|
|
 عشرات القتلى في معارك ضارية بين قوات أطور والجيش الشعبي لتحرير السودان في منطقة (مرينق)
|
جونقلي :وكالات
اندلعت معارك ضارية بين قوات الفريق جورج أطور والجيش الشعبي لتحرير السودان في منطقة (مرينق) جنوب مقاطعة خور فلوس بولاية جونقلي منذ السابعة من صباح اليوم واستمرت حتى الرابعة عصرا.
وقالت مصادر إن قوات الجيش الشعبي تكبّدت خسائر فادحة في الأرواح والعتاد الحربي في أشرس المعارك التي دارت بين الطرفين حتى الآن.مضيفة أن قتلى الجيش الشعبي بلغ 170 جنديا و79 جريحا. فيما بلغ قتلى قوات جورج أطور 19 قتيل و8 جرحى.
وعلق أحد أفراد استخبارات قوات الفريق أطور عقب انتهاء المعارك عصر اليوم أن قواتهم استطاعت الاستيلاء على عدد 20 مدفع هاوند و4 صواريخ م ط (مضاد طائرات) و20 جهاز هاتف (ثريا) وكميات كبيرة من الأسلحة الصغيرة والذخائر مضيفا أنهم الآن يقومون بتتبع فلول قوات الحركة الشعبية التي فرّت في الاتجاه الجنوبي نحو مقاطعة (أيوت) .
وفي ذات السياق قال أحد الكوادر الشابة أن معلوماتهم تؤكد أن الأسرى من قوات الجيش الشعبي بلغ 760 جنديا بمختلف الرتب(معهم عدد قليل من الضباط) مشيرا إلى أنهم انضموا جميعا إلى قوات الفريق جورج أطور. وأبدى ذات المصدر ملاحظة أن القوات التي هاجم بها الجيش الشعبي اليوم معظمها من أبناء بحر الغزال. معلقا على أن ذلك يقطع الطريق أمام كل من يشكك في عدم قبول حركة جورج أطور من قبل أبناء ولاية أعالي النيل الكبرى.
وأفاد مصدر مقرّب من الفريق جورج أكور في جوبا أن أطور كان قد وضع شروطا يوم أمس لمفاوضة الحركة الشعبية منها: ان يكون الوفد برئاسة سلفا كير ميارديت ومعه من اسماهم (الأربعة المزوّرين المخربين) وهم: نيال دينق نيال وزير شئون الجيش الشعبي و قير شوانق وزير الشئون الداخلية لحكومة جنوب السودان وكوال منيانق حاكم جونقلي وتعبان دينق حاكم الوحدة.
هذا و رفض أحد القيادات النافذة بالحركة الشعبية وحكومة الجنوب التعليق على هذه الأحداث من جوبا. غير انه أكد إنهاء الجيش الشعبي لأمر أطور خلال أيام قليلة.
|
|
  
|
|
|
|
|
|
|
 Re: عشرات القتلى في معارك ضارية بين قوات أطور والجيش الشعبي لتحرير السودان في منطقة (مرينق) (Re: علاء الدين يوسف علي محمد)
|
حكومة الجنوب تلجا لـ (الينيمس) للتوسط مع أطور
لجأت حكومة الجنوب إلى الأمم المتحدة للتوسط في رأب الصدع
لجأت حكومة الجنوب إلى الأمم المتحدة للتوسط في رأب الصدع الذي نشب بين الجيش الشعبي والمتمرد جورج أطور وبحث نائب رئيس حكومة الجنوب رياك مشار مع الأمم المتحدة بجوبا أمس إمكانية تسوية النزاع الدائر بولاية جونقلي بين الجيش الشعبي والقائد المنشق جورج أطور وأطلع مشار وفد الأمم المتحدة على إمكانية التوسط بين الطرفين لتهدئة الأوضاع بالولاية وفي الأثناء أكدت الأمم المتحدة استعدادها لتقديم مساعدات لوجستية وفنية لتقريب وجهات النظر وفتح آفاق للحوار بين الطرفين وفي سياق آخر قال الأمين العام للحركة الشعبية فاقان أموم خلال ورشة للتبصير بالاستفتاء إن الحركة سوف تعمل على قيادة الشعب الجنوبي واقناعه بالتصويت في الاستفتاء.
| |
|
|
|
|
|
|
|
|
|
Re: عشرات القتلى في معارك ضارية بين قوات أطور والجيش الشعبي لتحرير السودان في منطقة (مرينق) (Re: علاء الدين يوسف علي محمد)
|
قوات أطور تعلن إحباط مخطط لاختراق صفوفها وتصفيته قائدها
انضمام عناصر من الجيش الشعبي لصفوفها
أعلن الفريق جورج أطور المنشق عن الجيش الشعبي أن إلقاء القبض على مجموعة من الشعبية وجيشها حاولت اختراق قواته بغرض التجسس بعد أن كشفت تحركاته العسكرية والتخطيط لتصفيته وتمسك أطور بثلاثة شروط رئيسية قبل الجلوس لأي مفاوضات .في وقت أعلن فيه عدد كبير من ضباط وجنود الجيش الشعبي من مختلف القبائل تأييدهم لأطور بعد تعثر صرف مرتباتهم واتهامهم للقيادة بالفشل في إدارة شئونهم .
