكونا
الحبش ناس سمحين وحلوين والقال ما بحبهم كضاااااااااااااااااااب
كان ساكن معاي واحد صاحبي في جده ايام حرب الخليج الاولى انقطع في اديس ابابا
قعد ليهو فترة مع واحدة هناك بعد ما إنتهت الحرب جابا معاهو السعودية مرتو عديل وحامل وأخينا ده اهلو صعبين جدا لا يمكن يخليهو يعرس عرسه زي دي لمن سالتو ليه يا شقي الحال عملت كده قالي لي تصدق يا أخي دي بتحميني تحميني زي الاطفال وتقعد تدعك لي في جسمي كاني ما استحميت يوم من الايام وبعد داك تقص لي ضوافري وتنشفني وتغطيني لمن اجي انوم بالله ما اعرسها كيفن
خلينا نقلبها رسمية شوية ونعمل شوية تحليل المرأة الحبشية ( انثي ) بمعني الكلمة يقف الرجل امامها ( عندما تعشقك ) كأنه نابليون زمانو
و ( عندما تعشقك الحبشية ) صدقني اليوم داك ما واطاطك اصبحت ياكا النسيت اهلك وقبيلتك وأم قبيلتك زاتا
انا شخصياً اعشق الغنا الحبشي حتى النخاع عندما احضر حفل زواج حبشي الصق اذني بسماعات الساوند ليحس جسمي كله حرارة هذا الايقاع الغريب هذا الايقاع الصاخب الذي يضرب في مكامن الطرب ومنابت العشق والنشوة
لينا رجعة
| |
|
|
|
|
|
|
Re: سر(الحبشيات) انا عرفتو؟؟ (Re: كمال الشادي)
|
ما اتيحت لي فرصة للتعرف على الحبش من على القرب إلا بعد حضوري لي نورث امريكا .. زاملتهم في الدراسة ... 4 بنات و ولد واحد حالياً قاطعتم كلهم ما عدا واحدة فقط .. لقيت انه في اختلاف كبير في العادات و الثقافات و الشي التاني التلاتة القاطعتهم ديل ما ان جات سيرة للسودانيين إلا و قاموا فينا نبذ يعني ما خلوا لينا جنبة نرقد عليها - كنتا كتير بتحملن و اناقشم في ارائم الأنا بشوفوا غير صحيحة .. لكنهم كانوا بتكلموا بصورة و بوصف لينا غير كريمين إطلاقاً من غير مراعاة لشعوري _ المهم في النهاية بعد صبري نفد هجيتم هجي بشار بن برد ما هجا لي زول - و قطعت منهم لأنه بصراحة ما بحب اصاحب ناس بكنوا لي و لي جنسيتي كره و حقد زي الانا شفت منهم ده اما عن علاقة السودانيين بيهم ده شي حاصل و البوست ده بدل علي كلامي ...بجي ليتر للكلام عن الموضوع ده و يا اخ ناصر الخطيب خلينا نتكلم عن الموضوع من ناحية عامة .
| |
|
|
|
|
|
|
Re: سر(الحبشيات) انا عرفتو؟؟ (Re: عليش)
|
هل عشان هِـــن ثقافتن قايمة علي مبدأ الحرية ؟؟ طريقة اللبس.. البناطلين الضيقه.. الشعر المنكوش ومصبوغ.. لبس الفساتين الدمور والخلخال والطريقه الحلوة البتعاملو بيها معانا؟
| |
|
|
|
|
|
|
Re: سر(الحبشيات) انا عرفتو؟؟ (Re: عليش)
|
طيب.. النظريه علي ما أعتقد قايمه علي مبدأ غريزي.. هل لو توافرت كل الشروط نفسها في الفتاة السودانيه؟؟ المواصفات نفسها..هل يتقبلها السوداني نفسووو؟؟ زمان كتب د/ عبدالله علي إبراهيم في مسرحيته (حار جاف مترامي الأطرف).. تتبلد المرأه طرديا مع عدد لفات ثوبها... قاصدا المرأة السودانية طبعا... يعني نظرة الرجل السوداني للمرأة السودانيه تتمثل في مقولة قد تكون في وقتها..لها مدلول لدي الكاتب..حسب تجربته.. ومقارنة بين الحبشيه والسودانيه...نجد حجج عديده يتبناها الرجل السوداني نفسه..ليجد مبررات تقنعه بالدخول في حياة جديده يفتقدها.
