|
Re: المــــــــــــوية ... (Re: صديق مهدى على)
|
الخلفية التاريخية بينا وبين مصر بتقول أنو أول دور لمصر بدأ في السودان بالعصر الحديث كان الحملة التركية في 1821 حملة إسماعيل باشا القضت على دولة الفونج في السودان وادخلتو تحت لواء الامبراطورية العثمانية والتم الفتح تحت أسمه في حين انو كان لصالح محمد على باشا حاكم مصر المحروسة الاتمتعت بقدر من الاستقلالية عن تركية في الوقت داك .. وما رجعت مصر بعد المهدية إلا مع الحملة الانجليزية الاستعادة السودان للاستعمار و دخلتوا في حفبة الحكم الثنائي الانجليزي المصري وفي المرتين مصر ما جات مطلقا جات تركية مرة وانجلترا مرة ومصر دور مساعد لانو المعروف انو أول مصري يحكم مصر كان جمال عبد الناصر ما بعد 1952 ... الفترة القصيرة شديد الحكم فيها محمد نجيب ما بحسبوها في تاريخهم ولا يمكن لانو محمد نجيب محسوب سوداني ما علينا لكين رغم الثقل المصري ده في التواجد في تاريخ السودان وثقافتوا واجتماعوا بتضل العلاقة بين الاتنيين علاقة تابع ومتبوع ..... كلام مؤسف لكين شواهد وقصص كتيرة من تاريخنا الحديث كانت فيها المسألة دي وأضحة لاى زول بتابع من غرق حلفاء مرور بدور السودان الايجابي للسودان حكومة وشعب ودعوا للمجهود الحربي المصري بعد هزيمة 1967 م ومدي حماس السودانيين لمصر وزعيمه جمال عبد الناصر *للاسف اسمي عبد الناصر ما نيكروما ولا هيلاسلاسي ولا أى اسم من أسماء الأفارقة العظام البنفخر إننا منهم بحق لانو ناس عبد الناصر ديل عمرهم ما نظرو لينا بجدية كبلد جار يستحق منهم إعتبار او أحترام يمكن دي حقيقة أتكررت على مر عهودهم معنا عبد الناصر بالمناسبة بلوموا انو فرط في السودان كانو السودان ده حق ابو اهل واحد فيهم وجاء الزول ده فرط في لو قالوا فاروق ملك مصر والسودان بالمناسبة دي نكته فاروق ده كان تحت الوصايا البريطانية فكيف زول مصر ما تحت يدوا بصورة كاملة كمان السودان يكون تحت يدوا او تاجوا ... لكين مشكلتنا معاهم في إنو كتار مننا سودانيين بالاسم وبس لكين ولاء ووجدان مصريين وديل اعداد مقدرة وطوائف ورجال على مدي الحقب الفاتو خدموا مصلحة السودان في مصر بحق ما من حقنا نلوم الناس على ولائاته , لكين من حقنا نقلق متين بلدنا دي تبقي وطن الناس تكون ليهوا بولاء كامل غير منقوص وتجتهد بحق عشانوا !!!!!!!
--------------------------------------------------------------------------------- *حنواصل في خلفيات التاريخ ونفتح الكلام عن الموية البتمش شملا وما بتجينا من الشمال لو كان أحتمال ما كنا لقينا منها قطرة بس ربنا كريم وعليم بحال عبادو
|
|
|
|
|
|
|
العنوان |
الكاتب |
Date |
المــــــــــــوية ... | عبد الناصر الخطيب | 05-16-10, 07:24 AM |
Re: المــــــــــــوية ... | عبد الناصر الخطيب | 05-16-10, 07:29 AM |
Re: المــــــــــــوية ... | ود الباوقة | 05-16-10, 07:30 AM |
Re: المــــــــــــوية ... | Mohammed Awad | 05-16-10, 07:35 AM |
Re: المــــــــــــوية ... | عبد الناصر الخطيب | 05-16-10, 07:44 AM |
Re: المــــــــــــوية ... | عبد الناصر الخطيب | 05-16-10, 07:56 AM |
Re: المــــــــــــوية ... | عبد الناصر الخطيب | 05-16-10, 08:06 AM |
Re: المــــــــــــوية ... | عبد الناصر الخطيب | 05-16-10, 10:47 AM |
Re: المــــــــــــوية ... | صديق مهدى على | 05-16-10, 11:33 AM |
Re: المــــــــــــوية ... | صديق مهدى على | 05-16-10, 11:39 AM |
Re: المــــــــــــوية ... | عبد الناصر الخطيب | 05-16-10, 12:31 PM |
Re: المــــــــــــوية ... | عبد الناصر الخطيب | 05-16-10, 12:38 PM |
Re: المــــــــــــوية ... | عبد الناصر الخطيب | 05-16-10, 03:25 PM |
Re: المــــــــــــوية ... | عبد الناصر الخطيب | 05-22-10, 02:18 PM |
Re: المــــــــــــوية ... | عبد الناصر الخطيب | 05-22-10, 02:57 PM |
Re: المــــــــــــوية ... | عبد الناصر الخطيب | 05-23-10, 08:00 AM |
Re: المــــــــــــوية ... | عبد الناصر الخطيب | 05-23-10, 08:38 AM |
Re: المــــــــــــوية ... | omer osman | 05-23-10, 08:42 AM |
Re: المــــــــــــوية ... | عبد الناصر الخطيب | 05-24-10, 01:38 PM |
|
|
|