وابلغ متحدث باسم أطور (الرائد) بان العناصر المندسة اعترفت بتفاصيل المخطط الذي كانت تنوي الحركة الشعبية تنفيذه بناء على تهديدات رئيس الحركة وباقان اموم ونيال بول بالقضاء على أطور .
وهاجم أطور ياسر عرمان بشده وانتقد اتهاماته له بأنه واحدة من مليشا المؤتمر الوطني محذرا إياه برد قاسي عند مجيئه إلى الجنوب وذكر أن الحركة الشعبية زجت بالمندسين وسط جنوده في كل من ولايتي أعالي النيل جونقلي للتجسس على الإمكانيات البشرية لأطور ومحاولة اختراق حرسه الخاص بغرض تصفيته إضافة إلى تحديد إحداثيات منطقة تواجد القوات ومدى قدرتها على مواصله القتال لوقت طويل وكشف المتحدث باسم أطور عن أن العناصر اعترفت أن القيادة طلبت منها تحديد الطرق التي تتلقى بواسطتها القوات الإمدادات توطئة لضربها وان أطور اشترط للتفاوض مع الشعبية حل كافة قضايا الجنوب بمشاركة أبناء القبائل المختلفة وأن تعترف الحركة الشعبية بالتزوير الذي قامت به عند إعلان فوزه في الانتخابات وحضور قيادات الصف الأول بنفسها للتفاوض معه
| |
|
|
|
|
|
|
|
|
|
Re: عشرات القتلى في معارك ضارية بين قوات أطور والجيش الشعبي لتحرير السودان في منطقة (مرينق) (Re: Elsheikh Mohd Aboidris)
|
Quote: دا السودان الجديد بيتاع الحركة وعرمان
يقتلون في الناس ويصادرون الحريات ويقمعون الخلق ويقولوا السودان الجديد |
Why is it that you resentfully sound like an angry baby every time the issue of the South comes up? First of all, these pieces of news are load of crap and only reflect the evil will that some harbour towards Southerners. The doomsday scenario did not materialize in the South and the elections went on smoothly and, and ooooh, everybody’s shocked and now we are back again with dra drad low tunes blues singing on one hand, and the other, frantic crescendo of ‘let them go, they ‘ll finish off themselves’ and blablablablabla.
Geoge Athor is a disgruntle politician who chose to use violence because the election did not go his way. There have been some skirmishes between his soldiers, mostly from his clan, and some SPLA military police and the negotiations is underway as we speak to resolve the issue because the SPLA is not interested in fighting its own people since it became the official army of South sudan. Now what, your pray tell, has been happening in Darfur for the last five years? Who is responsible there for the killing of hundreds of thousands of people and the displacement of millions to foreign countries? You have not heard of Mwasir Market in El Fasher and the killing of defenceless civilians who were staging a peaceful demonstration? You don’t hear of what is going on in Southern Darfur these days? Your president is an indicted criminal by an international court and is only presiding over a failed state. Wake up and look at yourself before casting judgment on others.
| |
|
|
|
|
|
|
|
|
 Re: عشرات القتلى في معارك ضارية بين قوات أطور والجيش الشعبي لتحرير السودان في منطقة (مرينق) (Re: علاء الدين يوسف علي محمد)
|
Quote: زكريا
انت جنسك شنو سودانى ولا حاجة ثانية خاطبنا بالعربية ولا ما بتعرفها
الرد يجب ان يكون بالعربي حتى يتسنا للاخرين قراتة
بعدين نرد عليك لما تكتب مثل الناس |
وإنت يا أبو إدريس جنسك شنو؟
ليه يخاطبك بالعربي ... هسع علاء الدين ده رد ليهو بالسواحيلي ما ياهو رد بالعربي والكلام كان إنجليزي ... إشمعنا معترض علي الإنجليزية إنت وسيد البوست الفاتح الخيط إتعامل مع الأمر عادي؟؟!!!
بعدين ليه بتلزم محاورك يخاطبك بالعربي؟! والله أجيك راجع تاني أخاطبك باللاتوكا لمن الله يغفر ليك.