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
عبد الناصر الخطيب
Quote: وواضح عندك مشكلته تعامل مع الاخر ياريت تفكري تحليها ولك التحية |
يازول انت مشكلتك شنو طوالي اصبحت ( دكتور ) وشخصت واكتشفت سناء عندها مشكلة تعامل مع الاخرين شايفك شادي كل الناس هنا وعندك راي في كل الكلام الهنا عن الحبوش اذا وافقوك الراي او العكس بعدين ياخي انت ما من منطقة جده وللا شنو ( وماشايف التسامح الكبير بين الاحباش والسوادنه ) يازول خليك ايزي وايزي جدا . بالله تحياتي لكل الحبوش الفي حي الجامعة ومشرفة والشرفية وحي الصفا وحي البوادي ويظهر ماعندك خبر سر السوادنه و (قهوة الاحد ) بحي البوادي . وزي ماقالت سناء .و يا اخ ناصر الخطيب خلينا نتكلم عن الموضوع من ناحية عامة كمان لو طلعتني عندي مشكلة .. عشان تحل مشكلتي معزوم غداء في المطعم الاثيبوي (سباء ) جيراني او قهوه مع ا بناء اثيوبيا وارتريا في تقاطع شارع قرناطة مع الستين جوال (0557456728 ) تفضل في اي وقت .. والله الكلام هنا لاينقص ولايزيد ومن الافضل الناس تحترم وجهات نظر بعض ويكون متوفر الاحترام بينهم والناس من الافضل تناقش كيف تخرج الفتيات بائعات الهوى من السودان ومحاربة طرقها ولها اشكال والوان ولاننكرها اضافة الى ما هي المشكلة الرئيسة التي تدفعهم الى ذلك .
--------------------------- ومن غير تلمياحات ... السيئة موجوده في كل الجنسيات كما الخير موجود بينهم
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
الاخ عبد الناصر الخطيب Quote: ياوليد تقبل اكيد تقديري وبوصفك ده طلعنا جيران ( ولاد حي واحد ) وباذن الله أول ما اكون في جدة تلفونك عندي وبإذن الله الناس تتواصل وتتعارف
|
ياخي انا صراحة اسعد انسان باتصالك الراقي الجميل ومهذب وزي ماقلت ليك مداخلتي لك تردت كثير جدا حتى تصل هنا خشيتا ان تفهمني خطأ وفي نفس الوقت خفت عليك تغلط على الناس لان لكل انسان وجهة نظر اذا كانت سلبية او ايجابية الغرض نحن لازم يكون نفسنا بارد ونغير طبعنا شوية وبكل حب ممكن الناس تصل لنتيجة وحتى اذا اختلفنا يكون الحب والاحترام متوفر بيننا
تبارك شيخ الدين ... المهم ... (انت المهم والناس جميع ماتهمني ) بصراحة انت راجل جميل ولطيف ونحرص متابعة مداخلاتك حتى ولو مع الهكر ... سلام ياطيب
------------------ تحياتي للجميع بداية بالمر
| |
|
|
|
|
|
|
Re: سر(الحبشيات) انا عرفتو؟؟ (Re: وليد عبد اللطيف)
|
اشكرك يا وليد ...
وانا باحب اتابع احمد العليش ... خصوصاً بعد تمغرب ...
هى بالبوست دا "سر (الحبشيات)" ... انا زاتى عرفتو ...
الحبشيات سمحات ..
و "جبنتن" سمحة ...
اتخيل لى السر فى الجَبَنَة دايماً ...