في نظرك الما بيكتب عربي ما مثل الناس ولّ الكلام البيقبل التأويل ده لزومو شنو؟
بصراحة ... بقدر أقدر إنو زول يكون مؤتمر وطنى (ده توجهه السياسي المسئول منو هو بس) وبقدر أفهم إنو زول ما جنوبي يطالب بإنفصال الجنوب (ده رأيو طبعاً) بس الما قادر أفهمو كونك تكره زول (ناس) بس عشان هو مختلف(ين) منك لا غير؟؟!!
المفروض أي زول بالله يعرف حدودو وين ويعرف يخاطب الآخر المختلف.
| |
|
|
|
|
|
|
|
|
 Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: Zakaria Joseph)
|
| Quote: اندلعت معارك ضارية بين قوات الفريق جورج أطور والجيش الشعبي لتحرير السودان في منطقة (مرينق) جنوب مقاطعة خور فلوس بولاية جونقلي منذ السابعة من صباح اليوم واستمرت حتى الرابعة عصرا. |
يا علاء الدين يوسف سلامات
الكلام ده يوم كم لانى شايف الوكالات ما حددت اليوم بالضبط أو أنا الما قدرت القي التاريخ؟
هل الكلام ده يوم 12 أمبارح؟
_____________________
ظلم الحركة الشعبية للناس يا علاء ما بتبرر للمؤتمر الوطني الحق إنه يظلم بدورو ولّ كيف؟
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: شول اشوانق دينق)
|
Quote: وإنت يا أبو إدريس جنسك شنو؟
ليه يخاطبك بالعربي ... هسع علاء الدين ده رد ليهو بالسواحيلي ما ياهو رد بالعربي والكلام كان إنجليزي ... إشمعنا معترض علي الإنجليزية إنت وسيد البوست الفاتح الخيط إتعامل مع الأمر عادي؟؟!!!
بعدين ليه بتلزم محاورك يخاطبك بالعربي؟! والله أجيك راجع تاني أخاطبك باللاتوكا لمن الله يغفر ليك.
في نظرك الما بيكتب عربي ما مثل الناس ولّ الكلام البيقبل التأويل ده لزومو شنو؟
بصراحة ... بقدر أقدر إنو زول يكون مؤتمر وطنى (ده توجهه السياسي المسئول منو هو بس) وبقدر أفهم إنو زول ما جنوبي يطالب بإنفصال الجنوب (ده رأيو طبعاً) بس الما قادر أفهمو كونك تكره زول (ناس) بس عشان هو مختلف(ين) منك لا غير؟؟!!
المفروض أي زول بالله يعرف حدودو وين ويعرف يخاطب الآخر المختلف |
اولاً يا شول انا ما خاطبتك
ثانيا دا منبر سودانى عربياً يعنى اللغة المعمول بيها هنا العربية
اذا اراد ان يكتب بالانجليزية فلة ذلك بس علية ان يفتح هو البوست وبالانجليزية
كان من الممكن جدا ان ارد علية بالانجليزية لكن نحن هنا في بوست فتح بالعربية فهمت الان ولا لسا
اما الاتوكا دي اذا خاطبتنى بها انا شخصيا ما بعرفها ولا حارد عليك واسال الله ان يغفر لى بدون حتى ما تكتب انت
انت متعقد من العربي ولا شنو , شنو الدخل العربي بالناس لكل اناس لغتهم ولسانهم ونحن كسودانيين لغتنا العربية ولا انت م سودان ثانى حتى في الجنوب يتكلمون ويكتبون عربي والدليل على ذلك ردك بالعربي ولا انت جاى من كوكب ثانى
يا عم العايز ينفصل فاليمشي لصناديق الاستفتاء ويصوت للانفصال فى حد حاشك
انا ولله الحمد ما بكرة اى شخص فى الدنيا دى اختلف ام اتفق معاى لا للكراهية ونعم للحب
| |
|
|
|
|
|
|
|
|
 Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: Elsheikh Mohd Aboidris)
|
Quote: اولاً يا شول انا ما خاطبتك
ثانيا دا منبر سودانى عربياً يعنى اللغة المعمول بيها هنا العربية
اذا اراد ان يكتب بالانجليزية فلة ذلك بس علية ان يفتح هو البوست وبالانجليزية
كان من الممكن جدا ان ارد علية بالانجليزية لكن نحن هنا في بوست فتح بالعربية فهمت الان ولا لسا
اما الاتوكا دي اذا خاطبتنى بها انا شخصيا ما بعرفها ولا حارد عليك واسال الله ان يغفر لى بدون حتى ما تكتب انت
انت متعقد من العربي ولا شنو , شنو الدخل العربي بالناس لكل اناس لغتهم ولسانهم ونحن كسودانيين لغتنا العربية ولا انت م سودان ثانى حتى في الجنوب يتكلمون ويكتبون عربي والدليل على ذلك ردك بالعربي ولا انت جاى من كوكب ثانى
يا عم العايز ينفصل فاليمشي لصناديق الاستفتاء ويصوت للانفصال فى حد حاشك
انا ولله الحمد ما بكرة اى شخص فى الدنيا دى اختلف ام اتفق معاى لا للكراهية ونعم للحب |
والله يا أبو إدريس الواحد متأسف إنو رسالتو ليك ما وصلت بالطريقة المفروض بس كويس حتة إنت ما بتكره دى بالرغم إنو كتابتك بتقول غير كده.
حكاية أنا متعقد من العربي ده ما عارف جبتو من وين؟ إحتمال تكون قريت ما بين الحروف وإفتكرت كده ... بس إطمئن يا حبيب مافي تعقد ولا حاجة... شفت كيف؟ بالعكس إنت المتعقد من الإنجليزي وأهو من ردك واضح بالرغم إنك تعرف الإنقليزي كويس وقلتو بشكل ضمني في المداخلة الأنا برد ليك فيها دي ويعد ده كلو جيت شبكت زكريا خاطب بالعربي وما عارف إنت جنسك سوداني والكلام الكتير الخلاني أرد ليك.
سالت عن شنو دخل العربي بالناس في حين إنك خاطبت زكريا وقلت ليه أكتب زي الناس (يغنى أكتب بالعربي) ... قلت ليك فوق إنو الكلام ده ممكن يتأول كان وقع ليك كلامي.
بعدين حكاية صناديق الإستفتاء ما برجاهو توريني دربو وين يا الشيخ محمد.
زول نكر غنو ناس ما بتتكلم عربي في الجنوب مافي يا الشيخ بس المفروض تعرفو إنو لا إنت ولا سيبويه ممكن يمنعوا أي زول في الجنوب يتكلم لغة تاني غير العربي ... تمام؟ وإطمئن انا من هذا الوطن ... كويس معاك؟
سؤال ليك يا محمد الشيخ:
هل من شروط المنبر إنو التخاطب يكون باللغة العربية فقط لا غير والإستثناء فقط في حالة يكون الزول فاتح بوست باللغة الإنجليزية؟
بالله لو الكلام كده أكدو لي عشان نتحسس معاييرنا نحن برضو.
هذا ما لزم توضيحه والسلام
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: Elsheikh Mohd Aboidris)
|
Quote: دا السودان الجديد بيتاع الحركة وعرمان
يقتلون في الناس ويصادرون الحريات ويقمعون الخلق ويقولوا السودان الجديد |
ياعزيزي ماتمارسه الحركة في الجنوب لايختلف عن ممارسات المؤتمر الوطني في الشمال ويمكن المؤتمر الوطني فايتهم بالزمن وزايد عنهم في التزوير ...
ياسر عرمان فعلا كان عايز زي مانحن عايزين سودان جديد تتساوى فيه المواطنة.. ولكن ياسر بيع في سوق مصالح الشريكين ..وفشل مشروعه اولاً بموت قرنق وثانياً بسحبه من الانتخابات واخيرا بانفصال السودان المرسوم ...والحركة تعمل لذلك والمؤتمر لايمانع ان يكون الانفصال ثمناً لاستمراره في السلطة ...
| |
|
|
|
|
|
|
|
|
 Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
Quote: Athor demands cancellation of election results
Athor demands cancellation of election results
Thursday, 13 May 2010 15:02 Sudan >>> .In an excusive interview with Miraya, a former senior member of the Sudan People's Liberation Army (SPLA), George Athor, demanded the cancellation of the election results, dissolving the current Government of Southern Sudan and the formation of a new transitional government to supervise holding of the Southern Sudan referendum.
Athor, who recently began rebelling against SPLA, warned against what he described as an imminent comprehensive war in Southern Sudan unless his demands are met. Athor is currently in an area between Duk Padiet and Awet.
He also claimed that he is receiving support from within the Sudan People's Liberation Army.
The SPLA spokesperson Kuol Deim Kuol threatened to eliminate Athor's forces by military means if he continues to make ‘false allegations'. However, he stressed that SPLA wants the issue to be resolved peacefully.
Speaking to Miraya, Kuol Deim Kuol denied the presence of Athor's supporters within the SPLA, adding that Athor's forces are not more than a hundred soldiers, and that they have fled to uninhabited areas.
Listen to George Athor
|
داير زيادة يا صاحب شجرة الشرّ نديك كمان!!!
بطل بذر بذور الشر يا مجاهد او نديك خيارين عندما تقع في يدي المرة الجاية!!!