(طبعاً العجايز بيقولو السر فى الجنزبيل)
... المهم ...
| |
|
|
|
|
|
|
Re: سر(الحبشيات) انا عرفتو؟؟ (Re: تبارك شيخ الدين جبريل)
|
تبارك شيخ الدين
Quote: وانا باحب اتابع احمد العليش ... خصوصاً بعد تمغرب ...
هى بالبوست دا "سر (الحبشيات)" ... انا زاتى عرفتو ... |
عليش بس غير متوفر في البوست كتير ولكن برضو راجل له ناصية في الحديث وتوصيل كلامه بطريقة فنية وجميلة يعني مازينا ونحن يازول ناس بتاعين متابعة بس والكلام له فن في قواعد اللغة العربية وكما ذكر في ( الفية بن مالك ) ( كلامنا لفظ مفيد كقم واستقم ) يعني ياتبارك الحنك مهم عشان الناس تفهمك وربنا امكن عوضنا في اشياء اخرى والحمد لله على كل شيء اخوك الايام دي متابع مع كتابات عبد الكريم كيكي ( ياخي دا مجنون عديل )
ياعيوني انا شفتو وهاكم جميع حواسي ويا حواسي انتو افتو والله يازول انا شفتو اهو الحيا واهو ......... الفي ريدكم انا ضقتو .............................انا سركم عرفتــــو
Quote: اتخيل لى السر فى الجَبَنَة دايماً ... |
وهنا يقولن تشرب ............ وتسمع قولي . .
تبارك واذا الدرب جابك لينا لاتنسانا ونحن اسياد الشيء زاتو
------------------- ياتبارك وماتخلونا مع المتابعة بس نحنا
| |
|
|
|
|
|
|
Re: سر(الحبشيات) انا عرفتو؟؟ (Re: وليد عبد اللطيف)
|
والله يا وليد الألفية يخلّوها ليك
طيب انت ما كويس (وناقش السر، وسيد الشى زاتو)
جادعنّك ليه؟
(جنون كيكى أصيل لاكين متاهتو طارئة وغير مقتصرة عليه براه انما بقت ظاهرة المستنيرين، ربنا يرد غربتو)
... المهم ....
| |
|
|
|
|
|
|
Re: سر(الحبشيات) انا عرفتو؟؟ (Re: تبارك شيخ الدين جبريل)
|
Quote: وواضح عندك مشكلته تعامل مع الاخر ياريت تفكري تحليها ولك التحية |
مرحبا عبد الناصر مع انك اعتذرت .. لكني شايفة انه لازم ارد على الحتة دي شخصياً انا زولة إجتماعية جداً و لي كم هائل من الإصدقاء و الصديقات .. و بكن ليهم كل الحب و التقدير و الإحترام و هم ايضا ببادلوني نفس الشيئ اي إنسان يدخل بيتي بشيلو فوق راسي .. اتربينا على كده .. يعني حتة ما بعرف اتعامل مع الناس دي حاجة ما صحيحة مشكلتي الوحيدة في الدنيا .. إني إنسانة صريحة ما بدس شي و لا بجامل.. رايي بقولو لي اي زول من غير رتوش و دخلت في إشكالات كتيرة بسبب الصراحة و عدم المجاملة.. المهم ما اطول الموضوع ..ما اظن في شي بزعل في الموضوع ..الإثيوبيات الانا عرفتهم ديل ما نفعوا معاي ما معناه انهم كلهم كده و حاجاتم المانفعت معاي دي ما لأنهم كعبيين و انا كويسة .. إنما إختلاف ثقافات نابع من إختلاف الدين .. يعني عندهم شرب الخمر و اللبس الخليع ما عيب انا عندي غير كده و هكذا بعدين انت زعلان لييه .. ده رأيي وانت بنفسك قلت هم عندهم راي فينا لييه ما زعلت علينا و زعلت عليهم.. و الشي الأخير الخلاني اقطع منهم انهم ما ان جات سيرة السودانيين إلا و تلقاهم نازليين شتيمة السودانيين شنو و ما شنو من غير احترام لي إني سودانية و حاجات و اوصاف ما موجودة فينا .. عايزني استحمل ده كلو؟؟ و اهو في النهاية عندي و احدة محترمة بتحترمني و بحترما .. المشكلة وين اسه؟؟ و عندي عليهم مآخذ و لو هم عندهم علينا مآخذ برضو مافي مشكلة
| |
|
|
|
|
|
|
Re: سر(الحبشيات) انا عرفتو؟؟ (Re: سناء عبد السيد)