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: محمد حسن العمدة)
|
بعدين العُرا دا شايل اخبار زي دي وفرحان بيها معقول الناس دي لسع فيها جهل بالشكل دا ؟؟
ياخي قلنا من زمان اي تدخل من المؤتمر اللاوطني لزعزعة الاستقرار في الجنوب سيؤدي الى المزيد من اشتعال الحروب ليس في الجنوب فقط فكما تدين تدان وستفعل الحركة الشعبية نفس الشي مع الشمال وستدعم فصائل في التماس وفي اي مكان في السودان عسكريا
اشتعال الحروب سيؤدي الى المزيد من الماساي والمحن للشعب السوداني ككل
دا ما شي مفرح ولا بشمتو بيهو يا علاء الدين يا عُرا
وزي مال الحركة الشعبية عندها حركات متمردة عليها في الجنوب هنالك حركات تحمل السلاح في الشمال وخاصة دارفور وتهزم المؤتمر اللاوطني بل وصت قواتها الى داخل العاصمة الوطنية وكانت على بعد امتار من القصر الجمهوري
لو اراد النظام ان يبدا من الان في اشاعة الفوضى في الجنوب فعليه تحمل عواقب ذلك
| |
|
|
|
|
|
|
|
|
 Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: محمد حسن العمدة)
|
أووووووووو درق سيدو
وفي مقولة أُخْرى إبريقو
درقو واحد من مخازي مجموعة أحْزاب الأُمّة (القابِضة)
تعرِف يا درقو
البوست دة أنا فتحتو للزي ناس بيونغ يانغ دة
و جورج بوك و جوزيف و من لفّ لفّهم
عايز أقول ليهم البيتو من خيوط عنكبوت ما يهابش في حيط الناس
أها إنت كُلّك مشاكِل من ساسك لي راسك
اللّغِف البلغفوهو الجماعة و ما تشوفوا منو أبو النوم كقاعدة
القرارات المُنْفردة الخاصة بحِزْب الأُسْرة الوااااااااحدة
القيادة المن سنين لأُسْرة وااااااااحدة
ال و ال و ال و ال
و آخرها طبعاً حتى عند الموت واطاتكم و قبوركم ما واحدة
ياخ إنت مفروض لمن الناس تجي تتكلّم عن المشاكِل تلبِد ليك تِحِت كُرّسي شان ما تتهزّأ
زي ما وكيلك إتهزْا في شخْصك الما بسوى قدام حِزْب الأُسْرة
يوم قلت عايز تعمل راسك بي راسُم
شان كِدة
إنزوي يا درقو
إنْزوي
فالفيك مكفيك تب
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
بل اللعنة على كُل من يتعامى عن مشاكلو و ما يقدر يقول فيها بِغِم يا بيونغ يانغ
شايف البوست دة بوّظ أعْصابك
سيبك من مشاكلنا و خليك في مشاكلك
و البوست دة شان أفتِّح ليك عيونك المغمِّدِن ديل و أقول ليك عاااااااااااااااين
عاين الجنوب فيهو شِنو
موت شديد
دمار شديد
اليوغندين ما خلو ليكم مكان حتى السوق بالدرداقات الفيهو يوغنديين و كينيين
الفنادق و كل الأنشِطة كينيين و يوغنديين و أحباش
و إنتو في بلدكم هِناك ضيوف
يجيبوا ليكم في القزاز و إنتو تكشحو و ما دارين بالحاصل
و تجي تقول لي شدرة
شدرة في راس قلبك؟
إنت ما نصيح؟
ما تمشي تشوف النجمة ولاّ الهجمة
شوف الإنتخابات كانت تحت فهوات البنادق كيف
شوف أطور تمرد ليه عليكم
قال زاكنو في الغابة قال
إنت ظاهر عليك مسكين و ما ناقش حاجة
أها دة كللللللللللللو أنساهو قول لي:
مَنْ قَتَلَ قرنق ؟ و لِماذا ؟
دة طبعاً لو بتقدر تفتح خشمك في موضوع زي دة يا مسكين
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: معاذ حسن)
|
ابدا يا شول ...
لو كيسو فاضــى يتملــئ معرفــة وعلم بالحوار ...
عشان نؤســس لمسيرة وعــئ للنخبــة السودانية ...
لم يكن السودان بحدوده السياسية الحاليــة منــذ قديم
الزمان ولم يمنع ذلك اهله من التواصــل والتعاطى مع
الاخر ( السياسي / الثقافى / الدينى /...) ..
| Quote: شول يا حبيب زولك دا كيسو فاضي سيبك منو. |
زكريــا ( مرات بتكتب مداخلات قيمة لكن لانها باللغة الانجليزية واغلب
الناس الدرسو فى السودان خلال الـ 20 م الماضية لم يدرسو بها)
بتكون درجة الوصول الى ما تهدف اليه لا ترقــى الى الكمال ..