|
تبارك ياغالي
Quote: طيب انت ما كويس (وناقش السر، وسيد الشى زاتو)
جادعنّك ليه؟ |
هههههههههه راحت ضمير === ولا هم المعايير
الاخت سناء
Quote: مرحبا عبد الناصر مع انك اعتذرت .. لكني شايفة انه لازم ارد على الحتة دي شخصياً انا زولة إجتماعية جداً و لي كم هائل من الإصدقاء و الصديقات .. و بكن ليهم كل الحب و التقدير و الإحترام و هم ايضا ببادلوني نفس الشيئ اي إنسان يدخل بيتي بشيلو فوق راسي .. اتربينا على كده .. |
نعم التربية والله ياسناء اخونا عبد الناصر امكن زعل لبعض التلميحات من الناس وصراحة شيء يزعل وانا زعلت مثله لان الشيء الذي لانرضاه فيك لانرضاه على غيرك اذا كنت سودانية او غيره ونزلت شفرات هنا ونحن كرجال نعرف كيف نفكها لذلك كانت ردود عبد الناصر ناشفة و لاتنسي ان له علاقات مع ناس اثيوبين كما انت لك ايضا والناس ديل برضو بتابعوا هذا البوست ولازم الناس تحترمهم وتعكس الوجه الحضاري بتاعنا .. مثلا في يوم الشرطة تداهم عماره كاملة به سودانيات ثاني يوم في الشارع مافي واحد يلمح لنا بشيء لان ليس السودانيين كلهم على هذا المنهج او هذا النشاط من مقراراتهم وثقفاتهم ...
| |
|
|
|
|
|
|
Re: سر(الحبشيات) انا عرفتو؟؟ (Re: وليد عبد اللطيف)
|
Quote: مرحبا عبد الناصر مع انك اعتذرت .. لكني شايفة انه لازم ارد على الحتة دي شخصياً انا زولة إجتماعية جداً و لي كم هائل من الإصدقاء و الصديقات .. و بكن ليهم كل الحب و التقدير و الإحترام و هم ايضا ببادلوني نفس الشيئ اي إنسان يدخل بيتي بشيلو فوق راسي .. اتربينا على كده .. يعني حتة ما بعرف اتعامل مع الناس دي حاجة ما صحيحة مشكلتي الوحيدة في الدنيا .. إني إنسانة صريحة ما بدس شي و لا بجامل.. رايي بقولو لي اي زول من غير رتوش و دخلت في إشكالات كتيرة بسبب الصراحة و عدم المجاملة.. المهم ما اطول الموضوع ..ما اظن في شي بزعل في الموضوع ..الإثيوبيات الانا عرفتهم ديل ما نفعوا معاي ما معناه انهم كلهم كده و حاجاتم المانفعت معاي دي ما لأنهم كعبيين و انا كويسة .. إنما إختلاف ثقافات نابع من إختلاف الدين .. يعني عندهم شرب الخمر و اللبس الخليع ما عيب انا عندي غير كده و هكذابعدين انت زعلان لييه .. ده رأيي وانت بنفسك قلت هم عندهم راي فينا لييه ما زعلت علينا و زعلت عليهم.. و الشي الأخير الخلاني اقطع منهم انهم ما ان جات سيرة السودانيين إلا و تلقاهم نازليين شتيمة السودانيين شنو و ما شنو من غير احترام لي إني سودانية و حاجات و اوصاف ما موجودة فينا .. عايزني استحمل ده كلو؟؟ و اهو في النهاية عندي و احدة محترمة بتحترمني و بحترما .. المشكلة وين اسه؟؟ و عندي عليهم مآخذ و لو هم عندهم علينا مآخذ برضو مافي مشكلة ... |
الاخت العزيزة سناء أعذرته وبرضوا بعتذر عن الحّدة الكانت ملازمه ردودي في البوست ده *وياسناء الحبش هم ما بين مسيحيين ومسلمين ودينات افريقية وما تنسي فيهم نفس الاعراق البتمثل القبائل النيلية عندنا في جنوب السودان أهل غربهم الهم على جهات النيل الازرق سودانيين ( بني شنقول ) أو البيشاول زي ما بقولوا الاحباش في كل اديانهم دي ما في دعوه للأشياء الذكرتيها وكتار منهم متدينين كل واحد حسب الدين البنتمي ليهوا ومافي دين حثه الناس إلا على مكارم الاخلاق .
*النقطة التانية الراى السلبي القصدتو هو الاتسببنا فيهوا نحنه بتعاملنا ونظرتنا الضيقة ليهم هو الخلق الرأى ده ... في ناس زي بتعاملهم وصلاتهم اللصيقة بيهم بدوهم الوجه الايجابي لينا الوجه السلبي مافي داعي نتكلم عنو لانو مّر شديد وحته تفتكري انو ما بزعلني اكيد بزعلني وبزعلني شديد يا سناء انا سوداني وسوداني صميم يعني في الدنيا دي ما بفتكر الله خلق ناس أحسن مننا وبالتالي بحب أنو دائما ندي الانطباع ده لكل الشعوب البتعرفنا ما الحبش وبس ... فاكيد بزعل وما بسكت قبل مده قابلته إثيوبية في جدة براى سلبي جدا في السودان والسودانيين ... عارفة السبب شنو يا سناء انها كانت متزوجة سوداني وعندهم بتين مشي السودان واخباروا انقطعت وسنين لاجاب خبر زوجتو ولا في بناتوا , أها حاقول ليها شنو نحنه ماكده لكين في مننا الكرهوا الناس فينا ودي حقيقة ... على أى حال انا بحترم رأيك جدا لكين بتمني برضوا ما تحكمي عليهم بتصرفات الطايشين منهم ... وديل في أى مكان في بلدهم لو الواحد حكم بالزي ديل حيقول ديل العنوان ليهم لكي نده ما الحاصل لبلد غالبية اهلها متدين بطبيعتوا ومتمسك بقيموا شديد ...
وبقوليك وبثقة غالب الناس ديل يمكن الاجيال الاكبر بتحترم السودان وبتحبو بصورة ما عادية وبعرف منهم في جدة العم محمد عبد الله حكاوي كلها عن السودان زمان لما كان مع الشركة البتبني في هيلتون الخرطوم ... ولى هسه كل ما يقابلني يقعد يحكي ويقول يا حليل السودان الما طلع منوا لا في نص الثمانينات وماكان بتمني يفارقوا ... وفي بلدهم اى زول عادي منهم بتلقي بعرف حاجة عن السودان عكس دول تانية بتلقي ناسه كل معرفتهم بينا حاجات تضحك فكل قصدي كان الناس بالجد تحترم ناس لينا عندهم معّزة واحترام
فبعتذر اني قلته انك عندك مشكلة في تقبل الأخر من دون معرفة بيك فحكمته بمجرد انطباع
------------
Quote: ياسناء اخونا عبد الناصر امكن زعل لبعض التلميحات من الناس وصراحة شيء يزعل وانا زعلت مثله لان الشيء الذي لانرضاه فيك لانرضاه على غيرك اذا كنت سودانية او غيره ونزلت شفرات هنا ونحن كرجال نعرف كيف نفكها لذلك كانت ردود عبد الناصر ناشفة و لاتنسي ان له علاقات مع ناس اثيوبين كما انت لك ايضا والناس ديل برضو بتابعوا هذا البوست ولازم الناس تحترمهم وتعكس الوجه الحضاري بتاعنا .. ... |
وبعتذر ياوليد عبد اللطيف زي ما قلته الحكاية ماكانت عوزة إنفعال وصدقني ما عندي اى مشكلة الناس تعبر عن أراها ايجابية او سلبية في الاخر أى زول بعبر عن حاجاتو وحد شوفوا ...