____________________________
ادارة الحركة الشعبية للجنوب اوضحت بجلاء تام ان الانتقال من حركة الى حكومة كان
من اكبر التحديات التى فشلت فيها الحركة الشعبية ...فادارة المال العام دون تخطيط
جعل من المواطن فى الولايات الجنوبية لم يحــس الانتقال من الاقتتال والحرب الى السلام
وهو دليل على ان المؤتمر الوطنى ( كحكومة ) قد ظلم المواطن الجنوبى بتنصيب حركة مسلحة
على قيادة وادارة الولايات الجنوبيــة ...
لا حول ولا قوة الا بالله ( هولاء الجند لم يتمردو على الحركة العبية الا لانهم لم يستلمو
رواتبهم الشهريــة لاكثر من شهور ...) ..
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: بدر الدين اسحاق احمد)
|
وقعت اشتباكات أمس بين القوات المسلحة، وقوات حركة العدل والمساواة في منطقة شنقلي طوبايا بولاية شمال دارفور. وحسب مصادر بمدينة الفاشر جرت اشتباكات بين الطرفين بالمنطقة دون معرفة نتائجها لجهة انقطاع الاتصالات الهاتفية مع المنطقة. وكانت بعثة اليوناميد لحفظ السلام في دارفور حذرت في وقت مبكر من نهار أمس من تصاعد التوتر هناك. وأشارت البعثة في بيان أصدرته إلى تزايد حشد الطرفين قواتهما في منطقة شنقلي طوبايا، ودعت اليوناميد الطرفين لضبط النفس مشيرة إلى أنها تراقب الوضع عن كثب. ونقلت وكالة رويترز عن مسؤولين بقوات اليوناميد أنّ قوات من حركة العدل والمساواة اتخذت طريقها في اتجاه ولاية جنوب كردفان عبر منطقة شنقلي طوبايا مستهدفة مناطق البترول بجنوب كردفان. وكانت وحدات من العدل والمساواة قد هاجمت أمس الأول منطقة ودبندة بولاية شمال كردفان الشئ الذي اعتبره بعض المراقبين عملية تمويه وتشتيت للقوات المسلحة لتغطية الهجوم الأساسي على جنوب كردفان.
fighting every where in Sudan, so do not laugh
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
والله صحي كلامك يا بيونغ يانغ الفطقة
أسي إنتو كتلو ليكم قرنق ذاااااااااااااااتو
عملتو شِنو؟
مَنْ قَتَلَ قرنق ؟ و لِماذا ؟
و أهو الجنوب مُحْتل تماماً من الأحباش و الكينيين و اليوغنديين
و إنتو تكسِّروا في القزاز البجيبوهو ليكم في روسين بعضكم بعد ما يطلع في راسكم
مواسير شِنو يا زهم و إنتو قروش البترول البتمشي من هِنا بتتشال في توابيت عينك يا تاجر و نُرحّل بآلاف الدولارات لدول جواركم
في ماسورة راكبة أكبر من دي؟
رئيسي الراقِص وسط أهلو و ناسو خليهو
رقيصو دة عاجبنا بالحيل و أنا ذاتي راقص معاهو
إنت قرنق وينو؟
الكتلو منو؟
ولاّ ما كان رئيسك
بالله مُجرّد سؤال ما قادر تسْأل؟
ما حرام عليكم الراجل الناضل لأجلكم يموت و يضيع دمو هدر
و إنتم مقعيين تحت أرجُل من قتله
ما فضل ليكم إلا تعبدوهم؟
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
Quote: اسواق الخرطوم تسيطر عليها لاجئيين فلسطينين وسوريين هم في مرتب الاولي وياتي بعدهم
تجار كيزان..
|
بيونغ يانغ يا بليد
في دي كضّاب
لو تقصد ناس أمواج و مؤمن البتجوا تعضّوا فيها و ترجعوا محل جيتو بدون تشوفوا الجنوب
دي ما الإسْتِثمارات
الإسْتثمارات شركات و بنوك و مؤسسات
أنا ما بتكلّم عن المطاعم
جاري للعضّة بس
أنا بتكلّم عن الإقْتصاد ككُل
في جنوبك يسيطر عليه غيرك
لو قُلت كلامك دة تاني الجلابة حيضحكوا عليك
بعدين يا فقطقة رئيسي الراقص دة مشى أي حِتّة في السودان لحدي الجنوب و رقص و نحن رقصنا معاهو
و سلفا كير كورك بي طوووووول حِسُّو
مؤتمر وطني وي يييييييييييييه
لو داير الفيديو بجيبو ليك هسي
قول لي سلفا حصل ليهو شِنو لمن مشى بانتيو في ولاية الوحدة؟
وليه ما قدر ألقى خطاب أو واجه جمهور؟
وليه رجع طوّالي
يا فطقة؟
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: علاء الدين يوسف علي محمد)
|
Quote: يا جو
الخبر دة جابو بيونغ يانغ بالنّص
كاااااامِل
شايفكم عايزين تصرفوا النّظر عمّا يقوم به أطور في الجنوب
و الجهْجهة الجهْجهْكم ليها |
MR. Joseph (Yousif),
You will do well if you follow some kind of objectivity when arguing about important political issues instead of engaging in all kinds of verbal vilification and condescension. It could very well be that is all you are capable of. As regard to the recent events in the South and specifically the mutiny of the former general turned politician Mr. George Athor, the truth is that this is a set back in the South because of the lives lost and potential security unrest as the referenda approaches but we shall overcome it one way or the other. The investments stakes of East Africans in the economy of the South Sudan are of strategic vitality for the long term security of the South. These investments are diverse and it includes banking, agriculture, education, construction and in micro projects. The Ethiopians, Kenyans, Ugandans and Congolese are in fact investing in the independence of South Sudan and its future- in other words- these countries are doing what the North should be doing to make the unity attractive. You opened this link and filled it up with all kinds of fabricated stories about alleged killings and devastation in the South as if everything is just cool in Western Northern Sudan. NO. It is not and you should not be gloating and vindictive while the fire is spreading wild on your own back yard.
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
Quote:
حديث السمح.. والكعب
09 / 05 / 2010 10:36:00
اسحق احمد فضل الله
*.. (شرودر) مستشار ألمانيا الغربية (يومئذ) سألوه..
: ما الذي فعلته بأول مبلغ قبضته بعد الحرب يا جورج؟..
* قال: طعاماً.. اشتريت طعاماً كثيراً.. وجلست آكل وآكل..
* ودارت حماليق عينيه من لذة التذكر..
* بعد عشر سنوات كانت ألمانيا تطعم العالم..
(2)
*.. وفي اليابان وفي أحد أشهر طرقات طوكيو كان المارة يسجدون والأمبراطور يعبر الطريق.. يقصد بيت مواطن هناك.. عام (1950).. لأول مرة في تاريخ اليابان.
* والسبب هو أن المواطن هذا –المهندس- حين يسأل نفسه عن تقدم الغرب وهزيمة اليابان يجد الإجابة
: السر هو العربة..!
* والمهندس يقرر أن (تقوم اليابان بصناعة العربة وبصورة أكثر دقة..)
* بعد سنوات قليلة كان العالم كله يستورد العربات من اليابان..
* والياباني الذي ينتحر حين تنخفض عملة بلاده.. يجد أسلوباً جديداً للعمل عند الأزمات.. وكوريا مثلها وماليزيا تقود نمور آسيا في السبعينات..
*.. ما الذي –ترى- سوف يفعله السودان بعد سبعة أشهر؟..
(3)
* وحديث مجموعة المثقفين الممارسين كان يحرث الأوراق والأفكار ليجد إجابة..
* والمجموعة لم تكن هي ما يصنع الإجابات والحلول بل المجموعة كانت تستكشف أسرار صناعة الحكومة التي تجري بالفعل الآن بعيداً عن كل عين.. في سراديب خبراء الدولة..
* البحث كان يجري عن ما بعد الانفصال وما بعد الوحدة.. ماذا؟..
* وهرج البحث عما صنع الأزمة وعما يصنع الحلول كان يرسم نيفاشا.. وما جعلها (عرقي) بعد أن كانت (شربوت) وعما يجعل الجنوب أزمة بعد أن كان جزءاً من الوطن.
* والبحث يجد أن
: نيفاشا كانت تمشي على أغرب ساقين.. ساق تمشي يميناً.. والأخرى تمشي يساراً.
*.. يميناً كانت نيفاشا (السياسة والقانون) تكمل تنفيذاً دقيقاً لكل البنود وتبني.. وتبني..
* ويساراً كانت نيفاشا –بمساهمة كاملة من الحركة- تقيم مذبحة لكل المشاعر الإنسانية التي يمكن أن تربط بين الناس.. وتهدم وتهدم..
* والشمال يبلغ به السخط درجة تجعله يحول صحيفة الانتباهة إلى أكثر الصحف رواجاً لأنها لسان المواجع التي تسمي كل شيء باسمه..
* ويقول للجنوبيين أصحاب المذبحة
: اذهبوا لجهنم..
* مثل ذلك كان اكتساح الوطني للانتخابات سببه هو أن الوطني يشمر للقتال.. بينما أحزاب جوبا تجلس في حجر الحركة والناس يلطمون الأحزاب هذه في إشارة تجعل أصبع الناس في عيون الحركة وبظفر طويل..