ليك اكيد التحية والتقدير
| |
|
|
|
|
|
|
Re: سر(الحبشيات) انا عرفتو؟؟ (Re: عبد الناصر الخطيب)
|
Quote: الاخ المر
شايفك طالب رواية عبد العزيز بركة ساكن (الجنقو مسامير الأرض)
رفعتها ليكم هنا لتشاركوني هذا الإبداع السوداني.. وفيها مساحة واسعة عن العلاقة السودانية الحبشية إذ تعكس رواية "الجنقو: مسامير الأرض" الأجواء الغرائبية لحياة "الجنقو"، وهم عمال الزراعة المطرية الموسمية، في المناطق الحدودية بين السودان وإثيوبيا وأرتيريا، وهي تحكي علاقتهم عن الأرض والنساء والتجوال، وتقارب التحولات التي حصلت في واقعهم "العمالي" نتيجة إدخـال الآلة الزراعية الحديثة.
الملف من هنا |
أخونا اشرف شكراً علي التغذية الأدبية والثقافية
| |
|
|
|
|
|
|
Re: سر(الحبشيات) انا عرفتو؟؟ (Re: سناء عبد السيد)
|
Quote: سألت زميلة دراسة حبشية انتوا لييه ما بترتبطوا بأولادكم .. قالت الجملة دي بالحرف الواحد.. السودانيين هبل بصرفوا علينا الحبشي ما بصرف علينا بنصرف عليهو نحنا .. عجبني ليكم |
حتي في امريكا مع الدولار القوي دة؟ والأزمة المالية الطايحة دي؟ وهنا يتجلي الكرم السوداني الأصيل؟؟
| |
|
|
|
|
|
|
Re: سر(الحبشيات) انا عرفتو؟؟ (Re: المر)
|
Quote: ذواليد ...وطلعت اجمل خلطة |
المر سر الحبشيات في جمالهن لان الحبشيات زواجهن من اثينا عشان المثل يطابق امها من امهرا وابوها من اثينا
جمال الحبشيات جمال فتان وانا زرت الحبشة واندهشت بروعة جمالهن
| |
|
|
|
|
|
|
Re: سر(الحبشيات) انا عرفتو؟؟ (Re: عاطف رميتي)
|
Quote: الطريقة الفتح بيها المر البوست ده عجبتني جدا خصوصا انو اتكلم عن المدسوس والمخبا والمجتمعات الخاصة وعلاقة العقش الحقيقي بين فئات كتيرة من السودانيين بالحبش الواحد قال نعرف شوية عن ناس دبي وحبشياتهم وحاجاتهم
قمتو عملتو لينا الموضوع رسميات وتحليلات اخبارية الراجل المر قال |
كمال شكرا علي الإشادة... ومقدم ليك دعوة بي هناك
| |
|
|
|
|
|
|
Re: سر(الحبشيات) انا عرفتو؟؟ (Re: المر)
|
لمر ... سلام
والله حقيقة ديل شعب مستنكح شديد والمشكله انوا الناس عارفة كده وبرضوا بمشوا الكافتريات ...
شى عجيب والله
مودتى ...
اشان كدا ياخالد لمن امشي القهوة واطلب شاي أحمر بدون(نعناع) بصرصرن لي؟؟؟
| |
|
|
|
|
|
|
Re: سر(الحبشيات) انا عرفتو؟؟ (Re: المر)
|
Quote: اشان كدا ياخالد لمن امشي القهوة واطلب شاي أحمر بدون(نعناع) بصرصرن لي؟؟؟ |
قلنا ليييييك ..
السر فى الجَبَنة ياخ ...
شاى؟ وأحمر؟ وبدون نعناع؟
هسى انت - بى حالتك الكرب دى - يشبّهوك بى CJ كيف؟
مش الحمدلله الما كشحن موية غسيل العدة فى راسك ...
... المهم ....
| |
|
|
|
|
|
|
|