(4)
* لكن الحسابات أيضاً كانت هناك.. ومنها
الثروة.. كيف.. الحدود كيف.. واحتمال الحرب في ابيي وجنوب النيل كيف..و..و..؟
* والمجموعة التي تبحث عن الأجوبة تحت الأرض تفاجأ بأن كل هذا قد اكتملت الترتيبات له ومنذ عامين اثنين..
* وان الثورة الزراعية وسد مروي وثورة الطاقة كانت بعض الإجابة وكذلك.. الحيوانية..
* والثروة البشرية كذلك.. والأخيرة هذه والتي كانت هي من صنع اليابان وكوريا وماليزيا وغيرها تحتاج حديثاً خاصاً
*.و..و...
* والحركة كانت تحسب كذلك.
* والحركة الشعبية حين تجد أن المواطن الجنوبي لا يريدها وتفشل في منع الانتخابات تلجأ إلى انتخابات البندقية.. وما حدث معروف..
* لكن الحركة تفاجأ بأن الآخرين أيضاً لهم بندقية..
* وجورج أطور الآن يحتل نصف الجنوب وأغرب شيء يقع..
* وسلفا كير يرسل القائد العام لجيش الحركة للمعركة لكن الرجل (كونق) يذهب إلى كمبالا مريضاً..
* وسلفا يرسل قاديت.. لكن قاديت يقول: أنا قائد مدفعية فقط.. ولا يذهب..
* وسلفا يرسل فاولينو.. وفاولينو يقول: إن أنا ذهبت قالوا مليشيات فقط.. أرسلوا الجيش..
* وماتيب لا يذهب..
* وسلفا يرسل مشار ومشار يقول: أنا سياسي فقط ولست عسكرياً.
* وأطور مهندس الألغام تنضم إليه حتى الآن كتيبتان ودبابتان وثمانية (عربة تاتشر) وقبائل.. وكل من يرسلونه لقتاله..
* وحسابات سلفا تجد أن جورج أطور هو واحد فقط من بين ثلاثمائة (مستقل) في الانتخابات الأخيرة كلهم الآن يستعد لمثلها..
* الحركة الآن هي آخر من يقود الأحداث..
(5)
* ومجموعة الأزمة تجد أن الدولة التي تجعل ملف الحرب بعيداً.. تفاجأ بأن (بعيداً) هذه ليست وراء الأصابع.
* وأن حسابات الحرب في أماكن عديدة من الجنوب واردة.. ومنها أبيي وجنوب النيل و...
* والمجموعة تجد أن الملفات تحسبت –بالفعل- لكل احتمال..
* العوامل الخارجية والداخلية والثروة والنفط ودول الجوار والجنوبيون في الشمال والشماليون في الجنوب.. والسلم والحرب..
* وإن درت السمح تعال آزول..
* وأكان درت الكعب.. أرح آزول..
* ونحكي ما وجدته المجموعة..
* والمجموعة تبحث (كيفية حماية الحدود من النازحين بعد أن تنفجر المذابح في الجنوب بعد الانفصال..)
|
أقروا الكلام دة كويِّس
| |
|
|
|
|
|
|
|
|
|
Re: عشرات القتل في معارك ضارية بين قوات أطور والجيش الشعبي لتحرير السودان في منطقة (مرينق) (Re: JOK BIONG)
|
يا مسكين دة الكلام الغشّوكم بيهو الجماعة لمّن تحقق حلم السد
إنو دي ما إرادتنا
دي إرادة مصر
لكن يا بليد إعلم إنو مصر استماتت حتى تمنع عننا القروض من الدول العربية
مصر يا بليد تريد الطمي لاستصلاح الصحراء و لن ترفضه أبداً
و مصر تريد الماء كُلّه لها
فكيف ترضى بالسد
كدي أمشي شوف الجنوب اللي لا تستطيع فيه شُرب (جُغْمة) من النيل
موية صحّة بس
خليها السدود و الكلام الكُبار دة
خلينا في المواسير الجدجد
مواسير الموية
بعدين يعد ننتهي منها بالتدريج نمشي نشوف الأنابيب
بعدها نشوف الجداول و التُرع
بعدها نشوف السدود
| |
|
|
|
|
|
|
| |
علاء الدين يوسف علي محمد
omer osman
Zakaria Joseph
شول اشوانق دينق
naeem ali
فايزودالقاضي
معاذ حسن
JOK BIONG
علاء الدين صلاح محمد
بدر الدين اسحاق احمد
Faisal Habiballa
فيس بوك
تويتر
انستقرام
يوتيوب
بنتيريست